Fréttablaðið - 16.06.2022, Blaðsíða 40

Skartgripir eftir Dieter Roth
eru á sýningu í Listasafni
Íslands, en hann fór að fást
við nýstárlega skartgripa-
smíði seint á sjötta áratug
síðustu aldar.
„Á sýningunni eru lánsgripir frá
Hamborg, sem Dieter vann að
mestu hér á Íslandi en komust síðar
í eigu Dieter Roth Foundation í
Hamborg. Einnig gripir sem eru í
eigu Galleria Edizioni Periferia í
Luzern í Sviss, en þá vann Dieter í
samstarfi við svissneska gullsmið-
inn Hans Langenbacher á árunum
1960-1975. Á sýningunni eru einnig
skartgripir sem eru í eigu Sigríðar
Björnsdóttur, fyrrverandi eigin-
konu Dieters og afkomenda þeirra
Dieters,“ segir Vigdís Rún Jónsdóttir,
verkefnastjóri sýninga.
Hugmyndaríkur og flinkur
Fyrstu skartgripirnir sem Dieter
hannaði voru unnir í samstarfi við
Sigríði, heima á eldhúsborðinu.
„Ég var í Kaupmannahöfn sumarið
1956 og kynntist Dieter. Nokkrum
dögum áður en ég fór heim til
Íslands sá ég í búðarglugga alls
konar efni til að nota í skartgripa-
gerð. Ég keypti slatta til að búa til
skartgripi til að afla mér fjár,“ segir
Sigríður. „Þegar ég kom heim setti
ég upp verkstæði í íbúðinni sem ég
leigði og byrjaði að vinna að skart-
gripagerð. Dieter kom nokkrum
mánuðum seinna og varð strax
mjög heillaður af þessu tiltæki mínu
og fór að gera skartgripi.
Það var mjög gaman að vinna
með Dieter því hann var svo hug-
myndaríkur og flinkur og allt lék í
höndunum á honum. Ég hafði sam-
band við fjölskylduvin okkar, Hall-
dór Sigurðsson gullsmið, sem var
með verslun og verkstæði á Skóla-
vörðustíg 2 og hann bauð okkur
að f lytja verkstæðið okkar til sín,
vinna þar og selja gripi okkar í
versluninni. Við gerðum þetta en
ég missti f ljótlega áhugann en Die-
ter hélt áfram. Síðan fluttum við á
Ljósvallagötu þar sem ég setti upp
verkstæði í kjallaranum þar sem við
unnum bæði og síðan vann Dieter
hjá Gunnari Malmberg gullsmið.“
Taskan sem hvarf
Sigríður segir að Dieter hafi verið
iðinn við að gefa henni skartgripi.
„Hann gaf mér silfurhring í morgun-
gjöf, ég vaknaði við að hann var að
reyna að troða honum á fingur-
inn á mér. Hann gaf mér marga
gripi sem ég notaði um tíma mjög
Frumleg
skartgripagerð
Vigdís og Sig-
ríður skoða
skartgripi eftir
Dieter.
FRÉTTABLAÐIÐ/
SIGTRYGGUR ARI
Dieter notaði alls kyns efni við skartgripagerð sína.
Mjög svo frumlegur hringur eftir Dieter Roth.
Kolbrún
Bergþórsdóttir
kolbrunb
@frettabladid.is
mikið,“ segir Sigríður. Hún á marga
skemmtilega og frumlega skart-
gripi sem hann gerði, en nokkrir
eru glataðir. „Eftir að við skildum
var ég mikið á fyrirlestraflakki og
fór eitt sinn til Stokkhólms til að
halda fyrirlestur hjá sænska kenn-
arasambandinu. Ég var með fimm
silfurhringi eftir Dieter í ferðatösk-
unni. Á járnbrautarstöðinni skildi
ég töskuna eftir og fór að hringja
á leigubíl. Þegar ég ætlaði síðan að
sækja töskuna var hún horfin. Hún
fannst seinna tóm, ekki langt frá
járnbrautarstöðinni.“
Dieter og Sigríður sýndu saman
skartgripi í sýningarsal í Banka-
stræti árið 1960, en sýningin í
Listasafni Íslands er fyrsta heildar-
sýningin hér á landi á skarpgripum
eftir Dieter Roth. Heildarsýning á
skartgripum hans var í Luzern árið
2008 og samhliða sýningunni var
gefin út mappa sem inniheldur bréf
og skissur til Hans Langenbacher
frá Dieter Roth sem er nú til sölu hjá
Listasafni Íslands.
Spurð hvað einkenni skartgripi
Dieters Roth segir Vigdís: „Það er
endurnýting á fundnum hlutum.
Hann notaði alls kyns efni, til
dæmis við og silfur en líka skrúfur
og bolta sem hann setti saman og
breytti af mikilli hugkvæmni.“ n
Hann gaf mér silfur-
hring í morgungjöf, ég
vaknaði við að hann
var að reyna að troða
honum á fingurinn á
mér.
Sigríður Björnsdóttir
kolbrunb@frettabladid.is
Myndlistarsýningin Jarðtenging/
Grounded Currents verður opnuð
í Verksmiðjunni á Hjalteyri laugar-
daginn 18. júní  klukkan 14  með
verkum listamannanna Maryse
Goudreau, Hugo Llanes, Zinnia
Naqvi, Sigrúnar Gyðu Sveinsdóttur,
Marzieh Emadi og Sina Saadat.
Sýningin er alþjóðleg samsýn-
ing yngri kynslóðar  listamanna,
sem  vinna sjálfstætt á staðnum
og/eða fyrir fram að nýjum verk-
um. Allir vinna þeir með videómið-
ilinn og þá líka teiknimyndir eða
animation ásamt ýmsum öðrum
aðferðum samtímalistar. n
Jarðtenging á Hjalteyri
Verk eftir Sig-
rúnu Gyðu.
MYND/AÐSEND
kolbrunb@frettabladid.is
Sýning á ljósmyndum og kjólum
verður í gamla Iðnskólanum á Akra-
nesi dagana 17. og 18. júní. Kjólarnir
eru með myndum sem flestar eru
teknar á Vesturlandi og þeir eru
framleiddir undir heitinu LAUFEY.
Efnið í kjólunum er unnið úr endur-
nýttum plastflöskum.
Áskell Þórisson ljósmyndari tók
myndirnar sem eru á kjólunum og
sömuleiðis myndirnar sem munu
hanga á veggjum gamla Iðnskólans.
Það eru þau feðgin Laufey Dóra og
Áskell sem ýttu kjólaframleiðslunni
úr vör en Sjöfn Magnúsdóttir, klæð-
skeri á Akranesi, sér um saumaskap-
inn og kemur að hönnuninni með
Laufeyju. Hver kjóll er sérsaumaður
eftir málum kaupanda.
Sýningin í gamla Iðnskólanum,
Skólabraut 9, verður opin frá kl. 11
til 17.30 báða dagana. Áhugasamir
um kjóla geta hitt þær Laufeyju og
Sjöfn á staðnum þann 17. júní frá
kl. 14 til 16 en Áskell verður þarna
báða dagana. Myndirnar eru til sölu
en kjólana þarf að sérpanta. n
Kjólar og ljósmyndir
Sýning á ljósmyndum og kjólum verður á Akranesi. MYND/AÐSEND
24 Menning 16. júní 2022 FIMMTUDAGURFRÉTTABLAÐIÐMENNING FRÉTTABLAÐIÐ 16. júní 2022 FIMMTUDAGUR