Skessuhorn - 08.12.2021, Blaðsíða 32

MIÐVIKUDAGUR 8. DESEMBER 202132
Vísnahorn
Allar líkur eru á að aðdragandi jól-
anna verði ekki með þeim hætti sem
til skamms tíma var kallaður „hefð-
bundinn“ og gæti það hugsanlega
minnt okkur á forgengileik allra
hluta. Þó eru engar líkur á öðru en
sól hækki á lofti upp úr jólum. Það
er allavega hefðbundið ferli og við
skulum að minnsta kosti vona að
svo haldi áfram. Jólin og aðdragandi
þeirra hafa lengi verið mikilvægur
þáttur í lífsbaráttu íslenskra kaup-
manna og ekki síst lítilla sérversl-
ana sem því miður hafa margar látið
undan síga í viðureigninni við stóru
verslanakeðjurnar. Á kvöldgöngu
um Akureyri einhvern tímann á að-
ventunni kvað Bjarni frá Gröf:
Kvöldin lengjast, hverfur sólin,
kalt er í skugganum.
Þá birtast okkur blessuð jólin
í búðarglugganum.
Og á líkar nótur leikur Sigmund-
ur Benediktsson:
Í Mammonsveldi kærleiks hug-
sjón kól,
það knýr á fast að lýður glysið
borgi.
Þó meistarinn gæfi máttug
friðarjól,
maðurinn gerði þau að sölutorgi.
Þegar jólahátíðin nálgast verð-
ur okkur ljóst hvers við höfum far-
ið á mis og raunar óskiljanlegt að
við höfum getað lifað þó þessi ár
án þess að eignast hina aðskilj-
anlegustu gæðagripi sem eiga sér
það sameiginlegt að verð þeirra er
hækkað að heilu þúsundi svo aðeins
munar einni eða tveimur krónum.
Hallmundur Kristinsson orti ein-
hvern tímann á aðventunni:
Gerir mýkra geðið mitt
og göngu dagsins létta.
Jóla þetta og jóla hitt,
jóla hitt og þetta.
Það er margþekkt bragð aug-
lýsenda að finna ný og grípandi
nöfn á sína vöru til aðgreiningar
frá annarri vöru sambærilegri en
þó að sjálfsögðu um flest ómerk-
ari að áliti auglýsandans. Stundum
tekst þetta vel en stundum miður.
Grétari Jónssyni varð að orði þegar
hann heyrði auglýsta nýja tegund af
hangiketi:
Flestan mat ég feginn ét,
forðast tel þó beri
,,Heiðursmannahangiket“,
- hvað ég jafnan geri.
Jólaæðið var á tímabili næsta brjál-
æðislegt svo hefði jafnvel slopp-
ið með minna. Á einhverjum tíma-
punkti meðan það stóð sem hæst orti
einn ágætur fjölskyldufaðir:
Frúin var á kafi í kökum
og komið fram yfir miðnættið.
Þá greip hana heljartökum
hreingerningarbrjálæðið.
Jólin eru hátíð barnanna var oft
sagt og ég vona að fólk slái nú ekki
slöku við svo þjóðin eigi alltaf nóg
af börnum til að gleðja á jólunum:
Meðan drjólar seimasól
í sínum bólum hýsa,
á forlaga hjóli fer á ról
ferskeytt jólavísa.
Pétur Stefánsson orti hins vegar á
aðventunni:

Á aðventu er segin saga
sem mig ávallt pirrar mjög,
í eyrum glymja alla daga
óþolandi jólalög.
Í desember ég fer á fætur
fjörlítill sem síld í dós.
Eyðir svefni allar nætur
óþolandi jólaljós.
Út og suður allir hlaupa.
Ærið marga þjakar stress.
Eiginkonur ýmsar kaupa
óþolandi jóladress.
Í ótal magni æ má heyra
auglýsingar fyrir jól.
Losar merginn oft úr eyra
óþolandi barnagól.
Húsmæðurnar hreinsa og sópa,
húsið skreyta og strauja dúk.
Íslensk þjóð er upp til hópa
óþolandi kaupasjúk.
Fennir úti, frostið stígur,
faðmar að sér dautt og kvikt.
Upp í nasir einnig smýgur
óþolandi skötulykt.
Margir finna fyrir streitu
og fá að launum hjartaslag.
Yfirbuguð er af þreytu
íslensk þjóð á jóladag.
Fyrir tíma fjölmiðlanna stytti fólk
sér gjarnan stundir við að geta gátur
og ekki síst á hátíðum sem voru of
heilagar til nokkurrar vinnu nema
brýnustu málaverka og kemur hér
ein sem mun þó yngri að árum og
að ég held eftir Svein Bergsveins-
son:
Hvað er líkt með hrút og presti
heims á mörgu bólunum?
Og svarið er náttúrulega:
Annatíminn allra mesti
er hjá þeim á jólunum.
Það er nefnilega einmitt á jólun-
um sem annríkið er hvað mest hjá
hrútum landsins þó sumir bænd-
ur létti aðeins undir erfiði þeirra
með sæðingum. Ærnar eru hins-
vegar sjaldnast spurðar út í sína hlið
á málunum enda orti fjárbóndinn
Magnús Halldórsson um eina af
sínum afbragðs ám:
Hún gerði á granirnar stút
og geiflaði munnvikin út.
Í raunum oft mædd,
þessi rolla var sædd.
En vildi þó heldur fá hrút.
Georg Jón Jónsson sendi mér
þessa jólakveðju fyrir nokkrum
árum og ætli það sé ekki rétt að
áframsenda hana til lesenda minna
eða „forwardera“ eins og það heitir
víst nú orðið:
Jólanna hátíð heillar á ný
með hangiketi og skötunni.
Farið er varlega um fjárhúsin því
frelsarinn liggur í jötunni.
Þetta er nú afmælishátíðin hans
en hún er að drukkna í glaumn-
um
og verslunaræði hvers vinnandi
manns
er viljugur berst með straumnum.
En fögnuður ríkir og friðarins
spor
fetum við án þess að hræðast.
Biðjum um gæsku og gróandi vor
þegar guðslömbin eiga að
fæðast.
Með þökk fyrir lesturinn,
Dagbjartur Dagbjartsson
Hrísum, 320 Reykholt
S 435 1189 og 849 2715
dd@simnet.is
Farið er varlega um fjárhúsin því -
frelsarinn liggur í jötunni
Síðastliðinn sunnudag var boðið
upp á notalega stemningu í Rjóma-
búinu á Erpsstöðum í Dölum. Auk
heimafólks voru nokkrir aðilar með
sölubása. Tilboð var á ýmsum vör-
um; úrval af jólatrévöru frá Ástu
Ósk og Skyrgámur mætti á svæðið
og heilsaði upp á gesti. „Minnum á
að í vetur er opið eftir samkomu-
lagi, úrval af ostum, ís og ýmissi
gjafavöru,“ segir í tilkynningu.
mm
Dagur reykskynjarans var síðastliðinn
miðvikudag, 1. desember. Þessi litlu
og ódýru tæki geta gert kraftaverk en
það þarf að hlúa að þeim. Góð regla er
að nota aðventuna til að yfirfara reyk-
skynjara á heimilinu. Það þarf að skipta
um rafhlöðu, endurnýja bilaða reyk-
skynjara og fjölga þeim ef þarf. Reyk-
skynjara skal hafa í öllum svefnher-
bergjum, miðrými, þvottahúsi og bíl-
geymslu. Svo er góð regla að prófa
reykskynjara að minnsta kosti fjórum
sinnum á ári. Reykskynjarinn er ódýrt
öryggistæki, en aðeins ef hugsað er um
að hann sé í lagi.
mm
Út er komin bókin „Tónar á ferð“
– Söngbók eftir tónlistarkonuna
Valgerði Jónsdóttur, Bæjarlista-
mann Akraness 2021. Í bókinni er
að finna nótur að lögum sem Val-
gerður hefur samið á undanförnum
árum og útsett fyrir barna- og ung-
mennakóra. Valgerður er einnig
höfundur flestra af ljóðunum við
lögin en einnig eru ljóð eftir Brynju
Einarsdóttur, Guðmund Kristjáns-
son, Hannes Hafstein og fleiri í
bókinni. Valgerður starfar sem kór-
stjóri Karlakórsins Svana og Skóla-
kórs Grundaskóla á Akranesi. Hún
hefur nýtt mörg laganna í kennslu
og kórastarfi í gegnum árin. Í bók-
inni eru einnig níu lög sem henta
vel í tónlistarvinnu með leikskóla-
börnum og yngstu nemendum
grunnskóla, með hugmyndum að
leikjum og hljóðfæraleik.
Upptökur að mörgum laganna er
að finna á tónlistarsíðum Valgerð-
ar á Spotify, YouTube og facebook
síðunni Music a la Vala. Hægt er
að panta bókina hjá Valgerði gegn-
um netfangið valgerdur76@gma-
il.com. Einnig verður hún fáanleg
í nokkrum af verslunum Pennans
Eymundsson m.a. á Akranesi og
Tónastöðinni í Reykjavík.
Föstudaginn 10. desember milli
klukkan 17 og 17.30 ætla Valgerð-
ur og Sylvía dóttir hennar að flytja
lög úr bókinni í verslun Pennans
Eymundsson á Akranesi. Allir eru
hjartanlega velkomnir að kíkja við.
-fréttatilkynning
Nú er rétti tíminn til að
yfirfara reykskynjarana
Jólastemning á Erpsstöðum
Forsíða bókarinnar Tónar á ferð.
Tónar á ferð – ný söngbók
eftir Valgerði Jónsdóttur
Valgerður Jónsdóttir.
Ljósm. Sigtryggur Ari Jóhannsson.