Morgunblaðið - 16.11.2022, Blaðsíða 9

FRÉTTIR
Innlent
MORGUNBLAÐIÐ MIÐVIKUDAGUR 16. NÓVEMBER 2022
9
HUGUM AÐ HITAVEITUNNI
ER ALLTAF NÓG TIL?
Samorka býður til morgunfundar ummálefni hitaveitna,
stöðu jarðhitaauðlindarinnar og forðamála.
Boðið verður upp á morgunhressingu frá 8:30.
Fram koma:
Hera Grímsdóttir, Veitur
Framkvæmdastýra Rannsókna og þróunar hjá OR
Sigurður Þór Haraldsson, Selfossveitur
Veitustjóri
Hjalti Steinn Gunnarsson, Norðurorka
Fagstjóri hitaveitu
Marta Rós Karlsdóttir, Orkustofnun
Sviðsstjóri sjálfbærrar orkunýtingar
Almar Barja, Samorka
Fagsviðsstjóri
Fundarstjóri er Lovísa Árnadóttir, upplýsingafulltrúi Samorku.
Allir eru velkomnir á fundinn og aðgangur er ókeypis.
Fundinum verður einnig streymt.
Skráning er á samorka.is
Fimmtudaginn 17. nóvember
Kl. 9:00–10:30
Kaldalóni, Hörpu
DómstóllHúsMannréttindadómstólsins í Strassborg í Frakklandi.
Svipting forsjár staðfest
lMannréttindadómstóll Evrópudæmdi ríkinu í hag
Mannréttindadómstóll Evrópu
hefur komist að þeirri niðurstöðu
að íslenska ríkið hafi ekki brotið
gegn 8. gr. mannréttindasáttmála
Evrópu, sem fjallar um friðhelgi
einkalífs og fjölskyldu, þegar
foreldrar voru sviptir forsjá yfir
tveimur börnum sínum fyrir tveim-
ur árum.
Upphaf málsins má rekja til
þess að fulltrúi í skóla stúlkunnar
tilkynnti til barnaverndarnefndar
Hafnarfjarðar árið 2015 að stúlka
hefði í viðtali við fulltrúann upplýst
að hún hefði orðið fyrir kynferðis-
legri misnotkun af hálfu föður síns.
Starfsmenn barnaverndarnefndar
Hafnarfjarðar tilkynntu málið strax
til lögreglu og var faðirinn hand-
tekinn þann sama dag. Hann sætti
gæsluvarðhaldi í framhaldi af því.
Árið 2017 var faðirinn ákærður fyr-
ir brot gegn börnum sínum en hann
var sama ár sýknaður af þessum
sakargiftum. Þeirri niðurstöðu var
ekki áfrýjað og sá dómur því endan-
legur. Hæstiréttur hafði hins vegar
í mars 2020 fallist á kröfu barna-
verndarnefndar Hafnarfjarðar um
forsjársviptingu en foreldrarnir
skutu síðar málinu til Mann-
réttindadómstólsins. Í niðurstöðu
Hæstaréttar kom fram að rétt til
fjölskyldulífs skyldi ætíð meta út
frá hagsmunum barnsins og rétti
þess til einkalífs og friðhelgi. Í
þessu fælist jafnframt að líta bæri,
eins og frekast væri kostur, til
viljaafstöðu barns við úrlausn um
málefni þess. Mannréttindadóm-
stóllinn komst að sömu niðurstöðu
þar sem það var talið börnunum
fyrir bestu, auk þess sem það væri
vilji þeirra sjálfra að búa áfram hjá
fósturforeldrum sínum.
Fjórum
sinnum
rýmt
lSíðasti vetur var
frekar snjóléttur
Fjórum sinnum var lýst yfir
óvissustigi vegna snjóflóðahættu
veturinn 2020 til 2021 og í fjögur
skipti þurfti að grípa til rým-
ingar, að því er kemur fram í yfir-
liti, sem Veðurstofan hefur birt.
Alls voru skráð 13 snjóflóð af
mannavöldum sem féllu í janúar
og fram í maí vegna skíðamanna,
göngufólks, vélsleða og troðara.
Engin alvarleg slys urðu á fólki.
Alls voru skráð 89 snjóflóð sem
féllu á vegi landsins frá 1. septem-
ber 2020 til 31. ágúst 2021.
Einna mesta tjónið, sem snjó-
flóð olli, varð á skíðasvæðinu
í Skarðsdal við Siglufjörð 20.
janúar 2020 þegar snjóflóð sem
var um 1.500 m að lengd og um
200m breitt féll þar á mannvirki.
Altjón varð á skíðaskálanum og
gámaeiningum sem voru notaðar
sem geymslur fyrir skíðabúnað.
Einnig varð tjón á troðara
Miklar aurskriður
Fram kemur í yfirlitinu að
veturinn var nokkuð hagstæður,
þá einna helst suðvestanlands,
þar var tiltölulega hlýtt, þurrt
og óvenju snjólétt en heldur
úrkomusamara var norðaust-
anlands. Gríðarlega áköf úrkoma
var á Austfjörðum dagana 14.-18.
desember og féll hún sem rigning
á láglendi en snjókoma til fjalla.
Miklar aurskriður féllu í rign-
ingunni, sú stærsta á Seyðisfirði
18. desember. Seinni hluta janúar
féllu allmörg stór flóð en dagana
18.-28. janúar var viðvarandi
norðanátt með skafrenningi og
éljum eða samfelldri snjókomu
á norðurhelmingi landsins.
Óvissustigi var lýst yfir í þremur
landshlutum og grípa þurfti til
rýminga í nokkrum bæjum.
Frá kvöldi 13. febrúar þar til að
morgni 15. febrúar var úrkomu-
samt á Austurlandi, sérstaklega á
sunnanverðumAustfjörðum. Fyr-
ir var talsverður snjór til fjalla
og féllu ofanflóð af ýmsu tagi á
Austurlandi, bæði vot snjóflóð,
krapaflóð og skriður.
Ljósmynd/Veðurstofan
TjónMikið tjón varð á skíðasvæð-
inu í Skarðsdal í janúar 2021.