Fréttablaðið - 12.01.2023, Blaðsíða 22

Minni ábyrgð hvílir á
herðum Arons Pálmars-
sonar í sókn Íslands á HM að
þessu sinn en stórstjarnan
úr Hafnarfirði getur komist
í fámennan en góðmennan
hóp í Svíþjóð.
kristinnpall@frettabladid.is
Landsliðsfyrirliðinn Aron
Pálmarsson ætti að komast upp
fyrir Patrek Jóhannesson sem
tíundi markahæsti leikmaður
íslenska karlalandsliðsins frá upp-
hafi á heimsmeistaramótinu sem
hófst í gærkvöld. Eftir leiki Íslands
gegn Þýskalandi um síðustu helgi
þar sem Hafnfirðingurinn spilaði
aðeins fyrri leikinn er Aron kom-
inn með 623 mörk fyrir íslenska
karlalandsliðið í 159 leikjum.
Hinn 32 ára gamli Aron hefur
verið í lykilhlutverki hjá íslenska
karlalandsliðinu í rúman áratug
og skoraði 600. mark sitt fyrir
Aron getur náð Patreki á HM
Hafnfirðingurinn er á sínu sjötta heimsmeistaramóti eftir að hafa misst af síðasta HM. Fréttablaðið/Getty
kristinnpall@frettabladid.is
Ef Ísland kemst áfram upp úr milli-
riðlunum gæti hornamaðurinn
Bjarki Már Elísson leikið sinn
hundraðasta leik fyrir Íslands
hönd í átta liða úrslitunum í
Stokkhólmi. Með því yrði Bjarki
Már fjórði leikmaður núverandi
leikmannahóps og 57. leik-
maður Íslands frá upphafi sem nær
þessum áfanga.
Bjarki sem hefur verið meðal
bestu hornamanna heims undan-
farin ár hefur fest sig í sessi sem
fyrsti kostur í stöðu hornamanns
hjá Strákunum okkar eftir að hafa
beðið um árabil eftir tækifærinu á
meðan Guðjón Valur Sigurðsson
lék með landsliðinu.
Bjarki er kominn með 93 leiki og
vantar því sjö leiki til að komast
í hundrað leiki. Ef Bjarka tekst
að spila alla leiki og Ísland kemst
í átta liða úrslitin leikur Bjarki
hundraðasta leik sinn í Stokk-
hólmi þann 25. janúar næstkom-
andi. Þá vantar hann þrjú mörk til
að ná þrjú hundruð mörkum fyrir
Ísland. n
Bjarki gæti náð hundrað leikjum
kristinnpall@frettabladid.is
Björgvin Páll Gústavsson, mark-
vörður íslenska karlalandsliðsins,
gæti orðið sá sjöundi í sögu liðsins
til að ná 250 leikjum fyrir Íslands
hönd á heimsmeistaramótinu í
Svíþjóð og Póllandi sem er að hefj-
ast. Til þess þarf Björgvin að koma
við sögu í að minnsta kosti fjórum
leikjum.
Björgvin lék 245. og 246. leiki
sína fyrir Íslands hönd í æfinga-
leikjunum gegn Þýskalandi og
vantar því aðeins fjóra leiki til að
ná 250 leikjum. Með því yrði hann
sjöundi leikmaðurinn sem nær 250
leikjum.
Þegar mótið er að hefjast er
Björgvin tólfti leikjahæsti leik-
maður Íslands frá upphafi, einum
leik á eftir Þorgils Óttari Mathie-
sen og Jakobi Óskari Sigurðssyni.
Ásgeir Örn Hallgrímsson (255),
Snorri Steinn Guðjónsson (257),
Valdimar Grímsson (271), Róbert
Gunnarsson (276) og Júlíus Jónas-
son (288) eru ekki langt undan
Björgvin en heldur lengra er í Ólaf
Stefánsson sem lék 330 leiki fyrir
landsliðið, Geir Sveinsson sem lék
340 leiki, Guðjón Val Sigurðsson
sem á að baki 364 leiki og Guð-
mund Hrafnkelsson sem á leikja-
metið með 407 leiki. n
Björgvin kemst á lista yfir leikjahæstu
kristinnpall@frettabladid.is
Ísland hefur leik á kunnuglegum
slóðum þegar Strákarnir okkar
mæta Portúgal í Kristianstad í dag.
Liðin hafa háð margar rimmur
undanfarin ár og vann Portúgal
fyrsta leik liðanna á síðasta HM.
Það hefur reynst Strákunum okkar
erfitt að byrja mótin af krafti eins
og tölfræðin sýnir.
Í síðustu fimm heimsmeistara-
keppnum hefur Ísland þurft að
lúta í gras í fyrstu umferð. Það þarf
að fara aftur til ársins 2011 þar
sem Strákarnir okkar unnu fyrsta
leik gegn Ungverjalandi en þá fór
mótið einmitt fram í Svíþjóð eins
og í ár.
Það helst í hendur við fyrri úrslit
úr fyrstu leikjum HM, þaðan sem
íslenska karlalandsliðið hefur ekki
riðið feitum hesti til þessa. Í 21
keppni hefur Ísland unnið fyrsta
leikinn sjö sinnum, einu sinni náð
jafntefli og þrettán leikjum hefur
lokið með tapi.
Þá hefur Ísland aðeins unnið
einn leik af fjórtán þegar íslenska
liðið mætir Evrópuþjóð í fyrstu
umferð, sem var einmitt fyrr-
nefndur leikur við Ungverjaland. n
Stigasöfnunin rýr í fyrsta leik á HM
Markahæstir frá upphafi:
Guðjón Valur Sigurðsson 1.875
Ólafur indriði Stefánsson 1.570
Kristján arason 1.123
Valdimar Grímsson 940
Snorri Steinn Guðjónsson 846
róbert Gunnarsson 773
Sigurður Sveinsson 736
alexander Petersson 725
Júlíus Jónasson 703
Patrekur Jóhannesson 638
aron Pálmarsson 623
Bjarki er fjórði leikjahæsti leikmaður
hópsins. Fréttablaðið/Getty
Björgvin Páll kemst á lista yfir tíu
leikjahæstu frá upphafi á mótinu.
Guðmundur þungt hugsi í leik Íslands og Þýskalands um síðustu helgi.
Fréttablaðið/Getty
Patrekur er með fimmtán marka for-
skot á Aron. Fréttablaðið/PJetur
landsliðið í sigri Íslands á Hollandi
á Evrópumótinu á síðasta ári. Eins
og staðan er í dag er Aron ellefti
markahæsti leikmaður karlalands-
liðsins frá upphafi og er Patrekur
skammt undan í tíunda sæti á
listanum yfir tíu markahæstu.
Júlíus Jónasson er enn með gott
forskot á Aron í níunda sæti listans
með 703 mörk en listann í heild
sinni má sjá hér fyrir ofan. n
Handgerðir íslenskir sófar
• Margar útfærslur í boði
• Mikið úrval áklæða
• Engin stærðartakmörk
• Sérsmíði eftir þínum óskum

Hvernig er
draumasófinn þinn?
Kíktu í heimsókn!
Opið virka daga kl. 10-18 Laugardaga 11-15

Bíldshöfða 18 - 110 Reykjavík - sími: 557 9510 - patti.is

Sjá nánar
á patti.is
8 kynningarblað 12. janúar 2023 FIMMTUDAGURHM í HAndboltA 2023