Skessuhorn - 26.10.2022, Blaðsíða 4

MIÐVIKUDAGUR 26. OKTÓBER 20224
Garðabraut 2a - Akranesi - Sími: 433 5500 - www.skessuhorn.is
Skessuhorn kemur út alla miðvikudaga. Skilafrestur auglýsinga er kl. 14.00 á þriðjudögum.
Auglýsendum er bent á að panta auglýsingapláss tímanlega. Skráningarfrestur smá-
auglýsinga er til kl. 12.00 á þriðjudögum.
Blaðið er gefið út í 3.700 eintökum og selt til áskrifenda og í lausasölu.
Áskriftarverð er 4.110 krónur með vsk. á mánuði. Elli- og örorkulífeyrisþegar greiða
kr. 3.550. Rafræn áskrift kostar 3.220 kr. Rafræn áskrift til elli- og örorkulífeyrisþega er 2.968 kr.
Áskrifendur blaðs fá 50% afslátt af verði rafrænnar áskriftar. Verð í lausasölu er 950 kr.
SKRIFSTOFA BLAÐSINS ER OPIN KL. 9-16 VIRKA DAGA
Útgefandi: Skessuhorn ehf. skessuhorn@skessuhorn.is
Ritstjórn:
Magnús Magnússon, ritstjóri s. 894 8998 magnus@skessuhorn.is
Gunnlaug Birta Þorgrímsdóttir gb@skessuhorn.is
Valdimar K. Sigurðsson vaks@skessuhorn.is
Guðrún Jónsdóttir gj@skessuhorn.is
Steinunn Þorvaldsdóttir sth@skessuhorn.is

Auglýsingar og dreifing:
Díana Ósk Heiðarsdóttir auglysingar@skessuhorn.is
Umbrot og hönnun:
Siggi Sigbjörnsson umbrot@skessuhorn.is
Bókhald og innheimta:
Guðbjörg Ólafsdóttir bokhald@skessuhorn.is
Prentun: Landsprent ehf.
Leiðari
Á bakvið vegg
Frá því í byrjun síðasta árs hefur starfsfólk útgáfufyrirtækisins sem ég veiti
forstöðu unnið að stefnumótun. Óráðlegt þótti að bregðast ekki við þeim
aðstæðum sem þá höfðu skapast á markaði fjölmiðla. Ekki einvörðungu hér
á landi, heldur um allan heim. Þrátt fyrir að oftast nær hafi við á Skessu­
horni notið þess sem kalla mætti velgengni í samanburði við ýmsa aðra
prentmiðla, hefur sitthvað breyst í umhverfinu sem við fáum engu um
ráðið. Við höfum til dæmis farið í gegnum lægðir í efnahag lands, fyrir­
tækja og heimila en allar neikvæðar breytingar í ytra umhverfi kalla einatt
á viðbrögð fyrirtækja eigi ekki illa að fara.
Alla tíð hefur útgáfa prentmiðils okkar verið hryggjarstykkið í okkar
rekstri. Áskriftarsala hefur þar vegið þyngst en sala auglýsinga staðið undir
einu til þremur stöðugildum starfsmanna hverju sinni. Samhliða höfum við
haldið úti vef okkar, skrifað þar fréttir og kynnt efni blaðsins í viku hverri.
Fullyrða má að vefurinn sem slíkur hefur aldrei staðið undir þeim kostnaði
sem við hann er. Framundan er því breyting á honum og í lok þessarar viku
hverfur megin efni vefjar Skessuhorns bakvið greiðsluvegg. Segja má að
áframhaldandi þróun vefjarins verði færð í hendur lesenda, viðtökur þeirra
ráða framhaldinu. Ég tek skýrt fram að engar breytingar eru ráðgerðar á
útgáfu blaðsins sem áfram kemur út í viku hverri.
Oft erum við Íslendingar framarlega í að temja okkur nýjungar, eigum
því ýmis heimsmet. Við erum til dæmis ofarlega í hópi þjóða í að nýta
netið, hvort sem er til fræðslu, verslunar, viðskipta eða afþreyingar. Í ljósi
þess er einkennilegt til þess að hugsa að við erum líklega mestu eftirbátar
allra þjóða í því að láta þjónustu við vefútgáfu fjölmiðla standa undir sér.
Bendi ég á að nánast allir fréttamiðlar á Norðurlöndunum hafa fyrir margt
löngu farið á bakvið greiðsluvegg. Hér á landi eru hins vegar flestir vef­
miðlar einkareknu fjölmiðlanna opnir, án nokkurra hindrana. Vísir.is, mbl.
is, dv.is og kjarninn.is eru til dæmis galopnir. Allir þurfa þeir að treysta
alfarið á sölu auglýsinga. Að auki er ruv.is náttúrulega galopinn vefur, enda
þarf stofnunin sú ekki auglýsingatekjur í ljósi fimm milljarða króna skatt­
tekna frá almenningi umfram alla aðra fjölmiðla. Stundin.is er hins vegar
undantekningin; áskriftarvefur og hefur verið í sjö ár. Það útgáfufélag ruddi
brautina hér á landi og hefur náð eftirtektarverðum árangri.
Einkareknir fjölmiðlar hér á landi eru því flestir í talsverðum vanda í
ljósi þess að þeir hafa tapað meginhluta auglýsingatekna sinna til erlendra
streymisveitna og samfélagsmiðla sem stjórnvöld skattleggja ekki eins og
íslensku miðlana! Það er því býsna ójafn leikurinn og með ólíkindum sú
tekjutilfærsla sem íslensk stjórnvöld hafa ekki staðið í vegi fyrir. Eina sem
gert hefur verið til að jafna leikinn er ríkisstuðningur síðustu tvö árin, sem
byggir á lögum um stuðning við einkarekna fjölmiðla. Tæpum 400 millj­
ónum króna hefur verið útdeilt árlega og skipt milli allra einkarekinna fjöl­
miðla. Þótt ég sé þakklátur fyrir okkar sneið af þeirri köku er það engu að
síður staðreynd að stuðningur sá vegur ekki upp það tekjutap sem fjöl­
miðlar hafa almennt orðið fyrir.
Í þessari viku verður fréttavefurinn skessuhorn.is færður á bakvið
greiðsluvegg. Þar munu þó allir geta lesið fyrirsagnir og auk þess fréttir í
heild sem nauðsynlegt er að komist fyrir sjónir íbúa sem fyrst. Á vefnum
verður auk þess boðið upp á efni í formi sem við höfum ekki framleitt áður,
svo sem hljóðvarp (podcast), videóinnslög og fleira. Við munum m.a. leggja
áherslu á framleiðslu efnis fyrir yngri notendur, fréttaskýringar og sitthvað
fleira. Efnismagn og fjölbreytileiki mun síðan fara eftir viðtökum almenn­
ings við þessu verkefni okkar. Ljóst er að íbúar þessa lands þurfa að styðja
við óháða fjölmiðla, eigi þeir að verða áfram til. Við á gamla Skessuhorni
erum að leggja í vegferð sem þótti óhjákvæmileg til að skapa útgáfunni von
um framhaldslíf. Ég treysti á stuðning Vestlendinga nú sem fyrr, annað er
einfaldlega ekki í boði.
Magnús Magnússon
Guðni Th. Jóhannesson forseti
Íslands og frú Eliza Reid voru á ferð
í Borgarfirði í liðinni viku. Í för með
þeim voru finnsku forsetahjónin,
Sauli Niinistö og Jenni Haukio. Ekið
var um Kaldadal frá Þingvöllum,
þar sem haldið var á Langjökul og
farið ofan í Into the glacier ísgöngin.
Leiðsögumaður í ferðinni var Sif
Pétursdóttir en hún sýndi m.a. merk­
ingar við ísrönd jökulsins sem sýna
hve mikið jökullinn hefur hopað á
liðnum árum. Þá hélt hópurinn til
Húsafells þar sem boðið var upp á
hádegisverð. Hótelið gaf finnsku
forsetahjónunum bókina um Pál á
Húsafelli en fékk finnska hönnunar­
skál að gjöf á móti. Hópurinn skoð­
aði í framhaldinu Hraunfossa og
Barnafossa áður en haldið var aftur
sem leið lá til Reykjavíkur. sþ
Fyrir nokkru hófu starfsmenn
Borgarverks í Borgarnesi vinnu við
að endurbyggja bryggjuna á Reyk­
hólum. Fyrsta verkið, fyrir utan
að flytja efni á svæðið, var að opna
efnis námu og sprengja klöpp til að
ná í grjót og hreint fyllingarefni til
að stækka bryggjuna. Í lok síðustu
viku var byrjað að reka niður stál­
þilið í bryggjuna en hún stækkar
umtalsvert þegar það er komið á
sinn stað. Veðrið var eins og best
verður á kosið miðað við árstíma.
Fram kemur á heimasíðu Reyk­
hólahrepps að mikið hafi verið um
að vera við höfnina síðasta fimmtu­
dag. Bryggjusmiðirnir voru að
störfum, starfsmenn Þörungaverk­
smiðjunnar að landa þangi úr Gretti
og rétt fyrir utan var þangsláttur í
gangi á fjórum prömmum. Þó að
athafnaplássið á bryggjunni væri
ekki mikið fyrir þessi stóru tæki,
þá gekk allt snurðulaust fyrir sig og
enginn var fyrir neinum. vaks
Á morgun fimmtudaginn 27.
október klukkan 17:00, verða Vöku­
dagar á Akranesi settir í Tónlistar­
skólanum á Akranesi. Þar afhendir
formaður menningarmálanefndar
menningarverðlaun Akraneskaup­
staðar en einnig verða árlegar
umhverfisviðurkenningar afhentar.
Að setningu lokinni verður líkt og
síðustu ár listaganga á Akranesi. Í
ár eru það 15 listamenn um allan
bæ með sýningar eða opnar vinnu­
stofur sem taka á móti á gestum. Þá
taka allir grunn­ og leikskólarnir
þátt í listagöngunni með einum eða
öðrum hætti. Í dagskrá Vökudaga
sem aðgengileg er inni á skagalif.is
má sjá hvar sýningarnar og vinnu­
stofurnar eru til húsa.
gbþ
Forsetahjón á ferð um Vesturland
Starfsfólk Hótel Húsafells ásamt forseta Íslands, Guðna Th. Jóhannessyni. Ljósm. Riikka Hietajärvi.
Setning Vökudaga á Akranesi
Leikskólabörn á Teigaseli voru með í listagöngu Vökudaga 2020, en þessi sýning
hét Leikur með form og mynstur. Ljósm. úr safni Skessuhorns.
Framkvæmdir við
höfnina á Reykhólum
Bryggjupollarnir og stög sem halda bryggjunni saman. Ljósm. reykholar.is