Skessuhorn - 02.03.2022, Blaðsíða 24

MIÐVIKUDAGUR 2. MARS 202224
Vesturlandsmótið í sveitakeppni
í bridds fór fram á laugardaginn.
Spilað var á Akranesi og tóku sex
sveitir þátt. Gestrisnin var mik­
il á mótinu, því sveit Vopna bar
sigur úr býtum með fáheyrð­
um yfirburðum, eða 87,6 stigum.
Sveitina skipuðu þeir Matthías
Imsland, Ómar Olgeirsson, Stef­
án Jónsson, Ísak Örn Sigurðsson
og Gunnar B. Helgason. Sveit
Guðmundar Ólafssonar í Lamb­
haga varð í öðru sæti með 48,27
stig, en með Guðmundi spil­
uðu Sveinbjörn Eyjólfsson, Lár­
us Pétursson, Kristján Pétursson
og Eyjólfur Kristinn Örnólfsson.
Loks í þriðja sæti með 46,84 stig
varð sveit Sveins Hallgrímsson­
ar, en með Vatnshamrabóndan­
um spiluðu makker hans Flemm­
ing Jessen, Sigurður Már Einars­
son og Stefán Kalmansson.
mm
Stofnfundur Hjólreiðafélags
Vestur lands fór fram þriðjudaginn
22.02.2022 á Bara bar í Borgarnesi.
Fundarstjóri var Helgi Guðmunds­
son og ritari Dagný Pétursdóttir
og fylgdust 30 manns með fundin­
um inni á Live ­ útsendingu. Far­
ið var yfir reglur og hlutverk fé­
lagsins, ungliðastarf, aðstöðu og
æfingasvæði, þátttöku í keppnum
og mögulegt keppnishald. Einnig
var rætt um félagsgjald, inngöngu í
Hjólreiðafélag Íslands (HFÍ), styrki
við stofnun félagsins, merktan fatn­
að og merki félagsins.
Kosið var í stjórn félagsins á
fundinum og hana skipa eftirfar­
andi: Guðríður Hlíf Sigfúsdótt­
ir formaður, Dagný Pétursdóttir,
Haukur Erlingsson, Reynir Ge­
orgsson og Ragnar Ingi Sigurðs­
son. Varamenn eru Guðgeir Guð­
mundsson og Níels Hermannsson.
Þá fékk Þorsteinn Eyþórsson sér­
stakt hrós fyrir að vera sá eini sem
kom hjólandi á fundinn.
Í viðtali við Skessuhorn um miðj­
an febrúar sagði Guðríður Hlíf að
helstu markmiðin með stofnun fé­
lagsins væru að fá fleiri iðkend­
ur í sportið, auka aðstöðu til hjól­
reiða bæði innanhúss og utandyra
og einnig að auka fræðslu, halda
námskeið, bæta við hjólaleiðum og
þar fram eftir götum. „Það eru fullt
af skemmtilegum leiðum hérna í
kring og viljum við gera þær enn
betri og bæta við leiðum. Okkur
langar líka að kynna svæðið okk­
ar hérna á Vesturlandi og fá fólk til
að staldra lengur við heldur en bara
í sjoppunum. Til dæmis í Borgar­
nesi, þá sérðu fullt af fólki með hjól
á þakinu keyra hérna í gegnum bæ­
inn, en það er ekkert að koma hing­
að til að hjóla heldur frekar fer það
norður eða eitthvað álíka. En ef
upplýsingar um hjólaleiðir yrðu að­
gengilegri, þá myndi það kannski
stoppa aðeins lengur við í bænum.“
vaks/ Ljósm. af facebook
síðu félagsins.
Nemendur og kennarar í Fjöl­
brautaskóla Snæfellinga í Grundar­
firði brutu upp skólastarfið með
svokölluðum sólardögum 23. og
24. febrúar. Þá var dagskráin frekar
óhefðbundin og bryddað upp á
ýmsum nýjungum sem varla telst til
hefðbundins námsefnis. Til dæm­
is var keppt í hinum ýmsu grein­
um eins og boccia, pílukasti, skák,
félagsvist og hinum ýmsu spilum.
Krökkunum gafst tækifæri á að
spreyta sig í vöfflubakstri, rafíþrótt­
um, klifri og karate svo eitthvað sé
nefnt. Sólardagarnir tókust vel og
voru þeir kærkomin tilbreyting frá
náminu.
tfk
Steini Eyþórs mætti á hjólinu sínu á
fundinn.
Hjólreiðafélag
Vesturlands stofnað
Þrír af fimm í fyrstu stjórn nýstofnaðs
Hjólreiðafélags Vesturlands. Frá
vinstri: Dagný Pétursdóttir, Guðríður
Hlíf Sigfúsdóttir og Haukur Erlingsson.
Gestasveit Vopna gerði góða ferð á Skagann á laugardaginn. Langefstir á Vesturlandsmóti. Ljósm. Sveinbjörn Eyjólfsson.
Gestirnir úr Vopna báru sigur
úr býtum á Vesturlandsmótinu
Þiðrik Viðarsson kennari tók að sér dómgæslu á bocciamótinu og er hér að mæta
fjarlægðina þar sem tæpt hefur staðið á milli.
Sólardagar í Fjölbrautaskóla Snæfellinga
Nemendur einbeittir í pílukasti sem var vel sótt.
Hart var tekist á í þeirri hugarleikfimi sem skákin er. Nemendur kepptu hver á móti öðrum í rafíþróttum og var
mikið fjör í rafíþróttahúsinu.
Boðið var upp á að prufa klifur í Klifurfelli.
Loftur Árni Björgvinsson kennari leikur hér listir sínar með
boccia boltana áður en keppni hófst.
Nemendur fjölmenntu í boccia og voru mörg lið skráð til keppni.