Morgunblaðið - 26.05.2022, Blaðsíða 10

10 FRÉTTIR
Innlent
MORGUNBLAÐIÐ FIMMTUDAGUR 26. MAÍ 2022
Starfsmannafatnaður
fyrir hótel og veitingahús
Höfðabakka 9, 110 Reykjavík | Sími 561 9200 | www.eddaehf.is
Hótelrúmföt kristin@run.is | Starfsmannafatnaður thorhildur@run.is
Eigum allt fyrir:
• Þjóninn
• Kokkinn
• Gestamóttökuna
• Þernuna
• Hótelstjórnandann
Hótelrúmföt
Sérhæfum okkur í sölu á rúm-
fatnaði og öðru líni fyrir hótel
Ferðafélag Íslands | Mörkinni 6 | 108 Reykjavík | S. 568 2533 | www.fi.is
Sumarleyfisferðir
Ferðafélags Íslands
Áslaug bendir á að þekkingar-
greinarnar séu farnar að ná máli í
efnahagslífinu og enn frekar þegar
fram líða stundir og þær fái tækifæri
til þess að eflast og dafna. Það sé
mikilvægt í öllu tilliti. Á sínum tíma
hafi sjávarútvegur aflað meira en
helmings útflutningstekna og ferða-
þjónustan hafi komist í 40% þeirra,
en það sé óvarlegt að hafa öll egg í
sömu körfu, eins og menn hafi fundið
þegar skyndilega hafi á móti blásið.
„Þegar þessum stoðum er kippt
undan okkur á augabragði án þess að
við ráðum við eitt eða neitt blasir við
að stoðirnar þurfi að vera fleiri, svo
við getum tryggt góð lífskjör.“
Það verði ekki gert með því að
sáldra fé skattgreiðenda yfir þessar
greinar, heldur með því að bæta um-
hverfið, halda áfram fjárfestingum í
menntun og með breyttu hugarfari.
Íslendingar séu vanir að taka ýmsa
áhættu í atvinnulífi, en það vanti
ennþá nokkuð upp á að nýsköpunar-
geirinn njóti nægilegs skilnings á ís-
lenskum fjármálamarkaði. Í þeim
geira þekki menn dæmi eins og Öss-
ur, Marel, CCP og fleiri, sem fjár-
festar hafi veðjað á með stórfengleg-
um árangri. Enginn viti hver verði
næsti vaxtarsproti og að því komist
menn ekki nema á þá sé veðjað.
Þarf að nýta nýsköpunina
Enn eitt nefnir Áslaug Arna í því
samhengi, sem er að þrátt fyrir að
ýmis nýsköpunarfyrirtæki hafi náð
miklum árangri, jafnvel á heimsvísu,
þá gæti stundum nokkurrar tregðu
hér á landi til þess að tileinka sér
þær nýju lausnir, bæði í atvinnulífi
en þó ekki síður í opinbera geiran-
um, þar sem nú nefnir heilbrigðis-
kerfið sérstaklega.
„Nýsköpun er ekki eitthvert
krúttlegt gæluverkefni og þetta
snýst ekki bara um einhverja lúxus-
vöru. Nýsköpunin er oft og tíðum að
leysa stærstu vandamálin sem blasa
við, hvort sem það er í loftslagsmál-
um, kostnaði við heilbrigðisþjónustu,
fátækt, matvælaöryggi eða orkumál-
um. Það er hugvitið sem mun hjálpa
okkur að leysa þau vandamál.“
Áslaug Arna segir að umhverfi ný-
sköpunar hafi batnað mikið á und-
anförnum árum. Hér áður fyrr hafi
verið erfitt að fá okkar hæfasta fólk
til þess að snúa aftur heim úr fram-
haldsnámi, þar sem hér á landi voru
ekki mörg störf við hæfi. Það hafi án
efa kostað Ísland mörg tækifæri.
Þurfum fleira fært fólk
Þetta hafi gerbreyst, þar sem einn
helsti vandi sem steðji að nýsköpun á
Íslandi sé að erfitt geti verið að fá
hingað til lands nægt starfsfólk. Það
geti verið snúið fyrir fólk utan Evr-
ópska efnahagssvæðisins (EES) og
því sé unnið hörðum höndum að því
að laga þann tiltekna vanda. Það
standi að sjálfsögðu í samhengi við
stærri umræðu um útlendingamál
almennt, en Áslaug Arna er bjartsýn
á að það takist að laga fyrr en varir.
„Við eigum að treysta atvinnulíf-
inu til þess að finna sér þá sérfræð-
inga sem það hefur þörf fyrir og þeir
eiga að vera velkomnir. Við eigum að
búa til hraðbraut fyrir þetta fólk.“
Hún bendir á að þetta snúi þó ekki
aðeins að útlendingum, heldur Ís-
lendingum sjálfum.
„Til lengri tíma þurfum við að
mennta fólk út í samfélagið. Að
mennta ungt fólk ekki til atvinnu-
leysis heldur út í samfélagið. Það eru
alveg sjokkerandi tölur um það
hvernig fólki gengur að finna sér
vinnu við hæfi eftir menntun. Þar
þarf að bæta úr.“
Nýsköpunin á ekki aðeins að vera í
atvinnulífinu að mati Áslaugar Örnu
og því ákvað hún að grípa til nýsköp-
unar við mótun hins nýja ráðuneytis.
Þar hafi hún tekið upp breytt stjórn-
skipulag, þar sem hefðbundin deilda-
skipan stjórnarráðsins er látin lönd
og leið. Þess í stað eru tvö meginsvið,
annað sinnir stefnumörkun og fram-
tíðarsýn í málaflokkum ráðuneytis-
ins, en hitt sinni hefðbundnari
stjórnsýslu og þjónustu.
„Ég er auðvitað að prófa mig
áfram og segi ekki að þetta sé orðið
fullkomið, en ég vona að úr verði
betra ráðuneyti, sem gæti verið öðr-
um fordæmi.“
Nýsköpun er Íslandi nauðsyn
- Nýsköpun og þekkingargreinar næsta stóra stoð efnahagslífsins - Ótal tækifæri í nýsköpun blasa við
- Þörf á að beisla nýsköpunina, bæði til efnahagslegs ávinnings og betri og hagkvæmari ríkisrekstrar
Morgunblaðið/Kristófer Liljar
Dagmál Áslaug Arna Sigurbjörnsdóttir, háskóla-, iðnaðar- og nýsköpunarráðherra, segir nýsköpun í atvinnulífi og
hagnýtingu hennar hjá hinu opinbera ekki aðeins fela í sér tækifæri, heldur nauðsyn til að tryggja lífskjör.
DAGMÁL
Andrés Magnússon
andres@mbl.is
Það er nauðsynlegt að fóstra ný-
sköpun og þekkingariðnað, beinlínis
í því skyni að reisa nýja grunnstoð í
íslensku atvinnulífi, stoð sem er
ónæmari fyrir ytri aðstæðum en þær
sem fyrir eru. Um leið eru þar ótal
tækifæri til þess að gera lífið betra
og hagkvæmara, sem Íslendingar
verða að grípa.
Þetta segir Áslaug Arna Sigur-
björnsdóttir, háskóla-, iðnaðar- og
nýsköpunarráðherra, að sé megin-
viðfangsefni sitt í nýju ráðuneyti, en
þau markmið snerti þjóðlífið allt á
ótal sviðum. Hún er í viðtali í Dag-
málum, streymi Morgunblaðsins á
netinu, sem opið er öllum áskrifend-
um, en slóðina að því má finna neðst í
þessari grein.
„Það er verið að búa til ráðuneyti,
sem tekur niður múra milli þessara
málaflokka – í hinni ýmsu merkingu
þeirra orða – til þess að skapa ný
tækifæri á Íslandi,“ segir Áslaug og
bendir á að sams konar ráðuneyti
hafi verið stofnsett í nágrannalönd-
unum með góðum árangri. Þarna séu
margvíslegir málaflokkar sem rétt
sé að draga saman til þess að hver
styðji annan.
Ný stoð í atvinnulífi
„Þetta er ný stoð í efnahagslífinu,
sem ég tala um sem hugvitið, af því
að það nær vítt og breitt yfir það sem
hér um ræðir. Þessi stoð í efnahags-
lífinu hefur tvöfaldast að útflutnings-
tekjum og við þurfum að horfa til
hennar í ríkari mæli og gefa henni
meira vægi í samfélaginu, til þess að
vera hér með efnahagsstoð sem
stendur undir útflutningstekjum og
er ekki bundin einhverjum utanað-
komandi aðstæðum, eins og þegar
heimsfaraldur hafði áhrif á ferða-
þjónustuna eða þegar loðnan kom
ekki, eða takmörkuðum auðlindum,
af því að þekkingin og hugvitið eru
heldur betur ótakmarkaðar auðlind-
ir.“