Skessuhorn - 26.10.2022, Blaðsíða 24

MIÐVIKUDAGUR 26. OKTÓBER 202224
Veiðihúsið við Þverá í Borgarfirði
hefur fengið nýtt hlutverk en þar
fara fram Me time Iceland helgar
þegar húsið myndi annars standa
tómt yfir vetrartímann. Þær Guðný
Vilhjálmsdóttir, Katrín Sif Einars­
dóttir og Þorgerður Ólafsdóttir
standa saman að Me time Iceland
en þær eru allar menntaðar jóga­
kennarar auk þess sem Þorgerður
er lærður matreiðslumaður. Næsta
Me time helgi fer fram 4.–6. nóv­
ember en í tilefni þess sló blaða­
maður Skessuhorns á þráðinn til
Þorgerðar og fékk að forvitnast
frekar um tilgang og skipulag Me
time Iceland.
Fóru í jógakennaranám
til Nepals
Þorgerður er frá Sámsstöðum í
Hvítársíðu og Guðný frá Helga­
vatni í Þverárhlíð en þær kynntust
Katrínu þegar þær unnu saman í
veiðihúsinu við Þverá fyrir nokkrum
árum. Þorgerður segir hugmyndina
að Me time hafa kviknað þegar þær
vinkonurnar ferðuðust til Bútan sem
er land í Suður­Asíu, við Himalaja­
fjöllin. ,,Hugmyndin kemur eftir að
við Guðný fórum saman til Nepal
2019 og tókum fyrra jógakennara­
námskeiðið. Því er skipt í tvo hluta,
fyrst tekur maður 200 klukku­
stundir og svo er seinni hlutinn 300
klst. Katrín hafði klárað sitt jóga­
kennaranám árið 2018, en hún kom
til okkar þarna út þegar við vorum
búnar með fyrri hlutann. Svo fórum
við allar saman til Bútan. Þá fór
Katrín að tala um þessa hugmynd.
Við værum núna allar orðnar jóga­
kennarar og ég væri kokkur og gæti
séð um matinn. Þarna fæddist þessi
hugmynd um hvað það væri frábært
ef það væri tækifæri á Íslandi til að
kúpla sig alveg út og vinna inn á
við yfir heila helgi. Svo kom Covid
þarna svo það varð ekkert úr þessu
strax. Við hittum nokkrar vinkonur
eina helgi þegar Covid var að skella
á og héldum bara svona okkar Me
time helgi þar sem við æfðum okkur
að kenna þessum þremur vinkonum
okkar jóga og áttum notalega stund.
Þá fórum við að þróa þessa hug­
mynd betur og datt í hug að gera
þetta í veiðihúsinu við Þverá á vet­
urna þegar húsið er í lítilli notkun
en við unnum allar þrjár þar saman
fyrir mörgum árum. Ætli það hafi
svo ekki bara verið haustið 2020
sem við héldum fyrstu Me time
helgina,“ segir Þorgerður.
Tímaleysi ríkjandi
Dagskráin er aldrei alveg eins
milli helga en Þorgerður segir
dagskrána ráðast af vilja hópsins,
veðri o.fl. ,,Við erum með drög að
prógrammi inni á heimasíðu okkar
metimeiceland.com en okkar hug­
mynd er að vera í tímaleysi alla
helgina. Við erum þess vegna
ekki með tímasetningu á neinu,
en erum samt með dagskrá innan
gæsalappa í aðalrýminu svo fólk
veit að það er flæðandi dagskrá yfir
daginn. Fólk kemur seinnipart­
inn á föstudegi. Þá erum við með
rafmagnslaust kvöld og notumst
bara við kerti, nema auðvitað í eld­
húsinu. En það er arinn í stofunni
svo það er líka lýsing af honum.
Okkur finnst það vera góð skilyrði
þegar fólk er að koma úr sínu dag­
lega amstri. Fólk er beðið um að
slökkva á símanum sínum og símar
eru ekki leyfðir í almenna rýminu.
Langflestir hafa bara slökkt á þeim
alla helgina og sumir láta okkur
bara fá símana sína svo truflunin sé
alveg farin. Við viljum bara að fólk
taki sér tíma frá áreitinu. Við erum
samt með vinnusíma sem ætl­
aður er fyrir neyðartilfelli en fólk
getur gefið sínum nánustu síma­
númerið í hann svo hægt sé að láta
vita ef eitthvað kemur uppá. Í raf­
magnsleysinu kynnum við okkur
og höfum jógatíma og kvöldmat en
allur maturinn hjá okkur er vegan.
Stundum erum við með eitthvað
kósý tónlistaratriði á föstudeginum
líka. Við byrjum svo alla morgna
á jóga en af því við erum ekki
með tíma á neinu löbbum við um
með hljómskál og látum hljóma
um húsið ef eitthvað er að byrja
frammi,“ segir Þorgerður.
Þögull dagur og
kakóseremónía
Me time teymið nýtir ýmislegt til
að ýta undir áreitislausa helgi. ,,Allt
er valkvætt um helgina. Fólk getur
haft sína helgi nákvæmlega eins og
það vill. Það má sofa út og eða fara í
pottinn í staðinn fyrir jógatíma eða
hvað það er. Fólk gerir þetta algjör­
lega á sínum forsendum. Á laugar­
deginum erum við svo með þög­
ulan dag, þá biðjum við fólk um
að eiga ekki samskipti með orðum.
Það má hlægja, gráta og fíflast ef
fólk vill en það má ekki tjá sig með
orðum í einhverja nokkra klukku­
tíma. Svo förum við í svona núvit­
undargöngutúr eða ,,mindful walk,“
það er vanalega gert þennan þög­
ula tíma. Það er oft mjög notalegt
að fara í göngu án þess að segja
neitt, samt eru allir að njóta nátt­
úrunnar saman, en í hljóði. Við
stelpurnar megum samt tala til að
kynna matinn eða kenna jóga. Svo
erum við alltaf með kakóseremóníu
sem Birna Kristín Ásbjörnsdóttir
hefur verið með en hún lærði að
stýra kakóseremóníum í Suður­
­Ameríku. Fólk er yfirleitt mjög
áhugasamt um þetta. Birna er oft sú
sem rýfur þögnina en hún útskýrir
kakóseremóníuna. Hún les hóp­
inn, stundum syngjum við saman
og stundum tökum við hugleiðslu,
mjög mismunandi eftir hópum.“
Íslendingum finnst
erfitt að taka hrósi
Þorgerður, Guðný og Katrín segja
markmiðið að fólk fari með fullan
orkutank heim. ,,Inn á milli í dag­
skránni er me time, þ.e.a.s. tími
sem fólk tekur fyrir sjálft sig. Þá
getur fólk gert það sem það vill,
farið í pottinn, göngutúr, lagt sig
eða bara eitthvað. Á sunnudeg­
inum stýrum við svo umræðum
þar sem við tölum um sjálfmildi
en þar kvikna ýmsar umræður.
Við hrósum t.d. hvort öðru,
Íslendingum finnst oft mjög erfitt
að taka hrósi en hjá okkur má fólk
ekki segja neitt annað en ,,takk“ til
baka, við þurfum að læra að vera
sjálfselsk í jákvæðri merkingu.
Svo endum við helgina á hressum
jógatíma sem Katrín stýrir, en þá
gerum aðeins erfiðari æfingar. Við
viljum að fólk fari heim fullt af
orku og sé kannski aðeins búið að
kíkja inn á við. Það er mikið áreiti
í samfélaginu okkar í dag svo það
er gott að stoppa aðeins og setja
okkur í fyrsta sæti, þessi helgi snýst
mikið um það. Þú mátt bara vera
alveg sjálfselskur yfir helgina og
algerlega á þínum forsendum.“
sþ
,,Það er gott að stoppa sig af, sýna okkur
sjálfsmildi og setja okkur í fyrsta sæti“
Rætt við Þorgerði Ólafsdóttur, jógakennara og matreiðslumann
sem stendur að Me time Iceland ásamt tveimur vinkonum
Guðný og Þorgerður við útskrift úr jógakennaranámi sínu í Nepal.
Guðný, Þorgerður og Katrín í Bútan þar sem hugmyndin að Me time kviknaði.
Frá Me time - helgi í veiðihúsinu við Þverá.
Birna Kristín Ásbjörnsdóttir lærði að stýra kakóseremóníum í Suður-Ameríku
en Me time teymið hefur fengið hana til liðs við sig. Hér undirbýr Birna Kristín
kakóseremóníu á Me time helgi.