Skessuhorn - 19.10.2022, Blaðsíða 18
MIÐVIKUDAGUR 19. OKTÓBER 202218
Dagur í lífi...
Umsjónarkennara í Búðardal
Nafn: Guðmundur Kári Þor-
grímsson
Fjölskylduhagir/búseta: Ég bý
bæði á Erpsstöðum í Dalabyggð
og í Laugardalnum í Reykjavík. Á
Erpsstöðum bý ég með foreldrum
mínum á æskuheimili mínu. Í
Laugardalnum bý ég með mak-
anum mínum.
Starfsheiti/fyrirtæki: Ég starfa
sem umsjónarkennari á elsta stigi
í Auðarskóla í Búðardal. Auk þess
starfa ég sem textasmiður fyrir
markaðsfyrirtækið Markend ehf.
Ég þjálfa fimleika einu sinni í
viku að Laugum í Sælingsdal. Svo
tek ég nokkrar vaktir í mánuði á
Hjúkrunarheimilinu Fellsenda.
Ég starfa líka sem fyrirlesari og
hef flutt hinseginfræðslu í grunn-
skólum frá 2017. Utan vinnu er
ég í fullu námi við Háskólann á
Akureyri. Ég er þar á þriðja ári í
grunnnámi í sálfræði.
Áhugamál: Mín áhugamál eru
meðal annars bókmenntir, tungu-
mál, málvísindi, sálfræði, fim-
leikar, hlaup, útivist, Frakkland og
kaffi. Þar að auki hef ég brennandi
áhuga á mínu starfi sem kennari
og þjálfari. Áhuginn er þar sál-
fræðilegur en hann snýr að því
hvernig hægt sé að hjálpa einstak-
lingum að framkvæma og viðhalda
hegðun sem hámarkar afköst og
bætir sjálfstraust.
Dagurinn: Mánudagurinn 10.
október 2022.
Klukkan hvað vaknaðirðu og
hvað var það fyrsta sem þú
gerðir? Ég vaknaði klukkan 6:30.
Það fyrsta sem ég gerði var að
bjóða sjálfum mér góðan dag,
kveikja ljós og stilla á tónlist.
Hvað borðaðirðu í morgunmat?
Ég fasta alla morgna. Ég byrja
alltaf á vatnsglasi og fæ mér kaffi
þegar ég mæti í vinnuna.
Hvenær fórstu til vinnu og
hvernig? Ég lagði af stað í
vinnuna um 7:20. Það tekur um
það bil 15 mínútur fyrir mig að
fara á bíl frá Erpsstöðum inn í
Búðardal.
Fyrstu verk í vinnunni? Það
fyrsta sem ég geri alla morgna er
að hella upp á kaffi fyrir mig og
samstarfsfélaga mína. Ég vil alltaf
mæta snemma svo ég geti tekið
morguninn rólega og haft tíma
til að greiða úr vandamálum sem
kunna að koma upp. Á meðan
ég bíð eftir kaffinu renni ég yfir
tölvupóstinn og skipulegg daginn.
Þar fer ég yfir stundatöfluna mína
og athuga hvort ég viti ekki pott-
þétt hvað nemendur mínir eigi
að vera að gera í hverjum tíma.
Stundum á ég eftir að prenta út
hefti eða klára að setja saman
fyrir lestur. Þá fer morguninn í
svoleiðis undirbúning.
Hvað varstu að gera klukkan
10? Klukkan 10 var ég að kenna
íslensku.
Hvað gerðirðu í hádeginu?
Hádegið fór í það að næra mig
sem og að spjalla við samstarfs-
félaga mína. Þar spjöllum við um
daginn og veginn, kennslufræði-
lega þætti ásamt öðru tengt okkar
starfi.
Hvað varstu að gera klukkan
14? Klukkan 14 var ég að flytja
fyrirlestur í lífsleikni um mark-
miðasetningu og hugarfar.
Hvenær hætt og það síðasta
sem þú gerðir í vinnunni? Ég
hætti klukkan 16. Það síðasta sem
ég gerði þennan dag var kennara-
fundur.
Hvað gerðirðu eftir vinnu?
Eftir vinnu fór ég í ræktina. Þar
geri ég fimleikaþrek. Ég slæ tvær
flugur í einu höggi og nýti tím-
ann í ræktinni í að hlusta á fyrir-
lestur úr náminu mínu. Eftir það
fór ég heim að vinna í Markend.
Þar var ég að uppfæra textaaug-
lýsingar á Google fyrir viðskipta-
vini okkar sem og að yfirfara Face-
book auglýsingar og koma með
athugasemdir á orðalag og hug-
myndir að betri texta í auglýs-
ingum.
Hvað var í kvöldmat og hver
eldaði? Það var grillkjöt og pabbi
grillaði. Ég fékk mér hins vegar
salat og harðfisk þar sem ég borða
ekki kjöt. Ég vil halda mínum
kvöldmat léttum.
Hvernig var kvöldið? Eftir
kvöldmat las ég kafla úr bók-
inni Personality Psychology sem
er námsbók í einum áfanganum
mínum. Bókin er rafræn og því
sit ég oftast uppi í sófa og glósa
á meðan í annað skjal. Þegar ég
hafði fengið nóg af sófanum færði
ég mig yfir í herbergið mitt þar
sem ég er með gott skrifborð og
tölvuskjá.
Hvenær fórstu að sofa? Klukkan
21 fer ég að huga að svefni. Ég vil
helst vera sofnaður klukkan 22 en
það tekst ekki alltaf. Mér finnst
mjög gott að sofa og ég tek svefn-
inn minn fram yfir allt annað.
Hann er undirstaða þess að ég get
verið vakandi yfir allan daginn
og tilbúinn til þess að inna af
hendi öll þau verkefni sem fylgja
hverjum degi.
Hvað var það síðasta sem þú
gerðir áður en þú fórst að
hátta? Áður en ég fór að hátta mig
undirbjó ég nesti fyrir morgun-
daginn. Það er langoftast kaldur
hafragrautur með próteindufti
sem fær að sitja í ísskápnum yfir
nóttu. Í nestistöskuna fer líka ban-
ani, vítamín og hleðsla. Stundum
danskt rúgbrauð og ostur. Svo vel
ég alltaf föt fyrir morgundaginn
svo ég geti hent mér beint í þau
þegar ég vakna.
Hvað stendur upp úr eftir
daginn? Það sem stendur upp úr
eftir daginn er góð tilfinning og
heilbrigð þreyta. Ég hef klárað
allt sem ég á að klára og fylgi vel
áætlun í náminu mínu. Þá get ég
farið sáttur að sofa.
Eitthvað að lokum? Nemendur
mínir eru bestir. Ef nemandi minn
les þetta má hann koma upp að
mér í skólanum og segja „Bragða-
refur.“ – Þá get ég gert ágætis
könnun á því hverjir lesa Skessu-
hornið!
Landssamband veiðifélaga hefur
sent frá sér yfirlýsingu þar sem lýst
er yfir miklum áhyggjum af ástandi
villtra laxastofna á Vestfjörðum og
vestanverðu landinu í ljósi nýjustu
frétta um eldislaxa í ám á svæðinu.
Landssambandið gagnrýnir stjórn-
völd og eftirlitsaðila harðlega fyrir
seinagang og vanhæfni í málinu.
Meira en helmingur
eldislaxar
Á vef Matvælastofnunnar þann 13.
október síðastliðinn var fjallað um
niðurstöður úr DNA greiningu
Hafrannsóknastofnunnar og Matís
á löxum sem veiddir voru í þremur
ám á Vestfjörðum í ágúst og sept-
ember á þessu ári. Af 43 löxum sem
voru rannsakaðir reyndust 28 vera
eldislaxar eða rúmlega 65%.
Varla þarf að fjölyrða um
afleiðingar þessa en ljóst er að
villtir laxastofnar á svæðinu munu
þurrkast út á nokkrum árum. Það
sama mun gerast í Ísafjarðardjúpi
þegar laxar úr eldi þar munu sleppa
og ganga í Laugardalsá, Langadalsá
og fleiri ár á svæðinu. Nú þegar
stafar öllum íslenskum laxastofnum
hætta af sjókvíaeldinu en þrátt fyrir
það berast tillögur úr hópi eldis-
manna um aukið eldi og stækkun
eldissvæða. Slíkt mun ganga af
öllum villtum laxastofnum dauðum
á örfáum árum.
Stórauka þarf eftirlit
Landssamband veiðifélaga hefur
ítrekað bent á þessa yfirvofandi
hættu og kallað eftir aðgerðum
sem miða að því að eldi í opnum
sjókvíum verði bannað hér á landi
en fram að því að eftirlit með slíkri
starfsemi verði stóraukið sem og
rannsóknir á erfðablöndun og
afleiðingum hennar.
Til viðbótar við þær stórkostlegu
náttúruhamfarir sem í vændum eru
ef eldislaxar af norskum uppruna
fá að synda frjálsir upp í íslenskar
ár munu afleiðingarnar á þúsundir
einstaklinga og fjölskyldur um land
allt sem reiða sig á tekjur af lax-
veiðum verða skelfilegar og óaftur-
kræfar.
Landssamband veiðifélaga krefst
þess að stjórnvöld girði sig í brók
og geri trúverðugu áætlun um
stöðvun á öllu eldi í opnum sjó-
kvíum en fram að því stórefli eftir-
lit með strokum eldislaxa og rann-
sóknir á erfðablöndun. Fyrsta
skrefið í slíkri áætlun væri að færa
eftirlitshlutverk með sjókvíaeldi
til stofnunnar sem kemur ekki að
leyfisveitingum og tryggja Haf-
rannsóknarstofnun nægt fjármagn
til rannsókna á erfðablöndun.
Norskir auðmenn
blóðmjólki íslenska
náttúru
Í tilkynningunni segir að lokum að
Ísland sé síðasta vígi Atlantshafs-
laxins sem hefur verið útrýmt af
fjölmörgum búsvæðum sínum
við norðanvert Atlantshaf vegna
aðgerða mannsins. Íslendingar hafa
verið leiðandi í löggjöf sem miðar
að verndun villtra laxastofna og
margt hefur áunnist hér á undan-
förnum áratugum. Því er grát-
legt að horfa upp á íslenska ráða-
menn steinsofandi á verðinum
þegar norskir auðmenn blóðmjólka
íslenska náttúru til þess eins að elta
skjótan gróða.
Pólitíkin ver
sjókvíaeldið út í eitt
Skessuhorn hafði samband við
Guðrúnu Sigurjónsdóttur formann
Veiðifélags Norðurár í Borgar-
firði og spurði hana álits á málinu.
„Við höfum rætt þetta á mörgum
félagsfundum og landeigendur eru
í raun gáttaðir á því hvernig fram-
gangur í þessari atvinnugrein hefur
verið. Pólitíkin ver sjókvíaeldið út í
eitt en skeytir engu um afleiðingar
þess á lífríki náttúrunnar. Að ekki
sé nú minnst á þá starfsemi sem er
í kringum veiðiárnar á sumrin, en
nærri lætur að tæp 70% af land-
búnaðartekjum á Vesturlandi komi
í gegnum lax-og silungsveiði, þ.e
bæði sölu veiðileyfa og þjónustu í
kringum sumarstarfsemina,“ segir
Guðrún. Hún segir því ljóst að
hagsmunir fólks við Norðurá svo
og aðrar laxveiðiár á Vesturlandi
séu gríðarmiklir. „Við sjáum því
miður algert skeytingarleysi stjórn-
valda þótt okkar atvinnugrein sé
ógnað. Mesta ógnin felst í blöndun
villta laxastofnsins okkar og eldis-
laxa, en slík blöndun hefur varanleg
áhrif og leiðir til hnignunar villtra
laxastofna. Eins stafar okkur hætta
af laxalúsinni en hún hefur kjör-
aðstæður til að fjölga sér í opinni
sjókví og getur leikið sjógöngu-
seiði okkar villtu laxa illa komist
þau í návígi við hana.“ segir hún að
lokum. gj
Áhyggjur af ástandi
villtra laxastofna
Foreldrar og forráðamenn barna í
Eyja- og Miklaholtshreppi eiga þess
nú kost að fá heimagreiðslur vegna
barna sinna. Er það samkvæmt
ákvörðun hreppsnefndar frá 22.
september s.l. Hægt er að sækja um
greiðslur frá 12 mánaða aldri barns
þar til að það hefur leikskólavist
eða verður 3ja ára. Hámarksupp-
hæð greiðslu er 90.000 kr. á mánuði
fyrir hvert barn og greiðslur
eru bundnar því að það sé með
lögheimili og aðsetur í sveitarfé-
laginu. Þeir sem eiga af einhverjum
ástæðum ekki rétt á fæðingarorlofi í
12 mánuði geta sótt sérstaklega um
að fá greiðslu frá 6 mánaða aldri
barnsins. Greiðslur fást að hámarki
greiddar í 11 mánuði á ári og falla
niður þegar barn nær 3ja ára aldri
eða hefur dvöl á leikskóla. Nánari
upplýsingar má finna á heimasíðu
hreppsins, eyjaogmikla.is. gj
Heimagreiðsla vegna ungbarna 12 mánaða
til 3ja ára í Eyja og Miklaholtshreppi
Falleg börn að leik. Ljósmynd úr safni Skessuhorns.
Langá á Mýrum, ein gjöfulla laxveiðiáa Vesturlands. Ljósm. gj.