Skessuhorn - 19.10.2022, Blaðsíða 10
MIÐVIKUDAGUR 19. OKTÓBER 202210
Í ágúst s.l. staðfesti Borgarbyggð
samning við fasteignaþróunar-
félagið Festi um gerð ramma-
skipulags fyrir Stóru Brákarey í
Borgarnesi. Fram hafði komið á
fundi byggðarráðs nokkru fyrr að
Festir og og JVST arkítektar hefðu
lýst yfir áhuga á því að leiða vinnu
við heildarskipulag í eynni í sam-
starfi við bæjaryfirvöld. Skessuhorn
hafði samband við Róbert Aron
Róbertsson framkvæmdastjóra
Festis til að fá upplýsingar um
stöðuna á verkefninu. Hann segir
að verið sé að vinna að því í sam-
vinnu tveggja arkitektastofa, JVST
sem er staðsett í Rotterdam og
ítalska hönnunarfyrirtækinu Studio
Marko Piva í Mílanó.
Róbert segir að kominn sé góður
gangur í verkefnið núna, en ekki
séu samt komnar fram ákveðnar
hugmyndir, verið sé að afla upp-
lýsinga og undirbúa forsendur
hönnunarinnar sem best. „Verið er
að finna út hvaða leiðir eru bestar í
skipulagi svæðisins. Meðal þess sem
skoðað er í því sambandi eru veð-
urlíkön, því sterkar vindáttir eru í
eynni og mikilvægt að byggingar
skapi skjól eins og hægt er.“ Hann
segir að um leið og myndin fari
að skýrast á teikniborðinu verði
skipulagðir samráðsfundir með
íbúum, enda lagði sveitarstjórn
Borgarbyggðar ríka áherslu á þann
þátt strax í upphafi. Aðspurður um
tímasetningu slíkra samráðsfunda
sagði hann að tímalínan lægi ekki
alveg fyrir ennþá en yrði kynnt um
leið og málin færu að skýrast.
gj
Rammaskipulag fyrir Brákarey í smíðum
Séð út í Stóru Brákarey.
Listamennirnir Lobos Kotlar
og Martina Masiarová dvelja um
þessar mundir í vinnustofu ArtAk
350 í Grundarfirði. Lobos er ljós-
myndari og Martina listmálari. Þau
útskrifuðust bæði frá Academy of
fine art and design listaháskólanum
í Slóvakíu árið 2018 en þau kynnt-
ust á meðan þau voru í náminu. Þau
eru góðir vinir og vinna vel saman
en þau ætla að vera með sýningu í
Reykjavík í byrjun nóvember eftir
dvölina í Grundarfirði. „Ég var
á Íslandi í fyrra en þá dvaldi ég á
Seyðisfirði í aðstöðu fyrir listamenn
þar,“ segir Martina en Lobos vinur
hennar hafði ekki komið til Íslands
áður. „Ég hef farið áður og dvalið
í íbúðum fyrir listamenn svipað og
ArtAk bæði í Svíþjóð og á Ítalíu,“
bætir Lobos við. Þau eiga svolítið
erfitt með að útskýra nákvæmlega
hvað felst í list þeirra en Lobos
er lærður ljósmyndari og tekur
myndir á filmuvél í svarthvítu.
Martina málar svo myndir eftir
filmunum og mótífum sem hún sér
úti í náttúrunni. „Við höfum aðal-
lega nýtt tímann í gönguferðir um
nágrennið þar sem við höfum tekið
myndir,“ bæta þau við. Mánudaginn
17. október þegar fréttaritari
Skessuhorns hitti listamennina var
einstaklega gott veður í Grundar-
firði. Sól og logn og sannkölluð
haustblíða. Það var alveg ómögu-
legt fyrir þau Lobos og Martinu því
að þau mynda nær eingöngu þegar
er þoka, rigning og allt er grátt eða
grámyglulegt. „Við vissum eigin-
lega ekki hvað við áttum af okkur
að gera í dag en þegar það er svona
gott veður þá eru engar aðstæður
fyrir okkur,“ segja þau. „Við viljum
hafa grátt og drungalegt þegar við
tökum myndir.“ Þau útskýra svo
hvernig myndirnar eru, nokkurs-
konar landslagsmyndir þar sem
varla sést skil á landslaginu. „Við
viljum að áhorfandinn þurfi að rýna
vel í myndina til að sjá móta fyrir
einhverjum línum og helst að þurfa
að nota ímyndunaraflið,“ útskýrir
Lobos. Sýningarnar fara yfirleitt
fram á skjá eða er varpað á tjald eða
vegg. Einnig eru málaðar myndir
eftir Martinu. Þau eru bæði rétt
rúmlega þrítug og ferðast mikið
í tengslum við listina. „Við erum
bæði að kenna en ég kenni ljós-
myndun við Academy of fine arts
and design listaskólann þar sem
við útskrifuðumst,“ segir Lobos.
Martina er einnig að kenna bæði
börnum og fullorðnum listgreinar
í menningarsetri í borginni Zil-
ina í Slóvakíu. Þau hlutu styrk hjá
menningarráðuneytinu í Slóvakíu
fyrir Íslandsferðinni og komu til
landsins í byrjun október og munu
dvelja eitthvað fram í nóvember.
tfk
Frá Slóvakíu til Grundarfjarðar
F.v. Lobos Kotlar og Martina Masiarová
Systkinin Eva Karen Þórðardóttir
og Þorsteinn Pálsson hafa fest kaup
á Borgarsporti, verslun í Hyrnu-
torgi í Borgarnesi. Opnunarhóf
verður næsta laugardag kl.16:00-
19:00 og breytingar eru fyrirhug-
aðar á útliti búðarinnar og vöru-
úrvali. ,,Borgarsport verður staður
fyrir þig ef þú vilt hefja þína heilsu-
vegferð, hvort sem það er að stunda
útihlaup, mæta í ræktina eða ganga
á fjöll. Þú getur komið til okkar og
fengið græjur, pepp eða fæðubót-
arefni. Borgarsport hefur fengið
,,make over“ og hlökkum við mikið
til að sýna ykkur nýja útlitið og nýju
vörumerkin sem við erum að taka
inn. Við verðum með breiða línu
af vörumerkjum og munum bæta
við eftir þörfum og eftirspurn. Við
sjáum fyrir okkur svona konsept
þar sem allir verða svakalega móti-
veraðir þegar þeir labba út úr Borg-
arsporti. Hér mun vera allt til alls
en ég er t.d. íþróttafræðingur og
fólk á að geta fengið góða ráðgjöf
varðandi vörur og hreyfingu ásamt
mikilli hvatningu,“ segir Eva Karen
í samtali við Skessuhorn. sþ
Nýir eigendur
Borgarsports
Á ríkisstjórnarfundi í gærmorgun
kynnti Svandís Svavarsdóttir mat-
vælaráðherra ákvörðun sína um
sameiningu Landgræðslunnar og
Skógræktarinnar, þetta kemur fram
í tilkynningu á vef Stjórnarráðsins.
Ráðherra skipaði starfshóp í maí
síðastliðnum sem falið var að greina
rekstur stofnananna tveggja, eigna-
umsýslu og samlegð faglegra mál-
efna auk þess að vinna áhættu-
greiningu vegna mögulegrar sam-
einingar. Starfshópurinn skilaði
skýrslu sinni í byrjun október og
kemur þar fram að stærstu tæki-
færin með sameiningu stofnananna
felist í aukinni samlegð í stoðþjón-
ustu. Einnig sé mikil samlegð í verk-
efnum eins og loftslagsbókhaldi,
endurheimt birkiskóga, fræfram-
leiðslu, landupplýsingum og ráð-
gjöf til bænda og landeigenda um
landnýtingu og landbætur. Í ágúst
síðastliðnum gaf ráðherra út fyrstu
heildarstefnuna í landgræðslu og
skógrækt, auk aðgerðaáætlunar og
ber hún nafnið Land og líf. Segir í
tilkynningunni að niðurstaða starfs-
hópsins samræmist vel þeirri áætlun.
Við sameiningu munu allir starfs-
menn flytjast yfir í nýja stofnun og
segir að áhersla verði lögð á að fyr-
irliggjandi mannauður og þekking
haldist innan þeirrar stofnunar en
hún mun hafa um 130 stöðugildi.
Þá segir jafnframt að aðalskrifstofa
stofnunarinnar geti verið staðsett á
öllum meginstarfsstöðvum og ekki
er gert ráð fyrir því að forstöðu-
maður hafi aðsetur á höfuðborgar-
svæðinu, hvað svo sem það þýðir.
„Það er tilhlökkunarefni að
hægt verði að samnýta þá þekk-
ingu og þann mannauð sem þessar
stofnanir búa yfir. Framundan er
spennandi verkefni, að koma á fót
öflugri stofnun sem mun fóstra
eina af okkar stærstu auðlindum,
hlúa að henni og vernda fyrir kom-
andi kynslóðir,“ segir Svandís
Svavarsdóttir matvælaráðherra en
áætlað er að frumvarp um samein-
ingu stofnananna verði lagt fram á
Alþingi í febrúar 2023.
gbþ
Sameina
Landgræðsluna
og Skógræktina
Mynd: Samsett/Skessuhorn