Fréttablaðið - 22.10.2022, Blaðsíða 6
En þau gera það sem
allir foreldrar gera til
að bjarga lífi barna
sinna. Þau flytja og
verða flóttamenn.
David Beasley,
framkvæmdastjóri Alþjóða
matvælastofnunarinnar
arnartomas@frettabladid.is
Samgöngur Ný brú yfir Jökulsá á
Sólheimasandi var formlega vígð í
gær. Hún er 163 metra löng og liggur
rúmum metra hærra en eldri brúin.
Engin einbreið brú er nú á Hring-
veginum frá Reykjavík og austur
fyrir Kirkjubæjarklaustur.
Við athöfn í gær ók Sigurður
Ingi Jóhannsson innviðaráðherra
fyrstur yfir brúna eftir vígslu. Á eftir
honum ók Hörður Brandsson, sem
fyrstur ók yfir gömlu brúna 1967.
Anton Kári Halldórsson, sveitar-
stjóri Rangárþings eystra, og Einar
Freyr Elínarson, sveitarstjóri Mýr-
dalshrepps, klipptu á borðann við
athöfnina.
„Fyrir okkur á svæðinu snýst
þetta fyrst og fremst um öryggi, að
útrýma einbreiðum brúm og auka
aðgengi samgangna yfir höfuð,“
segir Anton Kári. „Svo þarf að halda
áfram því þjóðvegur 1 um Suður-
land er mjög fjölfarinn vegur og
mikið umferðarálag. Þetta er góður
punktur í það.“
Einar Freyr tekur undir með Ant-
oni Kára.
„Þetta er inngangurinn í sveitar-
félagið okkar og þetta var ein fjöl-
farnasta einbreiða brú landsins.
Það er ekki hægt að undirstrika
mikilvægi þess að vera komin með
tvíbreiða brú nægilega,“ segir hann.
„Þetta eru mikil tímamót því öfl-
ugar samgöngur eru það sem halda
lífinu í þessu svæði.“ n
Ekki hægt að undirstrika mikilvægi
tvíbreiðrar brúar nægilega mikið
Nýja brúin er 163 metrar að lengd. mynd/aðsend
Anton Kári
Halldórsson,
sveitarstjóri
Rangárþings
eystra.
Framkvæmdastjóri Alþjóða-
matvælastofnunarinnar er
svartsýnn á stöðu heimsins á
næsta ári. Hann spáir matar-
skorti og alþjóðlegu öng-
þveiti verði ekki brugðist við.
lovisa@frettabladid.is
aLÞJÓÐamÁL David Beasley tók
við embætti framkvæmdastjóra
Alþjóðamatvælastofnunarinnar
árið 2017. Þá hafði langvinnt hungur
í heiminum aukist í fyrsta sinn í 200
ár.
„Þegar ég tók við hélt ég að ég
myndi ljúka starfi stofnunarinnar,
að hennar yrði ekki þörf lengur.
Það er auðvitað markmiðið: að enda
hungursneyð,“ segir Beasley og segir
að öfugt við það sem hann vonaðist
til hafi staðan í heiminum versnað
mikið.
Fyrir fimm árum bjuggu 80 millj-
ónir við alvarlegt fæðuóöryggi. Rétt
fyrir Covid taldi hópurinn 135 millj-
ónir og eftir faraldur 276 milljónir.
Eftir átök í Eþíópíu, Afganistan og
Úkraínu er fjöldinn nú 345 millj-
ónir.
„Við erum enn langt frá því að
ná markmiðum okkar og það er
áhyggjuefni. Þegar það gerist þá
getum við endað með hungurs-
neyð, óstöðug ríki og mikla fólks-
f lutninga. Okkur tókst að koma í
veg fyrir það síðustu ár því leiðtogar
heimsins tóku sig saman og brugð-
ust við en við lifum á fordæma-
lausum tímum núna. Þess vegna er
svo mikilvægt að lönd eins og Ísland
taki þátt,“ segir Beasley en tilkynnt
var í vikunni að Ísland væri nú að
auka framlög sín til mannúðarmála,
og sérstaklega til Alþjóðamatvæla-
stofnunarinnar. Kjarnaframlög til
stofnunarinnar verða því á þessu
ári 200 milljónir í stað 100 milljóna.
„Á þessu ári er glíman við hækk-
andi matarverð, á næsta ári verður
matarskortur,“ segir hann og að það
megi rekja til þurrka, flóða, stríðsins
í Úkraínu og skorts á gróðuráburði.
„Við erum að horfa á mjög alvarlega
stöðu.“
Beasley segir mikilvægt að hugsa
um vandann til skamms tíma og
langs tíma. Það séu ólík vandamál
sem þurfi að leysa en að leysa þurfi
hvort tveggja. Hann segir að í raun
snúist vandi okkar, til skamms tíma,
um þrennt: Gróðuráburð, mat og
fjármagn.
„Koma þarf gróðuráburðinum
út, sama hver brot Rússa eru. Þetta
snýst um öryggi á alþjóðavísu. Ef
við fáum fjármagn getum við sinnt
okkar starfi, en án gróðuráburðar-
ins verður þetta helvíti á jörðu á
næsta ári. Við erum á mjög hvik-
lyndum tíma í mannkynssögunni.“
Hann bendir á að með því að
tryggja fólki sjálf bært og stöðugt
aðgengi að mat og ræktun matar
sé hægt að minnka fólksflutninga,
fækka táningaþungunum og barna-
brúðkaupum, takmarka aðgengi
öfgahópa að börnum í her auk þess
sem gæði heilbrigðisþjónustu aukist
og heimurinn verður grænni.
„Það eru þessi verkefni, fyrir við-
kvæmustu hópa heims, sem þarf að
stækka. Jafnvel þótt við glímum við
loftslagsvána þá trúi ég því að við
getum endað hungursneyð í heim-
inum. Með því að binda enda á stríð
og átök.“
Hann segir að þegar hann hitti
ráðamenn bendi hann þeim á að
ekki hafi verið brugðist nægilega
snemma við í Sýrlandi en að hægt
sé að gera betur núna. Hann bendir
á að móttaka flóttafólks sé kostnað-
arsöm og að ef ekki verði brugðist
við hungri og matarskorti muni
fleiri leggja á flótta. Það sé því brýnt
að bregðast við áður en það gerist.
„Við spyrjum fólk sem við þjón-
ustum reglulega hvað því finnst um
að flýja. Það vill það enginn. En þau
gera það sem allir foreldrar gera til
að bjarga lífi barna sinna. Þau flytja
og verða f lóttamenn. En ef það er
matur og friður, þá fara þau ekki,“
segir Beasley og bætir við að um
leið og hægt sé að binda enda á að
fólk neyðist til að flytja sé hægt að
ræða bara fólksflutninga sem eru
val, og það séu miklu skemmtilegri
samræður. n
Helvíti á jörðu á næsta ári
verði ekki brugðist við
David Beasly segir stöðuna svarta. FRÉTTaBLaðIð/eRnIR
benediktboas@frettabladid.is
SkipuLagSmÁL „Lítið eða ekkert
samráð hefur verið við íbúa svæð-
isins vegna þessara fyrirhuguðu
framkvæmda sem minnir óþægilega
á aðdraganda að þéttingu byggðar
við Bústaðaveg, sem borgin dró síðar
til baka vegna mótmæla íbúa,“ segir
meðal annars í ályktun stjórnar
Íbúasamtaka Bústaða- og Fossvogs-
hverfis vegna fyrirhugaðrar þreng-
ingar Háaleitisbrautar, á gatnamót-
um Háaleitisbrautar og Bústaðavegs
og lokun á hægri beygjum.
Stjórn íbúasamtaka Bústaða- og
Fossvogshverfis samþykkti að beina
þeim vinsamlegu, en jafnframt ein-
dregnu, tilmælum til borgarinnar
að hætt verði þegar við fyrirhugaðar
framkvæmdir. Segir að slík þrenging
minnki ekki slysahættu heldur auki
hana og flytji á önnur svæði. Bent er
á að til að minnka slysahættu gang-
andi vegfarenda á þessum gatna-
mótum megi framkvæma slíkt með
öðrum miklu öruggari og árangurs-
ríkari aðgerðum, til dæmis göngu-
brú eða undirgöngum. n
Borgin talar ekki við íbúana
Bústaðavegur er orðinn þyrnir í
augum bílstjóra. FRÉTTaBLaðIð/eRnIR
Begga Kummer
Innanhússstílisti hjá BK DECOR
Góð ráð
frá BK Decor
Opnaðu myndavélina í símanum þínum
og skannaðu QR kóðann
parkixslippfelagid.is
6 Fréttir 22. október 2022 LAUGARDAGURFréttablaðið