Skessuhorn - 26.10.2022, Blaðsíða 22

MIÐVIKUDAGUR 26. OKTÓBER 202222
Heima­Skagi er tónlistarhátíð á
Akranesi sem haldin er í tengslum
við Vökudaga og fer nú fram í
annað sinn. Á hátíðinni sem verður
haldin laugardaginn 5. nóvember
næstkomandi koma fram tíu lista­
menn og/eða hljómsveitir sem
spila tvisvar sinnum hver í jafn­
mörgum húsum. Því er um að ræða
eitt kvöld með alls 20 tónleikum í
það heila á tíu stöðum og stíga þeir
fyrstu á stokk klukkan 20 og þeir
síðustu ljúka leik um klukkan 23.
Þeir sem koma fram á hátíð­
inni í ár eru Lay Low sem spilar í
Akranes kirkju og á Hársnyrtistofu
Hinriks, Hörður Torfa spilar í Bíó­
höllinni og heima hjá Einsa Skúla,
Vintage Caravan verða í Blikk­
smiðju Guðmundar og hjá Guðna
og Lilju, Una Torfa verður hjá
Einsa Skúla og Mörtu og Birni
og Guðrún Gunnarsdóttir í Iðn­
skólanum og hjá Pálma og Elfu.
Skagasveitin Tíbrá spilar í Blikk­
smiðjunni og í Iðnskólanum, Jún­
íus Meyvant spilar í kirkjunni og
hjá Guðna og Lilju, Herbert Guð­
mundsson á Bárunni og hjá Mörtu
og Birni, Djass verða á Bárunni og
í Iðnskólanum og Guðrún Árný
syngur og spilar hjá Pálma og Elfu
og á Gamla Kaupfélaginu.
Hugmyndin komin
frá Færeyjum
Ólafur Páll Gunnarsson er einn af
forsvarsmönnum hátíðarinnar og
segir hugmyndina komna frá Fær­
eyjum frá manni sem heitir Jón
Tyril sem stofnaði G! Festivalið í
Götu í Færeyjum og var í hljóm­
sveit með Eivöru Páls sem hét
Clickhaze. „Þegar sú hátíð fór á
hausinn árið 2007 þá hugsaði hann:
„Djö…. væri ég til í að gera hátíð
sem væri ekkert vesen, bara lista­
menn og gestir. Engin gæsla, ekk­
ert hljóðkerfi, girðingar eða kló­
sett, bara tónlist og fólk. Þessi hátíð
heitir HOYMA í Færeyjum og ég
hitti þennan mann á Iceland Airwa­
ves árið 2014 og hann sagði mér
og Kidda Kanínu vini mínum frá
þessari hátíð sem hann var að byrja
á. Við ákváðum í kjölfarið að gera
svona hátíð í Hafnarfirði sem við
gerðum og heitir Heima í Hafnar­
firði. Svo þegar ég kom upp á Akra­
nes þá langaði mig til að búa til ein­
hverja litla tónlistarhátíð og fékk
enga betri hugmynd heldur en að
gera svona heima. Hátíðin var fyrst
haldin árið 2019 með sex hljóm­
sveitum í sex húsum. Síðustu tvö
var engin hátíð haldin vegna far­
aldursins en í ár eru tíu flytjendur og
ekkert sem stoppar það úr þessu.“
Smá púsluspil
Óli Palli segir að miðasalan gangi
vel en á fyrstu hátíðinni var upp­
selt og þá voru seldir rétt yfir 250
miðar. Það eru aðeins fleiri miðar
sem verða í boði núna þar sem
fleiri tónleikar verða í þetta skiptið.
„Stundum er það auðvitað þannig
að það komast ekki allir á þann stað
sem þeir vilja og þá verða þeir að
fara annað. Við viljum ekki að tón­
leikagestir komi að lokuðum dyrum
á mörgum stöðum en það er erfitt
að reikna þetta út, það tekur tíma
að labba á milli staða og þetta er á
misjöfnum tíma þannig að þetta er
smá púsluspil.“ Tónleikasvæðið er
allt á neðri Skaganum og Óli Palli
segir að tónlistin sé eins fjölbreytt
og húsin sem þeir verða í. „Til
dæmis verður ekki spilað í salnum
í Bíóhöllinni heldur í anddyrinu því
það er verið að reyna að fá þessa
sérstöku nánd milli flytjenda og
áhorfenda. Ef tónleikarnir verða
færðir upp á svið Bíóhallarinnar þá
verða allir upp á sviði og enginn út
í sal en það kemur í ljós síðar hvort
af því verður.“
Óli Palli segir einnig að þau
séu stolt af öllum þessum flytj­
endum sem spila á hátíðinni því
þetta séu allt listamenn sem standi
fyrir sínu. Hann segist sjálfur mjög
spenntur fyrir hljómsveitinni Vin­
tage Caravan sem hafa verið að spila
í Evrópu í allt sumar og hafa haldið
yfir 80 tónleika. Óli Palli segir að
miðað sé við að hverjir tónleikar
séu í kringum 35­40 mínútur en svo
geti ýmislegt gerst. „Til að mynda á
síðustu hátíð þegar Högni Egilsson
var búinn að spila heima hjá Einsa
Skúla þá fór hann niður í eldhús,
þar sá hann píanó og tók hálftíma
Bítlaprógramm til mikillar ánægju
fyrir þá sem urðu vitni að því.“
Taka með sér klink
Eftirpartý verður á Gamla Kaup­
félaginu með Guðrúnu Árnýju
þar sem hún skemmtir gestum og
eflaust nær upp mjög góðri stemn­
ingu. Óli Palli segir að mikilvægt
sé að enda þetta á góðum nótum.
Gestir komi saman þegar þetta
sé allt búið, beri saman bækur
sínar og syngi sig inn í nóttina.
Óli Palli segir að lokum að á tón­
leikadaginn verði opið frá klukkan
fjögur um daginn þar sem miða­
kaupendur fá armband í staðinn
fyrir miðann sinn og prentaða dag­
skrá í kaupbæti. Gestir þurfa ávallt
að sýna armbandið og gæsla verður
í höndum Skátakórs Íslands. „Í
flestum húsum verða veitingar á
boðstólum og biðjum við hátíðar­
gesti að taka með sér klink og litla
seðla til að setja í samskotabauka
sem verða í flestum húsunum. Það
sem kemur í þá rennur í veitinga­
sjóð húsráðenda. Það stefnir allt í
það að það verði uppselt í ár og það
er auðvitað ánægjulegt. Ég lofa því
að þetta verði fjölbreytt, fjörugt og
ekki síst skemmtilegt.“
vaks
Hársnyrtistofa Hinriks stendur við
Vesturgötu 57 á Akranesi og þar
hefur hún verið samfleytt í rekstri
frá árinu 1965 eða í 57 ár. Rakara­
stofan er elsta rakarastofa landsins
sem hefur starfað í sama húsnæði
en hún hefur verið rekin í þessu
litla húsi frá árinu 1937 þegar Árni
B. Sigurðsson opnaði þar stofu.
Geirlaugur sonur Árna tók síðan
við af föður sínum til ársins 1965 er
Hinrik Haraldsson keypti aðstöð­
una og hóf rekstur stofunnar 1.
október það ár. Húsið sem rakara­
stofan er í var byggt í kringum 1924
og var fyrsta símstöð bæjarins rekin
þar á árunum 1925­1934 af Valdísi
Böðvarsdóttur.
Á tónlistarhátíðinni Heima­
­Skaga mun tónlistarkonan
Lay Low halda tónleika í þessu
sögufræga húsi. Haraldur Hinriks­
son, sonur Hinna, tók við stofunni
af föður sínum árið 2020 eftir að
hafa flutt árið áður frá Danmörku.
Halli Hinna, eins og hann er alltaf
kallaður, segir að Óli Palli hafi
hringt í sig og komið með þá snið­
ugu hugmynd að halda tónleika
á stofunni. Upphaflega var mein­
ingin að Guðrún Árný ætti að koma
þarna fram en því var síðan breytt
og Lay Low talin henta betur við
stemninguna. Tónleikarnir hefj­
ast stundvíslega klukkan 22 laugar­
daginn 5. nóvember og segir Halli
að honum lítist stórkostlega á þessa
tónleika, það sé spennandi að vera
með tónleika í svona litlu húsi en
stofan er um 20 fermetrar að stærð.
„Ég man í eitt skipti fyrir ansi
mörgum árum síðan rétt fyrir jól
þegar yfir 20 manns biðu hér eftir
klippingu. Það munaði ekki miklu
að sá gamli tæki til fótanna og léti
sig hverfa, alveg búinn á því eftir
alla törnina en hann lét sig hafa
það. Það er ljóst að það komast
ekki fleiri en kannski 10­15 manns
hérna inni en það kemur allt í ljós.
Það verður virkilega gaman að
taka þátt í þessu, ég hlakka mikið
til að hitta tónleikagesti og eiga
góða stund með þeim sem koma og
kíkja á okkur,“ segir spenntur Halli
Hinna að lokum.
vaks
Tónleikar í einu minnsta húsi Akraness
Halli Hinna í gættinni á stofunni. Ljósm. vaks Halli rakari.
Miðasala gengur vel á
Heima­Skaga hátíðina
Hörður Torfa og Una Torfa spila hjá Einari Skúlasyni í ár.
Ljósm. af FB síðu Heima-Skaga
Á tónleikum heima hjá Pálma og Elfu við Grundartún árið 2019.Valgeir Guðjóns vakti mikla lukku á Heima-Skaga 2019.