Skessuhorn - 16.02.2022, Síða 21

MIÐVIKUDAGUR 16. FEBRÚAR 2022 21
112 dagurinn er haldinn hátíðlegur
hjá viðbragðsaðilum 11. febrúar ár
hvert, en þá minna viðbragðsaðilar
á sig og brjóta aðeins upp daginn.
Í Grundarfirði fóru viðbragðsað­
ilar einn hring um bæinn á föstu­
daginn með tilheyrandi hávaða og
ljósasýningu. Þeir stoppuðu stutt
við Grunnskóla Grundarfjarðar þar
sem krökkunum gafst tækifæri á að
skoða herlegheitin. Svo var haldið
áfram og stoppað nálægt leikskól­
anum þar sem yngsta kynslóðin
fékk að virða þessa vælandi bifreið­
ar fyrir sér. tfk
Rauði krossinn á Akranesi hefur
keypt nýtt húsnæði fyrir deildina.
Það er á Kirkjubraut 12 í rými þar
sem Modus var áður til húsa. Að
sögn Úrsúlu Áradóttur formanns
deildarinnar er nýja húsnæðið mun
hentugra fyrir starfsemina og í al­
faraleið. Í desember á síðasta ári
seldi Rauði Krossinn á Akranesi
fyrra húsnæði sitt sem er við Skóla­
braut 25a.
Akranesdeild Rauða krossins var
stofnuð 4. júní 1941. Félagsmenn
eru um 800 og virkir félagar um 50.
Starfsemin árið 2020 til 2022 hef­
ur markast af kórónufaraldrinum
og legið niðri tímabundið en ver­
ið vakin upp þegar sóttvarnarregl­
ur hafa leyft. Skyndihjálparnám­
skeið hafa verið stór þáttur í starfi
deildarinnar. Fyrirtæki og einstak­
lingar á öllu Vesturlandi hafa nýtt
sér námskeiðin og deildin býr að
mjög hæfum og áhugasömum leið­
beinendum. Prjónahópur er bæði
fjáröflunarhópur og góður félags­
skapur kvenna sem búa til og selja
prjónavörur. Aðaláherslan hefur
verið á sölu á endurnýttum lopa­
peysum. Heimsóknarvinir er hóp­
ur fólks innan Rauða krossins sem
nú bíður þess að opið verði fyr­
ir heimsóknir til þeirra sem þess
óska. Matarklúbbur og Skvísuhóp­
ur eru hópar sem hittast reglulega
og vinna að því að rjúfa félagslega
einangrun t.d. nýbúa og erlendra
íbúa á Akranesi, veita stuðning og
mynda tengsl. Börn og umhverfi
eru vel sótt námskeið fyrir unglinga
sem haldin eru á hverju ári.
vaks
Viðbragðsaðilar í Snæfellsbæ óku
um sveitarfélagið á sunnudaginn
með blikkandi ljósum og sírenum í
tilefni af 112 deginum sem var síð­
asta föstudag. Endaði fjörið í björg­
unarstöðinni Von í Rifi þar sem
gestum gafst kostur á að skoða hin
ýmsu tæki viðbragðsaðila ásamt því
að í boði var Svali fyrir börnin.
Á hverju ári er lögð áhersla
á ákveðið málefni við þetta til­
efni og að þessu sinni var það að
vinna gegn hvers konar ofbeldi en
ofbeldis hegðun hefur farið vax­
andi síðustu tvö ár sem Covid far­
aldurinn hefur geisað. Við þetta
sama tækifæri afhenti Slökkvilið
Snæfellsbæjar viðurkenningu fyr­
ir eldvarnagetraun en á hverju ári
heimsækja slökkviliðsmenn nem­
endur í 3. bekk grunnskólanna
og fræða þá um eldvarnir. Börnin
fá svo með sér heim handbók um
eldvarnir heimilisins og söguna af
Brennu­Vargi og Loga og Glóð.
Þeim gefst einnig kostur á að
taka þátt í eldvarnagetrauninni en
heppnir þátttakendur fá svo jafnan
afhent vegleg verðlaun á 112 deg­
inum og var engin breyting á því í
ár. Að þessu sinni var það Egill Míó
Jóhannsson sem var dreginn út og
fékk hann viðurkenninguna sína af­
henta við þetta tækifæri. þa
Rauði krossinn festir kaup
á nýju húsnæði
Úrsúla Árnadóttir, formaður Akranesdeildar RKÍ, og Róbert Gíslason frá Pacta við
undirskrift kaupsamningsins.
Nýja húsnæðið á
Skólabraut 12. Á myndinni með Agli Míó eru slökkviliðsmennirnir Emanúel Þórður Magnússon,
Matthías Páll Gunnarsson, Birgir Tryggvason og Kjartan Hallgrímsson.
Viðbragðsaðilar á ferðinni
á 112 deginum
Ekið eftir Ólafsbrautinni.
112 dagurinn í Grundarfirði
Björgunarsveit, sjúkrabíll og slökkviliðsbílar röðuðu sér upp
við Kjörbúðina þar sem hægt var að skoða.
Sigurður Gísli Guðjónsson skólastjóri í grunnskólanum stóðst ekki mátið og skellti
sér upp á beltahjól björgunarsveitarinnar Klakks.
Mateusz Moniuszko björgunarsveitarmaður hjá Klakki í björgunarsveitarbíln-
um. Dominik Bajda sjúkraflutningamaður er við hliðina á honum.
Þessum fannst ansi forvitnilegt að skoða inn í sjúkrabílinn
og virða búnaðinn fyrir sér.
Yngstu íbúar Grundarfjarðar fengu líka að skoða og fannst spennandi.