Skessuhorn - 13.10.2021, Blaðsíða 15
MiðViKUdAgUR 13. oKTóBER 2021 15
SK
ES
SU
H
O
R
N
2
02
0
Hunda- og kattaeigendur athugið
Samkvæmt 15. kafla reglugerðar um hollustuhætti nr. 941/2002 er
hunda- og kattaeigendum skylt að láta ormahreinsa dýr sín árlega.
Gunnar Gauti Gunnarsson dýralæknir annast hreinsunina og er
ormahreinsun hunda og katta innifalin í leyfisgjaldi.
Hundahreinsun verður frá kl. 13.00-20.00
mánudaginn 18. október
Kattahreinsun verður frá kl. 13.00-20.00
þriðjudaginn 19. október
Staðsetning: Þjónustumiðstöð Akraness
að Laugarbraut 6 (gamla slökkvistöðin)
Dýralæknir býður einnig upp á bólusetningar
Smáveirusótt (Parvo), lifrarbólgu, hótelhósta og hundafári, •
verð kr. 4.000
Örmerkingu hunda og katta, verð kr. 4.500•
Ófrjósemissprauta í hunda og ketti, verð kr. 3.000-7.000 •
fer eftir þyngd
Bólusetningu gegn kattafári, verð kr. 4.000•
Seinni hreinsun laugardaginn 13. nóvember.
Athugið að greiða þarf með peningum
- enginn posi verður á staðnum.
Nánari upplýsingar veitir dýraeftirlitsmaður
í síma 898-9478 eða dýralæknir í síma 892-3230.
SK
ES
SU
H
O
R
N
2
02
1
Byggingaréttur á Sementsreit
á Akranesi -
Uppbyggingarreitir D og C
Akraneskaupstaður óskar eftir tilboði í byggingarétt á 6 lóðum
á Sementsreit á Akranesi.
Um er að ræða byggingarétt á fjöleignarhúsum á 3 hæðum
auk bílakjallara á 4 lóðum á uppbyggingarreit D og á 2 lóðum á
uppbyggingarreit C. Öllum lóðunum verður úthlutað
til sama aðila.
Nokkrar stærðir í verkinu:
- Lóðastærðir 9.450 m2
- Byggingaréttur íbúða 11.450 m2
- Byggingaréttur kjallara og bílakjallara 7.900 m2
Útboðsgögn eru aðgengileg á rafrænu formi frá mánudeginum
11. október 2021 í gegnum útboðsvef Mannvits á slóðinni
https://mannvit.ajoursystem.is/
Tilboðum ásamt tillögum skal skilað fyrir
kl. 12:00 föstudaginn 3. desember 2021 í afgreiðslu
Mannvits, Urðarhvarfi 6, 203 Kópavogi.
Ekki verður haldinn opnunarfundur aðgengilegur bjóðendum,
niðurstöður útboðs verða sendar bjóðendum.
www.skessuhorn.is
Skagamærin Rósa Kristín Haf-
steinsdóttir og Hafnfirðingur-
inn Aron Logi Hrannarsson náðu
glæsilegum árangri á opna breska
meistaramótinu í samkvæmisdöns-
um, sem haldið var í Blackpool á
Englandi á dögunum. Náðu þau
5. sæti í flokki undir 21 árs í Latin
dönsum sem verður að teljast mjög
góður árangur, en þau Aron Logi
og Rósa Kristín eru einungis 16 og
17 ára gömul og eiga því nokkur ár
eftir í þessum flokki. Þá kepptu þau
einnig í flokki áhugamanna, „Ris-
ing star“ og enduðu þar í 8. sæti.
Er það ekki síðri árangur þar sem
í þeim flokki keppa allir aldurshóp-
ar.
Rósa Kristín hefur þrátt fyrir
ungan aldur keppt á fjölda móta í
samkvæmisdönsum bæði hér heima
og erlendis og unnið til verðlauna
sem og Íslands- og bikarmeistara-
titla í sínum aldursflokkum. „Það
má segja að ég hafi verið dansandi
frá fæðingu,“ segir Rósa Kristín og
hlær. „Strax sem barn fannst mér
gaman að dansa og byrjaði á því
að fara í tíma hjá dansstúdíó Írís-
ar hérna á Akranesi. Síðan þegar ég
var orðin eldri fór ég að fara í dans-
skóla í Hafnarfirði ásamt frænku
minni demi van den Berg, en við
höfum verið samstíga í dansinum
frá upphafi. Eftir að ég fór að stunda
dansinn af meiri alvöru heillaðist ég
algjörlega af honum og hefur ekki
verið aftur snúið,“ segir hún.
Rósa Kristín segist æfa alla vik-
unnar hjá dansdeild HK í Kórnum
í Kópavogi. „Ég æfi allt að því þrjá
klukkutíma á dag.“ Þjálfarar hennar
eru hjónin Karen og Adam Reeve.
Karen, sem er íslensk og Adam sem
er frá Ástralíu, voru atvinnudansar-
ar og heimsmeistarar á sínum tíma,
en starfa sem þjálfarar í dag. Rósa
Kristín segir að dansinn sé fyrir
breiðan aldurshóp. Þau yngstu væru
alveg frá tíu ára aldri. En keppnis-
hópurinn er yfirleitt aldurinn frá 15
til 35 ára.
Auk þess að stunda dansinn af
kappi þá er Rósa Kristín í námi á
náttúrufræðibraut við Menntaskól-
ann við Sund. Hún býr hjá foreldr-
um sínum á Akranesi en ekur á milli
daglega í skólann og á dansæfingar.
Þannig að dagurinn hjá henni er oft
ansi langur. Hún segir að fyrir utan
hana og demi frænku hennar þá
veit hún um eina stelpu til viðbótar
frá Akranesi sem æfir samkvæmis-
dansa.
Á ferðum sínum og keppnum er-
lendis þá spurðum við Rósu Krist-
ínu hvað stæði upp úr? „Ég verð nú
að segja eins og er að mér finnst
skemmtilegast að keppa á dans-
keppnunum í Blackpool og hef-
ur okkur oft gengið mjög vel þar.
Staðurinn er mjög heillandi og
borgin er svona háborg samkvæm-
isdansanna, alla vega í Bretlandi.“
Rósa Kristín segir að alveg frá
byrjun hafi foreldrar hennar og
fjölskyldan stutt hana með ráðum
og dáð og færi móðir hennar með
henni á flestar keppnir erlendis. En
hvernig sér Rósa Kristín framtíðina
fyrir sér í dansinum? „Hugurinn
hjá mér stefnir í atvinnumennsku
í samkvæmisdönsum,“ segir hún.
„Ef svo verður þá er stefnan sett á
að starfa erlendis að stórum hluta.
Þá kæmi helst til greina Bretland,
þar eru samkvæmisdansar mjög
hátt skrifaðir. Einnig eru staðir eins
og Bandaríkin líka spennandi. Síðar
langar mig að verða þjálfari í sam-
kvæmisdönsum og taka þetta alla
leið. Alla vega er þetta markmið
mitt í dag en svo verður bara að sjá
hvaða stefnu lífið tekur,“ segir Rósa
Kristín að lokum.
se/ Ljósm. Facebook.
Dansparið Rósa Kristín Hafsteinsdóttir og Aron Logi Hrann-
arsson.
Hugurinn stefnir í atvinnu-
mennsku í samkvæmisdönsum
-segir Rósa Kristín Hafsteinsdóttir
Aron og Rósa Íslandsmeistarar í latíndönsum síðastliðið vor.