Skessuhorn - 02.03.2022, Blaðsíða 23

MIÐVIKUDAGUR 2. MARS 2022 23
Á fundi Skipulags­ og umhverfis­
ráðs Akraneskaupstaðar á þriðju­
daginn var lagt til við bæjarráð að
fjárfestingaráætlun árið 2022 verði
uppfærð með tilliti til þess að húsin
við Suðurgötu 108, Suðurgötu 124,
Dalbraut 8 og Dalbraut 10 verði
rifin niður.
Húsin sem um ræðir við Dal­
braut 8 og 10 hýstu áður starf­
semi Orkuveitunnar og Fjöliðj­
unnar. Á Suðurgötu 108 voru m.a.
AA samtökin á Akranesi og Ljós­
myndafélagið Vitinn með aðstöðu
til margra ára og Suðurgata 124 er
tveggja íbúða hús og er við hliðina
á Sjúkraþjálfun Akraness.
vaks
Mennta­ og menningarmála­
ráðuneytið, með aðkomu félags­
málaráðuneytisins, hefur falið
Menntavísindasviði Háskóla Ís­
lands að framkvæma æskulýðs­
rannsóknir á tímabilinu 2021­
2026 samkvæmt æskulýðslögum
nr. 70/2007. Á næstunni er ráðgert
að leggja könnun fyrir grunnskóla­
börn í 4., 6., 8. og 10. bekk á Ís­
landi. Könnunin nefnist Heilsa og
lífskjör skólanema 2022 (HBSC,
Health Behaviour in School­aged
Children) og er ein viðamesta
rannsókn samtímans á sviði heilsu
og heilsutengdrar hegðunar ungs
fólks. Könnunin hefur verið lögð
fyrir grunnskólabörn á fjögurra ára
fresti í um 50 löndum í Evrópu og
Norður Ameríku. Á Íslandi hefur
könnunin verið framkvæmd frá ár­
inu 2006 en heilsuvísar og saman­
burður alþjóðasamtaka fyrir börn
og ungmenni hvíla að miklu leyti á
niðurstöðum úr könnuninni.
Viðfangsefni rannsóknarinnar
eru víðtæk en meðal annars er spurt
um viðhorf til skólans, um lífsstíl,
næringu, hreyfingu, tómstundir,
óhöpp, tannhirðu, líðan, félagsleg
tengsl og umhverfi nemenda, auk
þess sem spurt er um nokkra lífs­
stílstengda áhættuþætti. Þátttaka
sem flestra barna er afar mikilvæg
til að ná sem áreiðanlegustu niður­
stöðum þar sem rannsóknin eflir og
styrkir til muna störf fræðimanna
og stofnana sem vinna að forvörn­
um meðal ungmenna á Íslandi.
Þátttaka nemenda er valkvæð
og foreldrar/forsjáraðilar þeirra
geta hafnað þátttöku. Könnunin er
ópersónugreinanleg og verður lögð
fyrir á rafrænu formi í kennslustof­
unni meðan á skólatíma stendur.
Siðanefnd háskólanna um vísinda­
rannsóknir hefur fjallað um efni og
framkvæmd rannsóknarinnar og
gerir ekki athugasemdir.
Áætluð tímasetning fyrirlagnar
er frá febrúar til mars 2022, nánari
tímasetning fer eftir samkomu­
lagi við stjórnendur hvers skóla.
Tengiliður í skólanum mun upp­
lýsa nemendur um að könnunin
sé ópersónugreinanleg og að nem­
endum sé ekki skylt að taka þátt,
svara einstökum spurningum sem
þeir eiga erfitt með að svara eða
vilja sleppa og hætt hvenær sem er.
vaks
Árvekni­ og fjáröflunar­
átak Einstakra barna
undir slagorðinu „Með
fræðslu kemur skilning­
ur með skilningi kemur
stuðningur“ hófst í síð­
ustu viku. Því er ætlað
að auka samfélagslegan
skilning á stöðu barna/
ungmenna með sjaldgæfa
sjúkdóma/heilkenni.
Hátt í 600 íslensk
börn/ungmenni sem
glíma við sjaldgæfa sjúk­
dóma/ heilkenni eru í fé­
lagi Einstakra barna og
þrátt fyrir fjölmennan
hóp félagsmanna fær fé­
lagið engan opinberan
stuðning til þess að sinna
þessu risastóra verkefni.
Gríðarleg fjölgun hef­
ur verið í félaginu síð­
ustu ár þar sem lækna­
vísindum fleytir fram
og börn eru að greinast
mun fyrr en áður var. Fé­
laginu hefur borist 8­10
umsóknir um félags­
aðild á mánuði síðustu
þrjú árin og mörg börn í þeim hópi
höfðu verið ógreind lengi. „Félagið
Einstök börn þarf að vera virkt og
styðjandi fyrir félagsmenn,“ segir
Guðrún Helga Harðardóttir, fram­
kvæmdastjóri Einstakra barna, sem
segir að engin landsáætlun sé til um
sjaldgæfa sjúkdóma þrátt fyrir yfir­
lýsingar og loforð yfirvalda allt frá
árinu 2012. „Það telja sig allir vera
að gera vel en okkar félag og fé­
lagsmenn falla ítrekað á milli ráðu­
neyta, milli stofnana og milli lausna
– þrátt fyrir loforð um breytingar
og úrbætur. Því hefur þetta sett á
félagið gríðarlega þungar áskoran­
ir í formi þjónustu sem við þurfum
að veita okkar fólki án aðkomu hins
opinbera.“
Félagið sinnir talsvert stóru hlut­
verki í grunnþjónustu við fjöl­
skyldurnar, þjónustu er snýr að
ráðgjöf og skilningi, áfallahjálp
og úrvinnslu vegna áfalls. Félag­
ið býður sínum fjölskyldum upp
á fagþjónustu og jafningjafræðslu
– fólk finnur þannig farveg sem
hentar þeim í því samfélagi sem
þau átti ekki von á að vera stödd í.
Félagið hefur margsannað tilveru
sína og þörf fyrir þau úrræði og
þjónustu sem það veitir. Fræðslu­
starfsemi félagsins hefur verið afar
mikilvægur punktur í gegnum árin
og mun verða um komandi ár. Í ár
sendir félagið efni á alla
grunnskóla og leikskóla
með það að markmiði að
fá þá til að auka fræðslu
og samtal um það að við
erum öll allskonar og
það þarf að passa að all­
ir fái að vera með og fái
rými í samfélaginu.
„Félagið er 25 ára
þann 13. mars næst­
komandi og erum við
að opna nýja skrifstofu í
húsnæði sem mun henta
félaginu og allri starf­
semi þess. Einstök börn
opna Aðstandendasetur
fyrir einstaka barnið og
þá sem standa barninu
nærri. Til þess að þetta
geti allt gengið upp, og
óskir fjölskyldna okkar
geti ræst um aukna þjón­
ustu í formi hópastarfs
og fræðslu, þá þurfum
við á gríðarlegri inn­
spýtingu að halda. Fjár­
munir hafa verið af afar
skornum skammti síð­
ustu tvö árin og erfitt
hefur reynst að safna fé og öll
okkar orka hefur beinst að því að
halda utan um fjölskyldur í erf­
iðum varnarsóttkvíum og styðja
við þau í því flókna verkefni sem
heimsfaraldurinn er fyrir þennan
hóp. En núna hefst einnig upp­
bygging á starfsemi miðað við ný
og þyngri verkefni. Fjöldinn all­
ur af nýjum fjölskyldum hafa stig­
ið sín fyrstu skref innan félagsins
síðustu tvö árin í Covid­19 árferði
og þau þurfa þjónustu ásamt öllum
hinum. Leitum við því nú til sam­
félagsins ­ einstaklinga og fyrir­
tækja.“
mm
Könnun um heilsu og
lífskjör skólanema
Árvekniátak Einstakra
barna er hafið
Suðurgata 124.
Fjögur hús á
Akranesi fara brátt
undir fallhamarinn
Dalbraut 10.
Dalbraut 8.
Suðurgata 108.