Veiðimaðurinn - 01.06.1940, Page 32

Veiðimaðurinn - 01.06.1940, Page 32
Emil Rokstad Holl ráð Emil Rokbtad er vafalaust einn helzti stangveiðimaður hér á landi. Hann er einn þeirra manna, sem hægt er að segja um, „að hafi fæðst með veiði- stöngina í hendinni". Allt frá barnæsku hefir hann fengist við stangarveiði, og heima í Noregi þótti hann þegar sem unglingur hinn efnileg- asti flugukastari. En flugu kastar hann fagurlega og með mikilli nákvæmni. Um fjöldamörg árabil fékkst hann við laxveiðar og getur litið um öxl yfir „stóra veiðidaga“. Seinni árin hefir hann aðallega stund- að silungsveiðar í Elliðavatni, — og fer þar fyrir Rokstad eins og mörgum helztu stangveiðimönnum, að hann skemmtir sér bezt við silunginn. Ekki þarf að taka fram, að Rokstad þætti hann tapa veiðimannsærunni ef hann notaði aðra beitu en flugu. Eins og vikið er að á öðrum stað í blaðinu, er Rokstad höfundur hinnar ágætu veiðiflugu „Rokstads Speciale“ — en hún hefir blekkt margan fiskinn. Fyrir þá, sem eru að byrja að veiða, eru birt hér nokkur ráð og leið- beiningar um framkomu og meðferð veiðarfæra: Verið rólegur og kyrlátur á meðan þér veiðið. Fiskarnir geta bæði séð og neyrt hreyfingar og hávaða, sem þeir forðast. Róið gætilega á veiðistaðinn og farið ekki of nálægt öðrum veiðimönnum, sem eru á sama vatni og þó sérstaklega ber þess að gæta ef maður er á vélbát. Stengumar eru hafðar aftan í bátnum og stangartoppamir látnir vita aftur. Kynnið yður dýpi og botn vátnsins með því að lóða og setjið á yður með því að miða staði í landi. Veiðistöngum er haldið við með því að bera á þær femis og lakk. Hjólin eru smurð vel með sýrulausri olíu eða feiti. Bezt er að geyma stengur á köldum stað. Sól og hiti eyðileggur samskeytin. Bezt er að veiða frá hléborða, þegar veitt er á bát. önglamir eru brýndir með „carbor- undum“ steini. Girni á að bleyta svo sem hálfri stundu áður en á að nota það. Gætið þess að melur komizt ekki í flugusafn yðar. Þurkið línuna vel eftir notkun. Takið hana helzt af hjólinu eftir hverja veiði- för. Athugið styrkleika línunnar fyrir veiðiför, með því að slíta dálítinn spotta framan af henni. Gott er að smyrja línuna við og við með feiti, en þess verður þá að gæta, að hún sé vel þurr. 30

x

Veiðimaðurinn

Direct Links

If you want to link to this newspaper/magazine, please use these links:

Link to this newspaper/magazine: Veiðimaðurinn
https://timarit.is/publication/1774

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.