Skessuhorn - 13.10.2021, Page 30

MiðViKUdAgUR 13. oKTóBER 202130
Hver er skemmtilegasta
námsgreinin í skólanum?
Spurning
vikunnar
(Spurt í Grundaskóla á Akranesi)
Morten Ottesen
„Enska.“
Marinó Ísak Dagsson
„Heimilisfræði.“
Guðmundur Andri Björnsson
„Íþróttir.“
Hringur Logi Sigurbjörnsson
„Útivera.“
Ingþór Snjólfsson
„Kvikmyndaval.“
Skagamenn töpuðu þriðja leiknum
í röð þegar þeir tóku á móti Sel-
fyssingum í 1. deild karla í körfu-
knattleik á föstudaginn. gestirnir
byrjuðu af krafti og skoruðu fyrstu
sjö stigin en Skagamenn náðu að
minnka muninn í tvö stig um miðj-
an fyrsta leikhluta. Selfyssingar voru
þó alltaf yfir en aðeins þriggja stiga
munur var á milli liðanna við flaut-
una, 16:19. Í öðrum leikhluta bættu
gestirnir enn meira í og voru komn-
ir með tólf stiga forystu um hann
miðjan. Þeir héldu því nokkurn
veginn til hálfleiks og staðan 27:38
þegar menn kíktu í klefann.
Skagamönnum gekk illa að ná
áttum í þriðja leikhluta, lítið gekk
að saxa á forystuna og munurinn var
kominn í 17 stig í lok þess þriðja. Í
þeim síðasta voru Skagamenn alltaf
að elta og sáu litla von í því að ná
þessu niður. Selfyssingar voru allt-
af með yfirhöndina, sigldu þessu
örugglega í höfn og lokastaðan
66:87 fyrir gestina.
Stigahæstir hjá Skagamönnum
voru þeir Cristopher Clover með
29 stig, Nestor Elijah Saa var með 9
stig og davíð Alexander Magnússon
með 8 stig. Hjá Selfyssingum voru
þeir óli gunnar gestsson með 23
stig, Vito Smojer var með 19 stig og
gasper Rojko með 14 stig.
Næsti leikur Skagamanna er gegn
Álftanesi næsta föstudag fyrir sunn-
an og hefst klukkan 19.15.
vaks
Skallagrímsmenn fóru yfir heiðina
á föstudaginn og léku gegn ísmönn-
unum í Hamri frá Hveragerði í 1.
deild karla í körfuknattleik. Fyrsti
leikhluti byrjaði fjörlega, nánast
jafnt á öllum tölum en Skallarn-
ir skoruðu fimm síðustu stigin og
staðan 15:20 gestunum í vil. Skalla-
grímur hélt forystunni nánast all-
an annan leikhlutann en frekar lítið
var um stigaskor. Leikmenn beggja
liða hittu ansi illa en Hamarsmenn
náðu þó að minnka muninn í eitt
stig rétt fyrir hálfleik, 29:30.
Um miðjan þriðja leikhluta var
munurinn aðeins tvö stig og var
aðeins eitt stig þegar honum lauk,
51:50. Útlit var því fyrir mikla
spennu í fjórða leikhluta miðað við
þróun leiksins hingað til en það
varð alls ekki raunin. Hamar var
fljótlega kominn með sjö stiga for-
ystu og á þessum kafla hittu Skall-
arnir afar illa í sínum skotum. Und-
ir lok leiksins reyndu þeir hvað þeir
gátu til að minnka muninn en ekk-
ert gekk og öruggur 14 stiga sigur
heimamanna við lokaflautið, 78:64.
Stigahæstir hjá Skallagrími voru
þeir Simun Kovac sem var með 15
stig, Nebojsa Knezevic var með
13 stig og Arnar Smári Bjarnason
með 12 stig. Hjá Hamri var dareial
Franklin langstigahæstur með 31
stig.
Næsti leikur Skallagríms er
heimaleikur gegn Haukum í Fjós-
inu í Borgarnesi næsta föstudag og
hefst klukkan 19.15.
vaks
Snæfellstúlkur sóttu lið Þórs frá
Akureyri heim á fimmtudagskvöld
í 1. deild kvenna í körfuknattleik.
Snæfell náði naumum sigri í fyrsta
leik á útivelli gegn KR en átti við
ofurefli að etja í leiknum í gær og
lokatölur leiksins 79-67 Þór í vil.
Snæfellsstúlkur byrjuðu þó leikinn
betur og voru komnar í 1-9 eftir
rúmlega eina mínútu með þremur
þristum. Þórsstúlkur svöruðu þessu
með 11:0 áhlaupi og var síðan jafnt
á flestum tölum þar til Þór náði
sex stiga forystu undir lok fyrsta
leikhluta og staðan 24:16. Í öðr-
um leikhluta skoraði Snæfell fyrstu
sex stigin og jöfnuðu 24:24 drifn-
ar áfram af stórleik Sianni Mart-
in. Þetta vakti Þórsara af stuttum
blundi og þær náðu aftur vopnum
sínum en munurinn fimm stig þeg-
ar flautan gall og staðan í hálfleik
36:31.
Í þriðja leikhluta hélt baráttan
áfram, Þór náði sjö stiga forskoti
en Snæfell neitaði að gefast upp
og hélt vel í heimaliðið. Munurinn
var kominn niður í fjögur stig um
miðjan leikhlutann og á svipuðum
nótum við lok hans, 55:50. Það var
síðan ekki fyrr en í fjórða leikhluta
að Þór bætti verulega í, keyrði upp
hraðann í leiknum og nýtti sér það
að Sianna var komin í villuvand-
ræði. Þór jók við forystuna jafnt og
þétt og landaði að lokum öruggum
tólf stiga sigri, 79:67.
Hjá Snæfelli var Sianna Amari
Martin langstigahæst með 40 stig
og 7 fráköst, Rebekka Rán Karls-
dóttir var með 13 stig og Preslava
Koleva með 6 stig og 4 fráköst. Í liði
Þórs var Marín Lind Ágústsdóttir
með 15 stig og 9 fráköst, Hrefna
ottósdóttir var með 14 stig og 12
fráköst og Karen Lind Helgadóttir
með 12 stig.
Næsti leikur Snæfells var gegn
liði Stjörnunnar í gær í Stykkis-
hólmi en leikurinn var ekki búinn
þegar Skessuhorn fór í prentun.
vaks
Meistaraflokkur kvenna í Skalla-
grími þurfti að sætta sig við 70:92
tap gegn Valsstúlkum frá Reykja-
vík þegar liðin mættust í annarri
umferð Subway deildar kvenna
í körfuknattleik í Borgarnesi á
sunnudagskvöldið. Skallagríms-
stúlkur spiluðu án hinnar amerísku
Shakeya Leary, en unnið er hörð-
um höndum í herbúðum Skalla-
gríms við að fá leikheimild fyrir
miðherjann. Að sama skapi spiluðu
Valsstúlkur án landsliðskonunn-
ar Hildar Bjargar Kjartansdóttur,
sem enn glímir við höfuðmeiðsli
frá síðasta tímabili.
Valsstúlkur tóku strax völdin
í upphafi leiks og stýrðu honum
nánast frá fyrstu mínútu. Skalla-
grímur hélt sér innan seilingar í
einhvern tíma en Valur stakk svo af
í öðrum leikhluta þegar liðið skor-
aði 31 stig í leikhlutanum á móti
14 stigum Borgnesinga. Hálfleik-
stölur því 32:54 Valsstúlkum í vil.
Hlíðarendastúlkur héldu upp-
teknum hætti í síðari hálfleik og
áttu Skallagrímsstúlkur fá svör við
sóknarleik þeirra rauðklæddu að
sunnan sem skoruðu að vild. Valur
sigldi því nokkuð öruggum sigri í
höfn þegar 40 mínútur voru liðnar.
Lokatölur 92:70 Valsstúlkum í vil.
Í liði Borgnesinga var framherj-
inn Mammusu Secka stigahæst
með 19 stig en að auki reif hún nið-
ur 11 fráköst. Þar á eftir var Embla
Kristínardóttir með 12 stig. Maja
Michalska, Nikola Nederosíková
og inga Rósa Jónsdóttir skiluðu inn
níu stigum hver.
Í liði gestanna var leikstjórnand-
inn Ameryst Alston langstigahæst
í sínu liði, með 36 stig. Alston tók
að auki 11 fráköst og gaf sex stoð-
sendingar. Þar næst var dagbjört
dögg Karlsdóttir með 19 stig.
Eftir tvær umferðir í Subway
deild kvenna eru Skallagrímskon-
ur stigalausar en þær spiluðu fyrst
gegn Keflavík á miðvikudaginn var
og þurftu að sætta sig við tap gegn
suðurnesjaliðinu. Næsta umferð
hefst í dag, miðvikudag, en næsti
leikur Skallagríms er gegn Hauk-
um syðra næsta sunnudag og hefst
leikurinn klukkan 18. glh
Skallagrímskonan Inga Rósa Jóns-
dóttir stígur hér út í veg fyrir Hallveigu
Jónsdóttur úr Val.
Stigalausar eftir
tvær umferðir
Leikmannahópur mfl. kvenna hjá Skallagrími 2021-2022.
Nestor Saa komst lítið áleiðis á móti Selfossi. Ljósm. jho.
Skagamenn töpuðu gegn
Selfossi í körfunni
Mikil barátta var í leiknum. Ljósm. Palli Jóh
Snæfell tapaði fyrir norðan
Nebojsa Knezevic var með 13 stig gegn Hamri. Ljósm. glh.
Skallagrímur laut í lægra
haldi fyrir Hamri