Lögmannablaðið - 2022, Qupperneq 23

LÖGMANNABLAÐIÐ TBL 01/22 23
HÖFUNDURINN ER ARNÞÓR GUNNARSSON SAGNFRÆÐINGUR EN HANN HEFUR ÁÐUR RITAÐ FJÖLDA
BÓKA OG GREINA, Þ.M.T. SÖGU HAFNAR Í HORNAFIRÐI. HÆSTIRÉTTUR Í HUNDRAÐ ÁR – SAGA VAR
NÝLEGA TILNEFND TIL VIÐURKENNINGAR HAGÞENKIS. Í UMSÖGN SEGIR AÐ AFMÆLISRITIÐ GRAFI UPP
FORVITNILEGAR OG OFT ÓVÆNTAR HLIÐAR Á SÖGU ÆÐSTA DÓMSTÓLS SJÁLFSTÆÐS ÍSLANDS. EYRÚN
INGADÓTTIR SPURÐI ARNÞÓR NÁNAR ÚT Í SÖGURITUNINA.
ÓSKABARN HINS
FULLVALDA RÍKIS
EÐA PÓLITÍSKT BITBEIN?
SAGA HÆSTARÉTTAR ER KOMIN ÚT:
Út er komin saga Hæstaréttar. Ef
einhver heldur að þar sé á ferðinni
leiðinleg eða þunglamaleg lesning þá
er það hinn mesti misskilningur.
Frekar er hægt að tala um spennandi
sögu sem speglar hið pólitíska
landslag þessa öld sem Hæstiréttur
hefur starfað. Þar koma
stjórnmálaskörungar 20. aldar við
sögu, s.s. Jónas frá Hriflu sem vildi
leggja Hæstarétt niður og Vilmundur
Gylfason sem sagði að Hæstiréttur
væri varðhundur kerfisins en ekki
vörn fólksins. Sagan er mikilvægt
framlag til sögu Íslands eftir að landið
öðlaðist fullveldi árið 1918 þar sem
dómsvaldinu er gefinn sérstakur
gaumur en áherslan hefur oftast verið
á löggjafar- og framkvæmdavaldið.