Skessuhorn - 08.12.2021, Blaðsíða 34
MIÐVIKUDAGUR 8. DESEMBER 202134
Pennagrein
Pennagrein
Snorrastofa býður upp á upplestur
og umræður um nýútkomnar bæk-
ur í bókhlöðu stofnunarinnar í
Reykholti þriðjudagskvöldið 14.
desember 2021 kl. 20.00.
Ingólfur Eiríksson mun kynna
bókina „Stóra bókin um sjálfsvor-
kunn.“ Eftir sambandsslit hrökkl-
ast Hallgrímur heim úr leiklistar-
námi í erlendri stórborg til að fara
á geðdeild. Heimurinn hefur snúist
á hvolf og gömul fjölskylduleyndar-
mál elta hann hvert fótmál. Þá mun
Ingólfur einnig kynna ljóðabók
sína „Klón – eftirmyndasaga“, sem
er bráðfyndin og nístandi ljóðsaga
um ábyrgð mannsins gagnvart lífi
á jörðinni, um dauða og endur-
fæðingu.
Guðrún Steinþórsdóttir mun
kynna bókina „Raunveruleiki hug-
ans er ævintýri,“ sem fjallar um
valdar sögur Vigdísar Grímsdóttur,
einkenni þeirra og viðtökur í ljósi
hugrænnar bókmenntafræði.
Haukur Ingvarsson mun kynna
bækurnar: „Fulltrúi þess besta í
bandarískri menningu“. Hér er
fjallað um bandarísku bylgjuna í
íslensku menningarlífi um miðbik
20. aldar. Þá kynnir Haukur nýút-
komna ljóðabók sína „Menn sem
elska menn“, sem hefur að geyma
einlæg og margræð, fyndin og átak-
anleg ljóð um karlmennsku og tilf-
inningar.
Að lokum kynnir Guðrún Ing-
ólfsdóttir „Skáldkona gengur laus“.
Hér er fjórum skáldkonum frá 19.
öld sleppt lausum úr handrita-
geymslu Þjóðarbókhlöðunnar. Í
kveðskap þeirra má sjá skýra sjálfs-
mynd og merkilega afstöðu til nátt-
úrunnar og ímyndunarafls. Bókin
er afrakstur margra ára rannsókna
Guðrúnar.
Í kjölfar kynninganna og upp-
lestursins verða umræður, sem
Bergur Þorgeirsson, forstöðumað-
ur Snorrastofu, mun stjórna. Að-
gangur er ókeypis og eru allir vel-
komnir. Uppbyggingarsjóður Vest-
urlands styrkir viðburðinn.
-fréttatilkynning
Bókakynning
Snorrastofu framundan
Með því að taka strax það stóra og
nauðsynlega skref að sameina allt
Snæfellsnes tökum við alla mála-
flokka þar undir og skoðum þá sem
eina heild.
Hvað skólamál varðar er áhuga-
vert að líta á þann málaflokk í heild
sinni. Hér á Snæfellsnesi er rekinn
Fjölbrautaskóli Snæfellinga sem
sveitarfélögin koma að. Sveitafé-
lögin á Snæfellsnesi reka sameigin-
lega skóla- og félagsþjónustu. Við
erum komin langleiðina með sam-
eiginlega sýn á verkefni í þessum
málaflokki. Að klára skrefið og taka
grunnskólana, tónlistarskólana og
leikskólana í sameiningarferlinu á
öllu Snæfellsnesi er einboðið með
heildarsameiningu. Skoðum aðeins
hvað gerst hefur í skólamálum á
landsvísu; í Vestur- Húnavatnssýslu
er rekinn einn skóli á Hvamms-
tanga og er börnum ekið norðan úr
Strandasýslu um 80 km veg til að
komast í stærra og öflugra skólaum-
hverfi, engum þar um slóðir dettur
í hug að stofna aftur fámenna skóla.
Í eystri hluta Rangárvallarsýslu eru
börnin keyrð á Hvolsvöll, þau sem
lengst fara koma austan frá Skóg-
um undir Eyjafjöllum. Í uppsveit-
um Árnessýslu (Bláskógabyggð)
eru reknir skólar á Laugarvatni
og Reykholti en mikið samstarf er
þar á milli og hefur vilja barnanna
þar verið framfylgt að nokkru leyti
með það samstarf. Í Borgarbyggð
eru reknir 3 skólar í uppsveitum og
einn í Borgarnesi, þar eru börn að
fara ofan úr sveitum niður í Borg-
arnes í skóla til að komast í öfl-
ugra félagsumhverfi (tómstund-
ir og íþróttir) og jafnframt eru
börn að fara úr Borgarnesi í skól-
ana upp í sveitum á móti. Því er
ljóst að mikilvægt er að taka skóla-
mál heildstætt yfir Snæfellsnes því
þarfir fjölskyldna og barna/ung-
linga eru mismunandi. Sumir kjósa
fámennið en aðrir vilja fjölmennið
til að eiga möguleika á því að vaxa
og dafna félagslega, í íþróttum og
tómstundastarfi. Skólaumhverfi
er ekki bara að læra að lesa, skrifa
og reikna. Þar þroskast börn/ung-
lingar líka félagslega og eru að læra
það öll árin í leik- og grunnskóla.
Sumir þurfa mikla örvun á þeim
þætti og stuðning út í lífið. Öll vilj-
um við að börnin okkar verði fær
félagslega þegar þau hleypa heim-
draganum.
Í þessu ljósi er áhugavert að
skoða hvað gerst hefur í Eyja- og
Miklaholtshreppi undanfarin ár. Þó
nokkur fjöldi barna hafa horfið til
stærri skólasamfélaga þar sem þeim
stendur til boða meiri sérfræði-
þjónusta, sé þess þörf, félagslegi
þátturinn er öflugri, stærri bekkj-
arárgangar, fjölbreytt tónlistarnám
og blómlegt íþróttastarf. Allt að 14
börn á umliðnum átta árum hafa
sótt í stærra skólumhverfi og hef-
ur straumurinn legið að mestu leyti
inn í Stykkishólm. Öflugt skóla-
samfélag verður ekki með 20-30
barna skóla til að bjóða upp á alla
þessa þætti svo vel sé. Við skulum
taka umræðu um skólamál á heild-
stæðan hátt fyrir allt Snæfellsnes.
Grunndvallaratriði er að gera fólki
kleift að velja skólasamfélag sem
það telur henta sínum börnum.
Laufey Bjarnadóttir og
Þröstur Aðalbjarnarson
Stakkhamri, Eyja- og Miklaholts-
hreppi, 342 Stykkishólmi
Hugum strax að sameiningu
alls Snæfellsness
Á fyrsta sunnudegi í aðventu leit ný
ríkisstjórn dagsins ljós. Niðurstöð-
ur kosninganna voru skýrar en rúm
54% atkvæða skiluðu sér til fyrr-
um stjórnarflokkanna. Ríkisstjórn-
in fékk endurnýjað umboð frá
kjósendum til þess að vinna áfram
saman.
Undanfarin misseri hafa boð-
ið upp á fjölbreyttan veruleika og
verk efni sem þarf að taka á með
festu. Ríkisstjórn Íslands þarf að
vera tilbúin að taka ólík sjónar-
mið inn í komandi verkefni og
með samvinnu stýra þjóðarskút-
unni á réttan kúrs. Það er verk okk-
ar stjórnarflokkanna og ekki síður
minnihlutaflokkanna að sýna að við
stöndum undir þeirri ábyrgð sem
okkur var afhent af þjóðinni.
Samvinnusáttmáli
Sáttmáli nýrrar ríkisstjórnar slær
nýjan tón, í honum felast mörg
tækifæri fyrir landið allt. Veruleik-
inn sem blasir við nú í upphafi þessa
kjörtímabils er allt annar en við
stóðum frammi fyrir árið 2017. Við
ritun stjórnarsáttmálans var tek-
inn góður tími til að fara yfir liðið
tímabil og skilar það sér í metnað-
arfullum sáttmála þar sem finna má
leiðarstef um efnahagslegar og fé-
lagslegar framfarir, vernd umhverf-
is, kraftmikla verðmætasköpun,
jafnrétti kynjanna og síðast en ekki
síst jafnvægi byggða og kynslóða.
Í sáttmálanum má finna margar
megináherslur Framsóknarmanna.
Grænar fjárfestingar, jöfnun tæki-
færa um allt land og áhersla verð-
ur lögð á jafnvægi efnahagslegra
samfélagslegra og umhverfislegra
þátta. En umfram allt má finna að
í sáttmálanum ríkir bjartsýni til
komandi ára.
Uppbygging byggða
Tryggja má jafnvægi byggða með
öflugum samgöngum, þjónustu og
atvinnu ásamt því að byggja upp
innviði um allt land. Það var gert
á síðasta kjörtímabili, en þá var lyft
grettistaki í samgöngumálum í NV-
kjördæmi. Í augsýn er nútímavegur
allan hringveg nr. 60 ásamt því að
unnið er að endurbótum á mörgum
köflum á Vestfjörðum og einbreið-
um brúm fækkað. Hafin er breikk-
un Vesturlandsvegar, lagt hefur
verið aukið fé í tengivegi og samið
hefur verið um byggingu stærri
samgöngumannvirkja víða um land
í gegnum fjárfestingarverkefni.
Áfram skal halda, við Fram-
sóknarmenn göngum ekki frá borði
í miðju verki. Við verðum áfram
með öflugan ráðherra málaflokks-
ins þar sem Sigurður Ingi situr í
nýju innviðaráðuneyti sem tekur
fleiri mikilvæga þætti inn til sín.
Skapa á meiri festu um gerð jarð-
ganga og að því tilefni er áætlað
að móta jarðgangaáætlun þar sem
horft er til framtíðar en ekki geð-
þóttaákvarðana og valdamisræmi
milli landsvæða. Undirbúningi
Sundabrautar verður framhaldið
með það að markmiði að hún opni
fyrir umferð innan áratugs. Biðin er
senn á enda.
Í nýja sáttmálanum má finna
sterkan vilja til að styðja við byggða-
þróun og valfrelsi í búsetu. Meðal
annars er horft til að störf hjá ríkinu
verði í auknum mæli án staðsetn-
ingar og sett verði markmið um
hlutfall opinberra starfa á lands-
byggðinni. Í því samhengi verður
stutt við starfsaðstöðu og klasasam-
starfs hins opinbera og einkaaðila á
landsbyggðinni. Stefna Framsókn-
ar hefur lengi verið að beita þurfi
hagrænna hvata í byggðaþróun
m.a. í gegnum Menntasjóð náms-
manna.
Fjárfesta í fólki
Áherslan næstu ár er á fólkinu í
landi og nýta auð íslensks samfé-
lags hvar á landinu sem fólk býr.
Hvert samfélag og hver einstak-
lingur skiptir máli. Öflugt vel-
ferðarkerfi er undirstaða jöfnuðar.
Vinna að kerfisbreytingum í þágu
barna í samræmi við lög um sam-
þættingu þjónustu í þágu farsæld-
ar barna heldur áfram. Nýta skal
sömu hugmyndafræði til að sam-
þætta þjónustu annarra hópa eins
og eldra fólks, það mun skila okk-
ur betri lýðheilsu og meiri virkni út
lífið. Þjóðin er að eldast og því þarf
sérstaklega að huga að þessum þátt-
um til að virkni eldra fólks í sam-
félaginu sé virtur. Það þarf að auð-
velda fólki að búa lengur heima.
Samþætting þjónustu er nauðsyn-
leg til að ná fram virkni og aukinni
þátttöku eldra fólks í lifandi samfé-
lagi.
Næstu vikur verða aðventa nýs
þings. Það var gott að fá öflugan
stuðning við áframhaldandi upp-
byggingarvinnu og mikilvæg verk-
efni sem bíða. Nú höldum við
áfram næstu fjögur ár við að byggja
betra samfélag.
Halla Signý Kristjánsdóttir.
Höf. er 7. þingmaður
NV kjördæmis
Aðventa komandi kjörtímabils
Fréttaveita Vesturlands
www.skessuhorn.is