Skessuhorn - 02.03.2022, Blaðsíða 20

MIÐVIKUDAGUR 2. MARS 202220
Eftir tæplega 37 ára rekstur hár­
snyrtistofunnar Hárhúss Kötlu
hefur eigandinn, Katla Hallsdótt­
ir, ákveðið að leggja niður rekstur­
inn og láta húsnæðið í hendur hár­
snyrtistofunnar Hár studio ehf.
sem hefur haft aðsetur síðustu ár
í næsta húsi á Stillholti 16. Katla
hefur þó ekki lagt skærin á hilluna
því hún ætlar að leigja aðstöðu hjá
eigendum Hár studio, þeim Mar­
ín Rut Elíasdóttur og Helenu Rut
Steinsdóttur. Þá verður Lovísa
Barðadóttir, sem starfaði hjá Kötlu,
einnig með aðstöðu á Hár studio.
Blaðamaður Skessuhorns kíkti
við á mánudaginn á síðasta degi
Hárhúss Kötlu þar sem iðnaðar­
menn voru á fullu svo að hægt yrði
að opna daginn eftir með pompi og
prakt undir nafni Hár studio. Katla
hóf rekstur Hárhúss Kötlu í ágúst
árið 1986 í húsnæði á Suðurgötu
85 en flutti tíu árum síðar á Still­
holt 14 og hefur því verið þar með
rekstur í tæp 26 ár. En hvað kom til
að Katla tók þá ákvörðun að hætta
rekstrinum? „Mér fannst kominn
tími á að fá yngra fólk á stofuna og
minnka við mig í vinnu því mað­
ur er því miður ekkert að yngjast.
Þá opnaðist tækifæri fyrir mig því
Marín og Helena voru að leita sér
að stærra húsnæði því það var orðið
of lítið fyrir þeirra starfsemi. Við
ræddum saman og þetta small allt
hjá okkur á mjög stuttum tíma. Það
eru spennandi tímar í hárgreiðsl­
unni á Akranesi og við erum allar
mjög spenntar að taka þátt í þessu
saman.“
Marín og Helenu líst mjög vel á
samstarfið enda þekkjast þær vel.
Helena var nemi hjá Kötlu og Mar­
ín var að vinna með þeim í mörg
ár á stofunni á sínum tíma. Þá
segja þær að það sé frábært tæki­
færi að komast í húsnæði þar sem
allt er til alls fyrir hársnyrtistofu.
„Eina sem þarf að gera er að breyta
þessu eftir okkar höfði og kannski
gera þetta aðeins nýtískulegra. Þá
er mikill munur að hafa alla þessa
glugga sem er mikil breyting fyrir
okkur því við vorum áður í glugga­
lausu húsnæði. Þá er þetta geggj­
uð staðsetning hérna og með nóg
af bílastæðum sem skiptir einnig
mjög miklu máli. Okkur líst rosa­
lega vel á þetta, það er alltaf gam­
an í vinnunni og að fá að hitta fólk.
Við hlökkum til að taka á móti nýj­
um og gömlum viðskiptavinum og
erum spenntar að komast á nýjan
stað með nýjum tækifærum.“
vaks
Torgið hárstofa verður opnuð við
Akratorg á Akranesi á morgun,
fimmtudaginn 3. mars. Það eru þær
Ólöf Una Ólafsdóttir og Ína Dóra
Ástríðardóttir sem opna stofuna.
Þær voru á fullu að undirbúa opn­
un þegar blaðamaður Skessuhorns
leit inn til þeirra síðastliðinn mánu­
dag. Ólöf og Ína Dóra eru Skaga­
mönnum vel kunnar en þær hafa
báðar starfað um árabil á Hárhúsi
Kötlu. „Þar höfum við lengi unnið
saman og vitum því að við vinn­
um vel saman,“ segja þær. Ína Dóra
ólst upp í Hvalfjarðarsveit en hef­
ur búið á Akranesi síðan hún var 16
ára. Hún lauk námi í hárgreiðslu
árið 1999 og starfaði við það fag
þar til fyrir fjórum árum þegar hún
ákvað að taka smá pásu. Ólöf Una
er fædd og uppalin á Akranesi en
flutti til Reykjavíkur árið 1993 þar
sem hún lærði hárgreiðslu og vann
um tíma. Þá flutti hún til Vest­
mannaeyja í tíu ár og rak þar hár­
stofu áður en hún flutti aftur heim
á Akranes árið 2009.
Rólegt andrúmsloft
Hugmyndina segjast þær hafa feng­
ið snemma í desember og eftir það
gerðust hlutirnir hratt. „Við höfð­
um augastað á þessu húsi strax frá
upphafi og maðurinn hennar Ínu
gekk strax í að fá húsnæðið. Þegar
það gekk allt upp rúllaði þetta af
stað af fullum krafti,“ segir Ólöf
Una og Ína Dóra tekur undir það.
„Þetta er frábær staðsetning hér við
torgið og með útsýni yfir höfnina,“
segir Ína Dóra. Þær segjast vera
glaðar að vera komnar í gamla mið­
bænum og langar þær að verða hluti
af uppbyggingu hans. Þær verða
aðeins tvær saman til að byrja með
en möguleiki er á að bæta þriðju
manneskjunni við. „Við ætlum bara
að vera tvær á meðan við erum að
koma okkur af stað. Þetta er lítil
stofa og hún verður það alltaf, hús­
næðið býður ekki upp á annað. Við
viljum líka leggja upp með að hafa
rólegt og notalegt andrúmsloft þar
sem fólki líður vel að koma til okk­
ar,“ segja þær.
Fyrstar á Noona
Spurðar hvort þær bjóði upp á nýj­
ungar, sem ekki eru á Akranesi fyr­
ir, segjast þær vissulega gera það.
Bæði eru þær að taka inn nýj­
ar vörur og nýtt bókunarkerfi sem
ekki er í boði á öðrum hárstof­
um á Akranesi. „Við erum inni á
Noona appinu og erum fyrsta hár­
stofan á Akranesi sem er þar,“ segja
þær. En á Noona appinu getur fólk
séð hvaða tímar eru lausir og bók­
að sjálft þá tíma sem henta best.
„Við erum pínu að stökkva í djúpu
laugina með þetta því við erum
ekki svo tæknivæddar,“ segir Ólöf
Una og hlær. „En þetta er ögrun
fyrir okkur og það er mjög já­
kvætt,“ bætir hún svo við. Þær segja
að áfram verði þó hægt að bóka í
gegnum síma. „Markaðurinn er
stærri en bara þeir sem eru á netinu
og því er mikilvægt að bjóða fólki
líka upp á að hringja til að panta
tíma,“ segir Ína Dóra. „Ég hef svo
oft lent í því að fólk segi við mig að
það sé alltaf á leiðinni að bóka tíma
en gleymi því alltaf á opnunartíma.
Fólk man þetta á kvöldin en svo líð­
ur dagurinn alltaf án þess að þetta
komi upp í hausinn á manni,“ bæt­
ir hún við. Núna getur fólk bókað
hvenær sem er sólarhringsins en
hægt er að finna Torgið hárstofa á
Noona appinu eða fara inn á vef­
síðuna noona.is/torgidharstofa til
að bóka tíma. Einnig er hægt að
panta tíma í síma 431­1220. Nánari
upplýsingar um stofuna má finna á
Facebook og Instagram undir nafn­
inu Torgið hárstofa. arg
Lovísa, Katla, Marín og Helena á Hár studio.
Hárhús Kötlu hættir og Hár studio tekur við
Torgið hárstofa stendur við Akratorg á Akranesi.
Torgið hárstofa verður opnuð á morgun
Ólöf Una Ólafsdóttir og Ína Dóra Ástríðardóttir ætla að opna Torgið hárstofu á Akranesi á morgun, fimmtudaginn 3. mars.
Lagt er upp með að hafa rólegt og notalegt andrúmsloft á Torginu hárstofu.