Skessuhorn - 19.01.2022, Blaðsíða 31
MIÐVIKUDAGUR 19. JANÚAR 2022 31
Bókasafn Akraness auglýsir eftir
umsóknum fyrir sýningarárið 2022
Bókasafn Akraness er í verslunarmiðstöð á
Dalbraut 1, miðsvæðis í bænum. Þar er aðstaða til
að setja upp sýningar á veggjum safnsins
og/eða í sýningarkössum.
Sýningar standa að jafnaði yfir í um fjórar vikur.
Sýningaraðstaðan er lánuð endurgjaldslaust. Sýningar
eru opnar á afgreiðslutíma Bókasafnsins.
Við mat umsókna er farið eftir hvernig sýning hentar
sýningaraðstöðu safnsins og fjölbreytileika sýninga.
Öllum umsóknum verður svarað.
Sótt er um rafrænt á vefsíðu Bókasafnsins,
www.bokasafnakraness.is
Umsóknarfrestur er til og með 7. febrúar 2022
Bókasafn Akraness • Dalbraut 1 • s. 433 1200
bokasafnakraness.is • bokasafn@akranessofn.is
SK
ES
SU
H
O
R
N
2
02
2
Borgarbyggð auglýsir lóðir lausar til úthlutunar
Um er að ræða atvinnuhúsalóð við Sólbakka 31 og viðskipta- og þjónustulóð
við Fitjar 1. Lóðirnar eru staðsettar í Borgarnesi.
Lóðunum verður úthlutað á fundi byggðarráðs 3. febrúar 2022. Berist fleiri
en ein umsókn um hverja lóð verður dregið á milli umsækjenda að
viðstöddum fulltrúa sýslumanns.
Skuldleysisvottorð frá viðskiptabanka skal fylgja umsókn.
Um auglýsingu og úthlutun lóða gilda úthlutunarreglu Borgarbyggðar frá
árinu 2021. Umsóknareyðublöð, lóðarblöð, gjaldskrár, skipulags- og
byggingaskilmálar og aðrar upplýsingar er að finna á heimasíðu
sveitarfélagsins, www.borgarbyggd.is.
Umsóknarfresturinn er til og með 2. febrúar 2022.
Helga Haraldsdóttir er matreiðslu-
meistari að mennt og fyrrum yfir-
kokkur á Mat og drykk. Hún ákvað
í upphafi heimsfaraldurs að segja
upp starfi sínu og stofna sælgætis-
gerðina Kandís í samvinnu við Wi-
ola Tarasek vinkonu sína og sam-
starfskonu hjá Mat og drykk.
Helga ólst fyrstu árin upp á Reyk-
hólum en flutti tólf ára gömul í
Búðardal þar sem hún bjó til 16 ára
aldurs. „Þá fór ég á heimavistina á
Akranesi, svona eins og allir hinir,“
segir Helga í samtali við Skessu-
horn. En í dag gerir hún hand-
gert sælgæti úr íslenskum jurtum.
Hjá Kandís er nú hægt að fá þrjár
tegundir af brjóstsykri, eina tegund
með rabbarbarabragði, aðra með
birki- og eplabragði, og þá þriðju
með hvannar- og sólberjabragði.
Þekkt hugmynd
í nágrannalöndunum
Helga og Wiola höfðu rætt það
sín á milli að langa til að gera sæl-
gæti að norrænum hætti og rifj-
ar Helga það upp hvernig hún
fékk innblástur frá gamalli mynd
um Línu Langsokk. „Það var ein-
hver nostalgía í mér. Ég man alltaf
svo vel eftir atriði þar sem Lína,
Anna og Tommi fara í sælgætis-
verslun og ég var með þetta at-
riði fast í huganum þegar við Wi-
ola vorum að skipuleggja allt í
kringum sælgætisgerðina,“ seg-
ir Helga og hlær. „Eigandi Matar
og drykkjar benti okkur á það fyr-
ir einu og hálfu ári að verið væri að
fjölga styrkjum hjá Matvælasjóði
og spurði okkur hvort við Wiola
værum ekki með hugmyndir að
einhverju skemmtilegu til að gera.
Það var aðeins búið að hægjast á
hjá okkur á Mat og drykk vegna
faraldursins svo við ákváðum bara
að slá til og fara í sælgætisgerð. Við
vorum strax ákveðnar að vilja nota
íslenskar jurtir í sælgætið en Wiola
er diplóma í jurtavísindum. Það er
vel þekkt í nágrannalöndum okkar
að gera handgert sælgæti en við á
Íslandi höfum ekki staldrað lengi
við slíka sælgætisgerð, ekki svo ég
viti,“ segir Helga.
Samstarf við Hraundísi
Helga og Wiola fengu styrkinn
frá Matvælastofnun og tók þá við
rúmt ár af skipulagsvinnu áður en
fyrsti brjóstsykurinn kom á mark-
að. Þær höfðu samband við Hraun-
dísi Guðmundsdóttur í Borgar-
firði en hún býr til ilmkjarnaolíur
úr handtíndum íslenskum jurtum.
„Við fáum hvönnina og birkið hjá
henni en það hefur verið ótrúlega
skemmtilegt ferli að prófa okkur
áfram með þessar jurtir. Bragðefn-
in fyrir sælgæti þurfa að vera rosa-
lega sterk og maður á að nota eins
lítið og hægt er því annars getur
karamellan kristallast og skemmst.
Það er því vandmeðfarið að bragð-
bæta sælgæti,“ segir Helga. Í ferl-
inu fóru þær til Danmerkur og
heimsóttu sælgætisverslun sem
hefur verið starfrækt frá árinu 1890
og hittu þær þar systkini sem reka
verslunina og eru þriðji ættliður-
inn til að gera það. „Við fengum að
vera í vinnustofu hjá þeim og lærð-
um alveg helling. Þegar heim var
komið var ekki aftur snúið, við ætl-
uðum bara að fara af fullum krafti
í þetta og gerðum það,“ segir hún.
Markaðssett fyrir
fullorðna
Öll markaðssetning fyrir Kandís
miðar að fullorðnum en sælgætið
er samt sem áður eitthvað sem öll-
um gæti þótt gott. „Við ákváðum að
leggja áherslu á að hönnun á pakkn-
ingum og slíkt myndi kannski frekar
höfða til fullorðinna. Við sáum strax
fyrir okkur svona gamaldags blæ á
pakkningum og við vildum að þær
sýndu hvernig við erum í raun að
taka skref til baka, fara úr fjöldafram-
leiðslu aftur í handgert sælgæti þar
sem eru notuð náttúruleg hráefni en
ekki gerviefni. Við vildum því gera
jurtunum hátt undir höfði og láta
þær njóta sín á pakkningunum,“ út-
skýrir Helga og bætir við að þær hafi
fengið til liðs við sig tvo spænska
hönnuði til að skapa rétta útlitið fyr-
ir Kandís.
Fleiri tegundir
Aðspurð segir Helga að framund-
an sé að þróa enn fleiri tegundir af
brjóstsykri og jafnvel að búa til fleiri
sælgætistegundir. „Ég er rosalega
spennt fyrir að gera brjóstsykur með
blóðbergsbragði en það er mín upp-
áhalds jurt. Mamma gerði alltaf te
fyrir mig þegar ég var lítil þar sem
hún notaði blóðberg og mér þyk-
ir svo vænt um þá minningu,“ segir
Helga og bætir við að það séu mikl-
ir möguleikar í frekari sælgætisþró-
un. „Það er svo margt hægt að búa til
úr sykri ef maður kann efnafræðina á
bak við það. Okkur langar til dæm-
is að búa til þennan hefðbundna
kandís eins og við þekkjum hann
og jafnvel að bragðbæta hann með
jurtum eða öðru skemmtilegu sem
fer vel með kaffinu. Svo langar okk-
ur jafnvel að prófa okkur áfram með
karamellur. Við erum bara rétt að
byrja og óskin er að geta svo starf-
að í eigin búð og selt handgert sæl-
gæti. Það væri jafnvel gaman að
geta kynnt framleiðsluna fyrir fólki
líka,“ segir Helga.
Kandís fæst eins og er í Epal,
Matarbúðinni Nándinni, Frú
Laugu, Me&Mu en er væntan-
legt í fleiri verslanir fljótlega. „Við
erum bara rétt að koma okkur af
stað og byrja að kynna vörurnar í
fleiri verslunum. Við höfum feng-
ið almennt mjög góð viðbrögð og
verðum vonandi komnar með vör-
ur í fleiri verslanir fljótlega,“ segir
Helga Haraldsdóttir.
arg/ Ljósm. aðsendar
Sagði upp sem yfirkokkur og
opnaði sælgætisgerðina Kandís
Umbúðirnar eru í gamaldags stíl þar
sem jurtirnar fá að njóta sín.
Helga Haraldsdóttir ólst upp á
Reykhólum og í Búðardal en býr nú í
Reykjavík þar sem hún hefur opnað
sælgætisgerðina Kandís.
Wiola Tarasek stofnaði sælgætis-
gerðina Kandís ásamt Helgu.
Hægt er að fá brjóstsykur með þremur bragðtegundum hjá Kandís.