Skessuhorn - 02.03.2022, Blaðsíða 19

MIÐVIKUDAGUR 2. MARS 2022 19
Þessi mynd felur í sér mögulegt byggingarmagn á Dalbrautarreit án lóðar fyrir
Fjöliðju. Vantar á myndina blokkir á efsta hluta reitsins.
Pennagrein
Snæfellsbær heldur Barnamenn­
ingarhátíð Vesturlands á þessu ári, í
samstarfi við Samtök sveitarfélaga á
Vesturlandi, en hátíðin er áherslu­
verkefni Sóknaráætlunar Vestur­
lands og er haldin til skiptis á þrem­
ur stöðum á Vesturlandi. Þeir eru
Reykholt í Borgarfirði, Akranes og
Snæfellsbær. Þetta kemur fram á
vefsíðu Snæfellsbæjar.
Markmið Barnamenningarhátíð­
ar er að efla menningarstarf fyrir
börn og ungmenni. Þátttaka barna
og ungmenna er uppistaða há­
tíðarinnar. Menningarstarf er stór
þáttur í uppeldi og kennslu barna
og skiptir því jafnræði máli og að
börn geti verið þátttakendur í hinni
ýmsu menningarstarfsemi. Hátíð­
in á að hvetja börn og ungmenni til
virkrar þátttöku í menningarstarfi
og veita þeim tækifæri til að njóta
listar og menningar.
Ekki er komin nákvæm dagsetn­
ing á hátíðina en undirbúningur er
þó hafinn. Áhugasamir sem vilja
taka þátt og/eða standa fyrir við­
burði geta haft samband við heim­
ir@snb.is. Nánari upplýsingar og
dagskrá mun birtast síðar. vaks Hressir piltar á Götulistahátíð á Hellissandi árið 2019. Ljósm. af vef Snæfellsbæjar
Barnamenningarhátíð
Vesturlands haldin
í Snæfellsbæ í ár
Bæjarfulltrúar á Akranesi hafa ekki enn
þegar þessar línur eru skrifaðar séð til­
efni til að svara harðorðu opnu bréfi í
Skessuhorni 26. janúar s.l. frá leiðbein­
endum í Fjöliðjunni.
Það sama átti við þegar Emma
starfsmaður í Fjöliðjunni afhenti for­
seta bæjarstjórnar undirskriftalista
með um 600 hundruð undirskriftum
einstaklinga sem mótmæltu fyrirhug­
uðum flutningi af Dalbraut 10 á fyrstu
hæð í blokk á Dalbraut 8 og uppskipt­
um á starfsemi Fjöliðjunnar eða með
yfirskriftinni „Ekkert um okkur, án
okkar“. Lítið um svör.
Bæjarstjórn hélt sig við sama hey­
garðshornið, þegar undirskriftalistinn
var birtur/falinn í fundargerð bæjar­
stjórnar. Um undirskriftalistann var
ekki fjallað, né hverju hann er að mót­
mæla. Hann var settur sem viðhengi
undir dagskrárlið, um stýrihóp sam­
félagsmiðstöðvar. Ekki það merkileg­
ur hópur sem undirskriftalistinn er að
styðja við, að hann fái sérstakan dag­
skrárlið í fundargerð bæjarstjórnar.
Einnig er lögð vinna að þeirra hálfu
að skilgreina, hvar hver og einn er
búsettur. Er bæjarstjórn ekki að selja
Akranes sem góðan stað til að búa á?
Í Skessuhorni 9. febrúar kem­
ur grein frá bæjarfulltrúum á Akra­
nesi sem ber yfirskriftina „Fjöliðjan
og ný samfélagsmiðstöð.“ Athygli vert
að þau tali sérstaklega um Fjöliðjuna
annars vegar og nýja samfélagsmiðstöð
hins vegar. Þau sjá ekki tilefni til að
svara opnu bréfi leiðbeinanda í Fjöliðj­
unni í grein sinni.
Ég vil með nokkrum línum vitna í
eftirfarandi setningar úr grein bæjar­
fulltrúa:
• Grein bæjarfulltrúa: „Þessi
ákvörðun kom í kjölfarið á deilum
og ósætti í bæjarstjórn um hvern­
ig uppbyggingu Fjöliðjunnar skyldi
háttað eftir brunann sem þar varð
þann 7. maí 2019 og varð til þess að
starfsemin þurfti að flytja tímabund­
ið í annað húsnæði.“
Um hvað var deilt? Ekki að
byggingin yrði á Dalbraut 10, það bera
allar samþykktirnar merki um. Vor­
uð þið ekki deila um hvort byggja ætti
við núverandi húsnæði sem kostaði um
100 m/kr minna og afhendingartími
yrði á árinu 2023, eða að rífa ætti nú­
verandi húsnæði og byggja nýtt á reitn­
um með afhendingartíma árið 2024?
• Grein bæjarfulltrúa: „Leitað var
leiðsagnar margra aðila um hvern­
ig verkefnum og húsnæðismálum
Fjöliðju framtíðar væri best fyr­
ir komið. Sú vinna færði bæjarfull­
trúa nær endanlegri ákvörðun um
húsnæðismál og uppbyggingu Fjöl­
iðjunnar.“
Hvað voruð þið að gera í 2 ár og 7
mánuði? Voruð þið ekki að leita leið­
sagnar fjölda aðila? Allar samþykktirn­
ar sem þið gerðuð varðandi staðsetn­
ingu voru á Dalbraut 10. Við íbúar
hér á Akranesi eða a.m.k. flestir ger­
um kröfu til þess að bæjarfulltrúar séu
þokkalega vakandi þegar þau greiða
atkvæði um tillögur sem eru lagð­
ar fram og m.a. vísa til staðsetningar
Fjöliðjunnar á Dalbraut 10.
• Grein bæjarfulltrúa: „Hlutirnir
gerðust hins vegar hratt í desem­
ber og í meðförum bæjarstjórnar í
lok vinnu við fjárhagsáætlun víkkaði
hugmyndin um uppbygginguna og
ákveðið var að hugsa stærra og til
lengri tíma. Bæjarstjórn bar sú gæfa
að komast að sameiginlegri niður­
stöðu sem allir bæjarfulltrúar eru
ánægðir með og stoltir af.“ (lbr.AÓ)
Eruð þið bæjarfulltrúar virkilega
stoltir af samþykkt ykkar, eftir að hafa
í 2 ár og 7 mánuði haldið vænting­
um fatlaðra starfsmanna Fjöliðjunn­
ar um að farið væri í uppbyggingu á
Dalbraut 10 og síðan á einum mánuði
farið í bakið á þeim með uppskiptingu
og breyttum staðsetningum án þeirra
aðkomu? Var ekki á þessum 2 árum
og 7 mánuðum hugsað stærra og til
lengri tíma fyrir starfsmenn Fjöliðj­
unnar?
• Grein bæjarfulltrúa: „Fjöliðjan
er eitt af framsæknustu vinnu-
úrræðum sem til eru á landinu
í dag og án efa eru margir sem
gjarnan vildu hafa slíka starfsemi í
sínu sveitarfélagi. (lbr.AÓ). Hér er
boðið upp á fjölbreytta starfsemi
með fjölbreyttum verkefnum fyr­
ir fjölbreyttan hóp fólks, starfið er
einstaklingsmiðað eins og kostur
er.“
Ég skal játa að ég hélt að ég hefði
villst á greinum, þegar ég las þetta
fyrst. Hvernig verða vinnuúrræði að
því sem þau eru í dag? Það er fyr-
ir duglegt og ánægt starfsfólk,
góða leiðbeinendur og stjórnend-
ur á löngum tíma. Það er ekki fyr­
ir ákvarðanir ánægðra og stoltra
bæjarfulltrúa. Því verður það enn og
aftur óskiljanlegra að þau sem eiga
stærstan þátt í að byggja upp eitt af
framsæknustu vinnuúrræðum fatl­
aðra sem til eru á landinu skuli vera
þau einu sem ekki máttu koma að
feluleiknum við niðurbrot á þessum
framsæknu vinnuúrræðum.
En hvers vegna að brjóta
Fjöliðjuna upp?
Í valkostagreiningu sem unnin var af
bæjarstjóra og allir aðrir en stjórn­
endur, leiðbeinendur, starfsmenn og
flestir aðstandendur starfsmanna í
Fjöliðjunni fengu að koma að eða voru
spurðir álits á segir m.a:
• Við frekari skoðun í skipulags og
umhverfisráði hafa komið fram efa­
semdir um fjárhagslegan ávinn-
ing af uppbyggingu Fjöliðjunnar
á Dalbraut 10 vegna stærðar lóð­
ar og áhrifa á heildarskipulag Dal­
brautarreits (lbr.AÓ).
• Dalbrautarreitur hefur verið gjöf-
ull í tekjuöflun og skiptir verulegu
máli í að afla Akraneskaupstað sér-
tekna (lbr.AÓ).
Þétting byggðar með öflun sér-
tekna virðist vera lykill bæjarfulltrúa
við ósjálfbærum rekstri Akraneskaup­
staðar og elta þau þar Reykjavíkur­
borg. Staðsetning Fjöliðjunnar á Dal­
braut 10 er farartálmi á þeirri leið.
Hvað var þá til ráða? Hugmynda­
smiðir bæjarstjórnar fóru á hugarflug,
niðurstaðan; Samfélagsmiðstöð, sem
byggir á hugmyndafræði um samfé-
lag án aðgreiningar, segir í samþykkt
bæjarstjórnar.
Hvað er samfélag án aðgreiningar?
„Samfélag sem gerir ráð fyrir að
kraftar allra nýtist, að raddir allra
heyrist og að fólk fái að blómstra
á sínum forsendum er samfélag
án aðgreiningar.“ (Tilvitnun í grein
HBH í mbl. 18.04.2015). Að radd­
ir allra heyrist og fólk fái að blómstra
á sínum forsendum, en ekki forsend­
um/röddum bæjarfulltrúa, ráðsmanna
í notendaráði og þeirra embættis­
manna sem komu að málinu og sem
hlusta ekki á þessar raddir. Frístund,
sem í eru nemendur úr neðstu bekkj­
um grunnskóla og starfsmenn Fjöliðju
sem eru á aldrinum 18+ eða í vinnu
þar alla sína ævi eða meðan þau hafa
getu til, er það samfélag án aðgrein­
ingar.
Í grein á heimasíðu Akraneskaup­
staðar segir: „Fjöliðjan hefur verið
einn opnasti vinnustaður á Akra-
nesi með miklum heimsóknum dag­
lega. Þessi samfélagslega þátttaka
allra starfsmanna hefur verið mikil-
vægur og verðmætur þáttur í allri
starfsemi og vinnustaðamenningu
Fjöliðjunnar.“ Hér horfum við til
Fjöliðjunnar fyrir niðurbrot, vinnu­
staður sem þverskurður Skagamanna
og fleiri heimsækja þar m.a. endur­
vinnsluna/ flöskumóttökuna, er þetta
ekki líkara samfélagi án aðgreiningar
bæjarfulltrúar?
Þétting byggðar – Dalbrautarreitur
­ Fjöliðjan Dalbraut 10. Sértekjur –
Markmið og úrvinnsla valkostagrein­
ingarinnar við skoðun, var að fá fjár­
hagslega niðurstöðu sem leiddi af sér
að Fjöliðjan yrði að fara af Dalbraut
10 og þar yrði reist blokk/ fjölbýlishús
í staðinn. Við þessa vinnu yrði að halda
trúnaði, svo stjórnendum, leiðbein­
endum, starfsmönnum Fjöliðju og nær
öllum aðstandendum yrði haldið utan
hennar.
Fulltrúum í skipulags­ og um­
hverfisráði lá svo mikið á að þau sam­
þykktu á fundi 21. febrúar sl. að leggja
til við bæjarráð að Dalbraut 10 yrði
rifinn. Snúa hnífnum í sári starfsfólks
Fjöliðjunnar, svo þeirra draumsýn um
að á Akranesi væru til aðilar sem hlust­
uðu á þau.
Hvert er stefnt með
þéttingu byggðar?
Dalbrautarreitur (sjá mynd) er svæði
sem stefna bæjarstjórnar er að þétta
byggð á og afla sértekna samkvæmt ný
samþykktri fjárhagsáætlun. Í byrjun árs
2017 var auglýst breyting á aðal­ og
deiliskipulagi neðri hluta Dalbrautar­
reits (Dalbr. 2 – 8). Athugasemdir bár­
ust frá fjölda íbúa við Dalbraut. Tek­
ið var tillit til lítils hluta athugasemda.
Síðan hófst bútasaumurinn árið 2020,
breytingin sem gerð var 2017 á Dal­
braut 6, var aftur færð nær í upphaf­
legu útgáfuna.
Eftirfarandi
upplifun íbúa
á Dalbraut
sem gerði í
annað sinn
athugasemd
við tillögu að breytingu segir: „Með
þessu er ekki annað að heyra en að bæj­
aryfirvöld ætli að ganga á bak orða
sinna og falla frá þeim breytingum sem
búið var að gera og samþykkja og snúa
að Dalbraut 6 til að koma til móts við
athugasemdir íbúa og færa bygginguna
aftur til fyrra skipulags. Þetta er að okk­
ar mati í hæsta máta óeðlileg vinnu-
brögð og dónaskapur í garð íbúa Dal­
brautar“ (lbr.AÓ). Erum við ekki að sjá
þetta núna gagnvart fötluðum íbúum
Akraness sem vinna í Fjöliðjunni? Bæj­
arfulltrúar ganga á bak orða sinna til
2 ára og 7 mánaða. Bútasaumur vegna
Dalbrautar 8 er í ferli hjá bæjarstjórn.
Hver verða næstu svæði í þéttingu
byggðar með byggingu háhýsa?
Ægisbrautarreitur, Landsbankahús
við Akratorg (væntanlega rifið) og þétt
byggð í gamla bæjarhlutanum, íþrótta­
svæðið á Jaðarsbökkum (tekið í bútum
án heildarskipulags) ekki ennþá verið
tekin afstaða til tillagna í hugmynda­
samkeppni á síðasta ári og fleira?
Einn er þó sá staður sem byggð
verður ekki þétt eins fram kemur í eft­
irfarandi bókun fulltrúa Sjálfstæðis­
flokksins við afgreiðslu fjárhagsáætl­
unar: „Þá hefur verið fallið frá upp­
byggingu íbúðarkjarna í Jörundarholti
og bæjarstjórn einsett sér það verkefni
að finna kjarnanum nýja staðsetningu
í sátt við samfélagið og þá sem málið
varða.“ Bæjarfulltrúar mega þó eiga
það að þau hlusta á suma íbúa Akra­
ness.
Á fundi sem haldinn var í hús­
næði Fjöliðjunnar á Smiðjuvöll­
um sl. miðvikudag með aðstandend­
um, starfsmönnum, leiðbeinendum
og stjórnendum Fjöliðjunnar, gat ég
þess að á yfir 50 ára ferli mínum í af­
skiptum af pólitík og sem embættis­
maður Akraneskaupstaðar og stofn­
ana hans hefði ég aldrei upplifað
aðra eins niðurlægingu og fötluð­
um starfsmönnum Fjöliðjunnar væri
sýndur þessa dagana. Á fundinum
voru bæjarstjóri og sviðstjóri velferð­
ar­ og mannréttindasviðs, en enginn
bæjarfulltrúi sem hefðu haft gott af
því að hlusta á aðstandendur starfs­
manna. Sum vilja bara ekki hlusta.
Er ekki kominn tími á nýtt fram-
boð óháð stjórnmálaflokkum,
framboð sem er fyrir alla bæjarbúa?
Andrés Ólafsson
Framhald af viðbót við – opið bréfi til bæjarstjórnar