Skessuhorn - 26.10.2022, Blaðsíða 9

MIÐVIKUDAGUR 26. OKTÓBER 2022 9
Opnum snemma
lokum seint
Á morgnana,
í hádeginu,
á hraðferð heim
eða í kvöldsnarlið...
við erum til staðar fyrir þig!

Ný og spennandi tilboð í hverri viku
og alltaf girnilegt Combo tilboð
sem þú getur gripið með.
Áformað er að flytja starfsemi Inn­
heimtustofnunar sveitarfélaga til
ríkisins. Meginmarkmiðið er að
einfalda verkaskiptingu ríkis og
sveitarfélaga en hlutverk stofnunar­
innar er að innheimta meðlög. Ver­
kefnisstjórn um málið lagði til að
innheimtumiðstöðin á Blöndu­
ósi, sem starfrækt er af Sýslumann­
inum á Norðurlandi vestra, taki við
verkefninu og að sú útfærsla verði
unnin í samvinnu við dómsmála­
ráðuneytið.
Í úttekt Ríkisendurskoðunar á
rekstri og starfsemi Innheimtu­
stofnunar sveitarfélaga eru lagðar
fram fjórar tillögur. Þar er m.a. lagt
til að ábyrgð á innheimtu meðlaga
verði endurskilgreind og að inn­
heimtumönnum ríkissjóðs verði
falin ábyrgð á verkefninu. Þá er lagt
til að innheimtumönnum ríkissjóðs
verði falið að meta þau verðmæti
sem felast í kröfusafni stofnunar­
innar, en í því sambandi telur emb­
ættið rétt að kröfusafnið í heild
flytjist til ríkisins með samkomulagi
við eigendur Innheimtustofnunar.
Enn fremur er lagt til að gerð verði
sérstök greining á gagnagrunni
núverandi innheimtukerfis, sem og
þeim kerfum sem til staðar eru hjá
innheimtumönnum ríkissjóðs, eftir
atvikum í samstarfi við Trygginga­
stofnun ríkisins. „Loks er lagt til
að viðtökuaðili verkefnanna, í sam­
ráði við ráðuneyti, marki stefnu um
framkvæmd innheimtu meðlaga
með skilgreindum mælikvörðum
um árangur. Í því sambandi þarf
m.a. að endurskoða lagaumhverfi
meðlagsinnheimtu, skjalfesta verk­
lagsreglur og koma á tilhlýðilegu
gæðakerfi,“ segir á vef Ríkisendur­
skoðunar.
mm
Running Tide hefur ráðið inn þrjá
nýja stjórnendur en fyrirtækið er
með starfsemi á Breið á Akranesi,
á Grundartanga og í Reykjavík en
það var stofnað fyrir fimm árum
síðan í Bandaríkjunum. Fyrirtækið
þróar og nýtir tækni og aðferðir
sem örva náttúruleg ferli sjávarins
í að grípa, binda, og geyma kolefni
til langs tíma en hluti lausnar­
innar sem Running Tide vinnur
að byggist á að rækta stórþör­
unga sem binda kolefni í stórum
stíl á sérhönnuðum kolefnisflot­
hylkjum á hafi úti. Nýverið bárust
einmitt tveir skipsfarmar af spæni
til Grundartanga, en það er hrá­
efni sem notað verður til að fram­
leiða fyrrgreind kolefnishylki. Þau
verða síðan dregin á haf út, binda
þar kolefni og sökkva að endingu á
sjávarbotn.
Daði Snær Skúlason er ráðinn
til að leiða þróun og uppbyggingu
á framleiðslu þessara flothylkja
á Íslandi og sér um starfsstöðina
á Grundartanga. Ingólfur Bragi
Gunnarsson er ráðinn til að leiða
þörungarækt og uppbyggingu líf­
tækniþróunar fyrirtækisins og mun
sjá um að byggja upp þá starfsemi á
Akranesi. Íris Mýrdal Kristinsdóttir
er nýr verkefnastjóri rannsókna og
mun hún flakka á milli starfsstöðva.
gbþ
Running Tide ræður inn
stjórnendur á Akranesi
og Grundartanga
Frá vinstri: Ingólfur Bragi Gunnarsson, Íris Mýrdal Kristinsdóttir og Daði Snær Skúlason. Ljósm. aðsend.
Trjákurl sem nýverið var flutt til Grundartanga á vegum Running Tide. Ljósm. ki.
Ríkið innheimti
framvegis ógreidd
meðlög