Skessuhorn - 02.03.2022, Blaðsíða 4

MIÐVIKUDAGUR 2. MARS 20224
Síðastliðinn föstudagur var í sjálfu sér ánægjulegur dagur í sögu landsins.
Þá ákváðu hérlend stjórnvöld að aflétta öllum takmörkunum á frelsi fólks.
Veiran sem barst til landsins fyrir tveimur árum hefur sett ríkan svip á allt.
Við fengum að kynnast takmörkunum af ýmsu tagi, sóttvarnir voru efldar
og þess vegna fyrst og fremst hefur þjóðin komist bærilega út úr ástandinu.
Vissulega hafa sextíu manns dáið á þessum tíma, margir veikst og talsvert
um að fólk búi lengi við afleiðingar veikinnar. Afbrigði veirunnar sem nú
grasserar er hins vegar líkara kvefpest eins og var hér áður. Nú er bara að
krossa fingur og vona að stjórnvöld hafi tekið rétta ákvörðun með að aflétta
hömlum um síðustu helgi.
Töluvert var um gleðskap og hátíðarhöld á föstudagskvöldið. Líkt og
kýr að vori spratt unga fólkið fram, fór úr kósígallanum og út á lífið eins
og það er kallað. En hátíðin var engu að síður í skugga annarra og miklu
þyngri tíðinda. Í síðustu viku réðust Rússar inn í Úkraínu og hófu stríð.
Vladimir Pútín Rússlandsforseti tók ákvörðun um innrás í land sem hon­
um fannst vera orðið óþægilega vinveitt vesturlöndunum. Líklegasta skýr­
ingin á þessu athæfi er sú að hann er orðinn gamall maður og vill greinilega
láta minnast sín sem einhvers konar hetju sem gerði Rússland að nýju að
stórveldi í anda Sovétríkjanna sálugu. Innrásin kostaði strax blóðsúthell­
ingar því úkraínska þjóðin ætlaði ekki að gefa tommu eftir. Þegar þetta er
skrifað hafa fjórir dagar liðið frá innrásinni sem kostað hafa mörg hundruð
mannslíf og allskyns hörmungar. En viðbrögð við þessu glapræði Pútíns
koma honum sjálfum mest á óvart. Vonir hans um skjótan sigur hafa að
engu orðið. Jafnvel langtímabandamenn Rússa hafa snúið við þeim baki.
Áður en til innrásar Rússa kom hafði Pútín sakað Bandaríkjamenn og
bandamenn þeirra um að hunsa kröfur þeirra um að Úkraína fengi ekki inn­
göngu í NATÓ. Sagðist ekki ætla sér að hertaka Úkraínu, það væri Úkra­
ínumanna sjálfra að kjósa um hverjir stjórnuðu landinu. Þegar á reyndi
hefur svo komið í ljós að úkraínska þjóðin hefur engan áhuga á að verða
handbendi Rússa, þvert á móti. Alþjóðasamfélagið hefur fordæmt hernað­
inn og boðað mjög harðar og afdráttarlausar efnahagsþvinganir. Rússar
verða að óbreyttu varnarlausir og einangraðir. En það er einmitt í þeirri
stöðu, þegar menn eru málaðir út í horn, sem þeir verða hættulegastir. Um
helgina var Pútín farinn að hóta því að beita kjarnorkuvopnum, sem sýnir
betur en annað hvílíkt lítilmenni hann er. Hann hefur ítrekað varað önn­
ur ríki við því að skipta sér af athöfnum rússneska hersins, innrásinni hafi
verið ætlað að vernda íbúa austurhéraðanna. „Öll afskipti hefðu afleiðingar
sem enginn hefði kynnst áður í sögunni,“ hótaði hann. Ekki er erfitt að
gera sér í hugarlund hvað það þýðir.
Íslensk stjórnvöld hafa staðið einhuga að mótmælum við Rússa. Þverpóli­
tísk samstaða náðist um það á íslenska þinginu. Gott að vita að þegar á
reynir geti menn staðið saman, jafnvel þar. Við höfum hins vegar ekki mörg
tromp á hendi Íslendingar til að veifa í austur. Jú, við höfnuðum því að
Rússar mættu taka þátt í Eurovisjón! Við getum því fátt annað gert en liðk­
að fyrir auknu herliði Bandaríkjamanna í Keflavík og svo vonað hið besta.
Sú staðreynd að stríð geisar í Evrópu er hræðileg í alla staði. Þjóðir
heims ættu að hafa varnagla til að koma í veg fyrir slíkt. Vonandi einangr­
ast Rússlandsforseti svo annað hvort herinn eða/og rússneska þjóðin komi
honum frá völdum. En þar til það gerist verður gleðin yfir afléttingu sótt­
varnaráðstafanna hér innanlands einhvern veginn eins og hjáróma aukaat­
riði í öllu samhengi. Við þessi örþjóð verðum að vona hið besta, getum fátt
annað. Jú, kannski mætti senda rússneska sendiherrann í frí?
Magnús Magnússon.
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Anna Rósa Guðmundsdóttir arg@skessuhorn.is
Gunnhildur Lind Hansdóttir glh@skessuhorn.is
Valdimar K. Sigurðsson vaks@skessuhorn.is
Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Ómar Örn Sigurðsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Hátíð í skugga ógnar
Eins og kom fram í frétt Skessu­
horns 21. janúar síðastliðinn hafa
hluthafar í Skaginn 3X samþykkt að
selja þýska fyrirtækið Baader allan
eignarhlut sinn í fyrirtækinu, eða
um 40%. Fyrir réttu ári var 60%
hluturinn seldur. „Baader hefur nú
þegar hafið samþættingu á starf­
semi félaganna sem lýkur með því
að Skaginn 3X verður hluti Baader
samstæðunnar,“ segir í tilkynningu
frá fyrirtækinu vegna kaupanna á
Skaginn 3X.
„Fjárfestingin undirstrikar mikil­
vægi íslenska markaðarins fyrir
Baader. Hátæknifyrirtækið Skaginn
3X og víðtæk sérfræðiþekking
starfsfólks félagsins eru mikilvægir
þættir í að styrkja stefnu Baader
um alþjóðlegan vöxt. Samþætting
einstaks þekkingargrunns fyrir­
tækjanna mun flýta fyrir allri þróun
í uppsjávar­ og hvítfiskvinnslu sem
og í kælingu, afþíðingu, frystingu
og annarri meðhöndlun á fiski, ali­
fuglum, kjöti og annars iðnaðar.“
Þá segir Robert Focke fram­
kvæmdastjóri Baader í tilkynn­
ingunni að samhliða því að Skaginn
3X verði hluti af Baader, sé hægt
að bjóða heildarlausnir fyrir allar
sjávarafurðir. „Þetta eru sérstak­
lega góðar fréttir fyrir viðskipta­
vini okkar. Þeir mega búast við
því að á skömmum tíma munum
við geta boðið um allan heim sam­
þætta tækniþekkingu okkar, vörur
og þjónustu,“ segir Robert Focke.
Petra Baader stjórnarformað­
ur og eigandi Baader tekur í sama
streng. „Við erum mjög ánægð
með að bjóða Skaginn 3X velkom­
inn í Baader fjölskylduna. Starfs­
fólk Skaginn 3X býr yfir einstakri
sérfræðiþekkingu og nýsköpunar­
getu sem mun stuðla að sameigin­
legum árangri okkar til framtíðar,“
segir Petra Baader.
Loks kemur fram í tilkynningu
að Guðjón M. Ólafsson mun áfram
stýra Skaginn 3X á Íslandi, studd­
ur af Jóhönnu Waagfjörð fjármála­
stjóra, auk stjórnenda Baader. Jef­
frey Davis, forstjóri ISEA Partners
mun áfram gegna starfi stjórnarfor­
manns Skaginn 3X.
mm
Á fundi skipulags­ og umhverfis­
ráðs Akraness í síðustu viku lagði
ráðið til að reynt verði að bæta
umgjörð um aðstöðu til leikja yfir
vetrar tímann á Akranesi og horft
verði meðal annars til eftirfarandi
þátta: Stækka hól við Jörundarholt,
skoða með skautasvell í skógrækt­
inni og á fleiri stöðum og koma upp
aðstöðu fyrir gönguskíðabrautir.
Skipulags­ og umhverfisráð fól
skipulags­ og umhverfissviði að
vinna málið áfram og að leitað
verði til íbúa um tillögur til úrbóta
á aðstöðu til vetrarleikja.
vaks
„Íslensk stjórnvöld fordæma harð­
lega víðtækar árásir rússneskra
stjórnvalda á Úkraínu og lýsa harmi
yfir þeirri eyðileggingu og þján­
ingu sem slík innrás óhjákvæmi­
lega veldur,“ segir í tilkynningu frá
utan ríkisráðuneytinu.
„Hugur okkar er hjá því sak­
lausa fólki sem verður fyrir barðinu
á stríðsrekstri og ógnartilburðum
Rússlands í Úkraínu. Ísland for­
dæmir harðlega ólögmæta inn­
rás Rússlands í Úkraínu sem á sér
enga réttlætingu. Við krefjumst
þess að Rússar stöðvi hernaðarað­
gerðir sínar sem geta valdið mikl­
um hörmungum. Árásin er alvar­
legt brot á alþjóðalögum og kallar
á hörð viðbrögð frá alþjóðasamfé­
laginu,” segir Katrín Jakobsdóttir
forsætisráðherra.
„Stríðsrekstur Rússa í Úkra­
ínu er raunveruleg ógn við öryggi
í Evrópu. Við stöndum staðfast­
lega með okkar bandalagsríkjum og
nánustu samstarfsríkjum og tökum
fullan þátt í víðtækum þvingunar­
aðgerðum sem verða útfærðar í
dag og á morgun. Ísland hefur
lýst algjörum stuðningi við Úkra­
ínu og fordæmir innrás gegn lög­
helgi landamæra þeirra. Við tökum
heilshugar undir kröfu um að Pútín
Rússlandsforseti dragi herlið sitt
tafarlaust frá Úkraínu,“ segir Þór­
dís Kolbrún Reykfjörð Gylfadóttir
utanríkisráðherra. mm
Skaginn 3X orðinn hluti af Baader
Hóllinn við Jörundarholt, oft
nefndur Mikka Mús hóllinn af
börnum bæjarins. Ljósm. vaks
Skoða að bæta umgjörð
yfir vetrartímann
Volodymyr Zelenskiy forseti Úkraínu heilsar hér upp á hermenn í framlínunni í
Donetsk héraði. Ljósm. EPA
Íslendingar fordæma innrás
Rússa í Úkraínu