Fréttablaðið - 17.12.2022, Page 104

Barónsstígur 8-24
Akureyri 24/7
Reykjanesbær 24/7
extra.is
Mario Kart Go
Bílabraut, 2 bílar
9.999
Disney Encanto
Syngjandi Mirabel
7.999
Polly Pocket
Flugvél
11.999
kr.stk.
kr.stk.
Stickle Bricks
Stór kassi með
281 kubbum
7.999 kr.stk.
kr.stk.
við komum með
til þín
Vipernex Snjóþotur
48” og 50”.
Ýmsir Litir.
5.999 kr.stk.
Breytilegt úrval milli verslana
Jólin eru komin
í Extra
arnartomas@frettabladid.is
Öll verjum við aðventunni með
mismunandi hætti. Málmhausar
landsins safnast til að mynda saman
á tónlistarhátíðinni Andkristni
sem stendur yfir á Gauknum þessa
dagana.
Hátíðin var árleg þungarokks­
hátíð í Reykjavík frá 2000 til 2014,
stofnuð af Sigurði Harðarsyni,
söngvara Forgarðs helvítis, og
Aðalbirni Tryggvasyni, söngvara
Sólstafa. Kristnihátíðin hafði verið
haldin þá um sumarið og var um
margt ansi umdeild hátíð. Sigurði og
Aðalbirni þótti þannig við hæfi að
svara kristnihátíð með því að halda
tónlistarhátíð með þessu nafni.
Eitt af einkennum hátíðarinnar er
að hún er haldin í kringum vetrar­
sólstöður en eins og flestir vita eru
það kjöraðstæður fyrir svartmálm
og annað þungarokk. Dagskráin í ár
samanstendur af alíslensku heima­
brugguðu þungarokki, auk þess sem
fjórar erlendar sveitir hafa gert sér
ferð til landsins.
„Þetta er búið að ganga drulluvel
bara,“ segir Ingólfur Ólafsson, einn
af skipuleggjendum hátíðarinnar.
„Aðsóknin er búin að vera góð og
frábær stemning.“
Andkristni nær hápunkti sínum
í kvöld þegar dauðarokkararnir í
Defeated Sanity stíga á svið.
„Þetta eru algjörir risar í dauða­
rokksheimi samtímans,“ segir
Ingólfur. „Ég held að allir séu lang­
spenntastir fyrir þeim. Svo verða
líka tvö önnur erlend bönd, Morbid
Romance frá Bandaríkjunum og
Stranglewire frá Norður­Írlandi.
Þess á milli verða gæða íslenskar
sveitir líka.“ n
Andkristni á aðventunni
Vetrarsólstöðurnar eru kjörað-
stæður málmsins.
Ítalski kokkurinn Cornel Popa
tók ákvörðun um að flytja til
landsins í fyrstu Íslandsför­
inni fyrir fjórum árum. Hann
opnar í dag matarvagninn La
Cucina þar sem hann og sam­
landi hans, Roberto Tariello,
kynna ítalska matargerð fyrir
landanum.
ninarichter@frettabladid.is
„Við byrjuðum á þessu í fyrra, ég
og samstarfsmaður minn, Roberto
Tariello, sem er nú þegar búinn að
starfa á Íslandi við ítalska pylsugerð
í góðan tíma, með íslenskum hrá­
efnum undir vörumerkinu Tariello,“
segir Cornel.
Nokkrum límmiðum frá opnun
Félagarnir kynntust í gegnum
sameiginlega vini. Þeir afréðu að
kaupa Tuddann, matarvagninn frá
Hálsi í Kjós, og fara í samstarf við
bændurna á Hálsi sem útvega þeim
nautakjöt beint frá býli til pylsu­
gerðar.
„Við fórum hægt og rólega að
breyta vagninum að innan og upp­
færa hann. Við erum bara nokkrum
límmiðum frá því að geta opnað,“
segir Cornel.
Í matarvagninum er boðið upp á
klassískar ítalskar samlokur. „Í dag
er fyrsti opinberi viðburðurinn
í Hörpu, en við höfum nú þegar
séð um matinn í nokkrum einka­
samkvæmum. Útskriftarveislum
og svoleiðis,“ útskýrir Cornel. Það
verður hægt að fá samlokur úr cia­
batta brauði með ítölskum pylsum
úr íslensku hráefni úr Kjósinni, og
karamelíseruðum lauk. Við kaupum
brauðið frá Sandholti og gerum
restina sjálfir. Við verðum með tvær
tegundir af pylsum, önnur tegundin
er gerð úr hundrað prósent nauta­
kjöti úr Kjósinni og kartöflum úr
Þykkvabæ og hin er með svínakjöti
og pipar.“
Þá eru félagarnir einnig með
pastagerðarvél og stefna á að bjóða
upp á ítalska pastarétti á einkavið­
burðum.
Sósusjúk þjóð
Cornel kemur frá Puglia­héraði á
Norður­Ítalíu, þrjú þúsund manna
smábæ nálægt Gargano­þjóðgarð­
inum. Hann segist hafa komið fyrst
til Íslands fyrir helbera slysni fyrir
fjórum árum, þegar hann skellti
sér í örlagaríka helgarferð. „Ég bjó
í London í nokkur ár. Dag einn í
nóvember spurði kollegi minn
hvort ég hefði áhuga á því að koma
með honum til Íslands, en f lugið
var rosalega ódýrt. Ég sagði: Hví
ekki? skellum okkur. Við vorum
hérna eina helgi, frá föstudegi til
mánudags,“ segir hann. „Þegar ég
kom heim til London fór ég aftur
til vinnu á miðvikudegi, sagði upp
starfinu sama dag og var fluttur til
Íslands mánuði seinna,“ segir hann.
„Ég varð bara ástfanginn af landinu
við fyrstu sýn.“
Cornel segir viðtökurnar hafa
verið með besta móti og segir
Íslendinga almennt hrifna af ítölsk­
um mat. „En helsta áskorunin er að
fá Íslendinga til að prófa samlokur
sem eru ekki fullar af sósu. Það er
svona almennur hluti af samlok­
unni að hafa sósu en í okkar tilfelli
látum við safann úr lauknum sjá um
það,“ segir hann. n
Færa Íslendingum ítalska
stemningu í samlokuformi
Roberto Tariello og Cornel Popa opna matarvagninn La Cucina í dag, sem staðsettur verður við Hörpu. Mynd/Aðsend
Ciabatta-brauð úr Sandholti með
pylsum frá Tariello og karamelíser-
uðum lauk. Mynd/Aðsend
Lífið FréttAblAðið 17. desember 2022 LAUGARDAGUR