Skessuhorn - 08.09.2021, Blaðsíða 14

MIðVIkudAGuR 8. SEptEMbER 202114
Leikskólinn Garðasel á Akranesi
hélt upp á þrjátíu ára afmæli sitt
síðastliðinn miðvikudag. blaða-
maður Skessuhorns kíkti í heim-
sókn í leikskólann og settist niður
með Ingunni Ríkharðsdóttur, leik-
skólastjóra, og spjallaði við hana
um þær breytingar sem átt hafa sér
stað í sögu skólans. Ingunn er fjórði
leikskólastjóri Garðasels. Fyrsti
leikskólastjórinn var brynja Helga-
dóttir. Guðbjörg Gunnarsdóttir tók
við af henni og Anney Ágústsdóttir
tók við af Guðbjörgu. Ingunn hefur
gegnt stöðunni frá 1999.
Garðasel er þriggja deilda leik-
skóli. Í upphafi voru nemendur skól-
ans 54 en í dag eru nemendurnir 18
fleiri, eða 72; 15 á yngstu deildinni,
22 á miðdeild og 35 á elstu deild-
inni. Ingunn bendir á að þessi fjölg-
un nemenda hafi átt sér stað á sama
tíma, starfsmönnum hafi fjölgað en
rýmið í skólanum hafi að sjálfsögðu
haldist óbreytt. Mötuneyti, sem í
byrjun sá um mat fyrir 40 manns,
er í dag að elda fyrir 100 manns
í sama rými en með uppfærðum
tækjum. Þrátt fyrir deildaskiptingu
skólans segir Ingunn að samgang-
ur nemenda sé óvenju mikill sam-
anborið við marga aðra leikskóla.
Hver deild hefur sitt lokaða svæði
ásamt leikherbergi á 2. hæð. Sam-
eiginlegt rými sé hins vegar opið á
milli deilda.
Ingunn segir að stytting vinnu-
vikunnar hafi verið og sé talsverð
áskorun fyrir starfsfólk leikskóla
um leið og hún sé kærkomin við-
bót. Þrátt fyrir styttinguna er ekki
gert ráð fyrir því að fjölga þurfi
starfsfólki. Hún segir að að til þess
að leikskólinn geti haldið uppi sama
þjónustustigi og mönnun þurfi að
fjölga stöðugildum skólans um 1,8
en í dag er ekki gert ráð fyrir aukn-
um stöðugildum til að mæta þess-
ari viðbót en við endurskoðun á
fyrirkomulagi styttingar gæti það
breyst.
Ekki sitja allir við
sama borð
Þá bendir Ingunn á að það sitji ekki
allir við sama borð þegar kemur að
styttingu vinnuvikunnar. „Stytt-
ing vinnuvikunnar nær yfir stærsta
hluta vinnumarkaðarins en börnin
eiga ekki rétt á styttingu vinnuvik-
unnar eins og er. Hver á að sjá um
að börnin fái styttri vinnuviku? Sum
þeirra eru með 45 stunda vinnuviku
og dæmi eru um 50 stunda viku
sem eru auðvitað langir vinnudag-
ar en með breytingum almennt á
vinnutíma foreldra ættum við að sjá
breytingar til hagsbóta fyrir börn-
in,“ segir hún.
Næsta sumar er fyrirhugað að
leikskólinn flytji í nýtt húsnæði
sem er í byggingu við Asparskóga.
Að sögn Ingunnar verður um al-
gera byltingu að ræða en hið nýja
húsnæði er um þúsund fermetrum
stærra en núverandi húsnæði. Nú-
verandi húsnæði er 535 fermetrar
en hið nýja verður 1.556. Rými fyr-
ir starfsmenn breytist mikið. Í upp-
hafi voru leikskólakennarar skólans
fjórir auk leikskólastjóra. Í dag deila
starfsmennirnir, sem eru um tutt-
ugu og fimm talsins, einu salerni,
sem er birtingarmynd þrengsla og
að aðbúnaður hefur ekki haldist í
hendur við breytingar í starfsemi
skólans.
Ingunn segir að mestur munurinn
fyrir starfsfólkið verði bætt aðstaða
til undirbúningsvinnu. Í dag þurfa
starfsmenn að sætta sig við talsverð-
an eril við þá vinnu en í nýjum skóla
verður öll aðstaða fyrir starfsmenn
til fyrirmyndar og algerlega aðskilið
annarri vinnuaðstöðu.
Starfsfólkið með í
ráðum við hönnun
Þá segir Ingunn að starfsfólk
Garðasels hafi verið haft með í ráð-
um við hönnun nýja leikskólans
frá upphafi. „Ég er mjög glöð með
þennan metnað sem bærinn hefur
sýnt með því að hafa okkur með í
þessari vegferð. Við höfum stað-
ið vörð um hagsmuni barnanna og
starfsmanna sem skiptir miklu máli
í svona hönnun.“ Og Ingunn held-
ur áfram: „Það sem mér finnst vera
styrkleiki þessa nýja leikskóla er að
það var ekki einhver verkfræðistofa
fengin til verksins og henni sagt
að hanna eitt stykki leikskóla fyr-
ir okkur. Þá hannar einhver leik-
skólann án þess að vera með það á
hreinu hvað þarf að vera til staðar
til þess að búa til góðan leikskóla.
Það er ekkert verra en að vera bú-
inn að eyða hundruðum milljóna
og standa svo uppi með leikskóla
sem þarf endalaust að vera að laga
og endurbæta.
Mér finnst frábært að hafa fengið
tækifæri til þess að taka þátt í þess-
ari vinnu við að búa til leikskóla
sem ég veit að verður horft til, bæði
með hönnun og búnað. Þessi nýi
leikskóli mun vekja mikla athygli
vegna þess að þetta er algert upp-
brot í hönnun á slíkum skóla,“ segir
Ingunn að lokum.
frg / Ljósm. frg og aðsendar.
Nú má nálgast yfirlit yfir öll menn-
ingarhús, sýningar, söfn og set-
ur sem miðla list og menningu til
barna og ungmenna á einum stað á
vefnum. Á vef verkefnisins List fyr-
ir alla er að finna ítarlegar upplýs-
ingar um barnamenningu og list-
viðburði fyrir ungt fólk sem gagnast
bæði skólum og fjölskyldum.
List fyrir alla er verkefni á veg-
um mennta- og menningarmála-
ráðuneytisins sem hefur verið starf-
rækt síðastliðin fimm ár. Markmið
þess er að miðla listviðburðum til
barna og ungmenna um land allt
og jafnar þannig aðgengi þeirra að
fjölbreyttum og vönduðum list-
viðburðum óháð búsetu og efna-
hag. Höfuðáhersla er lögð á list
fyrir börn og list með börnum og
leitast við sinna öllum listgreinum
jafnt svo nemendur eigi þess kost
að kynnast fjölbreytni listanna, ís-
lenskum menningararfi og list frá
ólíkum menningarheimum.
Vefurinn Listfyriralla.is hef-
ur vaxið og dafnað með árunum
en þar nú einnig að finna vinsæla
list- og menningarfræðslu í formi
150 myndbanda og listkennsluefnis
svo og upplýsingar um listviðburði
sem bjóðast grunnskólum landsins
hverju sinni. Hér á Vesturlandi eru
nokkur verkefni kynnt á vefnum og
ástæða til að hvetja fólk til að kíkja
þar við.
um tíu þúsund nemendur á
grunnskólaaldri hafa að meðaltali
sótt viðburði á vegum Listar fyrir
alla á hverju skólaári, en rúmlega
90% grunnskóla landsins hafa tek-
ið þátt í verkefninu. Meðal þeirra
27 listviðburða sem í boði verða í
vetur eru Ein stór fjölskylda með
Gunna og Felix, grímuverðlauna-
sýningin Allra veðra von, Goð-
sagnakenndar forynjur og furðu-
verur kristínar Rögnu, og verk-
efnið Stafrænar styttur í samstarfi
við Listasafn Einars Jónssonar.
Sjá nánar: https://listfyriralla.
is/menning-fyrir-alla/
mm
Vefurinn List fyrir alla hefur verið opnaður
Sameiginlegt rými leikskólans
Garðasels.
Leikskólinn Garðasel á Akranesi hélt upp
á þrjátíu ára afmæli
Ingunn Ríkharðsdóttir leikskólastjóri og Sonja Sveinsdóttir leikskólakennari. Sonja hefur verið starfsmaður Garðasels frá
upphafi og átti því einmitt þrjátíu ára starfsafmæli á miðvikudaginn.
Ingunn með nokkrum nemendum sínum.
Elstu börnin gera sig klár í útiveru.
Börn að leik á útisvæði.