Skessuhorn - 26.10.2022, Blaðsíða 27

MIÐVIKUDAGUR 26. OKTÓBER 2022 27
Tveggja manna stórsveitin Hundur
í óskilum kemur fram á tónleikum
Kalman ­ listafélags í Vinaminni,
Safnaðarheimili Akraneskirkju,
fimmtudaginn 27. október nk. kl.
20. Þar blása þeir nýju lífi í gamlar
hækjur og eldhúsáhöld, grauta í
þjóðararfinum og særa fram nýjan
hljóm úr gatslitnum ellismellum
og eyrnaormum í bland við glæ­
nýtt stöff.
Þeir félagar Hjörleifur Hjartar­
son og Eiríkur Stephensen, hafa
fyrir löngu skapað sér algera sér­
stöðu í íslensku menningarlífi með
Hundi í óskilum. Ekki er alltaf gott
að henda reiður á hvar í litrófi list­
anna beri að staðsetja gjörninga
þeirra félaga, hvort hér er um að
ræða tónleika, leikhús, uppistand,
sirkus, ljóðakvöld eða hristing
úr öllu þessu. Þeir félagar hafa á
undanförnum árum slegið í gegn
með hverri leiksýningunni á fætur
annarri, bæði norðan og sunnan
heiða og hafa nú aftur tekið upp
þráðinn með sína fjórðu sýningu,
Njálu á hundavaði, þar sem þeir
skildu við hana fyrir fullu Borgar­
leikhúsi í fyrra vor.
Aðgangseyrir er 3.500 kr. og
3.000 kr. fyrir félaga í Kalman lista­
félagi. Miðasala er við innganginn.
-fréttatilkynning
Í Menntaskóla Borgarfjarðar fór
fram svokölluð Lífsnámsvika í síð­
ustu viku þar sem nemendur unnu
í hópum og að heilsutengdum ver­
kefnum. Skólinn hefur stundað
ákveðið frumkvöðlastarf á sviði
menntunnar og námið þar verið
í stöðugri þróun frá upphafi skól­
ans. Lífsnámsáfangarnir eru
afrakstur vinnu Signýjar Óskars­
dóttur, verkefnastjóra við skól­
ann, en hún leiddi starf þar sem
rýnihópar úr MB og grunnskólum
á Vesturlandi voru spurðir hvað
þeim fyndist vanta í nám. Niður­
staða þeirrar vinnu er Lífsnáms­
vikan. Blaðamaður Skessuhorns
leit við í Lífsnámsviku hjá MB og
fékk fræðslu um verkefnið frá Elínu
Kristjánsdóttur námsráðgjafa.
Fjármál, heilsa
og kynfræðsla
Lífsnámsáfangarnir eru fimm tals­
ins en einn áfangi er kenndur
á hverri önn í eina viku í senn.
Þannig fara allir nemendur skólans
í alla áfangana. ,,Allir staðnemar
skólans eru skráðir í þessa áfanga
en við byrjuðum á síðustu vorönn
á áfanga sem hét Allskyns, það er
kynfræðsla, kynvitund og allt sem
fellur undir þetta hugtak. Þessi
áfangi sem við vorum í núna heitir
Geðheil, þar er áhersla á andlega
og líkamlega heilsu. Á næstu önn
ætlum við að læra um sjálfbærni og
heimsmál, þar á eftir kemur fjár­
málalæsi og síðasti áfanginn snýr
svo að mannréttindum, lýðræði og
jafnrétti. Krakkarnir sem eru að
byrja núna í framhaldsskólanum
fara í gegnum alla fimm áfangana
og svo byrjum við aftur þannig að
á námstímanum eiga allir að fara í
þessa fimm áfanga,“ segir Elín.
Nemendur vinna
í hópum
Kennarar skólans útbúa verkefnalýs­
ingar sem falla undir þema vikunnar.
Nemendum er svo skipað í hópa sem
velja sér verkefni úr smiðju kennar­
anna. ,,Kennararnir búa til verkefna­
lýsingu sem nemendurnir velja sér
og fleiri en einn hópur getur verið
með sama verkefnið. Síðan bara
byrja þau að vinna og þau draga um
vinnusvæði og vinna dreift um húsið.
Hver hópur á sinn stað sem þau
ganga að alla vikuna en þau fá leið­
sögn kennarans sem hannaði þeirra
verkefni,“ segir Elín.
Emmsjé Gauti
hélt örtónleika
Nemendur byrjuðu þó alla daga á
að hreyfa sig en ýmis uppbrot voru
á verkefnavinnunni. ,,Þau völdu sér
stutta hreyfingu á hverjum morgni,
við vorum með jóga og slökun,
körfubolta, göngutúr og einnig
var hægt að fara í ræktina. Svo
fengum við fræðsluerindi sem inn­
legg í umræðuna, t.d. komu aðilar
frá Geðhjálp og Rauða krossinum
með fyrirlestraröð sem kallast
,,Geðlestin“ og er Emmsjé Gauti
partur af því teymi og hélt örtón­
leika eftir fyrirlesturinn. Svo kom
til okkar hópur sem heitir Heil
Heilsu miðstöð. Vikan endaði svo
á opnum degi þar sem nemendur
sýndu afrakstur sinn.“
Uppskriftarsíður,
heimaæfingakerfi
og slagorðavinna
Meðal verkefna sem nemendur
sköpuðu í vikunni var heimasíða
með næringargóðum uppskriftum,
heimaæfingakerfi og margt fleira.
,,Krakkarnir stunduðu mjög flotta
vinnu, einn hópurinn var t.d. í slag­
orðavinnu en þau notuðu Kviku að
búa til límmiða og ýmislegt fleira.
Svo var Geðhringur eitt verk­
efnið þar sem nemendur hönnuðu
gönguhring í Borgarnesi sem er í
raun æfingaplan og í leiðinni and­
leg íhugun en þau notuðu QR
kóða til að bjóða upp á heilræði á
göngunni. Svo var uppskriftasíða
þar sem búið er að reikna næringar­
gildi uppskriftanna og einn hópur­
inn er að hanna heimaæfinga­
kerfi sem á að henta öllum. Þannig
að þetta var mjög vel heppnað og
gaman að sjá afrakstur Lífsnáms­
vikunnar,“ segir Elín.
sþ
Lífsnámsvika fór fram í MB í síðustu viku
Hundur í óskilum á
tónleikum á Akranesi
Þessi hópur vann að verkefninu Geðhringur, hannaði gönguhring um Borgarnes
þar sem hlusta má á heilræði á göngu sem finna má með QR kóðum.
Þessi hópur hannaði til límmiða og fleira með hvetjandi slagorðum í Lífsnámsviku. Elín Kristjánsdóttir, námsráðgjafi í MB.
Þessar stúlkur útbjuggu heimasíðu þar sem finna má uppskriftir. Þær reikna
einnig út næringargildi hverrar uppskriftar.
Þessir drengir hanna heimaæfingakerfi sem hentar öllum.