Skessuhorn - 26.10.2022, Blaðsíða 8

MIÐVIKUDAGUR 26. OKTÓBER 20228
Ekið á hross
AKRANES: Á þriðju­
dagskvöld í liðinni viku var
hringt í Neyðarlínuna og
tilkynnt að ekið hefði verið
á hross á Akranesvegi. Til­
drögin voru þau að hross
hafði sloppið úr beitarhólfi
upp á veg í myrkrinu. Öku­
maður bifreiðar sá ekki
hrossið, ók á það og drapst
hrossið við áreksturinn.
Ökumaður og farþegi voru
í öryggisbeltum og bifreiðin
á löglegum hraða, að sögn
lögreglu. Bifreiðin skemmd­
ist mjög mikið og var hún
flutt af vettvangi með krana­
bíl. Ökumaðurinn og far­
þeginn fóru á HVE til nánari
skoðunar. -vaks
Með barn í
fanginu við
akstur
BORGARFJ: Síðast­
liðinn laugardag voru lög­
reglumenn við eftirlit í
Skorradalshreppi þegar þeir
sáu ökumann bifreiðar með
barn í fanginu án öryggis­
beltis og annars varnar­
búnaðar. Var ökumaðurinn
stöðvaður og á hann von á
20 þúsund króna sekt fyrir
athæfið. -vaks
Ekið á barn við
gangbraut
AKRANES: Á mánudags­
morgun var ekið á dreng á
hjóli við Espigrund á Akra­
nesi, en hann var á leið í skól­
ann. Ökumaður bifreiðar
hafði stöðvað við gangbraut
og var í þann mund að taka
af stað aftur þegar drengur­
inn hjólaði beint fyrir bílinn.
Drengurinn slapp ómeiddur
en ökumaður var í talsverðu
uppnámi eftir óhappið. -vaks
Augnlæknir og
leghálsskimun
DALIR: Guðrún J.
Guðmunds dóttir augnlæknir
verður með móttöku á
heilsugæslustöðinni í Búðar­
dal á morgun, fimmtudaginn
27. október. Þá verður
skimun fyrir leghálskrabba­
meini á heilsugæslunni í
Búðardal þann 1. nóvember.
Konur sem hafa fengið boðs­
bréf eru hvattar til að panta
tíma í móttöku heilsugæsl­
unnar. -gbþ
Aflatölur fyrir
Vesturland
15. – 21. október
Tölur (í kílóum)
frá Fiskistofu
Akranes: 4 bátar.
Heildarlöndun: 12.422 kg.
Mestur afli: Ísak AK:
9.090 kg í tveimur
löndunum.
Arnarstapi: 2 bátar.
Heildarlöndun: 91.391 kg.
Mestur afli: Kristinn HU:
58.575 kg í sex róðrum.
Grundarfjörður: 13 bátar.
Heildarlöndun: 599.095 kg.
Mestur afli: Viðey RE:
152.345 kg í einni löndun.
Ólafsvík: 12 bátar.
Heildarlöndun: 154.763 kg.
Mestur afli: Tryggvi
Eðvarðs SH: 37.152 kg í
tveimur róðrum.
Rif: 15 bátar.
Heildarlöndun: 516.945 kg.
Mestur afli: Tjaldur SH:
96.195 kg í einni löndun.
Stykkishólmur: 3 bátar.
Heildarlöndun: 15.970 kg.
Mestur afli: Bára SH:
8.134 kg í þremur
löndunum.
1. Viðey RE – GRU:
152.345 kg. 18. október.
2. Tjaldur SH – RIF:
96.195 kg. 17. október.
3. Rifsnes SH – RIF:
94.112 kg. 16. október.
4. Akurey AK – GRU:
77.226 kg. 20. október.
5. Valdimar GK – GRU:
75.955 kg. 17. október.
-sþ
Sæferðir í Stykkishólmi greina frá
því á heimasíðu sinni að Jóhanna
Ósk Halldórsdóttir hafi verið
ráðin framkvæmdastjóri fyrir­
tækisins. Tekur hún við starfinu af
Gunnlaugi Grettissyni sem sinnt
hefur starfinu síðustu ár. Jóhanna
Ósk er viðskiptafræðingur frá
Háskólan um á Bifröst. Hún tók við
stöðu svæðisstjóra Eimskips á Vest­
fjörðum fyrr á árinu og mun gegna
því starfi áfram.
Áður starfaði Jóhanna Ósk hjá
fiskeldisfyrirtækinu Hábrún sem er
með aðsetur á Ísafirði. Hún þekkir
því sjávarútveginn á Vestfjörðum
vel. „Siglingar ferjunnar Baldurs eru
mikilvægur hlekkur í almennings­
samgöngum á svæðinu og er mikill
fengur að því að fá Jóhönnu í þetta
verkefni og þannig samþætta enn
betur alla starfsemi á Vestfjörðum,“
segir í tilkynningu frá fyrirtækinu.
Sæferðir eru í eigu Eimskips.
Gunnlaugur Grettisson hefur
verið framkvæmdastjóri þar síð­
ustu ár en er nú framkvæmdastjóri
Eimskips í Svíþjóð með aðsetur í
Helsingborg. Sæferðir reka tvö
skip í siglingum á Breiðafirði,
annars vegar ferjuna Baldur, sem
siglir milli Stykkishólms og Brjáns­
lækjar með viðkomu í Flat ey, og
hins vegar Særúnu, sem notuð er
í skoðunarferðum um Breiðafjörð.
gj
Eins og fram hefur komið hafa
Baader Ísland og Skaginn 3X sam­
einað krafta sína á Íslandi. Verða
starfsstöðvar fyrirtækisins allar
reknar undir nafni Baader frá og
með næstu áramótum, þar með
talið á Akranesi. Í tilkynningu frá
fyrirtækinu kemur fram að Karl
Ásgeirsson hefur tekið við sem
viðskiptastjóri Baader á Íslands­
markaði og verður sem slíkur aðal
tengiliður við íslenskar vinnslur.
Hann tekur við starfi Jochums
Ulrikssonar sem látið hefur af
störfum hjá fyrirtækinu. Karl hefur
unnið hjá Skaganum 3X í yfir 15 ár.
Í tilkynningu frá fyrir tækinu
kemur fram að reynsla Karls
af íslenskum sjávarútvegi gefi
honum góða innsýn í þær áskor­
anir sem innlendir vinnsluaðilar
standa frammi fyrir. Hann gjör­
þekkir vinnslulausnir Skagans 3X og
Baader og hvernig þær geta skilað
útvegs aðilum meiri vinnsluhraða,
betri nýtingu og aukinni framlegð.
gj
Matvælastofnun (MAST) hefur
birt á heimasíðu sinni tilkynningu
er varðar dýraníðsmálið sem upp
kom í Borgarfirði fyrir skömmu.
Um tveir mánuðir eru liðnir frá því
fyrst var vakin athygli á málinu í
fjölmiðlum.
MAST hefur nú sent frá sér til­
kynningu um málið með yfir­
skriftinni „Vörslusvipting hrossa
vegna vanfóðrunar og vanhirðu.“
Þar segir að við eftirlit stofnunar­
innar með hrossahópi á Vestur­
landi sem metinn var í viðkvæmu
ástandi hafi komið í ljós að kröfum
um fóðrun samhliða beit hafði
ekki verið sinnt sem skildi. Stofn­
unin sendi umráðamanni hross­
anna tilkynningu um vörslusvipt­
ingu mánudaginn 17. október og
kom hún til framkvæmdar þriðju­
daginn 18. október, með aðstoð
lögreglu. Hrossin voru þá skoðuð
ítarlega og holdstiguð. Stofnunin
mat ástand 13 þeirra það alvarlegt
að aðgerðir þyldu ekki bið. Þessi
hross voru verulega aflögð auk þess
sem nokkur þeirra voru gengin úr
hárum. Að teknu tilliti til árstíma
var tekin sú ákvörðun að senda
tólf hross samdægurs í sláturhús en
eitt var aflífað á staðnum. Önnur
hross reyndust vera í ásættanlegum
holdum og var skilað til umráða­
manns. Tíu þeirra voru þó enn
metin í viðkvæmu ástandi og skyldu
njóta sérstakrar umhirðu. Málið er
því enn til meðferðar hjá stofnun­
inni þar sem kröfum um úrbætur
verður fylgt eftir.
Starfshættir MAST
til skoðunar
Steinunn Árnadóttir hestakona í
Borgarnesi vakti upphaflega máls
á óverjandi aðbúnaði hrossanna
sem hér um ræðir í lok ágúst síð­
astliðins og hefur fylgt því máli
vel eftir, einnig gagnvart MAST
sem nú sætir frumkvæðisrann­
sókn á starfsháttum í kjölfar sterk­
rar gagnrýni fyrir að hafa ekki
brugðist nógu hratt og faglega
við í þessu tiltekna máli. Fram
hefur komið af hálfu MAST að
stofnunin taki dýravelferðarmál
alvarlega og þau séu sett hratt og
örugglega í farveg.
gj/ Ljósm. sá.
Jóhanna Ósk ráðin
framkvæmdastjóri Sæferða
Frá Stykkishólmi. Baldur við bryggju. Ljósm. gj.
Karl Ásgeirsson tekur við
sem viðskiptastjóri Baader
Karl tekur við góðu búi úr hendi
Jochums Ulrikssonar sem látið hefur
af störfum.
Matvælastofnun tók til aðgerða