Landsfundur Sjálfstæðisflokksins - 01.12.1945, Page 30

verki. Gekk á misjöfnu í þeim samningaumleitunum
og horfði ekki alltaf vænlega, enda munu fleiri en
Framsóknarmenn hafa talið þær vonir andvana fædd-
ar. Skal hér eigi frekar út í þá sálma farið. En vegna
þeirra Sjálfstæðismanna, er harmað hafa, að Fram-
sóknarflokkurinn varð utangátta, vil ég enn taka
fram og leggja áherzlu á, að Sjálfstæðisflokkurinn
hafði gert allt, sem í hans valdi stóð til að hvetja
Framsóknarflokkinn til að gera skyldu sína. Eftir
var þá það eitt, hvort Sjálfstæðisflokkurinn átti að
svíkja sína skyldu á örlagaríkustu tímum, einungis
vegna þess, að Framsóknarflokkurinn hafði gert það.
Slíkt kom auðvitað ekki til mála. Hitt er og rétt
að menn athugi, að Framsóknarflokkurinn hefir í
mörg ár þráð og leitað samstarfs við verkalýðsflokk-
ana án þátttöku Sjálfstæðisflokksins. Ef Sjálfstæðis-
menn hefðu ekki þorað að taka á sig ábyrgð stjóm-
arsamstarfs án þátttöku Framsóknarflokksins, hefðu
þeim með því löghelgað þá forystu Framsóknar-
flokksins, sem Sjálfstæðismenn í nær 2 áratugi hafa
fordæmt og háð öfluga og markvissa baráttu gegn.
Að sjálfsögðu er miður farið, að 5 af þingmönnum
Sjálfstæðisflokksins féllust ekki á þá að öðru leyti
nær eða alveg einróma ákvörðun flokksráðs Sjálf-
stæðisflokksins að ganga til samstarfs við verka-
lýðsflokkana á grundvelli ákveðins málefnasamn-
ings. Af þessu hefir þó til þessa enginn þverbrestur
orðið í flokknum, og vænti ég, að svo verði ekki, enda
prýðilegt samstarf á milli sumra þessarra manna og
stjórnarliðsins.
* # #
28