Skessuhorn - 08.12.2021, Blaðsíða 23

MIÐVIKUDAGUR 8. DESEMBER 2021 23
Pólsk sögustund
Biblioteka czyta dzieciom
Fimmtudaginn 9.
desember kl. 17:00
Serdecznie zapraszamy
wszystkich rodzicow
ze swoimi dziecmi
na godzine czytania
dzieciom w bibliotece
w Akranes.
Czyta: Marta Baurska
Bókasafn Akraness • Dalbraut 1 • s. 433 1200 bokasafn.akranes.is • bokasafn@akranessofn.is
SK
ES
SU
H
O
R
N
2
02
1
Jólamarkaður
á
Akratorgi
Jólamarkaður á Akratorgi
verður haldinn helgarnar
11. – 12. des. og 18. – 19. des.
Opið verður frá
kl. 14:00 – 20:00
Kíktu við á Akratorg
og upplifðu jólagleðina
á aðventunni.
Ný reglugerð hefur tekið gildi sem
ætlað er að straumlínulaga leyfis-
veitingaferlið við húsbyggingar.
Reglugerðin kveður á um upptöku
nýs kerfis við flokkun mannvirkja,
sem hafa mun bein áhrif á eftirlit
sveitarfélaga, meðferð umsókna
og útgáfu leyfa vegna allrar mann-
virkjagerðar. Nýja flokkunarkerfið
þýðir að bygging einfaldari mann-
virkja, svo sem frístundahúsa og bíl-
skúra, mun ekki lengur vera háð út-
gáfu byggingarleyfis, heldur nægir
að hafa svokallaða byggingarheim-
ild sem mun draga verulega úr
flækjustigi í slíkum framkvæmdum.
Breytingin er í takti við áform um
einföldun stjórnsýslu byggingamála
sem fram koma í nýjum stjórnar-
sáttmála. Í tilkynningu frá Hús-
næðis- og mannvirkjastofnun kem-
ur fram að framundan er frekari
endurskoðun m.a. með hliðsjón af
tillögum OECD sem gagnrýndi
fyrra kerfi leyfisveitinga í mann-
virkjagerð í samkeppnismati sínu
á íslenskum byggingariðnaði á síð-
asta ári.
Ákvæði sem varða palla,
girðingar, skjólveggi og heita potta
verða einfölduð. „Markmið með
setningu reglugerðarinnar er að
draga úr kostnaði við framkvæmd-
ir og gera eftirlit með mannvirkja-
gerð skilvirkara og einfaldara með
því að flokka mannvirki, m.a. eftir
stærð, flækjustigi hönnunar og sam-
félagslegu mikilvægi. Þannig verð-
ur umsóknarferli byggingarleyfis og
eftirlit með mannvirkjagerð sniðið
að hverjum flokki fyrir sig á þann
hátt að umfangslítil mannvirkja-
gerð verður mun einfaldari í fram-
kvæmd sem ætti að leiða til lægri
byggingarkostnaðar.“
Helstu breytingar sem
verða samfara gildistöku
reglugerðarinnar eru
eftirfarandi:
Nr. 1. Mannvirki verða flokkuð eft-
ir umfangi, eðli og samfélagslegu
mikilvægi í þrjá umfangsflokka:
a. Í umfangsflokk 1 fellur ein-
föld mannvirkjagerð, s.s. bílskúr-
ar og frístundahús, sem undanþeg-
in verður byggingarleyfi en háð
byggingarheimild, sem er nýtt hug-
tak í byggingarreglugerð. Í þessum
Frístundahús og bílskúrar ekki
lengur háð útgáfu byggingarleyfis
flokki verður t.a.m. hvorki skylt að
skila séruppdráttum við umsókn né
er gerð krafa um ábyrgðaryfirlýs-
ingu iðnmeistara.
b. Í umfangsflokk 2 fellur mann-
virkjagerð sem felur í sér flestar
almennar framkvæmdir, s.s. ein-
býlishús, fjölbýlishús og atvinnu-
húsnæði og verður áfram háð
byggingarleyfi.
c. Í umfangsflokk 3 falla mjög
flóknar eða umfangsmiklar fram-
kvæmdir, sem hafa jafnvel mik-
ið samfélagslegt mikilvægi, s.s.
sjúkrahús, skólar og verslunarmið-
stöðvar. Þessi mannvirkjagerð verð-
ur háð byggingarleyfi og er fyrir-
hugað að gera ítarlegri kröfur um
eftirlit með hönnun þeirra en áður
hefur verið.
Nr. 2. Gerður verður skýr
greinarmunur á tilkynningaskyldri
mannvirkjagerð og mannvirkja-
gerð sem undanþegin er byggingar-
leyfi, en áður hafði verið fjallað um
hvoru tveggja í sama ákvæði. Þá eru
ákvæði sem varða palla, girðingar
og skjólveggi einfölduð auk þess
sem heitir pottar verða nú einung-
is tilkynningarskyldir, en voru áður
byggingarleyfisskyldir.
mm
Frístundabyggð í Borgarfirði.
kirkjunni einnig altaristöfluna. Það
var finnskur listamaður, Lennart
Segerstraale, sem málaði altaristöfl-
una sem er svokölluð freska. Hún
var unnin með þeim sérstaka hætti
að hún var öll máluð í blautan múr.
Þegar listamaðurinn var að vinna að
verkinu var hann alltaf með múrara
með sér. Hann múraði alltaf smá
blett sem hann ætlaði að mála þann
daginn og þannig unnu þeir þetta
skref fyrir skref. Þeir voru heilt
sumar á kostnað Hvals en Loft-
ur var stofnandi Hvals og á með-
an honum entist aldur til stjórn-
aði hann fyrirtækinu. Systkinin eru
tvö, Kristján og Birna og hafa bæði
í raun og veru tekið við af foreldr-
um sínum og verið ákaflega miklir
velunnarar kirkjunnar. Þá hafa fyr-
irtækin Hvalur og Venus í Hafnarf-
irði áratugum saman lagt kirkjunni
til ákveðið framlag á hverju einasta
ári.
Jón segir að það sem hafi verið
gert núna til að bjarga gluggunum
sé ómetanlegt. „Tvö síðastliðin ár
vorum við að vinna í því að endur-
nýja og búa betur um hlífðarglerið.
Þeir unnu það fyrir okkur Akurs-
menn og gerðu það alveg einstak-
lega vel enda voru Þjóðverjarn-
ir alveg tilbúnir að gútera það og
sögðu að þetta væri mjög vel gert
og svona hefðum við þetta áfram.
Þess vegna fengum við þá aftur til
að taka glerið frá sem að þeir settu
upp, þeir bjuggu nýtt utan um fyr-
ir glerið allt saman sem þeir gerðu
einstaklega vel og unnu með Þjóð-
verjunum og gengu svo frá öllu á
eftir.“
Ein af
höfuðkirkjum landsins
Fjórar kirkjur á svæðinu tilheyra
Garða- og Saurbæjarprestakalli
en það eru Saurbæjarsókn, Leirár-
og Melasókn, Innra-Hólmssókn
og Garðasókn á Akranesi. Þetta
eru fjórar sóknir en eru með sömu
prestana og öll prestsstörf eru sam-
eiginleg. Saurbæjarkirkja er ein af
höfuðkirkjum landsins og er í hópi
með Skálholtskirkju, Hólakirkju og
fleiri þekktum kirkjum.
Ómetanlegur
stuðningur
Jón segir að þetta sé mikill og stór
áfangi í því að halda Hallgríms-
kirkju við. „Þetta er lítill söfnuður
sem telur um 100 manns og okk-
ur er fært það í fangið að halda við
þessari kirkju. Við höfum átt mjög
erfitt með það en höfum feng-
ið framlög til þess undanfarin ár.
Þrjú síðastliðin ár höfum við ver-
ið að laga kirkjuna að utan. Fyrsta
árið var gert við sprunguskemmdir
í múrnum og tvö síðastliðin sumur
hefur kirkjan verið máluð að utan
og lokið var við að mála turninn í
sumar. Kirkjan er komin í ágætlega
gott stand og þetta er mikill mun-
ur frá því hvernig þetta var en fyr-
ir þremur til fjórum árum var okk-
ur í raun og veru algjörlega að fall-
ast hendur yfir að geta ekki komið
þessu eitthvað áfram. Sóknarnefnd-
irnar fjármagna hverja kirkju fyrir
sig en geta sótt um peninga í sjóði
hjá Biskupsstofu úr svokölluðum
Jöfnunarsjóði kirkna og þar, fyrst
og fremst, hefur okkur tekist að fá
peninga í sambandi við viðhaldið
utanhúss á kirkjunni. Við fengum
peninga í 2-3 ár til að vinna í því
viðhaldi og hefðum ekki ráðið við
þetta annars og það hjálpaði okkur
feikilega mikið. Það er gott að eiga
góða að og er alltaf þannig og fyrir
okkur hér og þessa kirkju er ómet-
anlegur stuðningur alls þessa fólks.
Það má í raun segja að það hafi ver-
ið þannig frá upphafi þegar kirkjan
er byggð að þá eru mjög margir vel-
unnarar kirkjunnar sem gáfu marga
hluti sem eru enn hérna í kirkjunni
og sem kirkjan býr alltaf að.“
Vilja fá meira líf
í kirkjuna
Jón segir að verið sé að reyna að
halda þessu í horfinu eins og hægt
er: „Það eru allir sammála um það
að þetta er merkileg kirkja, kennd
við séra Hallgrím Pétursson, og
byggð til þess að minnast hans.
Hún er nokkurs konar minnisvarði
um Hallgrím og okkar hlutverk er
að reyna að halda þessu í horfinu
og betrumbæta. Þetta er stórt og
mikilsvert verk og mikils virði fyr-
ir okkur að vera komin í þá stöðu
að þetta er allt að komast í lag og
liggi ekki undir skemmdum en það
var fyrirséð að það væri ekki langt
í það. Það var vissulega áfall fyr-
ir okkur að þurfa að fara í viðgerð
á gluggunum en þetta tókst allt
mjög vel. Þá erum við að reyna að
efla kirkjuna þannig að það sé alltaf
eitthvað um að vera; að reyna að
byggja upp gott og fjölbreytt starf
hér í kirkjunni. Ég get sagt þér sem
dæmi að það kom áhugafólk hing-
að til okkar fyrir þremur árum
og skipulagði hér sumartónleika.
Sumartónleikar hafa síðan verið
hér í kirkjunni síðastliðin sumur og
tókust til að mynda afar vel í sumar.
Við höfum selt inn á þessa tónleika
í fjáröflun fyrir kirkjuna og núna í
vor var sett upp hljóðkerfi í kirkj-
una sem ekki var áður og það var
algjörlega kostað með innkomunni
af tónleikahaldinu. Samstarfið hef-
ur haldið áfram og síðasta sunnu-
dag voru aðventutónleikar í kirkj-
unni með Diddú og drengjunum.
Kirkjur hafa verið nýttar í seinni
tíð fyrir tónleika og því tengt. Við
eigum að koma svona viðburðum
inn í kirkjurnar og nota þessi hús.
Við erum öll sammála um þetta og
prestarnir eru á sömu skoðun. Við
viljum að sem flestir komi inn til að
fá meira líf í kirkjuna og hafa þetta
á alla vegu sem fjölbreyttast.“ segir
Jón að lokum. vaks
Hallgrímskirkja í Saurbæ.