Fréttablaðið - 03.09.2022, Síða 26

Samkvæmt
Sigga er
sælutíð
fram
undan
næsta hálfa
mánuðinn
um allt
land og
hljóta
landsmenn
að fagna
því.
Í dag, laugardag, fer fram hin
árlega Garnganga en um er
að ræða hátíð handverksfólks
sem ferðast á milli sérverslana
með garn og aðrar hannyrðir.
bjork@frettabladid.is
Gangan er að erlendri fyrirmynd
og þekkist víða erlendis sem Yarn
Crawl sem er vísun í Pub Crawl.
Hún hefur slegið rækilega í gegn
hérlendis, sem ætti ekki að koma
á óvart, því að bara á höfuðborgar-
svæðinu eru f leiri garnverslanir á
íbúa en bæði í London og New York
til samans.
Rannveig Tenchi er einn for-
sprakka göngunnar, sem var fyrst
farin haustið 2017.
„Það eru níu verslanir sem taka
þátt í ár og þar sem þær eru á víð og
dreif um höfuðborgarsvæðið notar
fólk annaðhvort strætó eða bíl til
að komast á milli.“ Það er ólíkt því
sem gerist erlendis enda svæðið hér
dreifðara. „Fólk er oft að hópa sig
saman í bílum og ekki síst þau sem
koma utan af landi.“
Drottningin húfa ársins
Árlega er haldin samkeppni um
húfu ársins og þá keppast prjónarar
og heklarar við að senda inn upp-
skriftir og er ein valin Garngöngu-
húfan. „Við ákváðum þó að efna
ekki til samkeppni í ár því húfan
sem bar sigur úr býtum árið 2020
hefur enn ekki fengið sína göngu,“
segir Rannveig, en gangan hefur
legið niðri undanfarin ár eins og
aðrar samkomur vegna Covid.
„Hvern sem langar að hanna
uppskrift að prjónaðri eða heklaðri
húfu getur sent inn og eru verðlaun
í boði. Öll eru svo hvött til að gera
húfuna og bera hana í göngunni.
Verslanir leggja svo til alls konar
litasamsetningar og auglýsa hana
þannig líka. Húfan sem vann 2020,
og er því garngönguhúfan árið 2022,
heitir Drottningin og er uppskrift að
henni frí inni á bæði Ravelry.com og
garngangan.is,“ segir hún og bætir
við að Ravelry sé gagnabanki hand-
verksfólks.
Þau sem taka þátt í göngunni fá
afhent stimpilkort í fyrstu verslun-
inni sem er heimsótt og þau sem
ná að safna stimplum frá öllum
verslununum geta svo skilið stimp-
ilkortið eftir í síðustu versluninni
og eru þá komin í happdrættispott,
en vinningur að verðmæti 70.000
krónur er í verðlaun. Eins eru versl-
anir með sína eigin minni vinninga.
„Svo veljum við garngöngulit sem
er á stimpilkortinu og er hann fjólu-
blár í ár. Hugmyndin á bak við göng-
una er að lyfta sérverslunum upp og
beina handverksfólki til þeirra.“
Yngra fólk farið að prjóna
Fyrirkomulagið er þannig að hand-
verksfólk mætir í þá verslun sem
það vill byrja á og fær þar afhent
stimpilkort og heldur áfram sem
leið liggur. „Verslanirnar eru svo
með pop-up viðburði og tilboð fyrir
gesti. Gangan er alltaf fyrsta laugar-
dag í september en verslanirnar eru
flestar með lokað á laugardögum á
sumrin en eru að opna aftur þann
1. september. Það er því bara um að
gera að setja veturinn í gang.“
Rannveig segir mætinguna alltaf
hafa verið góða og þær búist ekki
við neinu minna í ár. „Þó við séum
ekki með nákvæma tölu þá eru
þetta í kringum 700 manns sem
hafa verið að mæta.“
Rannveig seg ir handverk s-
áhugann okkur í blóð borinn. „Við
heklum og prjónum af lífi og sál.
Næstelsti minn var 10 ára þegar
hann prjónaði sér lopapeysu og nú
er ég með einn níu ára sem er að
suða um að fá að læra. Ég tók eftir
mikilli aukningu árið eftir hrun,
2008, og verslanirnar segja það
sama, að yngra fólk sé að koma til
þeirra og öll kyn,“ segir hún og bætir
við að umræður á samfélagsmiðla-
síðum prjónara séu oft heitar.
Rannveig segir aðspurð sífellt
algengara að uppskriftir séu keyptar
á netinu. „Ég kaupi eiginlega aldrei
uppskriftir á prenti þó það sé veg-
legt og fallegt úrval af slíku í sér-
verslunum en eins er mikið til á net-
inu þar sem þú kaupir uppskriftina
og færð hana senda um leið í tölvu-
pósti,“ segir Rannveig að lokum en
sjálf deilir hún sínu handverki undir
myllumerkinu #prjónandipírati.
Garngangan er frá 11 til 17 í dag,
laugardag, og nánari upplýsingar
má finna á garngangan.is og á
Facebook-síðu viðburðarins. n
Ganga á milli garnverslana
Ólafur
Arnarson
n Í vikulokin
BJORK@FRETTABLADID.IS
Við mælum með
Drottningin bar sigur úr býtum sem Garngönguhúfan árið 2020 en fær fyrst göngu núna eftir Covid. MYND/AÐSEND
Rannveig Tenchi er alltaf með eitt-
hvað á prjónunum. MYND/AÐSEND
Þótt veturinn taki ekki formlega við fyrr en
undir lok næsta mánaðar kveðjum við flest
ósjálfrátt sumarið þegar skólar hefjast og
rútínan alræmda læsir klónum í líf okkar.
Sumarsins 2022 verður seint minnst fyrir
hitamet og sólarstundir og hefur það jafnvel verið
uppnefnt sumarið sem aldrei kom. Hvað sem því
líður styttist tilfinnanlega í annan endann á því. En
þó … veðurfræðingar hafa margir hverjir gefið vonir
um sólríkan september og á morgun, sunnudag, lofar
spáin sannarlega góðu.
Sigurður Þ. Ragnarsson, betur þekktur sem Siggi
Stormur, gekk svo langt í spjalli við Fréttablaðið nú
fyrir helgi að boða loks komu sumars eða allavega
sumarauka. Samkvæmt Sigga er sælutíð fram undan
næsta hálfa mánuðinn um allt land og hljóta lands-
menn að fagna því. Mörg hver erum við þó búin með
lögbundið sumarfrí og því ætla ég hér með að hvetja
þá vinnuveitendur sem geta að gefa starfsfólki sínu
örlítið sólarfrí hér og þar, láti sú gula sjá sig eins og
vonir standa til.
Nú, ef þetta allt saman klikkar þá getum við alla-
vega prísað okkur sæl að vera ekki föst í óbærilegri
hitabylgju og skógareldum sem geisa víða.
Fátt er svo með öllu illt … n
Dreggjar sumarsins
Ljósanótt
Helgin er tilvalin fyrir heimsókn
í Reykjanesbæ sem iðar af lífi og
menningu. Um allan bæ má finna
viðburði fyrir unga sem aldna en
hápunkturinn er líklega f lugelda-
sýningin klukkan 22 í kvöld. Eftir að
hafa fylgst með næturhimninum
lifna við og augnablikinu þegar
bergið er lýst upp má velja um
Hlöðuball, Ljósanæturball eða
skemmtun á Paddy's. Gleðinni er
þó ekki lokið þar því enn eru við-
burðir á morgun, sunnudag. Allar
upplýsingar má finna á ljosanott.is.
Uncoupled
Þáttunum Uncoupled á Netf lix
svipar til þáttanna Sex and the
City enda báðir skrifaðir af Darren
Star. Uncoupled fjallar um ungan
fasteignasala í New York sem hefur
skipulagt allt líf sitt í þaula en fót-
unum er kippt undan honum þegar
sambýlismaður hans til 17 ára fer
frá honum. Neil Patrick Harris, sem
þekktastur er fyrir hlutverk sitt í
þ á t t u n u m
How I Met
Your Mother,
fer með aðal-
hlutverkið og
er sérstaklega
skemmtilegt
að sjá hann
í alvarleg r i
og einlægari
s e n u m e n
vanalega. n
Stjórnmálastéttin lætur sér fátt fyrir
brjósti brenna þegar kemur að því að
skara eld að eigin köku.
Viðskiptablaðið birti í vikunni
út tek t á r ík isst uðning i v ið
stjórnmálaflokka frá árinu 2010 til
2022. Fram kemur að þeir hafa fengið
sjö milljarða úr ríkissjóði á þessu
tímabili á verðlagi dagsins í dag.
Á fyrsta ári sitjandi ríkisstjórnar
voru framlög til flokkanna meira en
tvöfölduð (hækkuð um 127 prósent)
og síðan hafa þeir fengið næstum
fjóra milljarða frá skattgreiðendum.
Þrátt fyrir þetta örlæti þingmanna
í garð flokkanna sinna hefur Alþingi
ekki tekist að finna fjármagn til að
stytta biðlista í heilbrigðiskerfinu.
Tannréttingar, sem eru gjaldfrjáls-
ar í þeim löndum sem við kjósum
að bera okkur saman við hvað vel-
ferð varðar, eru sligandi kostnaðar-
liður fyrir barnafjölskyldur á Íslandi.
Hvað skyldi kosta að setja tannrétt-
ingar inn í hið almenna sjúkratrygg-
ingakerfi?
Kannski svipað og rennur til
stjórnmálaf lokkanna í styrk frá
skattgreiðendum? Kannski meira,
hver veit? Ríkisstjórnin sóaði tveim-
ur til þremur milljörðum í að fjölga
ráðuneytum við síðustu stjórnar-
myndun. Þá vantaði ekki peningana.
Peningar eru ekkert vandamál þegar
fjármagna þarf ráðherrastól og tilbe-
hör fyrir flokksgæðinga.
Á Íslandi búa álíka margir og
í Coventry í Englandi. Dettur
einhver jum í hug að íbúar
Coventry séu skikkaðir til að borga
tólf stjórnendum meira en tvær
milljónir á mánuði, setja lúxusbíl
Flottræfilsháttur, sjálftaka, spilling og mannvonska
með bílstjóra undir hvern þeirra og
tvo prívat aðstoðarmenn með meira
en milljón á mánuði í laun, fyrir að
stjórna borginni?
Á meðan Ísland hefur ekki ráð
á að borga tannréttingar barna
á Íslandi hefur Ísland ekki efni
á f lottræf ilshætti ráðamanna
og sjálftöku þeirra. Ekki verður
annað séð en að full samstaða sé
milli stjórnmálaflokkanna um þá
mannvonsku og spillingu sem felst í
því að stjórnmálastéttin hugsar um
sig og bara sig. n
Samt
finnst
ekki
fjármagn
til að
stytta
biðlista.
26 Helgin 3. september 2022 LAUGARDAGURFRÉTTABLAÐIÐHELGIN FRÉTTABLAÐIÐ 3. september 2022 LAUGARDAGUR