Fréttablaðið - 03.09.2022, Síða 68

Mér finnst dýr-
mætast að fólk
finni fyrir einhverju
þegar það hlustar, sama
hvað, nema kannski að
því leiðist. Þá hefur
maður gert vel.
Ásgeir Helgi Ásgeirsson
Táningurinn og tónlistar-
maðurinn Ásgeir Helgi
Ásgeirsson segist vera mjög
löt manneskja en þó hefur
hann gefið út þrjár plötur.
thordisg@frettabladid.is
„Sextán ára unglingur hefur auð-
vitað ekki sömu lífsreynslu og
fullorðið fólk, en mér finnst samt
að sumt af minni reynslu sé nógu
áhugavert til að semja um það
texta. Ég held líka að það sé sama
hvað maður er gamall þegar samið
er um tilfinningar; öllum líður ein-
hvern veginn og allir hafa áhuga-
verðar tilfinningar, þótt sennilega
verði einfaldara að setja tilfinn-
ingar í orð eftir því sem maður
eldist.“
Þetta segir Ásgeir Helgi, tón-
listarmaður og nýnemi í Mennta-
skólanum við Hamrahlíð og
Menntaskólanum í tónlist (MÍT).
„Ég ákvað að fara í MÍT til að
kynnast fleira fólki sem hefur
áhuga á tónlist og sem ég get
mögulega unnið með á tónlistar-
sviðinu. Það skaðar heldur ekki
að fá að vita meira um það sem
ég fæst við í tónlistinni. Ég get vel
bjargað mér með tónfræðina en
ef ég ætla að koma tónlistarlegum
hugmyndum mínum á framfæri er
gott að kunna tungumál tónlistar-
innar betur.“
Undir áhrifum frá Bítlunum
Ásgeir Helgi útskrifaðist úr 10.
bekk í Langholtsskóla í vor og er
sjálfmenntaður á gítar og píanó.
„Ég tók reyndar önn í píanónámi
á áttunda árinu en gafst upp. Ég
vildi ekki æfa skala dagana langa,
þótt ég viti betur í dag að það er
örugglega mikilvægara en ég hélt.
Ég vildi bara spila af fingrum fram
og fá að semja lög, sem hefur alltaf
verið mikilvægast hjá mér. Þar
hjálpar til að kunna á píanó og þótt
ég sé enginn rosalegur píanóleikari
kann ég nógu marga hljóma til að
finna lögunum mínum farveg við
píanóið. Það er nóg fyrir mig,“ segir
Ásgeir Helgi.
Hann lærði á gítar og píanó með
því að herma eftir Bítlalögum.
„Ég er alinn upp af miklum tón-
listarunnendum. Mamma og pabbi
bera ábyrgð á tónlistarsmekknum
og spiluðu mikið Bítlana, Simon
& Garfunkel og fleiri góða. Ég er
því undir miklum áhrifum frá
Bítlunum í mínum lagasmíðum og
næstum búinn að þreyta sjálfan
mig á því. Það er kominn tími til
að víkka sjóndeildarhringinn og
fyllast innblæstri frá fleirum. Því
er ég nú farinn að hlusta á allt frá
Radiohead til Weeknd og áhrifin
koma víða að,“ segir Ásgeir.
Heilinn fer á milljón
Þrátt fyrir að vera nýskriðinn úr
grunnskóla hefur Ásgeir Helgi
þegar gefið út þrjár plötur á
streymisveitunni Spotify, en hann
segir slíkt ekkert einsdæmi.
„Það er kannski ekki skynsam-
legasta hugmynd í heimi að gefa
út þrjár plötur með svo stuttu
millibili, en mér finnst plötuform-
atið svo magnað og áhugavert að
setja plöturnar saman og finna
út úr því hvar hvert lag passar. Í
tónlistarheiminum þykir æ minna
merkilegt að skapa og gefa út
tónlist á unga aldri því aðgengi að
tónlistarsköpun og útgáfu er orðið
svo auðvelt í gegnum tölvur. Nýjar
ungstjörnur í poppheiminum, eins
og Billie Eilish og Olivia Rodrigo,
komust einmitt í sviðsljósið með
því að semja og taka upp tónlist
heima hjá sér. Því eru aðrir tímar
nú en þegar fólk varð að sanna sig
hjá útgefendum til að fá að gefa út
eitt lag, hvað þá heila plötu og mér
finnst ég heppinn að hafa getað
gefið út þrjár plötur á Spotify sem
fyrir ekki svo löngu hefði ekki
verið eins sjálfsagt.“
Ásgeir segir geta verið pirrandi að
lög komi til hans þegar hann á síst
von á, en ekki þegar hann setur sig
í stellingar til að semja.
„Lögin koma oftast til mín þegar
ég er að hlusta á tónlist sem ég fíla
vel. Þá fer heilinn á milljón og lögin
koma áreynslulaust. Ég held að lög
sem koma þannig séu oftast betri
því þau koma beint frá hjartanu
og skila því til hlustenda hvernig
manni leið á því andartaki.“
Textagerð Ásgeirs er líka einlæg.
„Ég er ekkert sérstaklega stoltur
af textunum mínum hingað til,
enda var ég mest í að endurorða
það sem ég hafði heyrt áður til að
byrja með. Síðan fór ég að hugsa
meira um að láta textana segja
sögu á plötunni og nú hef ég enn
nýrri hugmyndir og hlakka til
að semja meira. Ég vil að boð-
skapurinn, ef einhver, snúist um
hluti sem skipta máli, eins og til
dæmis loftslagsvána, sem ég samdi
um í laginu The Weather Song. Ég
hugsa mikið um loftslagsmálin,
þau hvíla á unga fólkinu, þeirra er
framtíðin og að lifa við þær,“ segir
Ásgeir Helgi og bætir við: „Það er
góð tónlist ef hún lætur manni
líða einhvern veginn. Mér finnst
dýrmætast að fólk finni fyrir ein-
hverju þegar það hlustar, sama
hvað það er, nema kannski að því
Mögulega gömul sál í sextán ára líkama
Lögin hans
Ásgeirs Helga
koma til hans
úr óvæntum
áttum en hann
segir bestu
lögin oftast þau
sem komi þann-
ig; þau komi
frá hjartanu og
grípi líðan hans
hverju sinni.
Hans vinsælasta
lag til þessa er
Ready to leave.
FRÉTTABLAÐIÐ/
ANTON BRINK
leiðist. Þá hefur maður gert vel og
ef ég fæ fólk til að hlusta, þá er ég
glaður.“
Gat þá hvorki samið né sungið
Ásgeir Helgi segist mögulega vera
gömul sál í sextán ára líkama.
„Það skrifast á að ég lenti með
fjölskyldu sem hlustar mikið á
seventís-tónlist og ég er bara mjög
glaður með það. Mér finnst áhuga-
vert að tónlist er tónlist, sama frá
hvaða áratug hún er. Þetta eru eftir
allt saman bara hljóð.“
Hans fyrsta minning um áhuga á
tónlist er þegar hann var smábarn
og vildi hlusta aftur og aftur á sín
uppáhaldslög í útvarpinu.
„Svo þegar ég fór að hlusta á
Simon & Garfunkel, sem eru mitt
allra mesta uppáhald, kviknaði
hugmynd um að verða tónlistar-
maður þegar ég yrði stór. En þá
gat ég hvorki samið né sungið og
gafst upp. Ég er nefnilega þannig
að þegar ég sé eða heyri list sem
mér finnst góð og hreyfir við til-
finningum mínum, vil ég búa til
eitthvað sem er jafngott. Þegar ég
var tólf ára gerði ég aftur tilraun til
að semja lög og þrettán ára hafði
ég samið tuttugu lög á einu ári.
Þá varð ekki aftur snúið; þegar ég
samdi eitthvað sem mér fannst
gott fannst mér þess virði að halda
áfram,“ segir Ásgeir Helgi.
Framtíðarplönin eru óljós en
draumurinn að starfa við tónlist.
„Ég verð glaður ef ég finn leið
til að lifa af því að búa til tónlist,
hvort sem það verður aðalstarf eða
áhugamál samhliða afgreiðslu-
störfum í Bónus. Plan B er að gera
eitthvað venjulegt, eins og til
dæmis að vinna í Bónus, því það er
auðvitað nóg að lifa þannig.“
Ekki þúsund ára gamall karl
Ásgeir Helgi er söngvari í hljóm-
sveitinni Hunulu sem hann og
vinir hans, Baldur, Örn og Emil,
sem gefur út undir nafni Citronus
á Spotify, stofnuðu í 7. bekk í Lang-
holtsskóla. Þeir gáfu út plötuna Oil
Puddles í sumar, sem inniheldur
frumsamin lög sem eru blanda af
rokki, poppi og djass. Strákarnir
kunnu nánast ekkert á hljóðfæri
þegar þeir byrjuðu í bandinu en
eru nú orðnir mjög góðir, að sögn
Ásgeirs.
„Ég hef batnað sem söngvari
með árunum og er glaður með það.
Ég er enn á táningsaldri og röddin
ekki enn alveg fullmótuð en hún
er nógu góð til að flytja laglínur
eins og ég vil að þær hljómi,“ segir
Ásgeir kátur.
Hans uppáhalds Bítill er Paul
McCartney.
„Paul er melódískur og veit alltaf
hvað vantar í lagið. Hann er hinn
fullkomni lagasmiður sem getur
búið til gott lag á hverjum degi
og ef hann semur slæmt lag bætir
hann það upp með besta lagi sem
þú hefur heyrt. Simon & Garfunkel
standa samt alltaf upp úr. Þar býr
nostalgía að baki. Art Garfunkel
er með gullfallega rödd og ég held
að Simon sé besti lagahöfundur í
heimi. Hann getur samið lag sem
býr til nýja minningu; og þótt þú
hafir ekki heyrt lagið áður er eins
og þú hafir samt heyrt það og það
býr til sína eigin nostalgíu. Það er
fullkomin tónlist.“
Sjálfur leikur Ásgeir Helgi á öll
hljóðfæri á sínum plötum, utan
tromma í fimm lögum á nýju plöt-
unni Bottled Up, og hljómborðs í
laginu Would you do the same.
„Ég spila á gítar, rafmagnsgítar,
bassa og hljómborð á plötunum.
Svo hjálpar Magnús Ingi, bróðir
minn, mér að hljóðblanda lögin
og lætur plöturnar hljóma miklu
betur en ég hefði gert það sjálfur.
Hann vinnur við að hljóðsetja
rapp og samdi meðal annars takt
sem rapparinn Ski Mask the Slump
Dog notaði og annan sem var not-
aður í lagið A lot með 21 Savage, en
það hlaut Grammy-verðlaun og var
notað í Netflix-þáttunum Ozark.
Magnús er minn besti vinur og frá-
bær bróðir sem lætur mig hljóma
eins og ég sé ekki þúsund ára
gamall karl og veitir mér nútíma-
legan innblástur,“ segir Ásgeir,
hamingjusamur með sitt fólk.
„Foreldrar mínir eru þau allra
bestu og sýna mér kærleik, stuðn-
ing og hvatningu. Ég gæti trúað að
þau séu mínir mestu aðdáendur.“
Um helgina ætlar Ásgeir Helgi að
slaka á. „Ég er mjög löt manneskja
og þegar ég er ekki að gera tónlist
eða annað sem ég þarf er ég aðal-
lega í rúminu að horfa á eitthvað.
Ég er nýfarinn að mæta í ræktina
og tek þá með vin til hvatningar.
Annars, þegar ég fæ tækifæri til að
gera ekki neitt, er mitt uppáhald,
fyrir utan að gera tónlist, að tjilla
og gera sem minnst.“
Hægt er að hlusta á lög og plötur
Ásgeirs Helga á Spotify. n
8 kynningarblað A L LT 3. september 2022 LAUGARDAGUR