Skessuhorn - 19.10.2022, Blaðsíða 16

MIÐVIKUDAGUR 19. OKTÓBER 202216
Í Borgarfirði eru gjöfular
laxveiðiár sem eiga sér bæði langa
og merkilega sögu hvað varðar
veiði aðferðir og áhrif á búsetu
og landnýtingu í héraði. Í apríl
síðastliðnum fékk Landbúnaðarsafn
Íslands veglegan öndvegisstyrk til
þriggja ára frá Safnasjóði til að skrá
sögu laxveiða í Borgarfirði. Áður
hafði safnið fengið styrk til eins
árs úr Uppbyggingarsjóði Vestur-
lands. Þessi stuðningur hefur gert
starfsmönnum Landbúnaðarsafns-
ins kleift að halda áfram með þá
vinnu.
Verkefnið snýst um safna heim-
ildum og rannsaka sögu laxveiða
í Borgarfirði frá ólíkum sjónar-
hornum. Þessu efni verður síðan
miðlað með útgáfu og sýningu á
lofti Halldórsfjóss á Hvanneyri.
Eitt af hlutverkum safna er að virkja
og vera í sambandi við nærsamfélag
sitt sem er afar mikilvægt hverju og
einu þeirra. Af þessu tilefni boðar
Landbúnaðarsafn Íslands til kynn-
ingarfundar um þetta metnaðar-
fulla verkefni sem segja má að sé
eitt af þeim stærstu sem safnið
hefur ráðist í. Fundurinn verður
fimmtudaginn 27. október og hefst
kl. 20:00 í Ásgarði, aðalbyggingu
Landbúnaðarháskóla Íslands á
Hvanneyri. Þar verður verkefn-
inu formlega ýtt úr vör og kynnt
betur fyrir fundargestum ásamt því
að skapa umræður um þessa mikil-
vægu grein sem hefur þróast hratt
síðustu ár. Áhugafólk og aðrir eru
hvattir til að mæta og verða kaffi-
veitingar í boði fyrir aðframkomna!
Saga laxveiða í Borgarfirði
er samstarfsverkefni Landbúnaðar-
safns Íslands, Sambands borg-
firskra veiðifélaga, Erfðalindaseturs
Landbúnaðarháskóla Íslands, Haf-
rannsóknastofnunar og Héraðs-
skjalasafns Borgarfjarðar.
Fréttatilkynning
Eitt og annað höfum við verið að
bralla í Grunnskólanum í Borgar-
nesi í haust.
Við byrjuðum á okkar árlega
frjálsíþróttamóti, miðstigsleik-
unum sem fóru fram á íþróttavell-
inum í Borgarnesi þann 1. septem-
ber. Miðstigsleikarnir eru frjáls-
íþróttamót, nemenda í 5. 6. og 7.
bekk, þar sem er keppt í langstökki,
kúluvarpi og 60 m og 600 m hlaupi.
Einnig er keppt í knattspyrnu. Þátt-
takendur koma úr samstarfsskólum
á Vesturlandi; í þetta skipti mættu
til leiks nemendur úr Grunnskól-
anum í Borgarnesi, Grunnskóla
Borgarfjarðar, Auðarskóla, Heiðar-
skóla og Reykhólaskóla.
Föstudaginn 9. september voru
haldnir Ofurbekkjaleikar á ung-
lingastigi. Nemendur 8. 9. og 10.
bekkjar kepptu um ofurbekkjabikar-
inn í hinum ýmsu þrautum, t.d.
stígvélakast, reipitog, klæða í sig
í bolinn, hitta bolta í hringi og fl.
Einnig var keppt í þrautaboðhlaupi
þar sem þarf að gera ýmsar þrautir
á hlaupaleiðinni. Skemmtu nem-
endur sér vel þrátt fyrir töluverða
rigningu þennan dag og tíundi
bekkur stóð uppi sem sigurvegari.
Skólinn hefur gróðursett tré á
vegum Yrkjusjóðsins allt frá árinu
1992. Fyrstu árin var gróðursett í
skógræktargirðingu í landi Borgar
en árið 2014 var tíu þúsundasta
tréð gróðursett. Skólanum var síðar
úthlutað svæði í landi Kárastaða og
hefur verið gróðursett þar síðan
2020. Nemendur úr vinabekkj-
unum 4. og 9. bekk gróðursettu um
miðjan september í samstarfi við
Skógræktarfélag Borgarfjarðar.
Við vorum svo einstaklega hepp-
inn að fá heimsókn frá Íslenska
sirkusnum Hringleik og tékkneska
sirkusnum Circus Trochu Inak.
Þeir fengu Evrópustyrk fyrir verk-
efni sem komið var með í skóla.
Hóparnir hafa verið virkir bæði í
fjölskyldusýningum og æskulýðs-
starfi um áraraðir. Markmiðið er
að kynna sirkuslist þar sem fólk á
ekki greiðan aðgang að henni og
að ungt fólk fái hugmyndir um að
það er hægt að gera margt snið-
ugt í lífinu. Það voru einungis fjórir
skólar á Íslandi sem fengu að taka
þátt, þannig að við vorum mjög
heppin. Verkefnið stóð yfir í tvo
daga. Dagskráin var þannig að fyrri
daginn fengu nemendur í 5. – 10.
bekk leiðsögn í félagafimleikum,
dansi og jöggli og áttu þá í fram-
haldi kost á að taka þátt í sýningu
sem var fyrir hádegi á fimmtudegi.
Það voru um 45 af 200 nemendum
miðstigs og unglingastigs sem
héldu áfram og undirbjuggu sýn-
ingu undir leiðsögn listamannanna.
Öllum nemendum og starfsfólki
skólans var boðið á sýninguna og
það er skemmst frá að segja að lista-
mönnunum var mjög vel tekið og
fólk skemmti sér konunglega.
Smiðjuhelgi skólans fór fram
dagana 30. sept.–1.okt. Þá er val-
greinum í unglingadeild mætt með
öðrum hætti en almennt tíðkast og
hafa nemendur tækifæri á að hafa
meira um valið að segja og koma
með óskir um námskeið. Unnið
er út frá hugmyndum nemenda og
nú var boðið upp á sex námskeið.
Þetta árið voru allskonar skemmti-
legar smiðjur í boði, t.d matar-
smiðja, íþróttasmiðja, glímusmiðja,
leirsmiðja, myndlistarsmiðja og
tölvu- og tölvuviðgerðarsmiðja.
Flestir nemendur reyna að velja
smiðju þar sem áhugamálin liggja
en oft þarf líka að prófa eitthvað
nýtt og framandi sem reynist bara
vera hin mesta skemmtun.
Nemendur 9. og 10. bekkjar í
skólum Borgarbyggðar fengu að
sjá leikverkið Góðan daginn, faggi
í boði leikhópsins Stertabenda í
samstarfi við Þjóðleikhúsið. Leik-
hópurinn er í leikferð um landið
með sýninguna, sem er hugsuð
fyrir 9. og 10. bekki grunnskólanna
um land allt og fjármögnuð með
styrkjum frá List fyrir alla svo bjóða
megi nemendum á sýninguna þeim
að kostnaðarlausu.
Góðan daginn, faggi er
sjálfsævisögulegur heimilda-
söngleikur unnin upp úr dagbókum
Bjarna Snæbjörnssonar frá yngri
árum og fjallar á gamansaman en
einlægan hátt um aðkallandi mál-
efni tengd hinseginleika; skömm,
öráreiti og drauminn um að til-
heyra. Verkið hefur ríkt fræðslu-
gildi og á brýnt erindi við íslenskt
samfélag.
Fréttatilkynning - ljósmyndir
aðsendar.
Frá Grunnskólanum
í Borgarnesi
Öll hefðbundin kennsla fellur niður
og í stað þess velja nemendur sér
tvær eða fleiri smiðjur til að sækja.
Þær eru vel á fjórða tug talsins og
af ýmsum stærðum og gerðum,
allt frá samsöng í stórum hópum
og þriggja manna píanósmiðju þar
sem leikið er sexhent.
Það er líka hægt að fara í hryn-
þjálfun, dans og spilagerð svo eitt-
hvað sé nefnt.
Samsöngur fer fram í öllum
grunnskólum Borgarbyggðar í til-
efni af þemavikunni og myndin er
frá samsöng í Grunnskólanum í
Borgarnesi.
Aðsent.
Spennandi þemavika stendur yfir þessa
viku í Tónlistarskóla Borgarfjarðar
Í liðinni viku fór kynningarþáttur
Skinkuhornsins í loftið en það er
nýtt hlaðvarp úr smiðju Skessu-
horns. Gunnlaug Birta Þor-
grímsdóttir og Steinunn Þor-
valdsdóttir eru umsjónarmenn
hlaðvarpsins og blaðamenn hjá
Skessuhorni. Í þættinum kynna
þær sig og þær breytingar sem
eiga sér stað um þessar mundir á
Skessuhorni auk þess að segja frá
áskriftarleiðum og þar fram eftir
götunum. Kynningar þátturinn er
aðgengilegur og öllum opinn inni
á skessuhorn.is, í undirflipanum
Þættir sem finna má undir Fréttir.
Þá er líka hægt að finna þáttinn á
soundcloud.com/skessuhorn. Við
bindum vonir við að hlaðvarpið
verði aðgengilegt á öðrum hlað-
varpsveitum innan tíðar.
Skinkuhornið eru viðtalsþættir
þar sem rætt er við Vestlendinga
sem hafa frá einhverju skemmti-
legu eða áhugaverðu að segja. Á
mánudaginn var kom fyrsti við-
talsþátturinn út en í honum ræðir
Steinunn við Lilju Rannveigu
Sigur geirsdóttur, alþingismann úr
Stafholtstungunum. Þátturinn er
aðgengilegur og öllum opinn inni
á vefnum okkar, skessuhorn.is.
gbþ/sþ
Hlaðvarpið Skinkuhorn
hefur göngu sína
Eins og fram kom í leiðara síðasta
blaðs hefur fyrirtækið Ragnar og
Ásgeir í Grundarfirði ákveðið að
festa kaup á rafknúnum flutninga-
bíl og er það eitt ellefu fyrstu fyrir-
tækja í landinu sem fá slíka bíla frá
Volvo Trucks á næsta ári. Þess má
geta að stutt er síðan fyrirtækið
fékk afhenta sex nýja Volvo dráttar-
bíla af öflugustu gerð og á það von
á fjórum glænýjum bílum á næstu
vikum.
Ragnar og Ásgeir er fjölskyldu-
fyrirtæki sem hefur verið í rekstri
í Grundarfirði síðan árið 1970. Að
sögn Aldísar Ásgeirsdóttur fjár-
málastjóra fyrirtæksins var ákveðið
að stökkva á þetta tækifæri. Nýi
bíllinn muni hafa um 400 km
drægni, en vegalengdin Grundar-
fjörður-Reykjavík er rúmlega 170
km. Lestunartíminn verður nýttur
til að hlaða bílinn, en í hraðhleðslu
tekur 2,5 klst að fullhlaða. „Við
erum afar spennt að fá að vera ein
af þeim fyrstu í heiminum til þess
að fá afhentan rafknúinn flutninga-
bíl frá Volvo Trucks,“ segir hún.
„Þetta er skemmtilegt tækifæri og
við höfum enga trú á öðru en að
þetta eigi eftir að vera bylting í
heimi vöruflutninga. Við ætlum að
stefna að því að rafmagnsvæða allan
flotann okkar fyrir árið 2030,“ segir
hún að lokum.
gj
Bíll frá Ragnari og Ásgeiri.
Ljósmynd. tfk.
Ætla að rafmagnsvæða
bílaflotann fyrir árið 2030
Kynning á Sögu laxveiða í
Borgarfirði 27. október
Andakílsá. Ljósm. gj.