Skessuhorn - 02.03.2022, Blaðsíða 8

MIÐVIKUDAGUR 2. MARS 20228
Mottumars
er hafinn
Mottumars, árlegt árvekni­
og fjáröflunarátak Krabba­
meinsfélagsins tileinkað barátt­
unni gegn krabbameinum hjá
körlum hófst í gær, 1. mars. Í
Mottumars er tekið höndum
saman í vitundarvakningu um
krabbamein hjá körlum og öfl­
un fjár fyrir mikilvægri starf­
semi Krabbameinsfélagsins. Í
ár eru karlmenn minntir sér­
staklega á að kynna sér hvaða
einkenni geta bent til krabba­
meins og þeir hvattir til að leita
fljótt til læknis verði þeir var­
ir við þau einkenni. „Krabba­
meinsfélagið hefur að mark­
miði að fækka þeim sem grein­
ast með krabbamein, lækka
dánartíðni þeirra sem grein­
ast og bæta lífsgæði þeirra sem
greinast með krabbamein og
fjölskyldna þeirra. Starfsemi fé­
lagsins byggir alfarið á styrkj­
um einstaklinga og fyrirtækja
og með kaupum á Mottumars­
sokkum tekur þú þátt í að fjár­
magna krabbameinsrannsóknir,
ráðgjöf og stuðning, fræðslu og
forvarnir,“ segir í tilkynningu.
-mm
Marsrallið hafið
MIÐIN: Stofnmæling botn­
fiska á Íslandsmiðum hófst í
gær og stendur yfir næstu þrjár
vikurnar. Fjögur skip taka þátt
í verkefninu; togararnir Breki
VE og Gullver NS og rann­
sóknaskipin Árni Friðriks­
son og Bjarni Sæmundsson.
Togað verður á tæplega 600
stöðvum á 20­500 m dýpi um­
hverfis landið. Helsta mark­
mið togararalls eru að fylgjast
með breytingum á stofnstærð­
um, aldri, fæðu, ástandi og út­
breiðslu botnfisktegunda við
landið. Einnig verður sýnum
safnað vegna ýmissa rannsókna,
t.d. á mengunarefnum í sjávar­
fangi og mat lagt á magn ýmis­
konar rusls á sjávarbotni. -mm
Góufagnaður
eldri borgara
HVALFJ.SV: Í dag, miðviku­
daginn 2. mars, verður Góu­
fagnaður eldri borgara haldinn
í Miðgarði og hefst skemmt­
unin klukkan 17. Veislustjóri
verður Sveinbjörn Grétarsson
eða Bjössi Greifi. Hann spil­
ar, syngur og skemmtir gestum
fram á kvöld. Þá kemur Gunn­
ar Straumland og kveður vís­
ur. Veislumatur frá Galito verð­
ur á boðstólum. Miðaverð er
5000 og greiðist við innganginn
en ekki verður posi á staðnum.
Hverjum og einum er frjálst að
koma með sitt eigið söngvatn,
sagði í tilkynningu. -vaks
Aflatölur fyrir
Vesturland
19.-25. febrúar
Tölur (í kílóum) f
rá Fiskistofu
Akranes: 4 bátar.
Heildarlöndun: 3.596.518 kg.
Mestur afli: Venus NS:
1.449.897 kg í einni löndun.
Arnarstapi: Engar landanir á
tímabilinu
Grundarfjörður: 6 bátar.
Heildarlöndun: 388.880 kg.
Mestur afli: Sigurborg SH:
80.514 kg í einni löndun.
Ólafsvík: 6 bátar.
Heildarlöndun: 203.163 kg.
Mestur afli: Steinunn SH:
54.817 kg í þremur löndunum.
Rif: 10 bátar.
Heildarlöndun: 329.722 kg.
Mestur afli: Bárður SH: 64.371
kg í þremur róðrum.
Stykkishólmur: 4 bátar.
Heildarlöndun: 117.253 kg.
Mestur afli: Þórsnes SH:
100.347 kg í tveimur löndun­
um.
Topp fimm landanir
á tímabilinu:
1. Venus NS – AKR: 1.449.897
kg. 25. febrúar.
2. Guðrún Þorkelsdóttir SU
– AKR: 1.066.767 kg. 25. febr­
úar.
3. Hákon EA – AKR: 600.308
kg. 24. febrúar.
4. Guðrún Þorkelsdóttir SU
– AKR: 245.370 kg. 22. febrúar.
5. Svanur RE – AKR: 234.176
kg. 22. febrúar.
-arg
Á fundi bæjarstjórnar Stykkishólms
síðastliðinn fimmtudag var tekið
fyrir málefni Breiðafjarðarferjunn­
ar Baldurs. Umhverfis­ og sam­
göngunefnd Alþingis hafði ósk­
að eftir umsögn Stykkishólmsbæj­
ar um tillögu til þingsályktunar
um kaup á nýrri Breiðafjarðarferju.
Bæjarstjórn Stykkishólmsbæjar
segist taka undir þingsályktunina
en vill leggja áherslu á umhverfis­
væna kosti bæði sem bráðabirgða­
lausn og til lengri tíma.
„Bæjarstjórn Stykkishólmsbæjar
vekur athygli á ályktunum Samtaka
sveitarfélaga á Vesturlandi, hvort
sem er stjórnar samtakanna og nú
síðast á haustþingi samtakanna 29.
september 2021 þar sem kom m.a.
fram að nauðsynlegt sé að ríkið
fjárfesti í nýrri og öflugri ferju sem
uppfylli allar nútíma öryggiskröf­
ur og hefji siglingar eins fljótt og
verða má, enda sýndi það sig síðast­
liðinn vetur að litlu mátti muna að
illa færi þegar núverandi ferja varð
vélarvana á miðjum firðinum,“ seg­
ir í umsögn bæjarstjórnar Stykkis­
hólmsbæjar. arg
Flutningaskipið Famita kom til
Grundarfjarðar föstudaginn 18.
febrúar og stoppaði í nokkrar
klukkustundir. Uppskipun á salti
hófst um leið og skipið lagðist að
bryggju og var farmurinn fluttur
inn í saltgeymsluna á hafnarsvæð­
inu. Það voru starfsmenn Ragnars
og Ásgeirs ehf sem sáu um að koma
saltinu á sinn stað.
tfk
Guðmundur Ingi Guðbrands­
son, félags­ og vinnumarkaðsráð­
herra, hefur veitt Vinnumálastofn­
un 25 milljóna króna styrk vegna
tilraunaverkefnisins „Vegvís­
ir“ sem ætlað er að bæta þjónustu
við ungt fólk í viðkvæmri stöðu,
þ.e. einstaklinga á aldrinum 16­
29 ára sem eru ekki í námi, þjálf­
un eða starfi (NEET). Markmið­
ið með verkefninu er að sporna við
ótímabæru brotthvarfi ungs fólks
af vinnumarkaði en því lengur sem
einstaklingur er óvirkur og án at­
vinnu því meiri líkur eru á ótíma­
bærri örorku.
„Í verkefninu verður lögð
áhersla á snemmtæka íhlutun og
þverfaglega sýn, sem felst meðal
annars í því að komið verði á form­
legu samstarfi þjónustukerfa sem
koma að þjónustu ungs fólks sem
er óvirkt með því að bjóða þessum
hópi að leita á einn stað (e. One
Stop Shop). Þar verður veittur
stuðningur og ráðgjöf, til dæmis í
tengslum við framfærslu, virkniúr­
ræði eða aðra einstaklingsbundna
þjónustu. Þannig verði búin til brú
á milli þjónustukerfa sem ætlað er
að tryggja að einstaklingar njóti
samfelldrar þjónustu,“ segir í til­
kynningu frá ráðuneytinu.
Vegvísir er afurð samstarfs­
hóps sem samanstendur af fulltrú­
um frá Heilsugæslunni á höfuð­
borgarsvæðinu, Tryggingastofn­
un, Velferðarsviði Reykjavíkur­
borgar, Vinnumálastofnun og
Virk – Starfsendurhæfingarsjóði
en hópnum var falið að koma
fram með tillögu um aðgerðir til
að auka virkni ungs fólks í óvirkni
(NEET). Vinnumálastofnun fer
með skipulag og framkvæmd verk­
efnisins, sem er tilraunaverkefni
til tveggja ára. Verkefnið fellur að
áherslum ríkisstjórnarinnar um að
fjárfesta í fólki og fjölga markvisst
starfstækifærum einstaklinga með
skerta starfsgetu.
mm
„Nauðsynlegt sé að ríkið fjár-
festi í nýrri og öflugri ferju“
Stór og mikil skurðgrafa
er föst á þilfari skipsins
sem sér um að hífa saltið
úr lestinni.
Uppskipun
á salti
Unnur Sverrisdóttir forstjóri Vinnumálastofnunar og Guðmundur Ingi Guðbrands-
son, félags- og vinnumarkaðsráðherra. Ljósm. Stjórnarráðið.
Vegvísir fyrir ungt fólk
í viðkvæmri stöðu