Skessuhorn - 19.01.2022, Blaðsíða 14
MIÐVIKUDAGUR 19. JANÚAR 202214
Ríkisstjórnin hefur ákveðið að
tryggja Landspítalanum svigrúm
sem gerir kleift að greiða starfsfólki
sérstaklega fyrir viðbótarvinnufram-
lag næstu fjórar vikurnar. Talið er að
þannig megi betur tryggja mönnun
við erfiðar aðstæður meðan mesti
þunginn í faraldrinum gengur
yfir. „Við þurfum að gera ráð fyr-
ir að næstu vikur verði krefjandi og
ástandið er mjög þungt á Landspít-
ala. Stjórnvöld standa þétt að baki
spítalanum og þessi ákvörðun er lið-
ur í því. Það er ótrúlegt hve miklu er
hægt að áorka með góðri samstöðu,
samvinnu og útsjónarsemi. Stjórn-
endur og starfsfólk heilbrigðisþjón-
ustunnar hefur sýnt það og sannað
á afgerandi hátt síðustu misserin og
ég met það mikils.“ segir Willum
Þór Þórsson heilbrigðisráðherra.
„Mönnun hefur lengi verið áskor-
un á Landspítala hvað varðar heil-
brigðisstarfsfólk, eins og raunin er
í okkar nágrannalöndum. Í faraldr-
inum hefur áskorunin verið sérstak-
lega krefjandi. Það er því mikilvægt
að ríkisstjórn bregðist við með svo
afgerandi hætti og ég veit að þess-
ar ráðstafanir muni hjálpa til við þau
erfiðu verkefni sem fram undan er,“
segir Guðlaug Rakel Guðjónsdóttir,
settur forstjóri Landspítala.
Með samstilltu átaki ráðuneytis-
ins, stjórnenda, starfsfólks og stofn-
ana heilbrigðiskerfisins hefur ver-
ið ráðist í fjölmargar aðgerðir til að
styrkja stöðu Landspítala undanfar-
ið. Hér eru taldar þær helstu:
Mönnun
• Svigrúm veitt til Landspít-
ala til að greiða fyrir viðbót-
arvinnuframlag í fjórar vikur,
til að styrkja mönnun.
• Á annan tug starfsfólks
frá Klíníkinni starfar nú á
Landspítala til að styrkja
mönnun spítalans samkvæmt
tímabundnum samningi.
• Viðræður eru í gangi við fleiri
sjálfstætt starfandi aðila í heil-
brigðisþjónustu um sambæri-
lega samninga.
• Starfsfólk frá Sjúkrahúsinu
á Akureyri hefur aðstoðað á
Landspítala.
• Bakvarðasveit heilbrigðis-
þjónustunnar var virkjuð á ný
í lok október og hefur reynst
stuðningur við Landspítala til
að styrkja mönnun.
• Gerðir hafa verið tímavinnu-
samningar við einstaklinga frá
Landsbjörgu sem sinna yfir-
setu sjúklinga.
• Fyrirkomulagi útskrifta úr
einangrun vegna Covid hefur
verið breytt.
• Greiðari útskriftir af Landspít-
ala og flutningur sjúklinga.
• Öflugt og gott samstarf á sér
stað við stjórnendur Landspít-
ala til að létta á álagi.
• Síðastliðinn mánuð hefur
rýmum á heilbrigðisstofnun-
um um allt land verið fjölg-
að um tæplega 40 sem nýtast
sjúklingum af Landspítala.
• Í desember var opnuð 10 rýma
hjúkrunardeild fyrir aldraða
með COVID-19 á Eir.
• Heimahjúkrun á höfuð-
borgarsvæðinu hefur verið
styrkt með áherslu á að fækka
innlögnum á Landspítala og
greiða fyrir útskriftum sjúk-
linga.
• Viðræður standa nú yfir um
skammtímalausnir á höfuð-
borgarsvæðinu til að fjölga
hjúkrunarrýmum fyrir sjúk-
linga sem lokið hafa meðferð
á spítalanum.
mm
Það er öllum hollt að lesa og um að
gera að byrja nýja árið með lestrar-
gleði. Á vefsíðu Dalabyggðar, dal-
ir.is, er hægt að nálgast nýtt bóka-
bingó sem hægt er að nýta sér
bæði til skemmtunar og áskorun-
ar. Bóka- og lestrarbingóið hentar
til dæmis yngri lesendum mjög vel.
Hægt er að prenta bingóin út eða
nálgast eintak á Héraðsbókasafni
Dalasýslu að Miðbraut 11 í Búðar-
dal. Bókasafnið er opið á þriðju-
dögum og fimmtudögum frá kl.
12.30 til 17.30. vaks
Þegar ekki voru liðnar tvær vikur
af árinu hafði rafmagn farið þrisvar
sinnum af í Saurbæ í Dölum. Fyrst
fór rafmagnið rétt eftir að nýja árið
gekk í garð en tilkynning um raf-
magnsleysi barst Rarik eftir há-
degi á nýársdag. Þá fór rafmagnið
aftur af á þrettándanum, fimmtu-
daginn 6. janúar, og í þriðja sinn að
kvöldi miðvikudagsins 12. janúar.
Skessuhorn heyrði í Karli Matthí-
asi Helgasyni hjá Rarik á Vestur-
landi og spurði hann út í ástandið á
rafmagnslínum á þessu svæði. „Fyrst
brotnuðu bindingar og skemmdist
slá inn á Svínadal og einnig slitnaði
strengur við Hvol. Næst bilaði ein-
angrari á millispenni við Lambanes
í Saurbæ og svo var þriðja bilunin í
bugt á Saurbæjarlínunni,“ segir Karl
og bætir við að þetta séu allt ótengd-
ar bilanir og að ástandið á þessu
svæði sé slæmt. „Þetta eru margir
kílómetrar af línu sem er bara kom-
in á aldur og við höfum ekki undan
að skipta út búnaði sem er gamall og
slitinn,“ segir hann.
17 klukkustundir
án rafmagns
Þegar blaðamaður talaði við Karl
stefndi starfsfólk Rarik á að fljúga
með dróna með fram línunni til
að skoða ástand hennar nánar.
„Ástandið er væntanlega ekki gott
en við þurfum að sjónskoða alla
línuna til að gera okkur betur grein
fyrir því sem þarf að gera. Á þessu
svæði getur veðrið orðið þungt og
svona gömul lína ræður illa við það,
samanber þegar bilunin varð 1. jan-
úar var veðrið svo slæmt að það
var ekki hægt að fara og vinna við
línuna strax. Við prófuðum að setja
inn með fjargæslu en það datt bara
út aftur. Það tók vinnuflokk bara um
einn og hálfan til tvo tíma að finna
bilunina og voru þeir búnir að lag-
færa um klukkan sex um morgun-
inn. En það var ekki hægt að fara
upp í staurinn til að gera við nærri
strax vegna veðurs,“ segir Karl. En
rafmagnsleysið í Saurbæ fyrsta dag
ársins varði í rúmlega 17 klukku-
stundir. „Þetta er náttúrulega mjög
slæmt á svona svæði sem notar raf-
magn til að hitunar. Þetta er bæði
vont fyrir íbúa en líka fyrir okkar
starfsfólk að vera úti í svona veðrum
í bilanaleit og viðgerðum.“
Raflínur frá 1965
Rafmagnslínurnar á þessu svæði
eru síðan um 1965 og því orðnar
of gamlar að sögn Karls. „Við lög-
um það sem skemmist og reynum
að halda rafmagni á svæðinu en eins
og bilunin frá 1. janúar þá er ekki
enn búið að laga þá bilun. Við kom-
um straumi á og vonandi hangir lín-
an inni en það þarf að laga meira.
Við þurfum að taka rafmagnið af í
svona fjóra klukkutíma til að laga
það sem er að og við vitum að því
fylgja óþægindi fyrir íbúa á svæð-
inu. En það er mikilvægt að við velj-
um tíma þar sem er ekki kalt úti
því þarna hitar fólk með rafmagni.
Þetta er ekki kjörstaða en við gerum
okkar besta að halda öllu gangandi,“
segir Karl. Spurður hvort það sé á
dagskrá að koma rafmagni á þessu
svæði í jörð segir hann það ekki vera
fyrr en eftir 2025. arg
Listakonan Michelle Bird í Borg-
arnesi ætlar að bjóða upp á ókeypis
skissutíma á netinu á milli kl. 16:30
og 17:00 næstu fjóra miðvikudaga.
Skissutímarnir henta öllum aldurs-
hópum og er ætlað að hjálpa fólki
að skapa á þessum kóvidtímum.
Þeir sem hafa áhuga geta svo haldið
áfram fyrir 2000 krónur á mánuði.
Áhugasamir geta haft samband við
Michelle Bird í gegnum Facebook.
arg
Mynd af bilun í staurastæðu í Saurbæ
á nýársdag.
Rafmagn þrisvar farið af í
Saurbæ það sem af er ári
Gott að byrja nýja árið með lestri góðra bóka. Ljósm. dalir.is
Bókabingó í Búðardal
Ætlar að bjóða upp á
skissutíma á netinu
Aðgerðir til að bæta stöðu Landspítalans