Morgunblaðið - 16.11.2022, Blaðsíða 28

Í lausasölu 822 kr.
Áskrift 8.880 kr. Helgaráskrift 5.550 kr.
PDF á mbl.is 7.730 kr. iPad-áskrift 7.730 kr.
Sími 569 1100
Ritstjórn ritstjorn@mbl.is Auglýsingar augl@mbl.is
Áskrift askrift@mbl.is mbl.is netfrett@mbl.is
MIÐVIKUDAGUR 16. NÓVEMBER 320. DAGUR ÁRSINS 2022
erum oft kölluð í sérstök verkefni
og leitaraðgerðir,“ segir Davíð
Oddsson tölvunarfræðingur. Hann
gekk til liðs við hjálparsveitina
árið 2012 og valdist fljótt í að hafa
umsjón með ýmiss konar leitar-
tækni. Að fara í drónahópinn kom
því nánast af sjálfu sér og í dag er
Davíð þar í forystu fyrir 10 manna
hóp. „Við tökum 1-2 formlegar
æfingar í mánuði. Erum með tvo
stóra dróna sem notaðir eru í útköll
og leitaraðgerðir og tökum þjálfun á
þeim. Aðra tvo minni dróna höfum
við svo líka í takinu, meðal annars
svo fólk geti tekið þá með sér heim
og æft sig þar.“
Hentar í myrkri
Stærsti dróninn sem Hjálparsveit
skáta í Reykjavík á og notar er DJI
Matrice M210. Sá er með tveimur
tengjum fyrir myndavélar eða
annan búnað.
„Ef leita á að týndu fólki og fara
þarf yfir stór opin og víðfeðm svæði
eru drónar afar hentug tæki. Ekki
síst í myrkri, enda eru hitamynda-
vélarnar ótrúleg tæki. Stundum lát-
um við dróna sveima yfir leitar- eða
aðgerðasvæði. Þannig getur mann-
skapur í stjórnstöð séð nákvæmlega
hver staðan á vettvangi er og stýrt
aðgerðum eftir því,“ segir Davíð
Oddsson.
„Útkallslisti okkar er fjölmennur.
Þannig þarf þetta líka að vera;
verkefni björgunarsveita eru
fjölbreytt og því þarf í okkar raðir
fólk með ólíka reynslu, þekkingu
og áhugasvið,“ segir Oddur Valur
Þórarinsson, sveitarforingi Hjálp-
arsveitar skáta
í Reykjavík.
Um síðastliðna
helgi var 90 ára
afmæli sveitar-
innar fagnað,
það er annarrar
elstu björgunar-
sveitar landsins
og þeirrar sem
lengst hefur
starfað undir
sömu merkjum.
Margir mættu í opið hús í bækistöð-
ina á Ártúnshöfða í Reykjavík, þar
sem fólki gafst kostur á að skoða
tækjakost og ræða við liðsmenn.
Á landi og upp til fjalla
Innan vébanda Slysavarnafé-
lagsins Landsbjargar eru þrjár
björgunarsveitir í Reykjavík, hver í
sínum borgarhluta og með ákveðna
sérhæfingu. Hjálparsveit skáta er
með aðstöðu við Malarhöfða og þar
er félagið með tiltæka til dæmis
bíla, vélsleða og einn öflugasta snjó-
bíl landsins. Búnaðurinn miðast við
að hjálparsveit þessi hefur fengið
sérstaka þjálfun til leitar- og björg-
unaraðgerða á landi og upp til fjalla.
Þar getur landið allt verið undir.
Um þessar mundir eru um 120
manns á útkallslista Hjálparsveitar
skáta í Reykjavík, sem á bakland
sitt mikið til í Árbæjarhverfi,
Grafarvogi og Grafarholti. „Þar
starfrækjum við flugeldasölu fyrir
áramót. Svæðaskipting þessi er að
öðru leyti frekar lausbundin og ef
upp koma stærri útköll þá eru allar
björgunarsveitir höfuðborgarsvæð-
isins kallaðar út óháð staðsetn-
ingu,“ segir Oddur Valur.
Flygildin flýta fyrir
Innan Hjálparsveitar skáta í
Reykjavík er starfandi hópur sem
sinnir drónaflugi, en í björgunar-
starfi hefur fengist góð reynsla af
flygildum til dæmis við leit að týndu
fólki. Hitamyndavélar, sem greina
lífsmark og eru viðhengi drónanna,
geta mjög flýtt fyrir því að fólk finn-
ist, auk þess sem tæki þessi nýtast
vel þegar kanna þarf kletta, skriður,
grýttar fjörur og sambærilegar
torveldar aðstæður.
„Við erum komin með ágæta
þjálfun og við í drónahópnum
lÖflugt starf hjáHjálparsveit skáta í ReykjavíklFlyg-
ildi reyndast vellUm120manns eru á útkallslistanum
Davíð flýgur dróna
Sigurður Bogi Sævarsson
sbs@mbl.is
Morgunblaðið/Sigurður Bogi
Flugmaður Davíð Oddsson með drónann á lofti, tæki sem hefur sannað gildi sitt og ágæti í starfi björgunarsveita.
OddurValur
Þórarinsson
MENNING
Andri sýnir á sér ólíkar hliðar
á tónleikum í Salnum í kvöld
Bass-barítóninn Andri Björn Róbertsson og píanóleik-
arinn Ástríður Alda Sigurðardóttir koma fram í kvöld
kl. 20 í tónleikaröðinni Syngjandi í Salnum í Kópavogi.
Andri mun þar sýna á sér ólíkar hliðar í gaman-
söngvum, íslenskum og erlendum ljóðasöngslögum,
ástsælum óperuaríum og slögurum úr söngleikjum.
Andri hefur tekið þátt í mörgum óperuuppfærslum
í óperuhúsum Evrópu hin síðustu ár, þar á meðal í
Covent Garden, Óperunni í Lyon og Óperunni í Zürich.
ÍÞRÓTTIR
Langsótt en alltaf möguleiki
Arnar Guðjónsson, þjálfari Stjörnunnar og aðstoðar-
þjálfari danska karlalandsliðsins í körfuknattleik,
segir íslenska landsliðið hafa leikið gríðarlega vel
í undankeppni HM, þrátt fyrir töp fyrir Georgíu og
Úkraínu undanfarna viku. Ísland á enn möguleika á að
fara á lokamótið, en verður til þess að vinna Georgíu
á útivelli. „Það er langsótt að vinna í Georgíu en alltaf
möguleiki. Við spiluðum mjög góðan leik gegn Georgíu
hér heima,“ sagði Arnar m.a. við Morgunblaðið. » 23