Skessuhorn - 26.10.2022, Blaðsíða 6

MIÐVIKUDAGUR 26. OKTÓBER 20226
Nýr umferðar­
vefur Vega­
gerðarinnar
LANDIÐ: Vegagerðin hefur
opnað nýjan vef á léninu
umferdin.is. Sá vefur sinnir
því hlutverki sem færðarkort
Vegagerðarinnar hefur sinnt
um árabil. Á vefnum birtast
færðar­ og veðurupplýsingar
Vegagerðarinnar en hann auð­
veldar Vegagerðinni að bæta
og auka alla upplýsingagjöf
og þróa hana til framtíðar. Í
vetur verða bæði nýi vefurinn
og færðarkortið á vef Vega­
gerðarinnar uppfært samhliða
á meðan reynsla af hinum
nýja vef fæst en honum verður
breytt og hann betrumbættur
eftir því sem þörf er á. -gbþ
Auka greiðslu­
mark í mjólk
LANDIÐ: Fram­
kvæmdanefnd búvörusamn­
inga hefur samþykkt að
greiðslumark mjólkur á árinu
2023 verði 149 milljónir
lítra. Það nemur 1,7% aukn­
ingu frá yfirstandandi ári, eða
2,5 milljónum lítra. Hækkun
greiðslumarksins er tilkomin
vegna aukinnar sölu mjólkur­
afurða. Bændum verður heim­
ilt að setja fyrrgreint magn á
innanlandsmarkað á næsta ári
og fá opinbert lágmarksverð
fyrir sem nú nemur tæpum
117 krónum á lítra. -mm
Safetravel fær
innspýtingu
LANDIÐ: Ríkisstjórnin sam­
þykkti á fundi sínum í liðinni
viku að veita Slysavarnarfé­
laginu Landsbjörgu fimm
milljónir króna af ráðstöf­
unarfé sínu vegna endur­
gerðar á vefnum safetravel.is.
Landsbjörg hefur rekið vefinn
um árabil en hann er helsti
upplýsingavefur almanna­
varna til að koma mikilvægum
skilaboðum til ferðamanna,
t.d. vegna óveðurs, ófærðar
eða náttúruhamfara. Endur­
gerð vefjarins er talin brýn
til að auka upplýsingamiðlun
og leita leiða til að ná til allra
þeirra sem fara um landið.
Landsbjörg mun áfram vinna
verkefnið í samstarfi við fyrir­
tæki í ferðaþjónustu, Sam­
tök ferðaþjónustunnar, Sam­
göngustofu, Veðurstofuna og
almannavarnadeild ríkislög­
reglustjóra. -mm
Hinseginhá­
tíð Vesturlands
í júlí
AKRANES: Á fundi Menn­
ingar­ og safnanefndar
Akranes kaupstaður 19.
október sl. kom fram að
hátíðin Hinsegin Vestur­
land verður haldin á Akra­
nesi dagana 20. – 23. júlí á
næsta ári. Þá var samþykkt
að farið verði í verkefni sem
snýr að myndatökusvæði á
Breið í tilefni 80 ára afmælis
kaupstaðarins á þessu ári.
Lagt var til að vinnuhópur
yrði myndaður og samþykkt
að Ólafi Páli Gunnarssyni
verði falin umsjón verkefn­
isins undir stjórn vinnuhóps.
Að lokum kom fram að alls
bárust sjö tilnefningar frá
íbúum um hver á að hljóta
menningarverðlaun Akra­
ness 2022 en tilkynnt verður
um valið við setningu Vöku­
daga á morgun. -vaks
Skarphéðinn
lætur af störfum
LANDIÐ: Skarphéð­
inn Berg Steinarsson hefur
ákveðið að láta af störfum
sem ferðamálastjóri frá
næstu áramótum og er sagt
frá því á vef menningar­ og
viðskiptaráðuneytisins. Lilja
Dögg Alfreðsdóttir ráð­
herra ferðamála hefur fallist
á lausnarbeiðni Skarphéð­
ins. Hann hefur verið ferða­
málastjóri frá 1. janúar 2018
og mun því hafa gegnt emb­
ættinu í fimm ár um næstu
áramót er hann hættir. Emb­
ættið verður auglýst innan
skamms tíma, en ráðherra
skipar í það til fimm ára í
senn. -gj.
Í september voru gerðar skipurits­
breytingar hjá sveitarfélaginu
Borgarbyggð, nánar tiltekið í
skipulags­ og byggingardeild sem
heyrir undir stjórnsýslusvið. Mikið
og langvarandi álag hefur verið á
þessari deild sveitarfélagsins um
langa hríð og fjöldi opinna mála.
Verkefnum hefur einnig fjölgað í
takti við fjölgun verkefna í sveitar­
félaginu. Fram kemur í tilkynningu
á vef sveitarfélagsins að legið hafi
fyrir í sumar að til að halda uppi
góðu og markvissu þjónustustigi
fyrir íbúa Borgarbyggðar þyrftu
breytingar að eiga sér stað.
Ákveðið var að Flosi Hrafn Sig­
urðsson sviðsstjóri stjórnsýslusviðs
tæki við yfirstjórn deildarinnar.
Guðný Elíasdóttir fyrrum deildar­
stjóri skipulags­ og byggingar­
deildar vinnur í dag í sérverkefnum
á sviði stærri framkvæmda og áætl­
ana sveitarfélagsins. Auk þess
fékkst heimild sveitarstjórnar til
að auka stöðugildi hjá
skipulagsfulltrúa um
einn verkefnastjóra og
hefur Margrét Helga
G u ð m u n d s d ó t t i r
verið ráðin í það starf
tímabundið. Til við­
bótar var ábyrgðar­
sviði annars starfs­
manns á deildinni
breytt og starfar við­
komandi nú eingöngu
undir skipulagsfulltrúa.
Samhliða þessum breytingum
var einnig skerpt á vinnu­
lagi, verkefnaskiptingu og verk­
ferlum á deildinni sem verða til
þess að einstök mál hljóti hraðari
afgreiðslu en áður hefur verið.
Var það til að mynda gert með
breytingu á viðaukum við samþykkt
Borgarbyggðar sem veita bæði
skipulagsfulltrúa og skipulags­ og
byggingarnefnd heimild til fulln­
aðarafgreiðslu ákveðinna mála sem
áður þurftu ætíð samþykkt sveitar­
stjórnar. Auk þess hefur öll vinna
á deildinni verið straumlínulöguð
sem verður til þess að afgreiðsla
mála, skjalavistun og úrvinnsla
umsókna er nú einfaldari og mark­
vissari en áður.
„Áfram verður unnið að þróun
umbótaverkefna á næstu mánuðum
og eru verkferlar deildarinnar í
stöðugri endurskoðun,“ segir á
heimasíðu sveitarfélagsins.
vaks
Mikið var um dýrðir í leikskólanum
Uglukletti síðastliðinn fimmtu­
dag en skólinn hélt þá upp á 15
ára starfsafmæli sitt. Fram kemur á
heimasíðu Borgarbyggðar að börnin
í leikskólanum hafi fengið að skipu­
leggja daginn eftir sínu höfði og var
meðal annars boðið upp á pizzu í
hádeginu, hengdar voru upp blöðrur
og bökuð dýrindis kaka í tilefni
dagsins. Börnin buðu einnig for­
eldrum sínum og öðrum aðstand­
endum á opið hús, meðal annars til
að sjá listasýningu sem sett var upp í
salnum sem börnin höfðu unnið að í
aðdraganda dagsins.
Fjöldi fólks heimsótti leikskólann
í tilefni hátíðarinnar og samgladdist
bæði börnum og starfsfólki.
vaks
Ugluklettur í Borgarnesi 15 ára
Breytingar hjá skipulags­ og
byggingardeild Borgarbyggðar
Það var fjör hjá þessum krökkum á afmælisdaginn. Ljósm. borgarbyggd.is
Borgarnes. Ljósm. mm