Bændablaðið - 03.11.2022, Blaðsíða 2

2 Bændablaðið | Fimmtudagur 3. nóvember 2022
FRÉTTIR
www.kofaroghus.is - Sími 553 1545
TIL Á LAGER
Ítarlegar upplýsingar og teikningar ásamt ýmsum öðrum fróðleik
STAPI - 14,98 fm
Tilboðsverð
779.000 kr.
25%
afsláttur
BREKKA 34 - 9 fm
Tilboðsverð
489.000 kr.
25%
afsláttur
NAUST - 14,44 fm
Tilboðsverð
539.000 kr.
30%
afsláttur
VANTAR
ÞIG PLÁSS?
Afar einfalt er að reisa
húsin okkar. Uppsetning
tekur aðeins einn dag
TILBOÐ Á GARÐHÚSUM!
Matvælastofnun fylgist enn náið með hrossunum í Borgarnesi:
Forstjóri fagnar samtalinu við ráðuneytið um
frekari valdheimildir til að tryggja velferð dýra
Enn eru tíu hross metin í
viðkvæmu ástandi hjá umráða­
manni hrossa hóps í Borgarnesi,
sem Matvælastofnun þurfti að
vörslusvipta þann 18. október,
vegna ófullnægjandi fóðrunar.
Hrönn Ólína Jörundsdóttir,
forstjóri Matvælastofnunar
(MAST), segir að fylgst sé náið
með hrossunum. Hún fagnar
frumkvæðisúttekt Ríkis endur­
skoðunar á eftirliti Matvæla­
stofnunar með velferð dýra.
Eins og fram kom í tilkynningu
MAST 19. október var umráða­
maðurinn sviptur vörslu allra sinna
hrossa og aflífa þurfti samdægurs 13
hross, eftir mat fulltrúa stofnunarinnar
á ástandi hrossanna. Hluta þeirra var
svo skilað aftur til umráðamanns, þar
á meðal þau tíu sem eru í viðkvæmu
ástandi – til sérstakrar umhirðu. Að
sögn Hrannar Ólínu mun eigandinn
sæta mjög stífu eftirliti til að tryggja
að aðbúnaður þessara hrossa sé í lagi.
Verklagsreglur byggja á lögum
um dýravelferð
Matvælastofnun hefur setið undir
gagnrýni um að hafa ekki brugðist
fyrr við í þessu máli með skilvirkum
hætti – og raunar hefur borið á
gagnrýni í svipuðum málum sem
upp hafa komið á undanförnum
árum. Í bókun umhverfis­ og
landbúnaðarnefndar Borgarbyggðar
frá 20. október kemur til að mynda
fram að „ferlar sem MAST vinnur
eftir, virðast gefa mikið svigrúm fyrir
búfjáreigendur og telur nefndin að
ekki sé gengið nægjanlega hart fram
í að framfylgja þeim fyrirmælum
sem búfjáreigendum eru gefin í
málum sem þessum“.
Frumkvæðisúttekt
Ríkisendurskoðunar á MAST
Ríkisendurskoðun tilkynnti um
það 1. september síðastliðinn
að hún hefði ákveðið að hefja
frumkvæðisúttekt á eftirliti
Matvælastofnunar með velferð
dýra og skila niðurstöðum hennar
í opinberri skýrslu til Alþingis.
Hrönn Ólína segir að hjá MAST
sé unnið að dýravelferðarmálum
af sannfæringu um að verið sé að
fylgja verklagsreglum sem byggi
á gildandi lögum um dýravelferð
frá 2013.
„Ég á von á því að úttekt Ríkis­
endurskoðunar sýni fram á þetta. Ef
það koma einhverjar athugasemdir
inn á okkar borð um að eitthvað
þurfi að bæta í okkar verklagi, þá
gerum við það. Úttektir eru ávallt
tækifæri til bóta,“ segir hún.
Þörf á nýjum tólum og tækjum
Nýverið kallaði matvæla ráðu­
neytið eftir upp lýsingum frá
Mat vælastofnun um framkvæmd
eftirlits og verkferla vegna
velferðar dýra.
Er þar vísað til tilfella þegar
grunur leikur á að umráðamenn
séu ekki að uppfylla ákvæði laga,
hvort sem um er að ræða almennt
eftirlit eða samkvæmt ábendingum
sem berast stofnuninni. „Ég upplifi
ekki eins og spjótin standi á okkur
frá ráðuneytinu, þeirra erindi er
held ég bara mjög gagnlegt.
Ráðuneytið óskar einnig eftir
upplýsingum um hvort stofnunin
telji skort á heimildum í lögum til
að tryggja velferð dýra og grípa
til viðeigandi ráðstafana þegar
aðstæður krefjast. Þetta finnst mér
bara alveg frábært, því það verður
að segjast alveg eins og er að lögin
sem við störfum eftir voru sett árið
2013 og það hefur vitanlega margt
gerst á þessum tíma. Við teljum að
við höfum náð ágætum árangri á
undanförnum árum varðandi þessi
mál, komist fyrir ákveðinn vanda,
og um það vitnar þessi fjöldi mála
sem hafa komið fram í dagsljósið
á síðustu árum.
Við veltum fyrir okkur hvort
þessi mál sem hafa nýlega komið
upp séu annars eðlis en við höfum
átt að venjast og hvort við þurfum
þá ef til vill ný tól og tæki til að geta
brugðist almennilega við þeim,“ segir
Hrönn Ólína.
Forstjórinn fagnar
erindi ráðuneytisins
Í erindi matvælaráðuneytisins var
jafnframt farið fram á að stofnunin
upplýsi matvælaráðherra um stefnu
sína hvað varðar upplýsingamiðlun
til almennings meðan þær aðgerðir
sem snúa að velferð dýra standa
yfir og eftir að þeim lýkur.
Hrönn Ólína segist skilja reiði
fólks þegar svona erfið mál koma
upp. „Ekkert okkar vill horfa upp á
dýr sem beitt er harðræði eða eru í
aðstæðum þar sem heilsu þeirra og
lífi er ógnað. Hins vegar vil ég koma
því á framfæri að við teljum okkur
vinna að dýravelferðarmálum innan
þeirra heimilda sem við höfum, af
heilindum og einlægni.
Því fögnum við erindi ráðu­
neytisins og munum taka þátt í
því samtali sem fram undan er, af
heilum hug.“ /smh
Matvælastofnun fylgist enn náið með tíu hrossum á bæ í Borgarfirði.
Mynd / Steinunn Árnadóttir
Forstjóri MAST segir að unnið að dýravelferðarmálum af sannfæringu um
að verið sé að fylgja verklagsreglum sem byggi á gildandi lögum. Mynd / smh
Dýravelferðarmálin í Borgarfirði:
Tveir tengdir umráðamenn eiga hlut að máli
Á undanförnum dögum hafa
dýra vel ferðar mál verið til um fjöll­
unar í fjöl miðlum; annars vegar
um slæman að búnað hrossa og
hins vegar nautgripa í Borgarfirði.
Samkvæmt upp lýsingum frá
Matvælastofnun er um tvö aðskilin
mál að ræða, þar sem tveir tengdir
umráðamenn eiga hlut að máli.
Annað málið hefur komist í
hámæli á undan förnum vikum, sem
snýst um vanrækslu á hrossum.
Matvælastofnun (MAST) hefur
tilkynnt um aðgerðir sínar gagnvart
þeim umráðaaðila, þar sem fella
þurfti 13 hross og önnur tíu eru undir
eftirliti stofnunarinnar.
Hitt málið varðar nautgripi
og reyndar sauðfé á sama bæ,
en þar er annar umráðamáður
samkvæmt upplýsingum frá Hrönn
Ólínu Jörundsdóttur, forstjóra
Matvælastofnunar.
Nautgripamálinu ekki lokið
„Við höfum ekki sent út neinar
fréttir vegna annarra dýra þessara
tengdu aðila þar sem málið er enn í
gangi. MAST hefur nú þegar leyst
úr málum fyrir hluta bústofnsins.
Sauðfé sem var á bænum er til
dæmis komið annað og nautgripir
sem voru læstir inni eru komnir út.
Nautgripamálinu er bara ekki
lokið og því hefur ekkert farið frá
okkur varðandi það mál.
Það er ekki svo að við séum að
reyna að leyna neinu.
Við að sjálfsögðu viljum greina
frá þessum málum en við greinum
ekki frá þeim fyrr en málunum er
lokið,“ segir Hrönn.
Upplýsingagjöf má ekki skaða
rannsóknina
„Þar sem við erum í miðjum
aðgerðum gerir það oft málin stærri,
flóknari og viðkvæmari þegar
fjölmiðlar og samfélagið er komið
í málið líka. Þegar málin eru komin
í fjölmiðla og á samfélagsmiðla þá
getur það haft áhrif á eftirlitsþegann
og gert hann erfiðari viðureignar.
Við hins vegar greinum frá þegar
málum er lokið og það er samkvæmt
okkar upplýsingastefnu sem er á
okkar heimasíðu. Við viljum og
reynum að vera eins gagnsæ og
við getum en það má ekki verða
til þess að upplýsingagjöfin skaði
rannsóknarvinnuna og geti gert
framkvæmd aðgerða erfiðari,“
segir Hrönn.
Hún segist ekki geta farið
út í smáatriði varðandi ástand
nautgripanna. „Það var skortur
á útigöngu eins og hefur komið
fram og svo erum við að skoða
holdafar og fóðrun. Við erum að
vinna í þessu máli og höfum verið
í töluverðan tíma.“ /smh
Hluti nautgripanna sem um ræðir í
dýravelferðarmálinu í Borgarnesi.
Mynd / Steinunn Árnadóttir
Reglugerðarbreyting:
Dráttarvélar á vegum skoðunarskyldar
Samkvæmt reglugerð sem gefin
var út af samgöngu­ og sveitar­
stjórnarráðuneytinu eru eigendur
dráttarvéla sem komast yfir
40 kílómetra á klukkustund
skyldugir til að koma með þær
í reglubundnar skoðanir ef þær
eru aðallega notaðar á opinberum
vegum.
Gilda því sömu reglur um
skoðunarskyldu á þessum dráttar­
vélum og fólksbifreiðum.
Eigendur eða umráðamenn slíkra
dráttarvéla þurfa að skrá vélarnar
í þar til gerðan notkunarflokk ef
ætlunin er að nota þær á opinberum
vegum. Dráttarvélar sem ná ekki
áðurgreindum hraða og þeir traktorar
sem ekki eru notaðir á opinberum
vegum eru áfram undanþegnir
skoðun eins og áður var. Varðandi
tíðni reglubundinnar skoðunar segir
að fara skuli með ökutæki fyrst í
skoðun innan fjögurra ára eftir að það
var fyrst skráð, að skráningarárinu
frátöldu. Síðan á tveggja ára fresti,
og eftir það á 12 mánaða fresti.
/ÁL
Dráttarvélar sem eru aðallega notaðar á opinberum vegum og komast yfir
40 km/klst. þurfa að fara í reglubundna skoðun. Þessi reglugerð nær þá líka
til fjórhjóla sem eru skráð sem dráttarvélar. Mynd / Vasile Valcan