Skessuhorn - 02.03.2022, Blaðsíða 31

MIÐVIKUDAGUR 2. MARS 2022 31
Snæfell og Aþena­UMFK áttust
við á laugardaginn í 1. deild kvenna
í körfuknattleik og fór leikurinn
fram í Stykkishólmi. Fyrir fram
var búist við hörkuleik enda bæði
lið í efri hluta deildarinnar, Snæfell
með 20 stig og Aþena með 16 stig
og liðin í harðri baráttu um sæti í
úrslitakeppninni. Sú varð raunin
og meira en það því það var nán­
ast jafnt á öllum tölum allan tím­
ann. Um miðjan fyrsta leikhluta var
staðan 9:6 fyrir Snæfelli en þá tók
Snæfell smá kipp og komst í 17:10.
Aþena svaraði með næstu sex stig­
um og staðan 17:16 fyrir heima­
konum við flautið. Snæfell byrjaði
betur í öðrum leikhluta, reyndar
var það Sianni Martin sem tók sig
til og skoraði níu stig í röð og kom
Snæfelli í þægilega stöðu, 26:16.
Hið unga lið Aþenu var ekki á því
að gefast upp og hafði jafnað metin
um miðjan leikhlutann, 28:28. Bar­
áttan hélt áfram fram að hálfleik
en Snæfell átti síðasta orðið með
þriggja stiga körfu Rebekku Ránar
Karlsdóttur og hafði sex stiga for­
ystu í hálfleik, 40:34.
Í þriðja leikhluta mætti Aþena
grimmt til leiks, spilaði góða vörn
og Snæfell að sama skapi spilaði
slakan sóknarleik. Um miðjan leik­
hlutann komst Aþena yfir 46:48
og hafði síðan eins stigs forystu,
51:52, þegar fjórði og síðasti leik­
hluti hófst. Aþena byrjaði þar betur,
komst í 53:60 fljótlega en síðan náði
Snæfell að minnka muninn eftir því
sem á leið á leikinn. Þegar aðeins
30 sekúndur voru eftir lagði Snæfell
af stað í sókn tveimur stigum und­
ir og freistaði þess að jafna metin
eða komast yfir. Sianni Martin tap­
aði þar boltanum og í kjölfarið virt­
ist hún meiðast illa. Var leikurinn
stöðvaður í dágóðan tíma á meðan
gert var að sárum hennar og þurfti
að kalla til sjúkrabíl. Eftir langt hlé
fékk Aþena boltann og í þeirra síð­
ustu sókn braut Rebekka Rán á
Elektru Mjöll, leikmanni Aþenu,
sem var síðan ísköld á punktinum
og setti bæði skotin niður. Snæfell
tók leikhlé en tíminn var of naum­
ur og síðasta skot Rebekku Ránar
var varið. Tíminn rann síðan út og
ansi mikilvægur sigur Aþenu á erf­
iðum útivelli, lokastaðan 70:74 Aþ­
enu í vil.
Staðan í deildinni er þannig að
Ármann er efstur með 30 stig, ÍR
er í öðru sæti með 26 stig og svaka
barátta er framundan um hin tvö
lausu sætin í úrslitakeppninni. Snæ­
fell er með 20 stig í þriðja sætinu
og næst eru Þór Akureyri, Aþena
og KR öll með 18 stig og eiga öll
inni einn leik á Snæfell.
Stigahæstar í liði Snæfells voru
þær Sianni Martin með 41 stig,
Rebekka Rán var með 13 stig og
Preslava Koleva með 8 stig og 12
fráköst. Hjá Aþenu var Violet Mor­
row með 22 stig og 16 fráköst, El­
ektra Mjöll Kubrzeniecka með 12
stig og þær Thea Ólafía Jónsdótt­
ir og Tanja Ósk Brynjarsdóttir með
11 stig hvor.
Næstu leikir þessara liða eru þeir
að Aþena átti leik í gærkvöldi við
Stjörnuna á Jaðarsbökkum á Akra­
nesi en honum var ekki lokið þegar
Skessuhorn fór í prentun.Snæfell
fer í Grafarvoginn í dag og leikur
þar við B lið Fjölnis en leikurinn
hefst klukkan 20.30.
vaks
Síðasta sunnudag lauk keppni á Ís­
landsmóti einstaklinga 2022 með
forgjöf í keilu. Dagurinn hófst á því
að undanúrslit sex efstu úr hvor­
um flokki voru leikin en spilað var
í svokölluðu Round Robin, þ.e. all­
ir við alla. Eftir það fóru þrjú efstu
úr hvorum flokki í úrslitaviður­
eignirnar, spilaður var einn leikur
og féll sá sem var með lægsta skorið
úr keppni. Að lokum var hreinn úr­
slitaleikur milli þeirra tveggja sem
eftir voru.
Svavar Steinn Guðjónsson úr
KFR sigraði Arnór Inga Bjarka­
son úr ÍR í úrslitum með 235
gegn 226 en það var Matthías
Leó Sigurðsson úr ÍA sem varð
í 3. sæti hjá körlunum. Hjá kon­
unum vann Hafdís Eva Lauf­
dal Pétursdóttir úr ÍR Elvu Rós
Hannesdóttur úr ÍR með 256
gegn 169 í úrsltum en Halldóra
Íris Ingvarsdóttir úr ÍR varð í 3.
sætinu.
vaks
Körfuknattleikskonan Rebekka
Rán Karlsdóttir hefur verið valin
Íþróttamaður Snæfells fyrir árið
2021. Þetta var tilkynnt á sunnu­
daginn í hálfleik Snæfells og Ár­
manns í 2. deild karla. Rebekka
Rán er fyrirliði Snæfells sem leik­
ur í 1. deild kvenna og er ein af
máttarstólpum liðsins. Hún er fyr­
irmynd innan vallar sem utan, frá­
bær liðsmaður og enn betri körfu­
boltakona, segir í tilkynningu frá
körfuknattleiksdeild Snæfells.
vaks
Álftanes og ÍA áttu­
st við í 1. deild karla í
körfuknattleik á föstu­
daginn og fór leikurinn
fram í Forsetahöll­
inni syðra. Heimamenn
komust fljótlega í 12:2 í
leiknum og Skagamenn
hálf ráðvilltir en stað­
an eftir fyrsta leikhluta
var 30:18 Álftanesi í vil.
Þessi slaka byrjun ÍA varð
þeim að falli í leiknum
því þeir voru síst lakari
það sem eftir lifði leiks. Í
öðrum leikhluta voru þeir sterkari
en heimamenn og náðu að minnka
muninn niður í þrjú stig með mik­
illi baráttu þegar tæplega þrjár
mínútur voru til hálfleiks, 42:39
og spenna komin í leikinn. En eft­
ir það náði Álftanes ágætis kafla og
staðan í hálfleik 51:43 þeim í vil.
Baráttan hélt áfram í þriðja leik­
hluta, ÍA náði að minnka muninn
í tvö stig fljótlega en síðan tóku
heimamenn góða rispu og voru
komnir með tólf stiga forystu um
miðjan leikhlutann. ÍA neitaði að
gefast upp og náði að minnka mun­
inn í þrjú stig en Álftanes átti síð­
an góðan sprett og staðan
72:63 fyrir fjórða og síð­
asta leikhlutann. Þar voru
heimamenn vel á varð­
bergi, hleyptu ÍA aldrei
of nálægt og uppskáru
að lokum líklegast sann­
gjarnan sigur, lokatölur
96:83 Álftanesi í hag.
Stigahæstir í liði ÍA
voru Cristopher Clover
með 24 stig, Lucien
Christofis var með 19
stig og Aron Elvar Dags­
son með 11 stig og 11
fráköst. Hjá Álftanesi var Cedrick
Bowen með 29 stig, Sinisa Bilic
með 24 stig og Friðrik Anton Jóns­
son með 21 stig og 10 fráköst.
Næsti leikur ÍA er gegn Hamri
föstudaginn 4. mars á Akranesi og
hefst leikurinn klukkan 19:15
vaks
Skallagrímur og Haukar mættu­
st í 1. deild karla í körfuknattleik á
föstudaginn og fór leikurinn fram í
Fjósinu í Borgarnesi. Haukar voru
fyrir leikinn í efsta sæti deildar­
innar ásamt Hetti frá Egilsstöð­
um en þessi tvö lið eru nánast ör­
ugg um að komast upp í Subway
deildina þegar mótinu lýkur í lok
mars. Skallagrímur situr sem fastast
í sjöunda sætinu og hefur nú tap­
að þremur leikjum í röð í deildinni.
Heimamenn byrjuðu þó ágæt­
lega í leiknum í gær og voru með
15:9 forystu eftir rúmlega fimm
mínútna leik. En þá hrökk allt í
baklás og gestirnir skoruðu sext­
án stig gegn aðeins tveimur stig­
um heimamanna það sem eftir lifði
fyrsta leikhluta og staðan allt í einu
orðin 17:25 Haukum í vil. Haukar
slepptu ekki takinu í öðrum leik­
hluta, herjuðu vel á heimamenn og
juku forskotið enn meir, staðan í
hálfleik 32:56 fyrir gestina.
Um miðjan þriðja leikhluta voru
Haukar komnir með 26 stiga for­
ystu og ljóst að sigurinn væri í höfn
en aðeins spurning hvað hann yrði
stór. Þegar flautað var til loka þriðja
leikhluta var staðan orðin 59:91
og allt útlit fyrir að heimamenn
yrðu rassskelltir af gestunum. En
Skallagrímur náði að halda í við
Hauka í fjórða leikhluta, bæði lið
skoruðu 20 stig hvort og lokatölur
leiksins 79:111 fyrir Hauka.
Stigahæstir í liði Skallagríms
voru þeir Simun Kovac með 18 stig,
Arnar Smári Bjarnason var með 14
stig og Ólafur Þorri Sigurjónsson
með 12 stig. Hjá Haukum var Jer­
emy Smith með 26 stig, Jose Aldina
með 20 stig og 15 stoðsendingar og
Bragi Guðmundsson með 18 stig.
Næsti leikur Skallagríms var úti­
leikur gegn Hamri frá Hveragerði í
gærkvöldi, en hann var ekki hafinn
þegar Skessuhorn fór í prentun.
vaks
Skallagrímur átti ekki
möguleika gegn Haukum
Skagamenn stóðu í Álftnesingum
Rebekka Rán ásamt Hjörleifi Kristni Hjörleifssyni og Maríu Ölmu Valdimarsdóttur
úr aðalstjórn Snæfells við verðlaunaafhendinguna. Ljósm. sá.
Rebekka Rán er Íþrótta-
maður Snæfells 2021
Þrír efstu í karlaflokki: Arnór Ingi, Svavar Steinn og Matthías Leó.
Ljósm. Guðjón Júl.
Matthías Leó þriðji á
Íslandsmótinu í keilu
Það var ansi hart barist um hvern
bolta í Stykkishólmi í leiknum.
Ljósm. sá
Aþena með sigur á Snæfelli í hörkuleik