Skessuhorn - 09.02.2022, Page 18

MIÐVIKUDAGUR 9. FEBRÚAR 202218
Eyjólfur Ármannsson, þingmaður
Flokks fólksins í Norðvesturkjör­
dæmi, færði í síðustu viku í tal úr
ræðustól Alþingis frjálsar handfæra­
veiðar. „Bann við frjálsum hand­
færaveiðum er mannréttindabrot,
það sýnir álit mannréttindanefnd­
ar Sameinuðu þjóðanna sem kom
fram árið 2007. Í dag byggist nú­
verandi strandveiðikerfi á því og
það er bara allsendis ófullnægjandi.
Í dag er ekki skilið á milli stórtækra
veiða togara og veiða smábáta, jafn­
vel þótt vitað sé að veiðihæfni hand­
færa sé afar lág, en samkvæmt töl­
um Hafrannsóknastofnunar sjálfr­
ar er hún 0,6%, sem þýðir að að­
eins sex fiskar nást af hverjum 1.000
fiskum sem komast í tæri við krók­
ana. Mikilvægt er að endurreisa rétt
sjávarbyggðanna til að nýta sjávar­
auðlindina á þann hátt að fjölskyld­
ur geti lifað af,“ sagði Eyjólfur.
Benti hann á að undan ströndum
landsins væru ein gjöfulustu fiski­
mið í heimi. Þessa auðlind hafa Ís­
lendingar nýtt frá því land byggð­
ist. „Íbúar sjávarbyggðanna eiga til­
kall til fiskimiðanna undan strönd­
um landsins. Þar hefur byggð frá
landnámi byggst á fiskveiðum og
landbúnaði. Takmarkanir stjórn­
valda á veiðum íbúa undan strönd­
um sjávarbyggðanna eru skerðing á
búseturétti sjávarbyggðanna. Tak­
markanir á atvinnufrelsi þurfa að
byggjast á sterkum rökum og ekki
ganga lengra en nauðsyn krefur
– það er meðalhófið,“ sagði hann
og benti jafnframt á að aflahámark
sem takmarkar fiskveiðar ætti ein­
göngu að ná til þeirra veiða sem
ógna fiskistofnum, ekki til veiða
sem ógna þeim ekki. „Handfæra­
veiðar ógna ekki fiskistofnum,“
sagði þingmaðurinn. mm
Fyrir og um síðustu helgi var ótt­
ast að djúp og víðáttumikil lægð
myndi hafa mikil áhrif hér á landi
aðfararnótt mánudags. Fyrst var
lýst yfir gulu viðvörunarstigi sem
á laugardaginn fór í appelsínugult
og á sunnudaginn bættist rauð
viðvörun við fyrir allt suðvestan­
vert landið. Var það í fyrsta skipti
sem rauð viðvörun var gefin út fyr­
ir þetta svæði frá því litakóða kerf­
ið var tekið upp af Veðurstofunni
og í almannavarnakerfinu. Lægðin
kom vissulega eins og spáð var, en
hún olli blessunarlega minna tjóni
en óttast hafði verið. Það var með­
al annars vegna þess að hitastig í
henni var hærra en spár gerðu ráð
fyrir og úrkoman við sjávarsíðuna
því í formi slyddu í stað snjókomu.
Ríkislögreglustjóri, í samráði við
lögreglustjóra á landinu, lýstu yfir
hættustigi Almannavarna sem tók
gildi á miðnætti á sunnudagskvöld.
Hættustigi var svo aflétt um hádegi
daginn eftir.
Hættustigi var lýst yfir þar sem
veðurspá Veðurstofu Íslands sýndi
ofsaveður um allt land og að mikil
hætta yrði á foktjóni, snjó og ófærð.
Veðurspáin gekk að hluta til eftir
og kom fyrsta útkall til björgunar­
sveita á suðvesturhorni landsins um
klukkan tuttugu mínútur yfir þrjú
aðfararnótt mánudags. Björgunar­
sveitir sinntu vel á annað hundrað
útköllum vegna veðurs og færðar
og voru nokkur útköll hjá sveitun­
um hér á Vesturlandi. „Veðrið gekk
hratt yfir og greinilegt var að al­
menningur fór eftir ábendingum
Almannavarna og viðbragðsað­
ila að vera ekki á ferðinni,“ sagði
í tilkynningu frá Almannavörnum
eftir hádegið á mánudaginn. Þar
önduðu menn því léttara.
Veðurhæð hér um vestanvert
landið varð mest við Hafnarfjall þar
sem vindur fór í 59,4 m/sek í hvið­
um, og beggja megin Hvalfjarðar
sömuleiðis. Við Þyril mældist vind­
hraði 58,8 m/s og við Tíðaskarð,
þekkt vindasvæði sunnan fjarð­
ar, mældist vindhraði 65,1 m/sek í
einni hviðunni.
Helstu áhrif veðursins urðu þau
að rafmagn fór af um tíma um
nóttina á Snæfellsnesi og í Borgar­
firði. Þá varð Elkem á Grundar­
tanga straumlaust í tæpan hálf­
tíma um nóttina. Í öllum tilfellum
gekk vel að koma rafmagni á að
nýju. Samgöngur lágu niðri fram­
an af mánudegi, skólahaldi var ým­
ist aflýst þennan dag eða starfsemin
hafin þegar líða tók á morguninn.
mm
Matís, Reykhólahreppur og Þör­
ungaverksmiðjan hafa undirritað
viljayfirlýsingu um samstarf í rann­
sóknum á vegum nýstofnaðrar Þör­
ungamiðstöðvar Íslands á Reyk­
hólum. Þetta kemur fram á vefsíðu
Reykhólahrepps. Á föstudaginn rit­
uðu Ingibjörg Birna Erlingsdótt­
ir, sveitarstjóri Reykhólahrepps, og
Finnur Árnason, framkvæmdastjóri
Þörungaverksmiðjunnar hf., f.h.
Þörungamiðstöðvar Íslands annars
vegar, og Oddur Már Gunnars­
son, forstjóri Matís, hins vegar
undir viljayfirlýsingu um samstarf
við rannsóknir og vöktun í tengsl­
um við Þörungamiðstöð Íslands
á Reykhólum í þeim tilgangi að
auka þekkingu, atvinnu­ og verð­
mætasköpun úr þangi og þara með
rannsóknum, fræðslu, nýsköpun og
vöruþróun.
Fjölbreyttari
atvinnusköpun
Þörungamiðstöð Íslands er ætlað
að vera hlutafélag með lögheim­
ili í Reykhólahreppi í eigu Þör­
ungaverksmiðjunnar hf. og Reyk­
hólahrepps sem og fleiri aðila.
Samkvæmt drögum að stofnsamn­
ingi er tilgangur félagsins m.a. að
stuðla að aukinni þekkingu og safna
í þekkingarbanka um öflun og nýt­
ingu sjávarþörunga við Ísland, bæði
ræktaðra og villtra, stunda rann­
sóknir með áherslu á sjávarþör­
unga, vera í samstarfi við rann­
sóknarstofnanir og fyrirtæki, veita
þjónustu til rannsóknarstofnana og
fyrirtækja, taka þátt í mennta­ og
fræðastarfi, efla ræktun þörunga
og þróa afurðir úr þeim til að auka
verðmætasköpun úr þessu sjávar­
fangi um leið og stuðlað er að fjöl­
breyttari atvinnu í Reykhólahreppi.
Dr. Hólmfríður Sveinsdóttir, mun
móta starfsemi Þörungamiðstöðv­
ar Íslands.
Fimmtíu ára saga
Saga þörungavinnslu á Reykhól­
um er orðin 50 ára og staðbundin
þekking á auðlindinni hefur safnast
upp. Leitun er að heppilegri stað
á landinu fyrir rannsóknastarfsemi
og hagnýtri vöruþróun á sjávar­
þörungum. Við Breiðafjörð er um
fjórðungur strandlengju Íslands
og vaxtarskilyrði einstök. Fram til
þessa hefur Þörungaverksmiðjan
stutt rannsóknir í firðinum með því
að bjóða farartæki, reynda sæfara
og öryggisbúnað til að athafna sig
við rannsóknir. Byggst hefur upp
mikil þekking á vinnsluferli innan
Þörungaverksmiðjunnar. Með þátt­
töku í stofnun Þörungamiðstöðvar
Íslands vill Þörungaverksmiðjan hf.
efla stuðning við rannsóknir á auð­
lindinni og nýjar úrvinnsluleiðir,
enda er Reykhólahreppur heima­
völlur hennar og íbúarnir undir­
staða starfseminnar. Þörungaverk­
smiðjan framleiðir og selur há­
gæða þurrkað og malað klóþang og
hrossaþara úr Breiðafirði. Þörunga­
mjölið er vottað sem óblönduð líf­
ræn vara og sjálfbær uppskera. Með
aukinni tækniþróun hafa skapast
gríðarleg tækifæri til fjölbreyttari
nýtingar á þörungum og vinnslu
verðmætra efna í matvæla­, snyrti
og lyfjaiðnað með tilheyrandi verð­
mæta­ og atvinnusköpun.
vaks
Segir bann við handfæra-
veiðum mannréttindabrot
Eyjólfur Ármannsson. Ljósm. arg.
Þörungamiðstöð Íslands
verður á Reykhólum
Á meðfylgjandi mynd eru María Maack verkefnisstjóri Þörungaklausturs, Finnur
Árnason framkvæmdastjóri Þörungaverksmiðjunnar hf, Ingibjörg Birna Erlings-
dóttir sveitarstjóri Reykhólahrepps, Oddur Már Gunnarsson forstjóri Matís og
Anna Kristín Daníelsdóttir rannsókna- og nýsköpunarstjóri Matís. Ljósm af vef
Reykhólahrepps
Á sunnudaginn voru félagar í Björg-
unarfélagi Akraness að gera búnað og
tæki klár fyrir útköll næsturinnar og
næsta dags. Hér eru nokkrir að yfirfara
strappa, nauðsynlegan búnað til
grípa til ef hefta þarf fok á tækjum og
mannvirkjum. Ljósm. mm.
Óveðrið olli minni usla en óttast hafði verið

Strompur með áföstum gervihnattadisk féll á þessu húsi við Heiðargerði á Akra-
nesi. Steyptur strompurinn olli tjóni á þaki hússins. Ljósm. vaks.
Ekki virðist sem óveðrið hafi valdið miklum usla í Grundarfirði. Rólegt var hjá
björgunarsveitinni Klakki á meðan lægðin mjakaðist yfir landið. Heimaskipin
voru í höfn og biðu af sér versta veðrið áður en þau héldu til veiða á ný. Ljósm. tfk.
Færð og veður á vegum var með ýmsu móti síðastliðinn mánudagsmorgun.
Póstbíll, sem ekur með póst á Snæfellsnes, fór út af veginum áleiðis á Vatnaleið
á níunda tímanum um morguninn eftir að hafa lent í krapa. Ökumaðurinn fékk
fljótlega aðstoð hjá BB & Sonum í Stykkishólmi og tafðist því stutt á ferð sinni með
póstinn. Ljósm. þa.
Guðni Haraldsson og Júlíus Már Þórarinsson, félagar í Björgunarfélagi Akraness,
voru á sunnudaginn að gera Talibanann kláran í útköll næturinnar. Ekkert óveður
haggar þessum brynvarða Unimoc árg. 1986. Ljósm. mm.