Skessuhorn - 08.12.2021, Blaðsíða 27

MIÐVIKUDAGUR 8. DESEMBER 2021 27
• Bílasprautun • Bílaréttingar • Framrúðuskipti
BÍLASPRAUTUN VESTURLANDS
Sími: 860-0708 • bv.sprautun@gmail.com
Vinnum fyrir öll tryggingafélög
Dagur í lífi...
Nafn: Rebekka Sóley G.
Hjaltalín
Fjölskylduhagir/búseta:
Gift Kristjáni Lár og saman
eigum við tvær stelpur, Ásu
Valdísi og Kristrúnu Bjarn-
eyju. Búsett í Stykkishólmi.
Starfsheiti/fyrirtæki: Versl-
unarstjóri Kram í Stykkis-
hólmi.
Áhugamál: Crossfit, útivera,
innanhússhönnun og samvera
með uppáhalds fólkinu mínu.
Dagurinn: Föstudagurinn 3.
desember 2021.
Klukkan hvað vaknaðirðu
og hvað var það fyrsta sem
þú gerðir? Ég vakna yfirleitt
um 7:30, klæði mig og fer á
Crossfit æfingu með elsku
bestu Hildi vinkonu minni
klukkan 8.
Hvað borðaðirðu í morgun-
mat? Ég borða yfirleitt ekki
neitt á morgnana en ef ég geri
það er það eitthvað létt t.d.
ávextir eða jógúrt.
Hvenær fórstu til vinnu og
hvernig? Ég mæti alla virka
daga klukkan 12 og er til
klukkan 18. Misjafnt hvort ég
fari á bíl eða labbandi.
Fyrstu verk í vinnunni?
Fyrstu verk eru yfirleitt að
svara tölvupósti og ganga frá
pöntunum sem hafa borist í
gegnum vefverslun.
Hvað varstu að gera klukk-
an 10? Klukkan 10 er ég yfir-
leitt að koma heim af morgun-
æfingu, fer í sturtu og græja
mig fyrir daginn.
Hvað gerðirðu í hádeg-
inu? Í hádeginu reyni ég að
fá mér eitthvað hollt og gott
að borða og mæti svo í vinnu
klukkan 12.
Hvað varstu að gera klukk-
an 14? Afgreiða í búðinni.
Hvenær hætt og það síðasta
sem þú gerðir í vinnunni?
Við lokum klukkan 18 og ger-
um upp. Síðan reynum við
að fylla á það sem hefur selst,
þrífa og fleira tilfallandi.
Hvað gerðirðu eftir vinnu?
Eftir vinnu fór ég heim og
bakaði föstudagspizzu með
fjölskyldunni.
Hvað var í kvöldmat og hver
eldaði? Pizza og við hjálp-
uðumst öll að.
Hvernig var kvöldið?
Kvöldið var mjög notalegt,
popp, nammi og góð jóla-
mynd með fjölskyldunni.
Hvenær fórstu að sofa?
Klukkan 23.
Hvað var það síðasta sem
þú gerðir áður en þú fórst
að hátta? Ég tók úr þvottavél-
inni og burstaði tennurnar.
Hvað stendur upp úr eft-
ir daginn? Samvera með fjöl-
skyldunni og góður vinnudag-
ur.
Eitthvað að lokum? Sendi
öllum vinum og ættingjum
kærar kveðjur um gleðileg jól
og þakka árið sem er að líða.
Verslunarstjóra Kram í Stykkishólmi
Nýverið urðu stjórnarskipti í hesta-
mannafélaginu Dreyra sem á starfs-
svæði sitt á Akranesi og í Hval-
fjarðarsveit. Nýr formaður er Ása
Hólmarsdóttir en hún tekur við af
Fjólu Lind Guðnadóttur. Varafor-
maður stjórnar er Sigurður Arnar
Sigurðsson og aðrir stjórnarmenn
Óttar Ellingsen, Þorsteinn Hörð-
ur Benónýsson og Ásta Marý Stef-
ánsdóttir. Varamenn í stjórn eru
Hjálmar Þór Ingibergsson og Vikt-
oría Gunnarsdóttir.
Fyrr á þessu ári lauk reisingu og
frágangi nýrrar reiðhallar Dreyra
á Æðarodda. Félagsmenn hafa
undanfarna daga unnið við ýmsan
frágang innanhúss og þess vænst að
höllin verði formlega vígð á næst-
unni. Nýja reiðhöllin mun gjör-
breyta aðstöðu hestamanna til
þjálfunar og keppnishalds. Sjálft
húsið er límtréshús, 1.250 fer-
metrar að grunnfleti; 25 metra
breitt og 50 metra langt. Það er
Fasteignafélag Akraneskaupstaðar
sem er formlegur eigandi hússins
en gerður var langtímasamningur
um reksturinn við Dreyra. Það er
sambærilegt rekstrarform og milli
Akraneskaupstaðar og Golfklúbbs-
ins Leynis um Frístundamiðstöðina
við Garðavöll.
mm
Ný stjórn Dreyra og
brátt ný reiðhöll
Reiðhöllin á Æðarodda.
Höllin er 1250 fermetrar að flatarmáli. Nú er unnið að lokafrágangi innanhúss.
Ljósm. Dreyri.