Fréttablaðið - 22.10.2022, Blaðsíða 20

Ógleymanleg
rauð spjöld
Það að fá rautt spjald í knattspyrnuleik er auð-
vitað bara hluti af leiknum en að láta reka sig
af velli á ögurstundu á Heimsmeistaramótinu
getur haft mikil áhrif á leikmanninn sjálfan og
liðið hans. Mörg fræg og eftirminnilega rauð
spjöld hafa farið á loft á þessu stærsta sviði fót-
boltans, ekki öll rauð spjöld eiga sér stað innan
vallar eins og Diego Maradona komst að.
hoddi@frettabladid.is
1994 Diego Maradona
Maradona fékk ekki sitt rauða
spjald innan vallar heldur utan
hans. Maradona var bannaður
frá Heimsmeistaramótinu í
Bandaríkjunum árið 1994 eftir
að ólöglegt lyf fannst í blóði
hans. Maradona fór í lyfja-
próf eftir leik gegn Nígeríu í
riðlakeppninni og þar fannst
frammistöðubætandi lyfið
ephedrine. Maradona fékk
ekki bara rauða spjaldið frá
mótinu heldur líka frá Banda-
ríkjunum. Maradona neitaði
að hafa verið meðvitaður um
inntöku á lyfinu. Maradona
fékk aldrei vegabréfsáritun inn
í Bandaríkin eftir þetta atvik.
2006 Zinedine Zidane
Úrslitaleiksins á Heimsmeistaramót-
inu verður alltaf minnst fyrir rauða
spjaldið sem Zinedine Zidane fékk í
síðasta leik sínum á ferlinum. Staðan
að loknum venjulegum leiktíma var
1–1 en á 110. mínútu leiksins ákvað
Zidane að skalla Marco Materazzi
leikmann Ítalíu. Sá ítalski hafði
viðhaft ljót orð í garð Zidane
sem missti hausinn og
skallaði hann. Ítalir stóðu
uppi sem sigurvegarar
eftir vítaspyrnukeppni
en Zidane lauk ferlinum
með skottið á milli
lappanna.
1998 David Beckham
Eitt frægasta rauða spjald í sögu
fótboltans. Beckham var í mörg
ár skúrkur í augum ensku þjóðar-
innar eftir rauða spjaldið gegn
Argentínu árið 1998. Í leik í 16 liða
úrslitum þar sem allt var í járnum
missti Beckham hausinn og spark-
aði í Diego Simeone sem hafði
brotið á honum. Dómari leiksins
rak Beckham af velli í stöðunni 2–2
en atvikið gerði Beckham heims-
frægan. Argentína vann að lokum
sigur í vítaspyrnukeppni en breska
pressan tók Beckham af lífi eftir
leikinn.
2010 Luis Suarez
Í átta liða úrslitum á HM í Suður-
Afríku ákvað framherji Ajax að grípa
til þess að verja boltann á línunni.
Úrúgvæ og Gana mættust í átta liða
úrslitum en Suarez og félagar voru
í vandræðum í leiknum. Í framleng-
ingu virtist Dominic Adiyiah vera
að tryggja Gana sigurinn en Suarez
varði með höndum. Hann var rekinn
í sturtu og vítaspyrna var dæmd,
Asamoah Gyan fór á vítapunktinn
en brenndi af. Leikurinn fór í víta-
spyrnukeppni og þar vann Úrúgvæ
sigur, Suarez varð því að hetju í
heimalandinu fyrir markvörsluna.
2006 Josip Simunic
Varnarmaðurinn frá Króatíu
afrekaði það að fá þrjú gul
spjöld í sama leiknum. Enski
dómarinn Graham Poll klikk-
aði eitthvað í bókhaldinu en
hann spjaldaði Simunic á 61.
mínútu fyrir brot á Harry Ke-
well leikmanni Ástralíu. Á 90.
mínútu fékk Simunic aftur gult
spjald en Poll gaf honum ekki
rautt. Simunic virtist ólmur
í að láta reka sig af velli því í
leikslok ákvað hann að stjaka
við dómaranum og var þá loks
rekinn í sturtu.
1990 Gustavo Dezotti
og Pedro Monzón
Í úrslitaleiknum árið 1990 fóru
tvö rauð spjöld á loft. Vestur-
Þýskaland vann þá 1-0 sigur á
Argentínu í úrslitaleik þar sem
Andreas Brehme skoraði eina
mark leiksins úr vítaspyrnu. Í
síðari hálfleik misstu Suður-
Ameríkubúarnir hausinn og tveir
leikmenn létu reka sig af velli
og fleiri fengu gul spjöld, þar á
meðal Diego Maradona. Sigurinn
var hins vegar Vestur-Þýska-
lands og lyftu þeir titlinum
fræga.
2006 Wayne Rooney
Rauða spjaldið sem slíkt er ekki það sem
gerir atvikið eftirminnilegt. Heldur var það
deila Rooney við þáverandi liðsfélaga sinn
hjá Manchester United, sjálfan Cristiano
Ronaldo. Rooney braut á Ricardo
Carvalho en dómari leiksins tók sér
nokkra stund í að meta atvikið. Ro-
naldo og fleiri leikmenn Portúgals
hlupu að dómaranum og kröfðust
þess að Rooney yrði rekinn af velli.
Við þetta var Rooney ósáttur enda
var hann lykilmaður í United liðinu
ásamt Ronaldo, rauða spjaldið fór
að lokum á loft. Mikið var gert úr
spjaldinu eftir leik og íhugaði Ro-
naldo að fara frá United vegna þess
hvernig breska pressan og fólk þar í
landi tók atvikinu.
29
HM KARLA
Í FÓTBOLTA
DAGAR Í
20 Íþróttir 22. október 2022 LAUGARDAGUR