Fréttablaðið - 24.03.2023, Blaðsíða 30

Það er svo gaman að
heyra muninn núna,
að þótt textinn í laginu
sé sorglegur þá er
orkan svo allt önnur.
Fyrsta plata Dagbjartar
Rúriksdóttur var samin sitt
hvorum megin við kaflaskil
í lífi hennar þar sem hún fór
úr helgarneyslu yfir í andlega
vakningu.
arnartomas@frettabladid.is
Söngkonan og lagahöfundurinn
Dagbjört Rúriksdóttir, eða Día eins
og hún kallar sig, hefur sent frá sér
þrettán slagara á undanförnum
árum, ýmist ein eða í samstarfi
við aðra tónlistarmenn. Í vikunni
urðu þau tímamót á ferli hennar
að hún gaf út sína fyrstu plötu sem
nefnist Týnd á leiðinni heim. Titill
plötunnar er dreginn af lífsreynslu
Dagbjartar sjálfar.
„Ég var í helgarneyslu í níu ár,
frá 16 ára til 25 ára aldurs,“ segir
Dagbjört sem fann undir lokin
hvað ástandið var orðið hættulegt.
„Hjartað var farið að slá allt of hratt,
ég var farin út í örvandi efni um
helgar og mig langaði ekki að þetta
myndi enda illa.“
Dagbjört leitaði strax hjálpar hjá
samtökum þar sem hún segist hafa
upplifað andlega vakningu þegar
hún leitaði æðri máttar á einlægan
hátt og fór í kjölfarið að hjálpa
öðrum. Hún segir ferlið hafa verið
þroskandi.
„Ég byrjaði að semja allt öðruvísi
texta eins og má heyra á plötunni,“
útskýrir Dagbjört en tvö af fimm
lögum plötunnar samdi hún áður
en hún varð edrú. „Þá var ég enn
þá mjög týnd en síðustu þrjú lögin
samdi ég eftir að ég hætti í neyslu og
er í rauninni að lýsa andlega ferlinu
að fara frá myrkri og deyfingu í að
finna sitt eigið virði, hjálpa öðrum,
öðlast tilgang og trú aftur í lífinu.“
Muninn segir Dagbjört að megi
finna í lögunum sjálfum.
„Þegar ég fer í gegnum gamlar
hljóðupptökur frá mér frá 2017–
2018 þá finn ég hvað orkan er
slæm og hvað mér leið illa. Ég var
til dæmis bara full að syngja eitt
lagið!“ segir hún. „Það er svo gaman
að heyra muninn núna, að þótt text-
inn í laginu sé sorglegur þá er orkan
svo allt önnur.“
Tónlistinni lýsir Dagbjört sem
poppi þótt þessi plata sé í hrárri
kantinum.
„Þetta er einlægur söngur með
gítar, píanó, bassa og fiðlu. Lögin
eru á íslensku og ég er í rauninni
sögumaður í eigin lífi en bara í
söngformi. Allt sem ég syng um er
hundrað prósent frá hjartanu um
eitthvað sem er að gerast í mínu
eigin lífi.“
Samhliða áframhaldandi sjálfs-
betrun segist Dagbjört hafa nóg á
könnunni.
„Ég er búin að vera edrú núna í
þrjú ár og nær fjóra mánuði,“ segir
hún. „Ég hef mikið verið að verja
virku dögunum mínum í að passa
systurdóttur mína sem hefur verið
alveg frábært. Svo er ég auðvitað
alltaf í tónlistinni og það er fullt af
meira efni á leiðinni frá mér – ég er
sko alls ekkert að hætta hér!“ n
Dagbjört fann leiðina aftur heim
Í HELGARBLAÐINU |
Plata Dagbjartar, Týnd á leiðinni
heim, var gefin út á Spotify í vikunni.
Dagbjört segist
vera rétt að
byrja og er með
nóg af tónlist í
bígerð.
FRéttABLAÐIÐ/
ANtoN BRINk
Wick gæti verið að kveðja að sinni.
arnartomas@frettabladid.is
Fjórða og mögulega síðasta
myndin um spengilega laun-
morðingjann John Wick verður
frumsýnd í kvöld. Bíónördinn
Hafsteinn Sæmundsson, sem er
svo heppinn að hafa nú þegar séð
myndina, segist hiklaust ætla að
sjá hana aftur í bíó.
„Ef þetta er lokamyndin þá eru
þeir að ljúka þessu með svaka
stæl,“ segir Hafsteinn. „Ég er mikill
hasarmaður og það hafa verið fáar
myndir á sama stalli og John Wick-
myndirnar á síðasta áratugnum,
að minnsta kosti í Bandaríkj-
unum.“
Það virðist vera lítið pláss fyrir
hefðbundinn hasar á kvikmynda-
markaði sem er stokkbólginn af
ofurhetjum í tölvugerðum búning-
um. Er John Wick þá Rambó nýrrar
kynslóðar?
„Já, ég get hiklaust tekið undir
það. Ég myndi samt alltaf taka
Wick fram yfir Rambó! “ svarar
Hafsteinn hlæjandi. „Þær verða
eiginlega bara betri og betri með
hverri myndinni.“ n
Myndi frekar velja
Wick en Rambó
Ég er mikill hasar-
maður og það hafa
verið fáar myndir á
sama stalli og John
Wick-myndirnar á
síðasta áratugnum, að
minnsta kosti í Banda-
ríkjunum.
Hafsteinn
Sæmundsson,
kvikmynda-
áhugamaður
Siglingin
breyttist í
martröð
Í stað þess að fagna fertugs-
afmæli eiginmanns síns, Ríkharðs
Arnar Steingrímssonar, um borð í
skemmtiferðaskipi við Bahamaeyj-
ar eins og ráðgert var, sigldi Iðunn
Dögg Gylfadóttir ásamt ungum
sonum þeirra tveimur frá skipinu
með eiginmann sinn og föður þeirra
í líkpoka.
Ekkert meira töff
en lúðrasveit
Þorkell Harðarson brennur fyrir því
að skemmta fólki, ekki bara fólki
heldur hinum svokallaða „bol“, sem
útleggjast mætti sem almúganum.
Eftir tvær veiðiferðarmyndir er sú
þriðja í pípunum og í næsta mánuði
blæs hann ásamt lúðrasveitinni
Svani til eitísveislu í Hörpu.
Lofar skagfirskri sveiflu
Skagfirski sveiflukóngurinn Geirmundur Valtýsson held-
ur söngkvöld í Salnum í Kópavogi annað kvöld. Hann
varð þjóðþekktur árið 1972 þegar lagið hans Bíddu við
fór á topp íslenska listans. Geirmundur heldur nú bæði
hross og sauðfé á Geirmundsstöðum en sinnir tónlistinni
enn vel.
18 lífið FRÉTTABLAÐIÐ 24. MARS 2023
fÖSTUDAGUR