Heilbrigðisskýrslur - 02.12.1980, Síða 66

Skil.
Niðurstöður athugunar á gæöum skráningar heilsuvanda í Egilsstaða-
rannsókn annars vegar færslur inn á tölvuskrá og hins vegar vali
á greiningarnúmeri úr sjúkdómaskrá eru þær að færsluvillur reyndust
vera um 2% og skráningarskekkjur um 2 1/2%. Skráningarskekkjur
hafa þó nánast engin áhrif á úrvinnslu að því er snertir sjúkdóma-
tiðni eftir meginflokkum og felast flestar í vali á aukastaf.
Gæöi bæði færslna og vals á skráningarnúmeri eru því framúrskarandi
góð ef marka má þessa athugun sem geró var á 5% úrtaki.
6.5 Mat á kostnaði
Áætlun miðast við að koma upp sjúkraskrám og upplýsingakerfi
fyrir heilsugæslustöð, sem þjónar 3000 ibúum.
Upplýsingakerfi fyrir heilsugæslustöð má koma á fót í áföngum allt
eftir því hversu nákvæm skráning og úrvinnsla er fyrirhuguð.
í áætlun þeirri sem hér fer á eftir eru sett upp 3 stig skráningar
og úrvinnslu. Ekki er gert ráð fyrir kostnaði við hönnun né setningu
eyöublaöa né heldur vió forritun þar sem eyðublöó og forrit liggja
fyrir i lok rannsóknar. Verö mióast viö febr. 1980.
Stig I - Frumskráning.
Á þessu stigi felst kostnaður i prentun eyðublaóa, möppum, bindurum
i möppur og skjalaskápum eða hillum ásamt upplýsingaskrám úr þjóð-
skrá fyrir viðkomandi heilsugæslusvæði.
Á þessu stigi er ekki um að ræóa neina staðtölulega úrvinnslu um-
fram lýðfræöilega úrvinnslu úr þjóðskrá.
Stig II - Frumskráning og árleg úrvinnsla.
A þessu stigi yrði frekari úrvinnsla einkum fólgin i gerð árlegrar
sjúkdómaskrár.
Stig III - Samfelld skráning samskipta og úrvinnsla.
Á þessu stigi færi fram stöðug skráning samskipta og úrvinnsla úr
þeirri skráningu.
64
i