Skessuhorn - 08.12.2021, Blaðsíða 6

MIÐVIKUDAGUR 8. DESEMBER 20216
Ekki bara skip
sem koma við
GRUNDARFJ: Eins og
fram hefur komið undan-
farnar vikur hefur verið
mikil umferð um Grundar-
fjarðarhöfn síðustu misserin
og hefur hvert skipið á fætur
öðru komið inn til löndun-
ar. En það eru ekki bara skip
sem spóka sig um í höfninni
því að stærðarinnar selur
hefur verið að svamla þarna
um annað slagið líka. Í blíð-
viðrinu síðasta miðvikudag
var hann í miðri höfninni og
var að gæða sér á einhvers
konar fiskmeti á milli þess að
hann synti letilega um. -tfk
Hvetja til að
sameining verði
samþykkt
SNÆF: Sveitarstjórnir
Eyja- og Miklaholtshrepps
og Snæfellsbæjar hafa báðar
lokið fyrri umræðu um álit
samstarfsnefndar um sam-
einingu sveitarfélaganna.
Sameiningarnefndin mæl-
ir með því að íbúar sam-
þykki sameiningu í kosning-
um sem ráðgerðar eru 12.
febrúar 2022. Í tilkynningu
frá nefndinni segir orðrétt:
„Hvatt er til þess að sam-
eining Eyja- og Miklaholts-
hrepps og Snæfellsbæjar
verði samþykkt í kosning-
um 12. febrúar. Samstarfs-
nefnd, sem sveitarstjórnir
Eyja- og Miklaholtshrepps
og Snæfellsbæjar skipaði til
að kanna kosti og galla sam-
einingar sveitarfélaganna,
hefur skilað áliti sínu, þar
sem hvatt er til sameiningar.
Sveitarstjórnirnar munu
fjalla um álitið á tveimur
fundum og í kjölfarið boða
til kosninga sem fara fram
þann 12. febrúar. Nefndin
hvetur íbúa til að samþykkja
tillögu um sameiningu Eyja-
og Miklaholtshrepps og
Snæfellsbæjar, en það er álit
nefndarinnar að samein-
ing muni skapa forsendur til
að byggja upp öflugt skóla-
starf og styrkja samfélagið á
sunnanverðu Snæfellsnesi.
Að mati nefndarinnar yrði
sameining sveitarfélaganna
til þess að samfélagið í dreif-
býlinu verði sterkara í frekari
sameiningarviðræðum fram-
tíðarinnar. Íbúar eru hvattir
til þess til að kynna sér mál-
in með því að fara inn á sna-
efellingar.is, og fylgjast með
kynningarferlinu sem hefst í
janúar.“ -mm
Björgunarsveitir
fengu fjölda útkalla
SV-LAND: Snörp lægð með
suðaustan roki gekk yfir landið
á sunnudaginn. Mestur mældist
vindhraði á veginum við Hafnar-
fjall, 57 metrar á sekúndu í hvið-
um. Fyrsta útkall björgunarsveita
vegna óveðurs barst í Borgarnesi
rétt fyrir klukkan ellefu. Þar var
tilkynnt um fok á þakplötum, þak-
klæðningum og lausamunum. Um
klukkan tólf bætti töluvert í vind
og höfðu björgunarsveitir víða á
suðvesturhorni landsins í nógu
að snúast, svo sem á Kjalarnesi,
Reykjavík, Grindavík, Suðurnesj-
um, Mosfellsbæ og Hafnarfirði.
Síðar um daginn voru sveitir á
Snæfellsnesi kallaðar út. Í öllum
tilfellum er um að ræða foktjón
vegna óveðurs, þakklæðningar,
girðingar, ruslatunnuskýli, garð-
skúrar og aðrir lausamunir. -mm
Óbreyttar sótt-
varnareglur áfram
LANDIÐ: Willum Þór Þórs-
son, heilbrigðisráðherra hef-
ur ákveðið að framlengja
óbreytta gildandi reglugerð
um samkomutakmarkanir. Al-
mennar fjöldatakmarkan-
ir verða því áfram 50 manns
en með möguleika á hrað-
prófsviðburðum, áfram gilda
1 metra nálægðarmörk, regl-
ur um grímunotkun o.s.frv.
Þessi ákvörðun er í samræmi
við tillögur sóttvarnalækn-
is sem telur nauðsynlegt að
viðhalda óbreyttum takmörk-
unum í ljósi óvissu um þróun
faraldursins, ekki síst vegna til-
komu Ómíkron-afbrigðis kór-
ónaveirunnar. -mm
Framkvæmdir við endurnýjun A
og B deilda Heilbrigðisstofnunar
Vesturlands á Akranesi ganga vel.
A deildin, lyflækningadeild, er mun
lengra komin og er gert ráð fyrir að
deildin verði tilbúin og afhent til
notkunar um miðjan desember. Þá
er reiknað með að B deild verði til-
búin í lok febrúar á næsta ári. Að
sögn Halldórs B Hallgrímssonar,
deildarstjóra húsnæðis og tækja hjá
HVE, voru endurbæturnar löngu
orðnar tímabærar en segja má að
húsnæðið hafi verið tekið í gegn
frá A til Ö. Allt var hreinsað út og
endurnýjað, innréttingar, gólfefni,
milliveggir og fleira. Þríbýli verða
nú ýmist einmennings herbergi eða
tveggja manna.
Framkvæmdirnar við endurbæt-
urnar eru mjög umfangsmiklar og
hafa haft nokkur áhrif á starfsemi
sjúkrahússins. Auk endurbóta á A
og B deildum er nú unnið að undir-
búningi fyrir uppsetningu nýrrar
skurðstofu. Verið er að byggja hæð
ofan á húsnæði heilsugæslunnar en
skurðstofan kemur að mestu tilbú-
in til uppsetningar og fer inn í það
hús. Ný skurðstofa hefur í för með
sér að árlegum liðskiptaaðgerðum á
Akranesi verður fjölgað úr 200 í um
480 og munar um minna.
Þegar blaðamaður Skessuhorns
leit við á A deildinni voru iðnað-
armenn á fullu að leggja loka-
hönd á endurbæturnar. Aðalverk-
taki er SF smiðir ehf. og verkefn-
isstjóri Bjarni Ingi Björnsson, einn
eigenda Raf-Pro ehf. en fyrirtæk-
in hafa með sér samstarf í þessu
verkefni. Auk þeirra kemur fjöldi
annarra fyrirtækja að verkinu og er
langstærstur hluti þeirra innanbæj-
arfyrirtæki. Raflagnir eru í hönd-
um Raf-Pro ehf., AK pípulagnir sjá
um pípulagnirnar, loftræstiþáttur-
inn er í höndum Blikksmiðju Guð-
mundar, Hafsteinn Daníelsson sér
um sögun og múrbrot, Skagamál-
un málar og RGR múrverk múrar.
Þá sér Siggi dúkari um dúklögn og
flotun og Megas ehf. sér um súr-
efnis- og öndunarloftslagnir. Fram-
kvæmdin er mannaflafrek og hafa
starfsmenn verktaka á svæðinu ver-
ið á bilinu tíu til tuttugu á hverjum
tíma. frg
Verið er að ljúka við að byggja ofan
á heilsugæsluna en þar kemur ný
skurðstofa.
Endurnýjun A og B deilda
HVE ganga vel
Heilbrigðisstofnun Vesturlands á Akranesi.
Allar sjúkrastofur hafa verið endurnýjaðar frá grunni. Hér má sjá inn í einmenn-
ingsherbergi á A deildinni.
Tveggja manna sjúkrastofa á HVE eftir
endurbætur.