Bændablaðið - 28.04.2022, Side 8

Bændablaðið | Fimmtudagur 28. apríl 20228
FRÉTTIR
Mikil ásókn er í verslunar- og þjónustulóðir, hesthúsalóðir og íbúðalóðir
á Hellu. Nánari upplýsingar um lausar lóðir má nálgast á heimasíðu
sveitarfélagsins, www.ry.is. Mynd / Guðmundur Árnason
Mikill áhugi á iðnaðar- og
hesthúsalóðum á Hellu
Mikill áhugi er á lausum lóðum
á Hellu sem hafa verið auglýstar
til umsóknar. Um er að ræða
verslunar- og þjónustulóðir við
Faxaflatir ásamt athafna- og
iðnaðarlóðum við Sleipnisflatir.
Einnig hefur verið opnað
fyrir umsóknir um lóðir í öðrum
áfanga nýs hesthúsahverfis á
Rangárbökkum.
Á síðasta ári var öllum lóðum í
fyrri áfanga hverfisins úthlutað og
styttist í að framkvæmdir hefjist þar.
„Það hefur líka verið mikill
uppgangur í byggingu íbúðar­
húsnæðis og eru sem stendur aðeins
fjórar einbýlishúsalóðir og þrjár
raðhúsalóðir lausar til úthlutunar á
Hellu, en unnið er að undirbúningi
fyrir næstu íbúðagötur í Ölduhverfi,
auk þess sem deiliskipulag fyrir
hið nýja Bjargshverfi vestan Ytri­
Rangár er í vinnslu,“ segir Eiríkur
Vilhelm Sigurðarson, markaðs­ og
kynningarfulltrúi Rangárþings ytra.
/MHH
Vel heppnuð uppskeruhátíð Matsjárinnar
Uppskeruhátíð og matar-
mark aður Matsjárinnar var
haldin á Hótel Laugarbakka
á Norðurlandi vestra fyrir
skömmu.
Um var að ræða lokaviðburð 14
vikna „masterclass“ námskeiði sem
fór af stað í byrjun janúar 2022. Á
þessu 14 vikna tímabili voru haldnir
sjö fræðslufundir og sjö svokallaðir
heimafundir sem fram fóru á netinu.
Lagt var upp með að veita
fræðslu til smáframleiðenda
matvæla til að styðja þá í að auka
verðmæta­ sköpun, styrkja stöðu
sína, efla framleiðslu og auka
sölutekjur og sjálfbærni í rekstri.
Markmið Matsjárinnar var að
auka innsýn þátttakenda í rekstur
og innviði fyrirtækisins með það
fyrir augum að finna leiðir til að
auka hagkvæmni, bæta rekstur,
auka fagmennsku og innleiða
samfélagsábyrgð, að því er
fram kemur á vefsíðu Samtaka
sveitarfélaga á Norðurlandi vestra.
Á síðasta heimafundinum var
svo uppskeruhátíð verkefnisins
og matarmarkaður þar sem
þátttakendur, sem allir eru félags­
menn í Samtökum smá fram­
leiðenda matvæla, gátu loksins
hist í raunheimum og gestum
gafst tækifæri til að kynna sér og
kaupa vörur þeirra.
Daginn eftir heimsóttu
þátttakendur smáframleiðendur á
svæðinu, þar með talið Vörusmiðju
BioPol á Skagaströnd. /MÞÞ
Loksins hægt að hittast í raunheimum. Þátttakendur verkefnisins Matsjáin á uppskeruhátíð sem haldin var á Hótel
Laugarbakka. Mynd / SSNV
Landsvirkjun og PCC á Bakka við Húsavík:
Kanna framleiðslu á grænu metanóli
Landsvirkjun og þýska fjár-
festingafélagið PCC SE hafa
ákveðið að rannsaka möguleika
þess að fanga og nýta útblástur
frá kísilmálmsverksmiðju PCC á
Bakka við Húsavík til framleiðslu
á grænu metanóli.
Grænt metanól og annað
rafeldsneyti mun koma í stað
jarðefnaeldsneytis í skipum.
Fjöldi fjárfesta og fyrirtækja
veðjar nú á að grænt metanól geti
spilað lykilhlutverk í orkuskiptum
skipaflotans. Framleiðsla á grænu
metanóli krefst endurnýjanlegra
kolefnagjafa frá kísilverksmiðju
PCC á Íslandi og endurnýjanlegrar
orku frá aflstöðvum Landsvirkjunar.
Ferlið við myndun metanóls
kallar á inntak hreins koltvísýrings
og vetnis frá rafgreiningu vatns, þar
sem eina aukaafurðin er súrefni og
vatn. „Að umbreyta koltvísýringi úr
úrgangi í verðmæta auðlind með því
að nýta og framleiða eldsneyti fyrir
iðnað mun hjálpa til við að draga
úr loftslagsbreytingum og hraða
umskiptum í hringrásarhagkerfi,“
segir í tilkynningu frá Landsvirkjun.
/MHH
Kísilmálmsverksmiðja PCC á Bakka við Húsavík. Mynd / HKr.
Hestamannafélagið Fákur 100 ára:
Reiðtúr um miðborg
Reykjavíkur
Veðrið lék við miðborgina og vakti hópreiðin verðskuldaða athygli.
Myndir / Gígja Einarsdóttir
Hestamannafélagið Fákur fagnaði
aldarlangri starfsemi sinni þann
24. apríl síðastliðinn.
Í tilefni dagsins lögðu um hundrað
knapar og fákar þeirra upp í reiðtúr
um miðborg Reykjavíkur. Fyrir
reiðinni fór Dagur B. Eggertsson
borgarstjóri sem sat stóðhestinn Eld
frá Torfunesi. Honum til stuðnings
voru Sigurbjörn Bárðarson,
hestaíþróttamaður og heiðursfélagi
í Fáki, Guðni Halldórsson, formaður
Landssambands hestamanna og
Hjörtur Bergstað, formaður Fáks.
Veðrið lék við hópinn og
vakti mikla athygli vegfarenda
miðbæjarins, að sögn Hjartar.
„Ég held að svona sýnileiki
sé mjög vanmetinn hjá okkur
hestamönnum. Við þurfum að vera
duglegri að fara með hestinn til
fólksins og kynna hann. Ég sá það
á samfélagsmiðlum eftir reiðina,
fékk skjáskot héðan og þaðan úr
heiminum þar sem verið var að birta
myndirnar. Þetta var augljóslega
verðmæt auglýsing bæði fyrir
borgina og hestinn okkar.“
Fákur í fararbroddi
Fákur er fyrsta hestamannafélag
landsins, en það var stofnað árið
1922. „Bændasamfélagið var að
flytja í bæinn og menn stunduðu
hestamennsku í Reykjavík. Fákur
var stofnaður sem íþróttafélag en
meginmarkmið þess var hagabeit,
að hýsa hestinn og kappreiðar,“ segir
Hjörtur en félagsmenn Fáks í dag eru
um 1.600 talsins.
Auk þess segir Hjörtur að
félagið sé brautryðjandi
á mörgum sviðum.
„Það var til að mynda
fyrir tilstuðlan Fáks
sem Landssamband
hestamannafélaga var
stofnað. Fákur hýsti
sambandið fyrstu árin og
gaf þá m.a. út tímaritið
Hestinn okkar. Einnig
var félagið brautryðjandi
a lþjóðasamtakanna
FEIF,“ segir Hjörtur.
/ghp Um 100 þátttakendur fylktu liði á aldarafmæli elsta hestamannafélags landsins.
Matvælastefna fyrir Ísland
verður kynnt á Matvælaþingi
sem matvælaráðherra mun boða
til í haust.
Í framhaldi verður stefnan lögð
fram sem þingsályktunartillaga á
vorþingi 2023 og mun henni fylgja
ítarlega tímasett aðgerðaráætlun
ásamt tillögum að fjármögnun og
útfærslu einstakra aðgerða.
Innan matvælaráðuneytisins er nú
unnið að útfærslu matvælastefnunnar
sem byggð er á tillögu að
landbúnaðarstefnu (Ræktum Ísland!)
frá árinu 2021 og Matarauðlindinni
Ísland, matvælastefnu sem varpaði
fram framtíðarsýn matvælalandsins
Íslands til næstu 10 ára og gefin var út
í árslok 2020. Auk þess verður byggt
á annarri fyrirliggjandi stefnumótun
sem snertir verkefnið eins og fram
kom í greinargerðinni „Áherslur
og verklag við stefnumótun á sviði
matvæla“ sem ráðherra gaf út í lok
febrúar síðastliðinn.
Gert er ráð fyrir að stefnan
verði leiðarstef þegar kemur að
matvælaframleiðslu á Íslandi, hvort
heldur sem er á sviði landbúnaðar,
sjávarútvegs eða fiskeldis.
Þetta er meðal þess sem kom
fram í erindi Sigurðar Eyþórssonar,
sérfræðings hjá matvælaráðuneytinu
á ráðstefnunni Maturinn, jörðin og
við, sem haldin var á Hótel Selfossi
dagana 7. og 8. apríl síðastliðinn.
Markmið ráðstefnunnar var að
hvetja til upplýstrar umræðu um
áskoranir í matvælaframleiðslu
með hliðsjón af loftslagsmálum,
heilsusjónarmiðum og fleiri
áhrifaþáttum á neyslu og lífsstíl
fólks en hún var haldin af félaginu
Auður norðursins í samstarfi
við Byggðastofnun og Samtök
sunnlenskra sveitarfélaga. Um
tuttugu erindi voru á dagskrá
ráðstefnunnar sem beindi sjónum
að áhrifum á samfélög, byggð og
atvinnulífi í landinu. /ghp
Matvælaþing og þingsályktunartillaga:
Aðgerðaráætlun matvæla-
stefnu í mótun