Skessuhorn - 02.03.2022, Blaðsíða 2

MIÐVIKUDAGUR 2. MARS 20222
Hreint með
lægsta tilboðið
AKRANES: Alls bárust fimm
tilboð vegna útboðs Akra­
neskaupstaðar um ræstingu
í stofnunum kaupstaðarins
tímabilið 2022 til og með 2025
en þau voru opnuð 21. janú­
ar síðastliðinn. Lægsta tilboð­
ið átti Hreint ehf. sem hljóð­
aði upp á rúmar 124 milljón­
ir en hæstu tvö tilboðin áttu
Dagar ehf. og Sólar ehf. sem
voru nálægt 143 milljónum.
Kostnaðaráætlun var 162 millj­
ónir króna. Á fundi bæjarráðs
á fimmtudaginn var samþykkt
að taka tilboði lægstbjóðanda,
Hreint ehf., og fela bæjarstjóra
frekari úrvinnslu málsins. -vaks
Talning ferða-
manna
DALIR: Á fundi atvinnu­
málanefndar Dalabyggð­
ar þriðjudaginn 22. febrú­
ar var tekið fyrir erindi Ferða­
málastofu varðandi hentugan
stað fyrir uppsetningu teljara
en enginn teljari er til staðar
eins og er í Dalabyggð. Ferða­
málastofa stendur fyrir taln­
ingu á ferðamannastöðum víða
um landið. Talningin fer fram
með sjálfvirkum teljara sem tel­
ur gangandi vegfarendur með
mikilli nákvæmni. Miðað er við
að telja á stöðum þar sem öll
eða nánast öll gangandi um­
ferð fer sama stíginn. Tölurnar
eru svo birtar um það bil dag­
lega í Mælaborði ferðaþjón­
ustunnar. Atvinnumálanefndin
lýsti yfir ánægju með að haft
væri samband við Dalabyggð
varðandi uppsetningu teljara.
Nefndin taldi mikilvægt að telj­
arinn verði settur upp í samráði
við landeigendur. Nefndin lagði
til við Ferðamálastofu að skoða
uppsetningu við Guðrúnarlaug
að Laugum í Sælingsdal, Eiríks­
staði í Haukadal eða við leiðina
upp að Tregasteini að Seljalandi
í Hörðudal. -vaks
Starf skólastjóra
DALIR: Laust er til umsóknar
embætti skólastjóra Auðarskóla
í Dalabyggð sem er sameinað­
ur leik­, grunn­ og tónlistar­
skóli. Ráðið verður í stöðuna frá
og með 1. ágúst næstkomandi.
Þetta kemur fram í auglýsingu
í síðasta Skessuhorni. Auðar­
skóli er með um 100 nemend­
ur og við skólann starfa 35. Í
Dalabyggð búa um 660 manns,
þar af um 40% í Búðardal. Um­
sóknarfrestur um starfið er til
og með 7. mars 2022. -vaks
Strætó í
hremmingum
KJALARNES: Strætó á leið
57, Reykjavík – Akranes, fór
út af á mánudagskvöldið á
Kjalarnesi, milli Mógilsárs og
Grundarhverfi. Veður var mjög
slæmt þegar óhappið varð.
Engan sakaði. Mjög hvasst var
á svæðinu alla nóttina og var
vegurinn um Kjalarnes lokað­
ur. Fyrsta strætóferð dagsins var
því felld niður um morguninn.
-mm
Þessi vika er viðburðarík í meira
lagi og hófst með bolludeginum
á mánudaginn þar sem lands-
menn borðuðu flestir yfir sig af
alls kyns bollum. Enn betra tók
við í gær á sprengidegi þegar
saltkjöt og baunir voru á boðstól-
um og þeir eldri líklega smjatt-
að vel yfir því góðgæti. Í dag er
svo öskudagur þar sem börnin
fá að njóta sín og fá líklega vel af
alls konar nammi í pokann sinn,
en þó ekki í öskupokann. Hann
heyrir sögunni til og er aðeins ljúf
minning hjá þeim sem hugsa til
baka þegar börn laumuðu hon-
um aftan á einhvern og helst án
þess að viðkomandi vissi af því.
Þetta voru góðir tímar en eins
og allt annað þá breytist heimur-
inn og við með þó við séum ekki
alltaf til í allar þær breytingar.
Á fimmtudag má búast við
suðlægri eða breytilegri átt 5-10
m/s og stöku éljum, en lengst af
verður rigning eða slydda austan
til. Hiti um og yfir frostmarki. Á
föstudag er gert ráð fyrir suðvest-
an- og vestan 8-15 og éljum, en
þurrt og bjart á Austurlandi. Hiti
í kringum frostmark. Á laugar-
dag er útlit fyrir suðlægri átt 5-13
og úrkomulítið, en 13-20 sunn-
an- og vestanlands síðdegis með
rigningu eða slyddu. Hlýnar held-
ur. Á sunnudag verður suðlæg
eða breytileg átt og rigning eða
snjókoma, en dregur úr úrkomu
seinnipartinn. Kólnar aftur.
Í síðustu viku var spurt á vef
Skessuhorns: „Hver af þessum
dögum er í mestu uppáhaldi hjá
þér?“ Af þessum þremur dögum
sem um var spurt var Sprengi-
dagur vinsælastur með 56% at-
kvæða, 40% sögðu Bolludagur og
restina rak Öskudagur með að-
eins 4% greiddra atkvæða.
Í næstu viku er spurt:
Hefur þú greinst með Covid?
Fulltrúar ÍATV á Akranesi tóku í
síðustu viku við fjölmiðlaverð-
launum Knattspyrnusambands
Íslands fyrir árið 2021. ÍATV er
netsjónvarpsstöð sem starfrækt
er af sjálfboðaliðum og sendir út
á YouTube. Starfsmenn ÍATV eru
Vestlendingar vikunnar.
Spurning
vikunnar
Til minnis
Vestlendingur
vikunnar
Veðurhorfur
Slökkvilið Stykkishólms og ná­
grennis hélt á laugardaginn æfingu
þar sem eldur var kveiktur í ónýtri
rútu sem átti að farga. Átta slökkvi­
liðsmenn tóku þátt í æfingunni
sem gekk vel að sögn Einars Þórs
Strand, slökkviliðsstjóra.
„Við nýttum tækifærið og æfðum
ýmislegt, prófuðum að lyfta með
lyftipúðum, fara inn í rútuna og
klippa í sundur sæti og svona sitt­
hvað fleira,“ segir Einar Þór í sam­
tali við Skessuhorn. Hann segir það
alltaf vera mjög gott þegar slökkvi­
liðið fær tækifæri til að æfa með
bíla, rútur eða jafnvel hús. „Slíkar
æfingar nýtast okkur alltaf vel. Það
Byggðarráð Borgarbyggðar hef­
ur samþykkt erindisbréf nýrr­
ar byggingarnefndar vegna við­
byggingar við Kleppjárnsreykja­
deild Grunnskóla Borgarfjarð­
ar, og skipað í nefndina. Halldóra
Lóa Þorvaldsdóttir verður for­
maður nefndarinnar en auk henn­
ar sitja í henni sem aðalmenn þau
Lilja Björg Ágústsdóttir, Logi Sig­
urðsson, Guðveig Eyglóardóttir og
Davíð Sigurðsson. Í fjárhagsáætl­
un fyrir árin 2022­2025 er áætlað
að verja 795 milljónum króna til að
ljúka við fyrsta áfanga viðbyggingar
við skólann. Eins og komið hefur
fram í fréttum Skessuhorns er hluti
gömlu grunnskólabyggingarinn­
ar ónothæfur vegna raka og myglu.
Áætlað er að rífa þann hluta og
byggja nýja byggingu á sama stað.
Nú þegar hefur verið gerð þarfa­
greining og verkefnið sett í for­
hönnun.
Verkefni byggingarnefndar verð­
ur að undirbúa hönnun skólahús­
næðisins og framkvæma útboð og
velja framkvæmdaraðila. „Verk­
efnið skal innihalda alla þá þætti
sem nauðsynlegir eru til að starf­
semi hefjist í húsnæðinu að verk­
efni loknu og skulu kostnaðaráætl­
anir taka mið af öllum verkþáttum
til að svo megi vera,“ segir í erindis­
bréfi byggingarnefndar Grunn­
skóla Borgarfjarðar á Kleppjárns­
reykjum.
mm
Menningarstefna Vesturlands 2021­
2024 hefur nú formlega verið gef­
in út. Að þessu sinni er hún raf­
ræn. Þá hafa verið frumsýnd stutt
kynningarmyndbönd þar sem stefna
hvers kafla er kynnt og sýnir hversu
fjölbreytt og öflugt menningarstarf
er á Vesturlandi.
„Menningarstefnan er áhersluver­
kefni Sóknaráætlunar Vesturlands.
Hún var samþykkt í lok síðasta árs
og er í raun endurskoðuð menn­
ingarstefna frá árinu 2016. Skipað
var sérstakt fagráð skipuð aðilum frá
öllum nema einu sveitarfélaganna á
Vesturlandi, auk þess sem fjórir fag­
aðilar, starfandi í menningartengd­
um greinum í landshlutanum áttu
sæti í ráðinu. Fagráðið tók sem áður
segir ákvörðun um að endurskoða
eldri menningarstefnu en með nýj­
um áherslum. Lögð væri áhersla á
hvernig stefnan myndi þjóna minni­
hlutahópum á Vesturlandi, t.d. inn­
flytjendum og að áhersla væri lögð
á menningartengdar atvinnugrein­
ar í stefnunni. Þá var stefnan mótuð
út frá Vesturlandi sem einu menn­
ingarsvæði,“ segir í tilkynningu frá
Sigursteini Sigurðssyni menningar­
fulltrúa SSV.
Nálgast má skýrsluna og rafræna
kynningu á: https:/ssv.is/menning
mm
Brunaæfing í rútu í Stykkishólmi
er sjaldgæfara að fá rútur en smærri
bíla svo það er mjög gott þegar við
fáum þær. Svo þegar það fellur til
hús sem hægt er að kveikja í þá er
það alltaf besta æfingin sem við get­
um fengið,“ segir hann.
Slökkviliðið kveikti í rútunni
og leyfði eldinum að loga í u.þ.b.
þann tíma sem það myndi taka fyrir
slökkviliðið að komast að brennandi
rútu á Vatnaleið áður en þeir gætu
hafið slökkvistarf. „Við sáum það
að ef það kviknar í rútu á Vatna­
leið verður hún sennilega brunnin
til kaldra kola þegar við komum á
staðinn. Eldurinn var byrjaður að
koðna niður þegar við byrjuðum
að vinna. Það er lærdómsríkt fyrir
okkur að sjá þetta gerast og því eru
svona æfingar nauðsynlegar. Við
gerðum þetta bara í rólegheitunum
í þetta skiptið og fundum út hvað
væri best að gera. Þetta var í raun
bæði æfing og tilraunastarfsemi,“
segir Einar Þór Strand slökkviliðs­
stjóri.
arg/ Ljósm. sá.
Örn Ingi og félagar með tónleika á Kaffi Emil í Grundarfirði. Ljósm. úr safni/tfk.
Rafræn menningarstefna fyrir Vesturland
Börn að leik. Myndin er úr safni Skessuhorns frá 2008 og því börnin sem þarna eru
á mynd í dag orðin fullorðið og ráðsett fólk.
Byggingarnefnd skipuð vegna
stækkunar Kleppjárnsreykjaskóla