Skessuhorn - 13.10.2021, Blaðsíða 4

MiðViKUdAgUR 13. oKTóBER 20214
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 3.877 krónur með vsk. á mánuði. Elli- og örorkulífeyrisþegar greiða
kr. 3.348. Rafræn áskrift kostar 3.040 kr. Rafræn áskrift til elli- og örorkulífeyrisþega er 2.800 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Finnbogi Rafn Guðmundsson frg@skessuhorn.is
Valdimar K. Sigurðsson vaks@skessuhorn.is
Gunnhildur Lind Hansdóttir glh@skessuhorn.is
Auglýsingar og dreifing:
Hrafnhildur Harðardóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Á erlendri grundu
Í byrjun þessa mánaðar tókum við hjónakornin vikufrí frá störfum. Slóg-
umst í för með hópi á vegum Bændaferða og var förinni heitið til Þýska-
lands. Fyrir mig er þaulskipulagður ferðamáti af þessu tagi nýr af nálinni.
Bændaferðir hafa um árabil sérhæft sig í ferðum þar sem hugsað er fyrir-
fram út í hvert smáatriði, allt frá ferðamáta, fararstjórn, gistingu, fæði og
til afþreyingar. Ferð þessi er vissulega sérsniðin fyrir eldra fólk en ekkert
sem mælir gegn því að við þessir miðaldra tökum þátt. Raunar var þetta svo
þaulskipulagt að maður þurfti einungis að hugsa um að hlýða, draga and-
ann og borða þegar búið var að segja gjörið svo vel. Haldið var til á sama
hótelinu alla vikuna og ekið þaðan í langferðabíl í hæfilegar dagsferðir.
Á fyrsta degi fararinnar fór fram kynning á hópnum eða svona sam-
hristingur. Þar sem skammt var liðið frá kosningum kynntu hópfélagar sig
gjarnan með sveitarfélagi og bættu svo við hvaða kjördæmi þeir tilheyrðu.
Fljótlega kom að okkur og hjónum úr Borgarnesi að kynna hvaðan við
kæmum. Þrátt fyrir útspekúleraða leið til að forðast að nefna Norðvestur-
kjördæmi á nafn, varð ekki hjá því komist. Uppskárum við hlátur og létt
háð. Fengum svo af og til alla ferðina svona léttar háðsglósur eða spurning-
ar um hvernig okkur gengi að læra að telja og sitthvað fleira álíka gáfulegt.
Við hins vegar sögðum að líklega fengjum við að kjósa aftur og því værum
við verðmætustu kjósendur ferðarinnar og því eins gott að koma vel fram
við okkur. En að gríni slepptu þá voru ferðafélagar okkar vænsta fólk og
ánægjulegt að verja viku ævinnar á ferðalagi með þeim.
Í þessum dagsferðum sem við fórum frá hóteli okkar í oberkirch í Þýska-
landi var ekið um þorp og héruð í og við Svartaskóg. Sérstaka athygli mína
vakti snyrtimennska sem Þjóðverjum er greinilega ofarlega í huga. Húsum
er vel við haldið, garðar snyrtilegir og allsstaðar hlúð vel að gróðri. Þar fæst
ekki sóðaskapur liðinn, ónýtir eða afskráðir bílar sjást hvergi og hús eru vel
máluð. Þessi snyrtimennska vakti athygli okkar ferðafélaganna.
Í tvígang var ferðinni heitið yfir landamærin til Frakklands. Einn dag-
inn voru blómleg vínræktarhéruð Rínarsléttunnar skoðuð og annan dag-
inn lá leiðin til Strassburg. Þessi höfuðstaður Alsace héraðs í Frakklandi er
við landamæri Þýskalands. Boðið var upp á siglingu á ánni ill sem rennur
um borgina, en úr fljótabátnum mátti glöggt sjá hvernig gljáandi ný há-
hýsi kallast á við eldri hluta borgarinnar með vinalegum bindingsverkshús-
um. Strassburg er merkileg fyrir þær sakir að þar á mannréttindadómstóll-
inn höfuðstöðvar sínar, en ekki einvörðungu það; þangað fara þingfulltrúar
Evrópuþingsins mánaðarlega til að kjósa um það sem þeir annars ræða sín
á milli í Brussel.
Til Strassburgar geta einstaklingar innan aðildarríkja Evrópuráðsins leit-
að til mannréttindadómstólsins telji þeir að stjórnvöld hafi brotið á réttind-
um sem vernduð eru í Mannréttindasáttmálanum. Ekki kæmi mér á óvart
að eftirmálar kosninganna hér heima í Norðvesturkjördæmi muni rata
þangað í tímans rás, þar sem fjöldi kæra hafa þegar verið lagðar fram um
framkvæmd kosninganna. Siglandi þarna á fljótabát, horfandi upp á risa-
vaxnar glerhallir Evrópuráðsins og Mannréttindadómstólsins fékk mig til
að hugsa til smæðar okkar norður í íshafi, en einnig um hversu dýrmætt er
þrátt fyrir allt að geta leitað til æðra dómsvalds til að skera úr um mál sem
stjórnvöld hér heima ráða ef til vill ekki við. Mér er til dæmis fyrirmunað
að skilja hvernig nýir þingmenn, sem byggja tilurð sína á niðurstöðu þeirra
kosninga sem um ræðir, eigi sjálfir að kveða á um réttmæti þeirra.
En ferðin okkar var fín og heimkoman sömuleiðis. Því skal þó haldið til
haga að ennþá er bansett vesen að ferðast meðan áhrifa Covid gætir enn í
öllum löndum. grímunotkunar er krafist, sýnataka þarf að fara fram fyrir
og eftir flug og framvísun bólusetningarvottorða í tíma og ótíma varpar
skugga á annars þægilega ferð, sem maður hefði notið betur við heilbrigð-
ari kringumstæður.
Magnús Magnússon
Nú er verið að leggja bundið slitlag
á þann hluta Faxabrautar á Akra-
nesi sem liggur á milli Jaðarsbraut-
ar og Faxatorgs. Það er Borgarverk
sem vinnur verkið. Að sögn Krist-
ins Sigvaldasonar, sviðsstjóra hjá
Borgarverki er áætlað að verkinu
ljúki í kringum 20. október næst-
komandi.
Íbúum við Sandabraut og Fax-
abraut ætti því að vera létt því tals-
vert hefur verið þrengt að þeim
með aðgengi meðan á framkvæmd-
um hefur staðið.
frg
Andrea Þ Björnsdóttir á Akranesi
stundar reglulega sölu á lakkrís og
öðrum varningi til stuðnings þeim
sem á þurfa að halda. Nú í bleikum
október gengst hún fyrir uppboði á
málverki eftir Bjarna Þór Bjarnason
listamann. Málverkið er í stærð-
inni 70-50 cm. Bjarni Þór og Ásta
kona hans leggja til málverkið, en
Andrea stendur fyrir uppboði á því.
Andvirði sölunnar rennur óskipt til
Krabbameinsfélags Akraness og ná-
grennis. Uppboðið fer þannig fram
að menn gefa upp verð í færslu, eða
athugasemd, á Facebook síðu And-
reu sjálfrar. Athygli er vakin á því
að lágmarksboð í málverkið er 70
þúsund krónur. Hægt verður að
bjóða í málverkið til sunnudagsins
17. október klukkan 15:00. Vak-
in er athygli á að hægt er að skoða
málverkið í galleríi Bjarna Þórs við
Kirkjubraut 1 á Akranesi.
mm
Vegagerðin hefur lagt mat á
möguleika varðandi ferjusigling-
ar á Breiðafirði næstu misseri. Í
frétt á heimasíðu Vegagerðarinnar
segir að niðurstaðan sé sú að hag-
kvæmast er að uppfylla núverandi
samning og nota gildistíma hans
til hönnunar og útboðs á hafn-
armannvirkjum á Brjánslæk og í
Stykkishólmi. Ný hafnarmann-
virki eru forsenda fyrir áframhald-
andi ferjurekstri á Breiðafirði.
„Þrátt fyrir að Baldur uppfylli
ekki nútíma kröfur um aðgengi
og útlit þá uppfyllir skipið þær ör-
yggiskröfur sem eru í gildi, skipið
er í notkun og flutningsgeta við-
unandi. Núverandi samningur við
Sæferðir um ferjusiglingar gildir
til 31. maí 2022 með möguleika
á framlengingu til 31. maí 2023,“
segir í fréttinni. „Ítarleg leit hefur
farið fram að skipi sem gæti leyst
núverandi skip af á meðan verið
væri að huga að framtíðarfyrir-
komulagi ferjusiglinga á Breiða-
firði. Ekkert skip fannst sem upp-
fyllti þær kröfur sem settar voru.
Að auki þá verður ekki hjá því litið
að ferjumannvirki, bæði á Brjáns-
læk og í Stykkishólmi eru „sérsnið-
in“ að gamla Baldri sem var óvenju
mjótt skip og þau síðan aðlöguð að
núverandi Baldri. Ljóst er að huga
þarf að endurnýjun þessara mann-
virkja svo þau geti annað þeirri
flutningsgetu sem fyrirsjáanleg er
miðað við aukna framleiðslu af-
urða á Vestfjörðum.“
mm/ Ljósm. sá.
Ný hafnarmannvirki sögð forsenda
fyrir áframhaldandi ferjurekstri
Unnið við malbikun efst á
Faxabraut.
Framkvæmdum lýkur senn við Faxabraut
Málverk boðið upp til styrktar
Krabbameinsfélaginu