Skessuhorn - 19.01.2022, Blaðsíða 39
MIÐVIKUDAGUR 19. JANÚAR 2022 39
Síðastliðinn fimmtudag var birt
myndband á síðu Ungmennasam-
bands Borgarfjarðar þar sem til-
kynnt var um fimm efstu íþrótta-
mennina í kjöri Íþróttamanns Borg-
arfjarðar 2021. Kristín Þórhalls-
dóttir var valin íþróttamaður Borg-
arfjarðar fyrir árið 2021 en hún var á
dögunum einnig valin Íþróttamað-
ur Akraness. Þetta er í fyrsta skipti
sem sami einstaklingur ber sigur úr
býtum í tveimur félögum. Til gam-
ans má geta þess að þetta er ekki í
fyrsta skipti sem Kristín hlýtur tit-
ilinn Íþróttamaður Borgarfjarðar.
Það gerði hún síðast árið 1999, þá
fimmtán ára gömul, en hún var þá
afreksmanneskja í frjálsum íþrótt-
um; langstökki og hlaupi.
Um Kristínu sagði Sonja Lind
Eyglóardóttir sambandsstjóri
UMSB: „Þú hefur svo sannarlega
sýnt það að það er aldrei of seint
að byrja að æfa og keppa. Þú ert
öðrum hvatning.“ Sonja Lind til-
kynnti síðan um kjörið og sagði
meðal annars í ræðu sinni að far-
aldurinn hefði sett verulegt strik
í reikninginn fyrir bæði ungt fólk
sem og afreksfólk en engu að síður
hefði þeirra dugmikla íþróttafólk
enn og aftur sýnt glæsilegan árang-
ur bæði innanlands og utan. „Þeim
ber að hrósa fyrir seigluna, dugn-
aðinn og að láta ekki þessa skrýtnu
tíma draga sig niður, þau eru sann-
kallaðar fyrirmyndir.“ Alls voru 13
íþróttamenn tilnefndir og voru þeir
í kjölfarið kynntir eftir stafrófsröð
og þeirra helstu afrek tíunduð.
Í fimmta sæti í kjörinu var
körfuknattleiksmaðurinn Bjarni
Guðmann Jónsson. Bjarni spilaði
með Fort Hays State University
í Bandaríkjunum og var í byrjun-
arliðinu í öllum leikjum liðsins árið
2021. Bjarni sagði í myndbandinu
varðandi framtíðina að markmiðið
væri að ná að gera körfuboltann að
einhvers konar atvinnu í einhvern
tíma og komast eins langt og hægt
er, spila þangað til hann hættir að
geta hlaupið og svo náttúrulega
bara að reyna að ná einhverjum titli
í Borgarnes.
Í fjórða sæti var knattspyrnumað-
urinn Helgi Guðjónsson sem leik-
ur með Víkingi Reykjavík. Helgi
var bæði Íslands- og bikarmeist-
ari með liðinu á árinu. Helgi sagði
að sá sem hefði veitt honum inn-
blástur til að leika knattspyrnu væri
pabbi hans og svo bara þessir helstu
knattspyrnumenn sem hann hefði
horft á í sjónvarpinu.
Í þriðja sæti í kjörinu var kraft-
lyftingakonan Alexandrea Rán
Guðnýjardóttir. Hennar aðalgrein
er klassísk bekkpressa og hlaut hún
silfur á heimsmeistaramóti ung-
linga í Litháen á árinu og bætti sex
ára gamalt Íslandsmet á Norður-
landamóti unglinga í Finnlandi. Al-
exandrea sagði það skemmtilegasta
við bekkpressuna væri bara allt og
það væri mjög gaman að vera sterk.
Í öðru sæti var golfarinn Bjarki
Pétursson. Bjarki keppti á átta
mótum á evrópsku Challenge Tour
mótaröðinni árið 2021 og vann ör-
uggan sigur á Meistaramóti Golf-
klúbbs Borgarness 2021. Bjarki
sagði að hann hefði æft golf frá því
að hann var svona átta, níu ára en
hafi svo sem verið upp á golfvelli
frá því hann var lítill polli í vagni
hjá mömmu og pabba sínum.
Í fyrsta sæti, eins og áður sagði,
var kraftlyftingakonan Kristín Þór-
hallsdóttir. Kristín var þrefald-
ur Íslandsmeistari í -84 kg flokki
og setti fjölmörg Íslandsmet á ár-
inu. Kristín er fyrsti Íslendingur-
inn til að ná Evrópumeistaratitli
á þrílyftumóti innan kraftlyftinga
og sínum besta árangri á árinu
náði hún á Evrópumeistaramótinu.
Fékk hún gull í fjórum greinum
ásamt því að setja fjögur Íslands-
met og tvö Evrópumet. Kristín
sagði í viðtali í myndbandinu að
hún hefði æft frjálsar íþróttir frá
því hún var fimm ára gömul til
tvítugs og það væri góður grunn-
ur fyrir þessa íþrótt sem kraftlyft-
ingarnar eru. Varðandi framtíð-
ina sagði Kristín: „Framtíðin, já
eins og ég segi, árið 2021 var mjög
gott ár hjá mér og kannski verð-
ur erfitt að toppa það en ég er að
setja mér markmið fyrir næsta ár.
Ég á lágmörk á Heimsmeistaramót
og Evrópumeistaramót á þessu ári
sem ég er náttúrulega að stefna á
og mun taka einhver innanlands-
mót líka og Íslandsmót vonandi.“
Að lokum var afhentur Auðuns-
bikarinn sem er veittur af Minn-
ingarsjóði Auðuns Hlíðkvist Krist-
marssonar en Auðunn Hlíðkvist
lést, 2. ágúst 1995, aðeins 14 ára
gamall. Bikarinn er veittur ung-
um íþróttamanni sem þykir efni-
legur í íþrótt sinni, sýnir metnað í
ástundun og framkomu og er góð
fyrirmynd innan vallar sem utan.
Tilgangur viðurkenningarinnar
er að minnast Auðuns Hlíðkvist
og einnig að styðja við og hvetja
áfram unga og efnilega íþrótta-
menn á svæðinu. Auðunsbikar-
inn árið 2021 hlaut knattspyrnu-
maðurinn Ernir Daði Sigurðsson.
Hann var ótrúlega ánægður að fá
þessa viðurkenningu og sagði að
það væri þvílíkur heiður. Sonja
sagði við það tilefni: „Fyrir okkur
sem munum eftir Auðunni á þessi
viðurkenning alveg sérstakan stað í
hjarta okkar.“ vaks
ÍA lék tvo leiki í liðinni viku í 1.
deild karla í körfuknattleik og var
sá fyrri gegn Hamri á föstudaginn
og fór leikurinn fram í Hvera-
gerði. Skagamenn virtust alls ekki
með á nótunum í byrjun leiks því
það ótrúlega gerðist að ÍA náði ekki
í sín fyrstu stig fyrr en eftir rúm-
lega sjö mínútna leik þegar Henry
Engelbrecht tróð boltanum ofan í
körfuna eftir sóknarfrákast. Á með-
an höfðu heimamenn skorað nítján
stig gegn engu gestanna og stað-
an alveg með ólíkindum, 19:2. ÍA
náði þó að minnka aðeins mun-
inn fyrir lok fyrsta leikhluta og
staðan 22:9. Í byrjun annars leik-
hluta náðu Skagamenn með mik-
illi baráttu að saxa á forskotið enn
meir og minnka muninn í átta stig
og sá munur hélst nokkurn veg-
inn þannig fram að hálfleik, staðan
37:27 fyrir Hamri.
Í þriðja leikhluta gerðu Skaga-
menn aftur atlögu að heimamönn-
um og náðu að minnka muninn í
fjögur stig eftir tæplega fimm mín-
útna leik og spenna komin í leikinn.
En þá sögðu heimamenn stopp,
skoruðu næstu átta stig og þegar
þriðja leikhluta lauk var staðan
orðin 62:52 fyrir Hamri. Í byrjun
fjórða leikhluta gerðu Skagamenn
enn á ný áhlaup, skoruðu fyrstu
fimm stigin en þá vöknuðu heima-
menn upp af værum blundi og gáfu
gestunum engin grið. Það sem eftir
lifði leiks náðu þeir að skora 30 stig
gegn aðeins 13 stigum ÍA og ljóst
að Skagamenn sprungu á limminu
seinni hlutann í síðasta fjórðungi
leiksins, lokatölur leiksins 92:70
fyrir Hamri.
Stigahæstir í liði ÍA voru þeir
Davíð Alexander Magnússon með
18 stig, Þórður Freyr Jónsson með
14 stig og þeir Ómar Örn Helga-
son og Tómas Andri Bjartsson með
9 stig hvor. Hjá Hamri var Dareial
Franklin ansi öflugur með 43 stig
og 15 fráköst, Ragnar Magni Sig-
urjónsson með 14 stig og Oddur
Ólafsson með 8 stig.
Vesturlandsslagur
Skallagrímur og ÍA mættust svo á
mánudagskvöldið og fór leikurinn
fram í Fjósinu í Borgarnesi. Borg-
nesingarnir byrjuðu betur í leikn-
um og voru fljótlega komnir í 11:3
en Skagamenn voru ekkert á því að
gefast upp og minnkuðu muninn
í tvö stig eftir rúman sex mínútna
leik. Þriggja stiga munur var á milli
liðanna eftir fyrsta fjórðung og allt
útlit fyrir spennandi leik, staðan
22:19 fyrir Skallagrími. Í öðrum
leikhluta voru heimamenn sterk-
ari, um tæpan miðjan annan leik-
hluta var þó staðan 34:30 en þá fóru
heimamenn hamförum, skoruðu 17
stig gegn aðeins fimm stigum gest-
anna og staðan í hálfleik 51:35.
Skallagrímsmenn héldu áfram að
bæta við forskotið í þriðja leikhluta
og þegar honum lauk var munur-
inn orðinn 23 stig. Í fjórða og síð-
asta leikhluta bitu Skagamenn hins
vegar vel frá sér, skoruðu 31 stig
gegn 16 stigum heimamanna en
náðu þó aldrei að ógna sigri heima-
manna. Fimm stiga munur var
þegar 14 sekúndur lifðu af leiknum
en Skallarnir hittu úr þremur víta-
köstum í blálokin og tryggðu sér
átta stiga sigur, 88:80.
Engir áhorfendur voru leyfðir á
leiknum sökum samkomutakmark-
ana og því lítil stemning í Fjósinu
en leikurinn var sýndur á YouTube
í umsjón Nemendafélags Mennta-
skóla Borgarfjarðar.
Stigahæstir hjá Skallagrími í
leiknum voru þeir Marinó Þór
Pálmason með 25 stig, Bryan Battle
með 21 stig og Davíð Guðmunds-
son með 18 stig. Hjá ÍA var Nestor
Saa með 28 stig, Hendry Engel-
brecht með 17 stig og 14 fráköst og
Aron Elvar Dagsson með 10 stig.
Næsti leikur ÍA er gegn liði
Sindra á Höfn í Hornafirði föstu-
daginn 21. janúar og hefst leik-
urinn klukkan 19:15. Næsti leikur
Skallagríms er einnig gegn Sindra
en hann fer fram föstudaginn 28.
janúar í Borgarnesi og hefst klukk-
an 19:15.
vaks
Marinó Þór Pálmason var með 25 stig gegn ÍA. Hér í leik á móti Tindastóli. Ljósm. glh
Skallagrímur vann ÍA í Vesturlandsslagnum
Ernir Daði hlaut Auðunsbikarinn.
Kristín íþróttamaður Borgarfjarðar árið 2021
Kristín Þórhallsdóttir með bikarinn ásamt Sonju Lind. Ljósm. umsb