Skessuhorn - 02.03.2022, Blaðsíða 6

MIÐVIKUDAGUR 2. MARS 20226
Stakk af eftir
Hagkaupsbeyglu
STYKKISH: Seinni part
þriðjudags í liðinni viku hringdi
ökumaður sem var nýbúinn að
versla í Bónus við Borgarbraut
í Neyðarlínuna og tilkynnti um
að hurðin á bílnum hans væri
dælduð. Einhver ökumaður
hafði keyrt á bílinn hans á með­
an hann var að kaupa inn og
síðan keyrt af vettvangi. Hon­
um til óhapps eru myndavélar
þarna sem ná yfir þetta svæði og
er málið í skoðun. ­vaks
Fór út af í hálku
HVALFJ.SVEIT: Síðasta mið­
vikudagsmorgun var ökumaður
á ferð á Akrafjallsvegi skammt
frá Hvalfjarðargöngum þegar
hann missti stjórn á bílnum
vegna hálku. Bíllinn snerist í
heilan hring á veginum og hafn­
aði á hliðinni utan vegar. Öku­
maður kvartaði yfir eymslum
og var fluttur með sjúkrabifreið
á HVE á Akranesi til frekari
skoðunar. Dráttarbíll frá Akra­
nesi kom og sótti bílinn. -vaks
Þveraði veginn
HVALFJ.SVEIT: Rúta fór
þversum á Hálsasveitarvegi á
föstudaginn í óveðrinu þegar
hún fauk til, snerist á veginum
og þveraði hann. Um var að
ræða litla rútu með sjö erlenda
ferðamenn innanborðs. Björg­
unarsveit var kölluð út en engin
slys urðu á fólki. -vaks
Rúða brotnaði á
löggustöðinni
BORGARNES: Það óhapp
varð á föstudaginn að klaki gekk
upp úr fjörunni við lögreglu­
stöðina, í suðaustan hvassviðri,
og lenti hann á rúðu á annarri
hæð. Við það brotnaði ytra
glerið. -vaks
Með útrunnið
skírteini
og ölvaður
AKRANES: Á sunnudags­
kvöldið var ökumaður stöðvað­
ur við almennt umferðareftirlit
og þá kom í ljós að hann þarf
að endurtaka ökuprófið þar sem
hann var með útrunnið ökuskír­
teini. Í framhaldinu var hann
handtekinn grunaður um ölvun
við akstur, færður á lögreglu­
stöðina og fór mál hans í hefð­
bundið ferli. -vaks
Aka of hratt mið-
að við aðstæður
AKRANES: Alls voru tekn­
ir á annan tug ökumanna fyrir
of hraðan akstur á einni viku í
umdæminu. Lögregla segir að
allt of margir ökumenn séu að
keyra of hratt á þessum árstíma
því fólk á alltaf að aka miðað
við aðstæður. Ef ekki telst brot­
ið alvarlegra. Ökumenn hafa
mælst frá 110 km hraða upp í
130 kílómetra hraða sem er ansi
mikið miðað við færð og veður
undanfarið. Alls voru yfir 300
hraðabrot tekin upp á hraða­
myndavélum um allt land þessa
vikuna. -vaks
Styrkja nú
hjálpartækja-
kaup
LANDIÐ: Sjúkratryggingar
Íslands greiða nú styrki
vegna tiltekinna hjálpartækja
til íbúa hjúkrunarheim­
ila sem áður hefur verið á
hendi hjúkrunarheimilanna
sjálfra að útvega og greiða
fyrir. Þetta á t.d. við um til­
tekin hjálpartæki vegna
öndunarmeðferðar og blóð­
rásarmeðferðar, stoðtæki,
stómahjálpar tæki, göngu­
grindur, hjólastóla og fylgi­
hluti með þeim og tölvur
til sérhæfðra tjáskipta. Heil­
brigðisráðherra hefur stað­
fest reglugerðir þessa efnis
með gildistöku frá og með 1.
mars sl. Markmið breyting­
anna er að bæta og auðvelda
aðgengi íbúanna að hjálpar­
tækjum. Að sama skapi létt­
ir þetta kostnaði af rekstr­
araðilum hjúkrunarheimila
sem nemur allt að 60 millj­
ónum króna á ári. Breytingin
felur m.a. í sér að einstak­
lingur í heimahúsi sem nýt­
ir sér tiltekin hjálpartæki
líkt og hér um ræðir held­
ur þeim þegar hann flyt­
ur inn á heimilið, í stað þess
að hjúkrunarheimilið útvegi
honum önnur hjálpartæki í
þeirra stað. -mm
Willum Þór Þórsson heilbrigðis­
ráðherra ákvað í síðustu viku að
frá og með liðnum föstudegi skyldi
öllum opinberum sóttvarnaaðgerð­
um vegna heimsfaraldurs Covid­19
aflétt, jafnt innanlands og á landa­
mærunum. Þar með féllu brott allar
reglur um takmarkanir á samkom­
um og skólahaldi og einnig krafa
um einangrun þeirra sem sýkjast af
Covid­19. „Við getum sannarlega
glaðst á þessum tímamótum en ég
hvet fólk engu að síður til að fara
varlega, gæta að persónubundn­
um sóttvörnum og halda sig til hlés
finni það fyrir einkennum,“ sagði
heilbrigðisráðherra.
Sóttvarnalæknir rakti í minnis­
blaði til ráðherra hvernig faraldur­
inn hefur þróast undanfarið. Dag­
lega hafa greinst á milli 2.100 og
2.800 smit en alvarleg veikindi
hafa aftur á móti ekki aukist að
sama skapi. Útbreidd smit valdi þó
miklu álagi á stofnunum. Inniliggj­
andi sjúklingum sem greinast með
Covid­19 hefur fjölgað, sama máli
gegnir um íbúa á hjúkrunarheimil­
um og veikindi og fjarvistir starfs­
fólks vegna Covid­19 hafa falið í
sér miklar áskoranir við að halda
úti óskertri starfsemi.
Að mati sóttvarnalæknis er víð­
tækt samfélagslegt ónæmi gegn
Covid­19 helsta leiðin út úr far­
aldrinum, eða allt að 80%. Til að
ná því þurfi sem flestir að smit­
ast af veirunni þar sem bóluefn­
in dugi ekki til, þótt þau veiti góða
vernd gegn alvarlegum veikindum.
Um 110.000 manns hafa greinst
með Covid­19 en áætlað er út frá
mótefnamælingum að annar eins
fjöldi einstaklinga hafi smitast án
greiningar. Að þessu gefnu tel­
ur sóttvarnalæknir að miðað við
svipaðan fjölda daglegra smita og
undanfarið náist 80% markmið­
ið seinni hlutann í mars. Vegna
mikillar útbreiðslu smita og þar
með ónæmis í samfélaginu telji
sóttvarnalæknir skynsamlegt að
aflétta sóttvarnaaðgerðum samtím­
is innan lands og á landamærum.
Stjórnvöld þurfi þó að vera reiðu­
búin að innleiða sóttvarnaaðgerð­
ir á landamærum hratt, ef ný og
hættuleg afbrigði veirunnar komi
fram erlendis.
Fyrstu reglugerðir heilbrigðis­
ráðherra um takmarkanir á
samkomum og skólastarfi vegna
heimsfaraldurs Covid­19 voru sett­
ar fyrir tæpum tveimur árum með
gildistöku 16. mars 2020. Frá þeim
tíma hefur heilbrigðisráðherra sett
166 reglugerðir og auglýsingar
um margvíslegar ráðstafanir vegna
Covid­19.
mm/
Matvælastofnun hefur kært til lög­
reglu alvarlega vanrækslu á búfé á
nautgripa­ og sauðfjárbúi á Vestur­
landi, en frá þessu var greint á
heimasíðu Matvælastofnunar. Þar
er sagt að um sé að ræða eitt um­
fangsmesta og alvarlegasta dýra­
velferðarmál sem hefur kom­
ið upp hér á landi. „Á þriðja tug
nautgripa og um 200 fjár, auk 5
hænsna, drápust eða voru aflífuð
vegna skorts á fóðri og brynningu.
Vörslusvipting hefur farið fram
á um 300 kindum sem eftir eru á
bænum og þeim tryggð fóðrun og
umhirða og unnið er að ráðstöfun
fjárins,“ segir á vef Matvælastofn­
unar. Stofnunin hefur bannað
bóndanum allt dýrahald tímabund­
ið þar til dómur fellur í málinu og
hefur öllum hræjum verið fargað á
viðurkenndum urðunarstað. „Búið
hefur þrisvar sinnum fengið eftir­
litsheimsókn frá Matvælastofnun á
síðastliðnum sex árum. Ekki komu
fram alvarleg frávik við fóðrun eða
aðbúnað í þeim heimsóknum. Síð­
asta reglubundna skoðun fór fram
vorið 2021. Málið er nú til rann­
sóknar hjá Lögreglunni á Vestur­
landi.“
arg
Hafa kært alvarlega vanrækslu á búfé
Frelsi. Ljósm. Fanney Þorkelsdóttir
Aflétting allra takmarkana
innanlands og á landamærum